இரண்டாம் நாள்
This text was machine-transcribed from the printed book and may contain errors. Select the words and choose “Report a mistake”.
நிர்பய தியானம்
(அச்சமின்மையின் பாதை)
| குணப்படுத்தும் சக்கரம் : | சுவாதிஸ்டானம் |
| சக்கரம் உள்ள இடம் : | தொப்புளிலிருந்து 2 அங்குலம் கீழே |
| சக்கரத்தைப் பூட்டுவன : | அச்சம், குறிப்பாக மரண பயம் |
| பூட்டைத் திறப்பது : | மரணத்தை அமைதியாக ஏற்றுக்கொள்வது |
| தியானம் பெறப்பட்டது : | வேதாந்தத்திலிருந்து |
காலம் : 20 நிமிடங்கள்
எச்சரிக்கை :
இது மிகச் சக்தியுள்ள தியானம்.
குருவின் முன் அமர்ந்து செய்வதே சிறந்தது.
நம் தியான முகாம்களில் நிர்பயா தியானம் பயின்றவர்கள் - இதைச் செய்யும்போது, நெருங்கிய நண்பரோ, உறவினரோ உடனிருப்பது அவசியம்.
குறிப்பிட்ட நேரத்தில் நீங்கள் விழித்துக் கொள்ளவில்லை என்றால், உடனிருப்பவர் உங்களை மெதுவாக, ஆனால் உறுதியாக பெயர் சொல்லி அழைத்து எழுப்பிவிட வேண்டும்.
நிர்பய தியானத்திற்கான ஆரம்பக் குறிப்புகள் :
இந்தத் தியானத்தின்போது, நீங்கள் உங்கள் சொந்த மரணத்தைப் பார்ப்பீர்கள், நீங்கள் உங்கள் உடலை விட்டுப் போவதைக் அப்படியே காண்பீர்கள்.
ஆரம்பிப்பதற்கு முன்னால், சில குறிப்புகள் :
உங்கள் தரப்பிற்கு என்ன தேவை?
உங்கள் காட்சித் திறன், கற்பனைத் திறன் முழுவதையும் ஒருமுகப்படுத்த வேண்டும்.
உங்கள் மரண நிகழ்வின் செயல்பாடு முழுவதையும் நீங்கள் காணப் போகிறீர்கள்!
குருவின் தரப்பிலிருந்து அளவற்ற சக்தி உங்களுக்குக் கிடைக்கப் போகிறது. அது, நடக்கப் போவதற்கு உதவியாக, முதலில் அச்சத்தை விடுங்கள்.
மெய்யாகவே செத்துப் போய் விடுவோமோ என்று அச்சப்பட வேண்டாம். தியானத்தின்போது சற்று நேரம் அப்படி தோன்றும், என்றாலும் அஞ்ச வேண்டாம்.
நீங்கள் சாகமாட்டீர்கள். உங்களுக்கு ஒன்றும் ஆகிவிடாது. குருவின் சொல்லும் ஆதரவும் உங்களுக்கு இருக்கிறது. உங்கள் நம்பிக்கையைக் குருவின் மீது வையுங்கள்.
இரண்டாவதாக, பேராசையை விட்டொழியுங்கள். இந்தக் கற்பனைகளால் எல்லாம் எனக்கு என்ன இலாபம் என்று கேட்காதீர்கள்.
உங்கள் வாழ்வே ஒரு கற்பனைதான்.
அதனால். இன்னும் கொஞ்சம் அதிகப்படியாகக் கற்பனை செய்வதால் இழப்பு ஒன்றும் ஏற்பட்டுவிடப் போவதில்லை.
நீங்கள் எதை எதார்த்தமென்று நினைத்திருக்கிறீர்களோ, அந்தக் கற்பனையைவிட, அதிக எதார்த்தமானது இந்தத் தியானம்.
நீங்கள் கற்பனை செய்யும் எத்தனையோ காரியங்கள் நடப்பதே இல்லை. ஆனால் மரணம் மட்டும் சர்வ நிச்சயம்.
மரணத்தைப் பற்றித் துல்லியமாக நீங்கள் கற்பனை செய்து பார்த்து விடலாமே.
நீங்கள் தரையில் படுத்துக் கொள்ளும்போது, உங்களுக்கும் மற்றவர்களுக்கும் நல்ல இடைவெளி இருக்கட்டும். குறைந்தது ஒரு அடியாவது இரண்டு பக்கமும் இருக்கட்டும்.
உங்களது சூட்சும உடல் விரிவடையப் போகிறது. பக்கத்தில் நெருக்கமாக யாராவது இருந்தால், தொந்தரவாக இருக்கும் - அமைதியாகச் செய்யுங்கள் - செத்தவர்கள் யாராவது இடத்திற்காக அடித்துக் கொள்வார்களா என்ன!
சரி, இப்போது நீங்கள் சாகத் தயாராகி விட்டீர்களா?
(இந்தத் தியானம் மிக நுணுக்கங்கள் நிறைந்தது. உடலை விட்டு உயிர் வெளியேறி, அது மீண்டும் உள்ளே நுழைந்தாக வேண்டும்.
தியான குறிப்புகளை, முறையாகப் பின்பற்றாத பட்சத்தில் பல சிக்கல்கள் ஏற்பட வாய்ப்பு இருக்கிறது.
உங்களின் பாதுகாப்புக் கருதி இந்தத் தியானத்தின் செயல்முறைக் குறிப்புகளை இங்குக் குறிப்பிடவில்லை.
நிர்பய தியானத்தைத் தியானபீடத்தின் (ASP) தியான முகாம்களில் முறையாகப் பயிற்றுவிக்கப்பட்ட ஆச்சாரியர்களிடமிருந்து கற்றுக்கொண்டு செய்வதே பாதுகாப்பானது)