16. સ્થિરતા (૧૦ મિનિટ)

૪૫ મિનિટને અંતે મોટી ઝાલર વાગશે. તમે જ્યાં હો ત્યાં, જે સ્થિતિમાં હો, તે સ્થિતિમાં જમીન પર ઢળી પડો. કેવળ પડી રહો ! શાંત અને સ્થિર થઈ જાવ. ઉત્તેજિત ગતિમાંથી અચાનક

સ્થિરતાનો એકાએક ફેરફાર થતાં તમે એકાદ ક્ષણ માટે ખાલીપો અનુભવશો. તમારા મનમાં કોઈ જ વિચારો નહિ હોય; કેવળ નીરવતા. થોડી જ ક્ષણોમાં, વિચારો પાછા આવવા લાગશે. શાંતિથી વિચારોનું નિરીક્ષણ કરો. તેની સામે લડો નહિ, તેની અંદર ખોવાઈ ન જાઓ. માત્ર સભાન રહો. તમારી અંદરની કાયમી શાંતિ સાથે સભાન રહો. પ્રગાઢ આંતરિક શાંતિ, જે વિચારો પાછા આવ્યા પછી પણ ટકી રહેશે. આ શાંતિ, આ નીરવતાને આખા દિવસ દરમ્યાન તમારી સાથે રાખો, તમારી નિદ્રામાં પણ તેને સાથે રાખો. તમે જાગશો ત્યારે તમે નવા જ, તાજગીભર્યા લાગશો.