சிறுநீரகப்பை பிரச்சினை வராமல் பாதுகாக்க🔗

கிரியா கொடுக்கப்பட்ட நாள்: ஜனவரி 15, 2012

பின்பற்றப்பட வேண்டிய செயல்முறைப் படிகள்

ஹடப்ரதீபிகா, உபதேசம் 2, ஸ்லோகங்கள் 31-33

அத பத்மாஸனம்

மொழிபெயர்ப்பு

மேல் நோக்கி திருப்பிய பாதங்களை முயற்சிசெய்து தொடைகளில் வைத்து, உள்ளங்கைகளையும் மேல் நோக்கி இருக்குமாறு வைத்து, தொடைகளுக்கு இடையில் வைத்துக் கொள்ளவும். (2.31)

மூக்கின் நுனிப் பகுதியைக் கூர்ந்து கவனித்து, நாக்கை மேல் தாடை பல்லின் தொடக்கத்தில் வைத்து அழுத்தி, முகவாய்க்கட்டையை மார்பில் பதித்து, காற்றை மெதுவாக மேல் நோக்கி உயர்த்தவும், அதாவது பிராண வாயுவை மெதுவாக மேல் நோக்கி இழுக்கவும். (2.32)

பத்மாஸனம் என்றழைக்கப்படும் இந்த ஆஸனம் எல்லாவகை நோய்களையும் அழிக்கும் சக்திபடைத்தது. எல்லோராலும் இது அடையப்படுவதற்கு சிரமமாக இருந்தாலும், இதை சில புத்திசாலி மனிதர்கள் கற்றுக்கொள்கிறார்கள். (2.33)

பத்மாஸனம்

ஸ்வங்க-ச்'ருங்கலா கும்பக:, கும்பக-பத்ததி:, ஸ்லோகம்-178

அத ஸ்வங்க-ச்'ருங்கலகும்பக:

குருவின் உபதேசப்படி ஒருவர் சுவாசத்தை வெளியே விட்டு நிறுத்த வேண்டும். மீண்டும் மீண்டும் ரேசகத்தைச் செய்தலே ஸ்வங்க ச்ருங்கலகும்பகம் எனப்படும்.

ப்லாவினீகும்பக:, கும்பக-பத்ததி:, ஸ்லோகம் 171

அத ப்லாவினீகும்பக:

தண்ணீரிலே படுத்து மிதந்தபடி, நுரையீரல் முழுவதும் நிரம்பும் அளவிற்கு சுவாசத்தை உள்ளிழுத்து, பிறகு ஜாலந்தர முத்ராவில் உறுதியாக நிலைபெறும் இக்கும்பகம் ப்லாவினீகும்பகம் என்றழைக்கப்படுகிறது.

இந்தக் கும்பகத்தை செய்து முடித்த 10 -15 நிமிடங்களுக்குள் ஏதாவது உணவை உட்கொண்டுவிட வேண்டும்.

மூர்ச்சனாகும்பக:, கும்பக-பத்ததி:, ஸ்லோகம்-170

அத மூர்ச்சனாகும்பக:

உள்ளிழுத்த சுவாசத்தை அப்படியே நிறுத்தி, ஜாலந்தர முத்ராவில் இருந்து, ஜாலந்தர பந்த முத்ராவில் இருந்தபடியே சுவாசத்தை மெதுவாக வெளியேற்றே வண்டும். இந்த மூர்ச்சன ப்ராணாயாமம் செயலற்ற மனத்தையும் ஆனந்தத்தையும் கொடுக்கிறது.