மனச்சோர்விலிருந்து விடுபடுவதற்கான கிரியா🔗

கிரியா கொடுக்கப்பட்ட நாள்: அக்டோபர் 31, 2011

பின்பற்றப்பட வேண்டிய செயல்முறைப் படிகள்:

கேரண்ட ஸம்ஹிதா, உபதேசம் 2, ஸ்லோகம் 8

அத பத்மாஸனம்

வலது காலை இடது தொடையிலும், இடது காலை வலது தொடையிலும் வைத்து, கைகளை முதுகுப்புறத்தில் குறுக்காக மடித்து, வலது கையால் வலது கால் பெருவிரலையும், இடது கையால் இடது காலின் பெருவிரலையும் பிடிக்கவும். முகவாய்க்கட்டையில் மார்பில் பதித்து, மூக்கின் நுனிப்பகுதியைக் கூர்ந்து கவனிக்கவும். இது பத்மாஸனம் என்றழைக்கப்படுகிறது. இந்த ஆஸனம் எல்லாவகை நோய்களையும் அழிக்கும் சக்திபடைத்தது.

8. முகவாய்க் கட்டையைத் தளர்த்தவும்.

அத சீ'தலீகும்புக:

வாயின் வழியாக சுவாசத்தை மெதுவாக உள்ளிழுத்து, வயிற்றை நிரப்பி, சுவாசத்தை சிறிது நேரம் உள்ளடக்கி, பிறகு இரு நாசித்துவாரங்களின் வழியாக வெளியேற்றுங்கள்.

தொடர்ந்து சீதலீகும்பகத்தைப் பயிற்சி செய்யும் யோகிக்கு நல்லதே நடக்கும். இது, அஜீர்ணம், கபம், பித்தம் சம்பந்தப்பட்ட பிரச்சினைகளிலிருந்து விடுடுத்துகிறது.

கேரண்ட ஸம்ஹிதா, உபதேஸம் 5, ஸ்லோகங்கள் 75-77

அத பஸ்த்ரிகாகும் பக:

கொல்லனின் உலைக்களத்தில் இருக்கும் துருத்தி தொடர்ந்து விரிந்து சுருங்குவது போல், மூக்கின் இரண்டு துவாரங்கள் வழியாகவும் சுவாசத்தை மெதுவாகவும், அதே சமயத்தில் அழுத்தமாகவும் உள்ளிழுத்து, நுரையீரலை விரிவடையச் செய்து, பிறகு சுவாசத்தை மெதுவாகவும் அழுத்தமாகவும் வெளியேற்றவும். (5.75)

இவ்வாறு 20 முறை செய்யுங்கள். செய்து முடித்தவுடன் சுவாசத்தை உள்ளிழுத்து முடிந்தளவு உள்ளேயே நிறுத்துங்கள். பிறகு மேலே சொன்ன முறையில் சுவாசத்தை வெளியேற்றவும். (இது 1 சுற்று). இந்தச் சுற்றை மூன்றுமுறை செய்யும் புத்திசாலி மனிதர் எந்த ஒரு நோயாலும் பாதிக்கப்பட மாட்டார். அவர் என்றென்றும் ஆரோக்கியமாகவே இருப்பார். (5.76-77)