56: உள்ளுலக விசா🔗

❖ முதலில் மனதின் சப்தம் கேட்கப்பட வேண்டும். இரண்டாவதாக மனதின் இயக்கம் புலப்பட வேண்டும். மூன்றாவதாக மனதைப் புரிந்து அதைக் கடக்க வேண்டும். இவை அனைத்தும் நிகழ உணர்வுத் தெளிவு தேவை. உணர்வுத் தெளிவை அதிகப்படுத்துங்கள்.

அதற்கு சில டிப்ஸ்..

❖ கர்வம், தாழ்வுமனப்பான்மையைவிட பல மடங்கு மேல்! என்ன ஆச்சரியமாக இருக்கிறதா... கர்வத்தால் பேசிய வார்த்தைகளுக்கு இன்றோ நாளையோ சமுதாயத்திடம் கொட்டு வாங்கியே தீர வேண்டும். சமுதாயம் அடக்கிவிடும்.

❖ தாழ்வு மனப்பான்மையால் ஒருவர் தன்னை தாழ்த்திக் கொண்டால் சமுதாயம் கொட்டாது. மாறாக சமுதாயம் மதிக்க ஆரம்பித்து விடும். இவற்றால் அகங்காரம் மிக, மிக ஆழமாக வளர ஆரம்பித்து விடும். அகங்காரத்தின் பாதிப்பு வெளியில் தெரியாது. ஆனால் சம்பந்தப்பட்டவரை மட்டும் பாதிக்கும். நிம்மதியைக் குலைத்துவிடும்.

❖ நீங்கள் யோசித்தபடி அடக்கமாக, ஒடுக்கமாக இருந்தால் நிச்சயம் தவறில்லை.

ஆனால்... அடக்கிக் கொண்டும், ஒடுக்கிக் கொண்டும், இருந்தால் அது நிச்சயம் தவறு. நீர் தேங்கினால் விஷமாகும். சக்தி தேங்கினால் துர்சக்தியாகும். இது பெரும் பாதகத்தையே விளைவிக்கும். அகங்காரம் என்னும் புண், புரையோட ஆரம்பித்துவிடும். மனம் கெட்டு உள்ளுலக வாழ்க்கையில் தனிப்பட்ட உணர்வு சம்பந்தப்பட்ட வாழ்க்கையில் துர்மணம் வீச ஆரம்பிக்கும்.

❖ சொர்க்கத்தை எட்டிப் பார்க்க வேண்டுமா?

❖ நரகத்தை எட்டிப் பார்க்க வேண்டுமா?

❖ சாத்தியம் இல்லாததில்கூட சாத்தியம் ஆவதற்கான சிறு சாத்தியக் கூறுகள் மட்டும் மனக்கண்களுக்கு தெளிவாகத் தெரியும்.

❖ மனம் சோர்வுற்றிருந்தால் - படையே உடன் இருந்தாலும் பயம் இருக்கும்! பெரிய வெற்றி கூட ‘இப்போதைக்கு இது O.K.’ அடுத்த தோல்வி எப்ப வருமோ? என்று யோசிக்கத் தோன்றும்! சாத்தியமாகக் கூடியதில் இருக்கும் சிறிய சாத்தியமின்மைகள் மட்டும் மனக்கண்களுக்குத் தெளிவாகத் தெரியும்!

❖ சரியான மனத்தெளிவு இல்லாமல் போனால்தான் துக்கம் ஏற்படும்.

❖ இறந்த காலத்தின் கசப்பான அனுபவங்களும், எதிர்காலத்தைப் பற்றிய நம்பிக்கையின்மையும், பயமும்தான் துக்கமாக வெளிப்படுகிறது.

❖ பலர் துக்கப்படுவதற்கு காரணங்களைத் தேடிக் கண்டுபிடித்து துக்கப்படுகிறார்கள்.

❖ வாழ்வில் எப்போதாவது துக்கம் அனுபவிப்பது சாதாரண விஷயம். ஆனால் எப்போதுமே துக்கம் அனுபவிப்பது கொடுமையிலும் கொடுமை!

❖ பலருக்கு துக்கம் என்பது ஒரு மனப்பழக்கமாகவே மாறிவிட்டது. துக்கமோ மனச்சோர்வோ உங்களை ஆட்கொள்ளாமல் இருக்க எளிய வழிகள் சில... எப்போதும் உற்சாகமாக, சுறுசுறுப்போடு இருங்கள். வெறுமனே உற்சாகமாக இருப்பது என்பது இயலாத விஷயம்.

❖ பாதகத்தைப் பார்த்து தயங்கினால் வாழ்வின் பாதையே மங்கலாகி வாழ்வே இருண்டு விடும்.

❖ ‘துணிச்சல்’ மனித இனத்துக்கு கிடைத்த மாபெரும் பரிசுகளில் ஒன்று.

❖ தயக்கம்! மயக்கம்! என்ற இரண்டுமே துணிச்சலற்ற தன்மையின் வெளிப்பாடுகள்.

❖ இந்த நிமிடத்தில் உங்களிடம் இருக்கும் நிகழ்காலத்தில்தான், எதிர்காலத்தில் தலைவிதி எழுதப்பட்டிருக்கிறது.

❖ ஒரு சிறிய ஆலம் விதைக்குள் மறைந்திருக்கும் மிகப்பெரிய ஆலமரத்திற்கு இணையானது, உனக்குள் இருக்கும் துணிச்சல்.

❖ ஒவ்வொரு பிரச்சினை என்கிற கர்ப்பத்திற்குள்ளும் - தீர்வு என்கிற குழந்தை இருக்கிறது.