பொருளடக்கம்🔗

11. வயப்படாததையும் வயப்பட
வைக்கும் வசியக்கலை

13. நீங்கள் வாழக்
கற்றுக்கொள்வதற்காக...

14. தெரிந்துகொள்ள வேண்டிய
தெரியாதவைகள்

16. சாதனையைப் பகுப்பாய்வு
செய்யுங்கள்

17. செயல் சிறியது... பலன்
பெரியது!

29. மனிதனை துன்பத்தில்
மூழ்கடிப்பவை

33. மீண்டும் மீண்டும் வரும்
மீளாத்துன்பங்கள்

35. வருந்துவதைவிட திருந்துவதே
ஞானம்

38. ஞானகுருவிடமிருந்து
முழுப்பலனைப் பெற...

41. நம் கட்டுப்பாட்டில் நாமில்லை...
ஏன்?

49. வாழ்க்கையை ஜெயித்துக்
காட்டுங்கள்!

50. அருமையான உலகத்தை
உருவாக்கலாம் வாங்க!

59. பாதகத்தை சாதகமாக்கும்
துணிச்சல்

66. இறைவனால் கூட காப்பாற்ற
முடியாது.

69. யார் சிக்கித் தவிக்கும்
குடும்பஸ்தராவார்கள்?

❖ எந்த ஒரு பைத்தியமும் தன்னை பைத்தியம் என்று
சொல்லிக்கொள்ளாது, ஏற்றுக்கொள்ளாது. இதில்
பாதிப்புமில்லை, பலனுமில்லை.

❖ எந்த ஒரு முட்டாளும் தன்னை முட்டாள் என்று
சொல்லிக் கொள்ள மாட்டான்.
எண்ணிக் கொள்ளவும் மாட்டான். இதில்
பாதிப்புண்டு, ஆனால் பலனில்லை.

❖ அதேபோல், எந்த ஒரு புத்திசாலியும் தன்னைப்
புத்திசாலி என்று சொல்லிக் கொள்ளவோ,
எண்ணிக் கொள்ளவோ மாட்டான்.
இதில் பாதிப்பில்லை, நிச்சயம் பலனுண்டு.

❖ நீங்கள் பாதிப்படைந்தவரா? பலன் அடைந்தவரா?
நீங்கள்தான் தேர்வு செய்து முடிவு சொல்ல
வேண்டும்.

❖ தன் தகுதியையும், தன் தெளிவையும் கணக்கில்
கொள்ளாமல் 'நான் ஒரு புத்திசாலி' என்று
அழுத்தமாக (தெரிந்தோ, தெரியாமலோ)
நினைக்கும், நினைவு என்ற விதையில்
இருந்துதான் 'முட்டாள்தனம்' என்னும் முட்புதர்
நமக்குத் தெரியாமலே வளர்கிறது.

❖ வாழ்க்கையில் ஆக்கப்பூர்வமாக எதையும்
செய்யாமல் சோம்பேறியாக இருப்பது நிச்சயம்
முட்டாள்தனம்.

❖ அதற்காக ஓய்வே இல்லாமல் உழைத்துக்
கொண்டே, சம்பாதித்துக் கொண்டே இருப்பது
புத்திசாலித்தனமல்ல.

❖ ஒவ்வொருவருக்கும் மற்றவரின் குறைகள்
பளிச்சென்று தெரிகிறது. ஆனால் அவரவரின்
குறைகள் மங்கலாக கூடத் தெரிவதில்லை.

❖ வாழ்க்கையை முழுமையாக வாழ்ந்த திருப்தி
நம்மிடமில்லை என்றாலே, நன்றாக புரிந்து
கொள்ளுங்கள்... இறைவன் நமக்குக் கொடுத்த
புத்திசாலித்தனம் என்னும் சக்தியை நாம்
பயன்படுத்தவில்லை என்று.

❖ திருப்தியை வீணடிக்கச் செய்யும் முட்டாள்தனங்கள்
எங்கு ஒளிந்திருக்கின்றன என ஆராயுங்கள்.
கலந்தாலோசியுங்கள்.

❖ ஒருவேளை உங்களைப் போலவே உங்கள்
உறவுகளும் மற்றவர்களின் குறைகளைச்
சரியாய் சுட்டிக் காட்டும் புத்திசாலிகளாக

❖ வாழ்வின் ஒவ்வொரு நிகழ்ச்சியையும்
முழுமையாக அனுபவிக்க, இயல்பாக வாழ,
இறைவன் கொடுத்த புத்தி என்னும் சக்தியை
முழுமையாகப் பயன்படுத்த ஆரம்பியுங்கள்.
புத்திசாலித்தனம் பொங்க ஆரம்பித்துவிடும்.
வாழ்ந்த திருப்தி கிடைக்குமளவுக்கு அனுபவித்து
வாழ ஆரம்பிப்பீர்கள்.

❖ 'விழிப்புணர்வோடு இரசித்து ஈடுபடும்போது
ருசித்தல் ஒரு தியானம்'.
ஆனால், நூற்றுக்கு தொண்ணூற்றி ஒன்பது
மனிதர்கள் விழிப்புணர்வின்மையிலேயே
வாழ்வதால், அதே ருசிக்கு அடிமைகளாகி
விடுகிறார்கள். உடலுக்கு உற்சாகமளிக்க வேண்டிய
உணவே உபத்திரவங்களை உருவாக்க ஆரம்பித்து
விடுகிறது.

❖ ருசிக்கு அடிமையானவன் - பசிக்கு
புசிக்காமல், ருசிக்கு புசிக்க ஆரம்பிக்கிறான்.
ருசிக்கு புசிப்பதால்... உடலின் உண்மைத்
தேவையை மீறி உடலுக்குள் விதவிதமாய் உணவு
கொட்டப்படுகிறது.

❖ உடல், உருசியின் குப்பைத் தொட்டியாக
மாறிவிடுகிறது.

❖ மனிதனுக்கும் மிருகத்திற்கும் இடையிலிருக்கும்
ஒரு மிகப்பெரிய வித்தியாசத்தைத் தெரிந்து
கொள்ளுங்கள்.
மனிதன் உருசிக்குச் சாப்பிடுகிறான்.
மிருகங்கள் பசிக்குச் சாப்பிடுகின்றன!