மூட்டுவாதம் தீர🔗

கிரியா கொடுக்கப்பட்ட நாள்: டிசம்பர் 2, 2011

பின்பற்றப்பட வேண்டிய செயல்முறைப் படிகள்

ஹடப்ரதீபிகா, உபதேஸம் 2, ஸ்லோகங்கள் 31-33

(பத்மாஸனத்தில் ஒரு பாதி மட்டுமே செய்வது அர்த பத்மாஸனம் எனப்படுகிறது.)

அத பத்மாஸனம்

மேல் நோக்கி திருப்பிய பாதங்களை முயற்சிசெய்து தொடைகளில் வைத்து, உள்ளங்கைகளையும் மேல் நோக்கி இருக்குமாறு வைத்து, தொடைகளுக்கு இடையில் வைத்துக்கொள்ளவும். (2.31)

மூக்கின் நுனிப் பகுதியைக் கூர்ந்து கவனித்து, நாக்கை மேல் தாடை பல்லின் தொடக்கத்தில் வைத்து அழுத்தி, முகவாய்க்கட்டையை மார்பில் பதித்து, காற்றை மெதுவாக மேல் நோக்கி உயர்த்தவும், அதாவது பிராண வாயுவை மெதுவாக மேல் நோக்கி இழுக்கவும். (2.32)

பத்மாஸனம் என்றழைக்கப்படும் இந்த ஆஸனம் எல்லாவகை நோய்களையும் அழிக்கும் சக்திபடைத்தது. எல்லோராலும் இது அடையப்படுவதற்கு சிரமமாக இருந்தாலும், இதை சில புத்திசாலி மனிதர்கள் கற்றுக்கொள்கிறார்கள். (2.33)

செய்நுட்பம்

அர்த பத்மாஸனம்

அத பூத சு'த்திகும்பக:

16 மாத்திரைகள்வரை சுவாசத்தை உள்ளிழுத்து, 64 மாத்திரைகள்வரை சுவாசத்தை உள்ளேயே நிறுத்தி, 32 மாத்திரைகள்வரை சுவாசத்தை வெளியேற்றும் இக்கும்பகம் மாத்ராகும்பகம் எனப்படுகிறது. (153)

இந்த மாத்ரா கும்பகத்தை இருதய ஸ்தானத்தில் பயிற்சி செய்யும்போது உடலைத் தாண்டிய உணர்வுநிலைக்குள் மூழ்கடிக்கிறது; நாபி ஸ்தானத்தில் பயிற்சி செய்யும்போது வெப்பத்தை உருவாக்குகிறது. (154)

ஸ்வாதிஷ்டான ஸ்தானத்தில் பயிற்சி செய்யும்போது அமுததாரையை பெருக்குகிறது; மூலாதார ஸ்தானத்தில் பயிற்சி செய்யும் ஒருவர் உறுதித்தன்மையை அடைகிறார். (155)

தொண்டை ஸ்தானத்தில் பயிற்சி செய்யும்போது பஞ்ச பூதங்களும் சமனப்படுகிறது; பிரம்மரந்திரத்தில் பயிற்சி செய்யும்போது, அது மோக்ஷத்தை நோக்கி அழைத்துக் செல்கிறது. (156)

ஆதிநாதனான சம்புநாத் சொற்படி, ஒரே சமயத்தில் (மேற்சொன்ன) 6 ஆதாரங்களிலும் ஒன்றன்பின் ஒன்றாகக் கும்பகம் பயிற்சி செய்யப்படுமானால், அது பூதங்களை சுத்தி செய்ய வழிவகை செய்யும். (157)

அத ப்்ராமரீகும்பக:

ஆண் கருவண்டினுடைய சப்தத்துடன் சுவாசத்தை வேகமாக உள்ளிழுத்து, சுவாசத்தை உள் அடக்கி, பின் பெண் கருவண்டினுடைய சப்தத்துடன் சுவாசத்தை வெளிவிடுங்கள். இது ப்ராமரீகும்பகம் எனப்படுகிறது.

இந்தக் கும்பகத்தை செய்து முடித்த 10-15 நிமிடங்களுக்குள் ஏதாவது உணவை உட்கொண்டுவிட வேண்டும்.

அந்தரங்ககும்பக:, கும்பக-பத்ததி:, ஸ்லோகம் 168

அथ அந்தரங்ககும்பக:

சுவாசத்தை உள்ளிழுத்த உடனேயேயும் வெளிவிட்ட உடனேயேயும் சுவாசத்தை நிறுத்துவது அந்தரங்ககும்பகம்.

கேரண்ட ஸம்ஹிதா, உபதேசம் 5, ஸ்லோகங்கள் 75-77

அத பஸ்த்ரிகாகும் பக:

கொல்லனின் உலைக்களத்தில் இருக்கும் துருத்தி தொடர்ந்து விரிந்து சுருங்குவது போல், மூக்கின் இரண்டு துவாரங்கள் வழியாகவும் சுவாசத்தை மெதுவாகவும், அதே சமயத்தில் அழுத்தமாகவும் உள்ளிழுத்து, நுரையீரலை விரிவடையச் செய்து, பிறகு சுவாசத்தை மெதுவாகவும் அழுத்தமாகவும் வெளியேற்றவும். (5.75)

இவ்வாறு 20 முறை செய்யுங்கள். செய்து முடித்தவுடன் சுவாசத்தை உள்ளிழுத்து முடிந்தளவு உள்ளேயே நிறுத்துங்கள். பிறகு மேலே சொன்ன முறையில் சுவாசத்தை வெளியேற்றவும். (இது 1 சுற்று). இந்தச் சுற்றை மூன்றுமுறை செய்யும் புத்திசாலி மனிதர் எந்த ஒரு நோயாலும் பாதிக்கப்பட மாட்டார். அவர் என்றென்றும் ஆரோக்கியமாகவே இருப்பார். (5.76-77)

7. இந்தச் சுற்றை மூன்றுமுறை செய்யுங்கள்.