சரணாகதி🔗

❖ என் உடலும் தியானத்திற்கு வளையாது,
என் மனமும் தியானத்தால் அடங்காது,
ஆனால் எனக்கு ஆன்மீகத்தில் முழு
நம்பிக்கை உண்டு - என்று சொல்லும்
மனிதனுக்கு சரணாகதிதான் எளிய வழி.

❖ துக்கத்தைத் தாண்டி,
கவலையில்லாத ஆனந்த வாழ்விற்கு
துரிதமாக அழைத்துச் செல்லும்
ராக்கெட்தான் சரணாகதி.

❖ மேற்சொன்ன வரிகளை ஒன்றுக்கு இரண்டு முறை
படித்து, மனதில் தக்க வைத்துக் கொண்டாலே
குழப்பத்தைப் பாதி தூரம் ஓட்டிவிடலாம்.

❖ பிரச்சினை குழப்பத்தில் இல்லை,
குழப்பத்தை நீங்கள் அணுகும்
முறையில்தான் இருக்கின்றது.

❖ குழப்பமே குழம்புமளவுக்கு குழப்பத்தை
குழப்புவது, குழப்பத்தை குழப்பம்
இல்லாமல் எதிர்கொள்ளும் போதுதான்
சாத்தியம்.

❖ குழப்பத்தை முழுமையாக வரவேற்றுக்
கொள்ளுங்கள்.
குழப்பத்தின் உச்சிக்குச் சென்றாலும்
பயப்படாதீர்கள்.
குழப்பத்தைத் தாண்டிய அடுத்த நிமிடம்
தெளிவு கிடைத்துவிடும்.
இது சூட்சுமமான உண்மை.

❖ கிளர்ந்தெழுவதும்,
பொங்கியெழுவதும் முழுக்க முழுக்க
உங்களுடைய கட்டுப்பாட்டில் இருந்தால்
நீங்கள் வாழ்கிறீர்கள் என்று அர்த்தம்.
இல்லாவிட்டால்...
கொந்தளிக்கும் உணர்ச்சிகள் அவை வாழ,
உங்களைக் கருவியாகப் பயன்படுத்திக்
கொள்கின்றன என்று அர்த்தம்.

❖ கோபிப்பதும்,
ஆசைப்படுவதும்,
துக்கப்படுவதும்
பெரும்பாலும் நம் கையிலில்லை.
இப்படி நிகழ்வது ஏன்?

❖ ஒவ்வொரு மனிதனும்
ஒவ்வொரு விதமானவன்,
தனியானவன்.
இது நிகழ்வது எப்படி?

❖ தொடர்ந்து துன்புறுத்துபவர்கள்,
காரணமில்லாவிட்டாலும்
கவலைப்படுபவர்கள்,
தொட்டதுக்கெல்லாம் எரிச்சலடைபவர்கள்.
அப்படித் தொடர்வது எதனால்?

❖ ஏன்? எப்படி? எதனால்?
இந்த மூன்று கேள்விக்கும்
ஒரே பதில் - அதுதான் மனித சுபாவம்.

திட்டுவதற்கும், சில நேரங்களில்
கொஞ்சுவதற்கும் பெயர் 'வளர்ப்பு' அல்ல.
இந்த உண்மை புரியவரும்போது குழந்தையை
வளர்க்க நீங்கள் வளர்ந்திருக்க வேண்டும்
என்பதும் புரிய வரும்.

❖ இரண்டாவது, ஒரு குழந்தைக்குச் சராசரி
பெற்றோர்கள் ‘வளர்க்கிறேன்’ என்ற பெயரில்
செய்யும் கெடுதல்களை தெரிந்துகொள்ளுங்கள்.
குழந்தையை வளர்க்க நீங்கள் வளருங்கள்.
இரண்டுமே 100% சரி.