உச்சபட்ச வெளி மூச்சு
This text was machine-transcribed from the printed book and may contain errors. Select the words and choose “Report a mistake”.
தியானமும், அதற்கான குறிப்புகளும் :
நீங்கள் இறுக்கமாக இருக்கும்போது, இந்தத் தியானம் அற்புதங்களைச் செய்யும்.
ஆழமாக வெளிமூச்சு விடுவதில் ஆரம்பிக்கவும்.
எப்போதும் வெளிமூச்சு விடுவதில் ஆரம்பிக்கவும். ஆழ்ந்து, ஆற்றலோடு வெளிமூச்சு விடுவதில் கவனம் செலுத்துங்கள்.
முழுவதுமாக வெளிமூச்சு விட்ட பிறகு, வயிற்றை உள் இழுத்துக் கொண்டு, மூன்று வினாடிகள் காத்திருக்கவும்.
பிறகு முடிந்தவரை ஆழமாக உள் மூச்சு வாங்கவும், மூன்று வினாடிகள் மூச்சை உள்நிறுத்தி, பிறகு வெளிவிட ஆரம்பிக்கவும்.
மீண்டும் வெளிமூச்சு,
பிறகு உள்மூச்சு,
மூச்சு விட்டு வாங்குவது ஒரே சீராக, ஒத்திசைவாக அமைய வேண்டும்.
மெதுவாக உள்ளிழுக்க வேண்டும்.
மூச்சு உள்ளேவருவதும், வெளியேறுவதும் முழுமையாக இருக்க வேண்டும்.
நீங்கள் மூச்சை வெளியேற்றும்போது, உங்கள் உடலுக்குள் உள்ள நச்சுப் பொருள்களை எல்லாம் வெளியேற்றி விடுகிறீர்கள்.
அதே சமயம் இறுக்கத்தையும் தூக்கி வெளியே எறிந்து விடுகிறீர்கள். 10 அல்லது 12 முறை செய்தபின் (வெளிமூச்சு - உள்மூச்சு சேர்ந்த ஒரு தடவை) இறுக்கம் போய்விடும், படபடப்பு வெளியேறிவிடும்!
உள்ளங்கை சுகம்
இந்தத் தியானம் பற்றி :
இரு புருவங்களுக்கும் நடுவில், நெற்றியில் உள்ள சக்கரத்திற்குச் சக்தி ஊட்டும் உத்தி இது.
இந்த சக்கரத்திற்கு - 'ஆக்ஞா' என்று பெயர் அதாவது. ஆணை.
இது எசமான சக்கரம். இது மன உறுதியின் பீடம்.
இது சக்தி ஊட்டப்படும்போது, புரிதலில் மிகமிகத் துல்லியத்தை நீங்கள் உணர்வீர்கள். உங்களது பகுத்தறிவும், திட்டமிடும் ஆற்றலும் பெருகும்.
இதற்கு மேலாக,
அந்த மூன்றாம் வழிதான்,
உள்முகமாகப் பார்க்கக் கூடியது.
முதன் முதலாக. நீங்கள் உள்முகமாகப் பார்க்க ஆரம்பித்துவிடுவீர்கள்.
உங்களின் சொந்த சக்தியைக் கொண்டே இந்தத் தியானத்தைச் செய்யப்போகிறீர்கள்.
நமக்குள் இயற்கையாகவே குணப்படுத்தும் தன்மையும், புத்துணர்வூட்டும் தன்மையும் சக்திகள் ஓடிக் கொண்டேதான் இருக்கின்றன.
இந்தத் தியானம் அந்தச் சக்தியைப் பயன்படுத்த உதவும்.
இதற்கான குறிப்புகள் :
கண்களை மூடியபடி சௌகரியமாக அமர்ந்து கொள்ளுங்கள்.
இரு உள்ளங்கைகளையும், கண் கருவிழிமேல் இருக்கும்படி. மெதுவாக வைத்துக் கொள்ளுங்கள்.
ஆரம்பத்தில், கவனமில்லாமல் அழுத்தி வைத் திக் கொள்ளக் கூடும், அழுத்தம் கொடுக்காமல் வைக்கப் பழகவும்.
கண்களின் வழியாக சக்தி உள்ளே பாய்கிறது. அது நுட்பமான சக்தி.
நீங்கள் உள்ளங்கைகளால் கண் கருவிழிகளைத் தொடுவது சக்தியை உங்களுக்குள் திருப்பி விடுவதற்குத் தான்.
நீங்கள் கைகளை அழுத்தினால், கருவிழிகள் எதிர்ப்புக் காட்டும். தொட்டும் தொடாமலும் இருக்கும்படி வைக்க வேண்டும்!
அவ்வாறு மெல்லத் தொடுகையில், எண்ணங்களும் நகராமல் நின்றுவிடும்.
விழிகள் அசைந்தால், எண்ணங்களும் ஓட ஆரம்பித்து விடும். கண்கள் அசையாமல் இருக்கும்போது எண்ணங்கள் உறைந்துவிடும். இதைக் கவனித்திருக்கிறீர்களா?
மெல்லத் தொட, சக்தி உள்நோக்கி நகர்வதை நீங்கள் உணரலாம். சக்தி உள்ளே சென்றதும், ஒருவகைப் புத்துணர்ச்சியும், பாரமின்மையும், உங்கள் முகம் முழுவதிலும், தலையெல்லாம் நிறைந்துவிடும்.
அந்தச் சக்தி உங்கள் ஆக்ஞா சக்கரத்தைத் தூண்டும். சில நிமிடங்களில், புத்துணர்வும் தெளிவும் ஏற்பட்டதை நீ ங்கள் உணரலாம்.
அரை மணி நேரம் இதைத் தொடர்ந்தால், அந்தச் சக்தி, உங்கள் இதயத்தை நோக்கி நகரும். உங்கள் இதயத் துடிப்பு நிதானப்படும். உங்கள் உடல் முழுவதுமே தளர்ந்து ஓய்வு பெற்றுவிடும். உடனடி ஓய்வுக்கு இது மிகச் சிறந்த தியானம் ஆகும்.
நீங்கள் தியானத்தில் பிரவேசிக்கக் கூடத் தேவை இல்லை. உங்கள் உள்ளங்கைகளை, மெத்தென்று, மூடிய கண்களின் கருவிழிகள் மீது வைப்பதால், கண்களும் ஓய்வு பெறுகின்றன.
கண்கள் எப்போதெல்லாம் களைந்து விடுகின்றனவோ, பல மணி நேரம் தொலைக்காட்சி பார்த்தும், கணினி பார்த்தும் தளர்ந்து போகின்றனவோ, அப்போதெல்லாம் இம்முறையைச் செய்து பாருங்கள்.
மாதக் கணக்கில் இதைத் தொடர்ந்தால், ஆக்ஞா சக்கரத்திலும், இதயப் பிரதேசத்திலும், சக்தி நிரந்தரமாகத் தங்கியிருப்பதை நீங்கள் உணர்வீர்கள்.
ஆரம்பத்தில் ஒரு துளி சக்தியே கிடைத்தாலும், ஓராண்டு காலத்தில், உங்களுக்குள் ஒரு சக்தி வெள்ளம் நிரந்தரமாகத் தங்கியிருப்பதை உணரலாம்.
ஆக்ஞா சக்கரத்தைத் திறப்பதன் மூலம்,
செய்யும் காரியங்களில் தெளிவு உண்டாகும்.
உங்கள் எதார்த்த நிலையையும் உணரலாம்.
இதயச் சக்கரத்தைச் செயல்படத் தூண்டுவதன் மூலம், உங்களிடமிருந்து எல்லையற்ற அன்பு, புறம்நோக்கிப் பெருகிப் பாய்வதைக் காணலாம். அப்போது நீங்கள் பிரபஞ்ச இயற்கையோடு தொடர்பு கொண்டு விடுவீர்கள்.