ஏழு நாள் சக்கரச் செயல்பாடு....🔗

சக்கரங்கள், நம் உடலின் நுட்பமான சக்திக் களஞ்சியங்கள். முக்கியமான ஏழு சக்கரங்கள்: மூலாதாரம், ஸ்வாதிஷ்டானம், மணிபூரகம், அனாஹதம், விசுத்தி, ஆக்ஞா, சகஸ்ராரம்.

ஸ்தூல உடலில் இவற்றிற்கென்று தனியாக ஸ்தூல இடங்கள் இல்லையென்றாலும், உடலோடு இந்தச் சக்தி மையங்கள் இருக்கவே செய்கின்றன.

உடலின் முக்கியமான சுரப்பிகளுடன் தொடர்புகொண்டு அவற்றின் செயல்பாடுகளில் இவை முக்கியப் பங்கு வகிக்கின்றன.

இந்தச் சக்கரங்கள், நமது உடல் - மன நலத்திற்குப் பெரிதும் துணை செய்கின்றன. அதே சமயம், நமது எண்ணங்களும் உணர்வுகளும், இவற்றைப் பாதிக்கவும் செய்கின்றன.

பிரபஞ்சத்தின் எல்லையற்ற சக்திக்கு, இவை நேரடி வாய்க்கால்களாகவும் அமைந்துள்ளன.

இயல்பிற்கு மாறான நமது வாழ்க்கை முறையும், இறுக்கமும், எதிர்மறை உணர்வுகளும், சக்கரங்களைப் பூட்டிவிடக் கூடியவை; அவற்றைச் செயலிழக்கவும் செய்துவிடக் கூடியவை. இவற்றைப் பற்றிய விழிப்புணர்வு இல்லாததால், முக்கியமான சக்தி வாயில்களை, நாம் தொடர்ந்து அடைத்து விடுகிறோம்.

சக்தியே உடல் நலம்.

அதனால்தான் ஒவ்வொரு சீர்கேட்டிற்கும் உரிய சக்கரத்தைத் தூய்மைப்படுத்தி, சக்தி ஊட்டுவதன் மூலம், நமது எல்லா உடல் - மனச் சீர்கேடுகளும் முழுமையாகவோ அல்லது ஒரு பகுதியாகவோ குணப்படுத்திவிட முடிகிறது.

நிகழ்கிறது? (Chakra Therapy)

சக்கரத் தியான சிகிச்சை முகாம் இரண்டுநாள் நிகழ்ச்சி.

தியானத்தின் மூலம், சக்கரத்தை நலமாக்கும் தீவிரமான முகாம் அது.

அந்த முகாமில், ஒவ்வொரு சக்கரத்தின் இயல்பையும், அதன் பங்கு பணியையும் நீங்கள் கற்றுக் கொள்வீர்கள். அந்த ஏழு சக்கரங்களையும் தூய்மைப் படுத்தி, சக்தி ஏற்றும் ஏழு ஆற்றல் மிக்க நடைமுறை தியான உத்திகளைக் கற்றுக் கொடுப்பார்கள்.

இந்தத் தியானங்களை வாரத்திற்கு ஒருமுறை சாதாரணமாகச் செய்து வரலாம். அல்லது சி றந்ததாக உங்களுக்குத் தோன்றும் ஏதாவதொன்றைத் தேர்ந்தெடுத்துக்கொள்ளலாம். (ஆரம்ப நிலையில் உள்ளவர்களுக்கு, மகாமந்திர, துக்கஹரணா, மணிபூரக சுத்தி கிரியா ஆகியவை மிகவும் உதவியாக இருக்கும்). அதை 21 நாள் தொடர்ந்து செய்து வரவேண்டும்.

பிறகு அடுத்த தியானத்திற்கு நகர்ந்து கொள்ளலாம்.

உண்மையான ஈடுபாட்டுடன் இந்தத் தியானங்களைச் செய்து வரும்போது, உடல், மனம், ஆன்மிகத் தளங்களில் அற்புதங்கள் நிகழும்.

(ஏழு தியானங்களுக்குமான வழிமுறைக் குறிப்புகள் அடங்கிய ஒலிநாடா தியானபீடக் கிளைகளில் கிடைக்கும்).