புத்துணர்வூட்டும் இறுக்க தளர்வுப் பயிற்சி🔗

குறிப்புகளும் தியானமும் :

உடனடி நிவாரணத்திற்கு, மிகவும் பிரபலமான, வேகமான உத்தி இது. ஒரு தனியிடம் கிடைத்தால், படுத்தபடி இதைச் செய்யலாம்.

கண்களை மூடிச் கொள்ளுங்கள், வயிற்றிலிருந்து மூச்சை நன்றாக உள்வாங்குங்கள். மூச்சை சற்று நிறுத்த வேண்டி இருப்பதால், முடிந்தவரை நன்றாக உள்இழுக்க வேண்டும். மூச்சை உள்நிறுத்திக்கொண்டு கையை இறுக்குங்கள்.

கால் விரல்களிலிருந்து ஆரம்பிக்கவும்.

கால் விரல்களை முடிந்தவரை விறைப்பாக இறுக்குங்கள். தளர விடவே கூடாது.

பிறகு இந்த இறுக்கம் காலுக்கும், முழங்காலுக்கும் வர வேண்டும்.

பிறகு புட்டத்திற்கு வேகமாக இறுக்கத்தை மேலே நகர்ந்தவும். ஏனென்றால் அதிக நேரம் மூச்சு பிடிக்க முடியாதே! ஒரு நிமிடம்தான் மூச்சு பிடிக்க முடியும்.

பிறகு அந்த இறுக்கத்தை இடுப்புக்கும், உடனே வயிற்றிற்கும் கொண்டு வரவும். வயிற்றின் தசைநார்கள் முடிந்தவரை இறுக வேண்டும். அப்போது, இடுப்பின் தசைநார்கள் தாமாகவே இறுகிவிடும்.

பிறகு முதுகுக்கும், நெஞ்சுக்கும் மேலேற்ற வேண்டும். முதுகுத் தண்டுவடம் முழுவதும் இறுக வேண்டும்.

கைகள் இறுக வேண்டும். விரல்களில் துவங்கி புறங்கை, தோள், கழுத்து எனத் தசைகள் இறுகிக் கொண்டே போக வேண்டும்.

பிறகு முகத்திற்கு வருக.

நீங்கள் அறிந்திருப்பதை விட, அதிகத் தசைநார்கள் கொண்டது முகம்.

கண் இமைகளைச் சுருக்குங்கள். இவற்றைச் செய்து வரும்போது, உடலின் எந்தப் பகுதியையும், தளர விடக் கூடாது.

எவ்வளவு நேரம் முடியுமோ அதுவரை அப்படியே விறைப்பாக இருங்கள்.

இனி மூச்சு பிடிக்க முடியாது என்ற நிலை வரும்போது, சட்டென மூச்சை விடுங்கள். உடல் முழுவதையும் விறைப்பிலிருந்து விடுவித்து விடுங்கள். உடலும், மனமும் தளர்ந்த ஓய்வில், அப்படியே ஒரு நிமிடம் இருங்கள்.

இரண்டு நிமிடங்களில், உடலையும், உள்ளத்தையும் புத்துணர்வு பெறச் செய்யும், ஓய்வு கொள்ளச் செய்யும், தியானமுறை இது. நேரம் கிடைத்தால், அப்போதே மறுபடியும் செய்யவும்.