விவாதத்தின் நெடி!🔗

❖ விவாதங்களை ஆழமாக ஆராய்ந்துப் பார்த்தால், பெரும்பாலும் இருவருடைய கருத்துகளுமே தவறாக இருக்கும்.

❖ கொஞ்சம் யோசித்துப் பார்த்தால் உண்மை புரியும். நாம் ஒரு கருத்தைச் சொல்லிவிட்டோம் என்ற ஒரே ஒரு காரணத்திற்காக, நம் கருத்தை நிலைநிறுத்த உதவும் எல்லா விஷயங்களையும் வாதங்களாக எடுத்து வைப்போம். ஒருவேளை எதிராளியின் கருத்தை நாம் சொல்லியிருந்தால் அதற்குத் தக்கபடி நாம் பேச ஆரம்பித்திருப்போம்.

❖ எதிராளியைப்போல் நாம் பேசியிருப்போம். நம்மைப்போல் எதிராளி பேசியிருப்பார்.

உங்களின் எல்லா மனவருத்தங்களுக்கும் மூலக்காரணத்தை யோசித்துப் பாருங்கள்... விளையாட்டாக ஆரம்பித்த கருத்து மோதல் விவாதமாக மாறி, பின் வாதம் வாக்குவாதமாகி, வாக்குவாதம் சண்டையாகி மன வருத்தம் வந்திருக்கும். பிடிவாதத்தின் வெளிப்பாடுதான் வாக்குவாதம்.

❖ வாக்குவாதத்தின் நெடியை உணர்ந்து, விவாதத்தின் வாதத் தன்மையை அறிந்து அதிலிருந்து உங்களையும், உங்கள் தன்மையையும் காப்பாற்றிக் கொள்ள ‘விட்டுக் கொடுக்க’ கற்றுக் கொள்ளுங்கள்.

❖ பண்பும், அமைதியும் மிச்சமாகும். மன வருத்தங்கள் குறையும். நீங்கள் உங்களுக்குள் விருத்தி அடைவீர்கள்.