முதல் நாள்🔗

குணப்படுத்தும் சக்கரம் : மூலாதாரம்

சக்கரம் உள்ள இடம் : முதுகுத் தண்டுவடத்தின் கீழ்நுனிப்பகுதி.

சக்கரத்தைப் பூட்டுவன : அதீத கற்பனையும், எதிர்பார்ப்பும்

பூட்டைத் திறப்பது : எதார்த்த நிலையை ஏற்றல்

தியானம் பெறப்பட்டது : சிவசூத்திரத்திலிருந்து

காலம் : 30 நிமிடங்கள்

துக்கஹரணத்திற்கான செயல்முறை குறிப்புகள் :

இந்தத் தியானம், மூன்று 10 நிமிடப் பகுதிகளைக் கொண்ட 30 நிமிடத் தியானம். அலாரம் அல்லது கடிகாரம் ஒன்று வேண்டும். அல்லது நேரம் பார்த்துச் சொல்ல யாராவது ஒருவர் வேண்டும்.

முதல் 10 நிமிடங்கள் மூச்சுப் பயிற்சி.

ஆழமாக மூச்சை இழுங்கள், விடுங்கள், ஒழுங்கற்று!

ஏன் ஒழுங்கற்று இருக்க வேண்டும்? ஒழுங்கற்ற முறையில் மூச்சுப் பயிற்சி செய்யும் போது உடல் தன் புத்திக்கூர்மையைப் பயன்படுத்தும்.

தாறுமாறாக மூச்சு விடுவதில் ஒழுங்குமுறை இல்லை. முடிந்தவரை இழுங்கள். மற்றதை எல்லாம் மறந்து விடுங்கள். முடிந்தவரை ஆழமாக இழுங்கள். நீங்களே மூச்சாக மாறிவிடுங்கள்!

தனக்கு வேண்டிய அளவு மூச்சை அது எடுத்துக் கொள்ளும். மூச்சை நீங்கள் கட்டுப்படுத்தத் தேவையில்லை - இது பிராணாயாமம் அன்று.

உங்களுக்கு இதயப் பிரச்சினை இருந்தால், சிரமப்படாத அளவுக்குச் செய்யுங்கள். பிரச்சினை இல்லையென்றால், உங்கள் முழு ஆற்றலையும் பயன்படுத்திச் செய்யுங்கள்.

இந்தப் பத்து நிமிடங்களில் உற்பத்தியாகும் சக்தி, உங்கள் உடலில் இறுகிக் கட்டிக் கிடக்கும் எல்லா எதிர்மறை சக்திகளையும் உருக்கிவிடும்.

உணர்வற்ற மனம் நன்றாகத் திறந்து கொள்ளும்.

இப்படித்தான் மூச்சுப் பயிற்சி செய்ய வேண்டும் என்ற வரைமுறை இல்லை. உடல் விரும்பியபடி செய்யட்டும். நீங்கள் நின்று கொண்டிருக்க வேண்டும். அவ்வளவுதான்.

அடுத்த 10 நிமிடங்கள் வெளுக்கொட்டுதல் (Catharsis)

வெளுக்கொட்டுதல் என்பது உங்கள் இருப்பிற்குள் இருக்கும் ‘விதை உடலை’த் திறக்கிறது.

வெளிக கொட்டு தலின் போது, உங்களுக்குள்ளிருக்கும் கட்டுப்படுத்தப்பட்ட சூழலில் உள்ள அழுத்தப்பட்ட உணர்வுகள் எல்லாவற்றையும் ஒரு நோயாக மாற்றிக்கொள்ளாமல் வெளியேற்றி விடுவீர்கள்.

அது மட்டுமல்ல, மற்றவர்களுக்குப் பாதிப்பு ஏற்படுத்தாவகையில் வெளியேற்றி விடுவீர்கள்.

இந்தப் பகுதியில் முடிந்தவரை உடலை விறைப்பாக வைத்துக் கொள்ளுங்கள்.

கையின் போக்கின்படி கைகளை வீசுங்கள்.

தேவைப்பட்டால் பற்களைக் கடித்துக் கொள்ளுங்கள்.

உடலின் விருப்பப்படி தலையைச் சுழற்றுங்கள்.

உடல் என்னவெல்லாம் செய்ய விரும்புகிறதோ அதையெல்லாம் செய்ய விடுங்கள்.

ஆனால் ஒவ்வொரு கையையும் விறைப்பாக வைத்துக் கொள்ளுங்கள்.

மனத்திலிருக்கும் உங்கள் துயரங்களை எல்லாம் தூக்கி எறியுங்கள்.

அழுகை வந்தால் அழுங்கள்.

சிரிக்க விரும்பினால் சரியுங்கள். இந்தப் பத்து நிமிடங்களில் உங்கள் உடலைக் கட்டுப்படுத்தாதீர்கள். பைத்தியம்போல் ஆகிவிடுங்கள்.

பயப்பட வேண்டாம். இந்த உத்தி உங்களைப் பைத்தியம் பிடிக்கச் செய்து விடாது. ஏற்கனவே உள்ளே உள்ள பைத்தியக்காரத் தனத்தைத்தான் இது வெளியேற்றும்.

உங்களுக்குள் பொங்கி எழும் வன்முறையைக் கண்டு அஞ்ச வேண்டாம். எல்லா வன்முறைகளும் தீர்ந்துபோன பிறகு, உங்கள் இருப்பில் ஓர் அமைதி மலரும்.

உங்கள் அறிவுக்கு எட்டாமலேயே, உங்கள் விழிப்புணர்வின் ஆழத்திலிருந்து ஒருவித அசைவற்ற மௌனம் மேல் எழ ஆரம்பிக்கும்.

பத்து நிமிடங்களின் முடிவில் (நீங்கள் ஒலிநாடாவைப் பயன்படுத்தினால்) "நிறுத்து," என்ற சொல்லைக் கேட்பீர்கள். அல்லது உங்கள் நண்பரைச் சொல்லச் சொல்லுங்கள்.

அந்தக் கணத்தில் நீங்கள் எந்த நிலையில் இருக்கிறீர்களோ அப்படியே நின்றுவிட வேண்டும். அதாவது சிலைபோல உறைந்து போய்விட வேண்டும்.

வேகமான இயக்கத்திலிருந்து சட்டென முழு நிசப்த நிலைக்கு நீங்கள் வந்துவிடும்போது, உங்கள் மனமும் சட்டென நின்றுவிடும். ஒரு கணம் அப்படியே நின்றுவிடும்.

அந்தத் கணத்தில்தான் நீங்கள் சமாதி நிலையை அனுபவிக்கும் வாய்ப்பு அமையும். குருவின் முன்னால் செல்லும்போது இந்த வாய்ப்பு மிக அதிகம்.

மனம் சட்டென நின்றுவிடும்போது, அளவற்ற சக்தி உங்களுக்குள் பாய்வதை உணர்வீர்கள்.

சில வினாடியில், உங்கள் மனத்தில் சிந்தனைகள் மேலெழ ஆரம்பித்துவிடும். அப்போது, தரையில் அமர்ந்து விடுங்கள்.

ஆனந்தமான சூழலில், உங்கள் மனம் போகும் போக்கைக் கவனிக்க ஆரம்பித்து விடுங்கள். இயல்பாக மூச்சு விடுங்கள். எதைப் பற்றியும் நினைக்காதீர்கள்.

தியானம் என்பது மன ஒருமைப்பாடு அன்று,

தியானம் என்பது விழிப்புணர்வு.

உங்கள் எண்ணங்களின் போக்கையும், உங்கள் உடலிலும், உடலுக்கு வெளியிலும் என்ன நடக்கிறது என்பதைக் கவனியுங்கள்.

இந்தத் தியான முறையின் ஆற்றலைக் தெரிந்து கொள்ள வேண்டுமென்றால், இன்றே சென்று ஒரு புகைப்படம் எடுத்துக் கொள்ளுங்கள்.

பதினைந்து நாள்கள் இந்த முறையில் முழுச் சக்தியை பிரயோகித்துப் பயிற்சி செய்தபின், இன்னொரு புகைப்படம் எடுத்து, இரண்டையும் ஒப்பிட்டுப் பாருங்கள். உங்கள் முகப்பொலிவு, நிச்சயம் மாறியிருக்கும் என்று உறுதி சொல்கிறேன்!

உங்கள் கண்களின் பார்வை இனியதாக மாறி இருக்கும்.

நீங்கள் பூப்பூத்துத் திகழ்வீர்கள்.