பிரார்த்தனையில் உருகுபவர் சொர்க்கத்தில் வாழ்கிறார்🔗

பிரபஞ்ச சக்தியின் மீது பொங்குகிற அன்பினாலும், ஈடுபாட்டாலும், பிடிப்பாலும், உணர்வு ரீதியாக இணைவதால் கோர்க்கும் ஆனந்தக் கண்ணீரால் நிறைந்த கண்களையும் உடையவர்கள் கொடுத்து வைத்தவர்கள், புண்ணிய சாலிகள், சொர்க்கத்தில் வாழ்கிறவர்கள்.

இவருக்கு, இதற்கு மேலே இந்தப் பூமியில், தனியாக வேறு ஒன்றும் தேவை இல்லை.

இராமகிருஷ்ணர் மிக அழகாகச் சொல்வார், “கடவுளுடைய பெயரையோ, குருவுடைய பெயரையோ, நினைத்த மாத்திரத்திலேயே, யாருடைய கண்களில் நீர் கோர்க்கிறதோ, அவருக்கு இதுதான் கடைசி ஜென்மம்,” என்று சொல்கிறார்.

‘இதுதான் கடைசி பிறவி’ என்று சொல்கிறார். ‘இன்னொரு பிறவி இல்லை’ என்று சொல்கிறார். எப்போது, கடவுளுடைய பெயரையோ, குருவுடைய பெயரையோ, சொன்னமாத்திரத்திலேயே, கேட்ட மாத்திரத்திலேயே, கண்கள் பனிக்கின்றனவோ, கண்கள் கரைகின்றனவோ, உணர்வு உருகுகிறதோ, அப்பொழுது தெரிந்துகொள்ளுங்கள், இதுதான் உங்களின் கடைசிப் பிறவி.

பிரார்த்தனையில் உருகுங்கள்., சொர்க்கத்திலேயே வாழ்வீர்கள்.