மனிதர்களை மனிதர்களாக🔗

✦ பலரும் இயல்புக்கு மாறாக, தாங்கள்
கற்பனை செய்து வைத்திருக்கிறபடி
தான் ஆட்களைத் தேடுகிறார்கள்.

✦ கற்பனையில் இருக்கும் தன் எதிர்
கால மனைவியின் அழகுக்கும்,
அன்பிற்கும், நிஜத்தில் வந்திருக்கும்
மனைவியின் அழகுக்கும், அன்பிற்கும்
பெரும்பாலும் சம்பந்தமே இருப்பது
இல்லை.

அதேபோல் தனது கற்பனையில்
இருக்கும் எதிர்கால கணவனின்
பண்பிற்கும், பாசத்திற்கும் நிஜத்தில்
வந்திருக்கும் கணவனின் பண்பிற்கும்,
பாசத்திற்கும் பெரும்பாலும் சம்பந்தமே
இருப்பது இல்லை. காரணம் இயல்புக்கு
மீறிய அதீத கற்பனைகள்தான்.

✧ தன்னைப் போன்ற எல்லாவிதமான
உடல் மன தடுமாற்றங்கள் நிறைந்த
ஒரு பெண்தான், தனக்கு வரப்
போகும் மனைவியாக இருப்பதற்
கான வாய்ப்பு அதிகம் என்ற நிஜம்,

இயல்பாகவே தங்களை மகாராஜாக்
களாக கற்பனை செய்து கொள்வதும்,
அவர்களின் மனதின் அடி ஆழத்தில்
கர்வம் உருவாகுவதும் இயல்பு.

இந்த கர்வம்தான் மலர் போன்ற
பெண்மையை மதிக்கத் தவறி மிதிக்கத்
தூண்டுகிறது.

✧ குழப்பத்தை நீங்கள் வெறுக்கத்
தேவையில்லை; நீங்கள் வளரு
கிறீர்கள் என்பதற்கான அறிகுறி
தான் குழப்பம் என்பதைப் புரிந்து
கொள்ளுங்கள்.

✧ எது சரி - எது தவறு என்ற தெளிவை
ஏற்படுத்தும் மனதின் செயல்முறை
தான் குழப்பம்.

✧ தெளிவு என்ற குழந்தை நம்முள்
பிறக்க நாம் படும்பாடுதான் குழப்பம்.
குழப்பத்திற்கு பயந்து குழப்பத்தைக்
கலைக்க நீங்கள் முயற்சி செய்வதால்
எவ்வளவு முறை தெளிவைப் பிறக்க
விடாமல் கருவிலேயே கலைத்
திருக்கிறோம் என்பதைக் கணக்
கிட்டுக் கொள்ளுங்கள்.

◇ ஒவ்வொரு இறை சந்நிதியும் உலகின்
சிறு, சிறு சக்தி நிலையங்கள் (Energy
hours).

மனம் திறந்திருந்தால், அதாவது
திறந்த மனதோடு இருந்தால் இயற்கை
விதிப்படி, சக்தி குறைவாக இருக்கும்
நம்முள் தேவையான அளவு சக்தி வந்து
நிரப்பி விடும்.

✦ உங்களுக்காக காத்துக் கொண்டிருக்கும்
ஆத்மாவை நீங்கள் திரும்பிப் பார்க்க,
நீங்கள் ஆத்மாவில் கலக்க உதவுவது
தான் ஒரு குருவின் பணி.

✧ நாம் யார், எப்படிப்பட்டவர்கள்
என்று நாம் நினைப்பதை விட
மற்றவர்கள் நம்மைப் பற்றி என்ன
நினைக்கிறார்கள் என்பதற்குத்தான்
அதிக மரியாதை கொடுக்கிறோம்.
இது உங்களை நீங்களே அவமரியாதை
செய்வதற்குச் சமம்.

✧ சிரிப்பில்லா முகத்திற்கும் செத்துப்
போன முகத்திற்கும் வித்தியாசங்கள்
மிகக் குறைவு.

✧ சிரிப்பு - உடல், மனம், உயிர் என்ற
மூன்றும் சீராய இயங்கி கொண்டி
ருக்கிறது என்பதற்கான அறிகுறி.

✧ சிரிப்பது, சிரிக்க வைப்பது என்பது
எல்லோராலும் முடிந்துவிடக் கூடிய
சாதாரண விஷயம் அல்ல.

✧ சிரிக்கத் தெரியாத சிலர், அது
ஒன்றும் சீரியஸான விஷயம்
இல்லை என்பார்கள் - இது தவறு.

✧ நலிவடைந்த மனதை பெற்றவன்
வாழ்வின் எதிர்பாராத திடீர், திடீர்
திருப்பங்களில் புகுந்து வெளிவருவது
கடினம்.

✧ வாழ்க்கையின் நெளிவு, சுழிவுகளில்
புகுந்து வெளிவர ஒவ்வொருவருக்கும்
தெளிவு என்பது மிக அத்தியாவசிய
மான தேவைகளில் ஒன்று.

✧ தெளிவு மலிவானதல்ல - ஒரு
சில புத்தங்களைப் படித்தவுடன்
கிடைப்பதற்கு !

பல தனி மனித அனுபவங்களின்
தொகுப்புதான் தெளிவை உண்டு
பண்ணும்.

◇ பாதுகாப்பின்மையை (Insecurity)
எதிர்த்தே வாழப் பழகியதின் பக்க
விளைவாக மனிதனைத் தொற்றிக்
கொண்ட குணம்தான் 'பற்றுதல்'.

பெருமைக்காக, புகழுக்காக ஆடம்பர
மாக உங்களுடைய பொருள்களை
விரயம் செய்வது,

பொறுமையின்மையால், வெறுப்பால்,
சலிப்பால், கர்வத்தால் உங்களுடைய
சொந்தங்களையும், நண்பர்களையும்
முழுமையாகப் புரிந்துகொள்ளாமல்
கடமைக்காக வாழ்வதுதான் மனப்
பற்று.

✧ பக்கவாதம் உடலை மாத்திரம்தான்
முடமாக்கும். பிடிவாதம் உடல், மனம்
என்ற இரண்டையும் முடமாக்கும்.

✧ மனிதனுக்குள் ஒளிந்து கொண்டு,
அவ்வப்போது வெளியில் வந்து
மற்றவர்களையும் அந்த மனிதனையும்
நாசம் செய்யும் அரக்கன்தான்
‘பிடிவாதம்’.

✧ வாழ்வே மாயம் :
'வாழ்வே மாயம்' பிரச்சினைகளால்
தத்தளிக்கும் சராசரி மனிதன்
கூறினால் அது பொய். வாழ்க்கையை
அனுபவிக்கத் தெரியாததற்குக் கூறும்
சப்பைக் கட்டு.

'வாழ்வே மாயம்' பிரச்சினைகளால்
எதிர்க்கொள்ளும் தெரியசாலி கூறினால்
அது உண்மை. வாழ்க்கையின் வலி
களை அனுபவித்து வாழ்வைப்
புரிந்து கொள்வதால் பிறந்த தெளிவான
கருத்து.

'வாழ்வே மாயம்' பிரச்சினைகளால்
பாதிக்கப்படாத நிலையை அடைந்த
ஞானி கூறினால், அது சத்தியம்.
வாழ்க்கையின் இன்ப, துன்பத்தை
முழுமையாக அனுபவித்து அனுபூதி
அடைந்ததின் வெளிப்பாடு.

✧ 'வாழ்வே மாயம்' - என்று ஒரு
ஞானி கூறியதை ஒரு சராசரி மனிதன்
100% தவறாகப் புரிந்து கொள்வான்.

அவனது தத்தளிக்கும் வாழ்க்கையை
நியாயப்படுத்திக் கொள்ள ஒரு கருத்தாக
பயன்படுத்திக் கொள்வான்.

அவ்வளவே, இதுவே சத்தியத்தை
மாற்றிப் புரிந்து கொண்டு சத்தியத்தை
பொய்யாக்குவது.

பேச்சின் போக்கு கட்டுப்பாடற்று
மனதின் இஷ்டப்படி தொடர்ந்து வந்து
கொண்டே இருக்கும்.

✧ ‘வெட்டிப் பேச்சில்’ அழியும் நேரம்
ஆக்கபூர்வமாகப் பயன்படுத்தப்
பட்டால் இந்தியா தானாகவே
வல்லரசாக மாறிவிடும்.

✧ சந்தோஷம் என்ற ஒளி இல்லாத
வாழ்க்கையின் ஒவ்வொரு நொடி
யையும் கவலை என்ற இருள் வந்து
பற்றிக்கொள்ளும்.