ಧ್ಯಾನಚಿಕಿತ್ಸೆ - ನಿತ್ಯ ಸ್ಪಿರಿಚುಯಲ್ ಹೀಲಿಂಗ್🔗

ನಿತ್ಯ ಸ್ಪಿರಿಚುಯಲ್ ಹೀಲಿಂಗ್ ನನ್ನ ಸಾಕ್ಷಾತ್ಕಾರದೊಂದಿಗೆ ನಾನು ಪಡೆದ ಒಂದು ಕೊಡುಗೆ. ಇದನ್ನು ನಾನು ನಿಮಗೆ ಹಸ್ತಾಂತರಿಸುತ್ತಿದ್ದೇನೆ. ಅದು ಯಾವ ಧ್ಯಾನ ಕಾರ್ಯಕ್ರಮವೂ ಅಲ್ಲ. ಅದು ಗುರುಗಳು ಕೊಡುವ ದೀಕ್ಷೆ. ದೀಕ್ಷೆಯು ನಿಮ್ಮನ್ನು ವಿಶ್ವಶಕ್ತಿಯೊಂದಿಗೆ ಶ್ರುತಿಗೊಳಿಸುತ್ತದೆ ಹಾಗೂ ಗುಣಪಡಿಸುವ ಸಾಮರ್ಥ್ಯವನ್ನು ಒದಗಿಸುತ್ತದೆ.

ಯೋಗದ ಪಿತಾಮಹರೆನಿಸಿದ ಸಾಕ್ಷಾತ್ಕಾರವನ್ನು ಪಡೆದ ಪತಂಜಲಿ ಮಹರ್ಷಿಗಳ ಪ್ರಕಾರ, ನಮ್ಮ ದೇಹದಲ್ಲಿ ಏಳು ಪ್ರಮುಖ ಚಕ್ರಗಳು ಅಥವಾ ಸೂಕ್ಷ್ಮ ಶಕ್ತಿಕೇಂದ್ರಗಳಿವೆ. ಈ ಏಳು ಶಕ್ತಿಕೇಂದ್ರಗಳು ನಮ್ಮ ದೈಹಿಕ, ಮಾನಸಿಕ ಹಾಗೂ ಅಸ್ತಿತ್ವದ ಕಾರ್ಯ ಚಟುವಟಿಕೆಗಳ ಮೇಲೆ ಪರಿಣಾಮವನ್ನು ಬೀರುತ್ತವೆ. ಅವು ನಮ್ಮೊಳಗೆ ಆದಿಭೌತಿಕ ಸ್ತರದಲ್ಲಿದ್ದು ನಮ್ಮ ಭೌತಿಕ ದೇಹದ ಏಳು ಪ್ರಮುಖ ಗ್ರಂಥಿಗಳೊಂದಿಗೆ ಸಂಬಂಧಪಟ್ಟಿವೆ. ಅವು ಭೌತಿಕ ಗ್ರಂಥಿಗಳ ಕಾರ್ಯಗಳ ಮೇಲೆ ಗಾಢವಾದ ಪರಿಣಾಮವನ್ನು ಬೀರುತ್ತವೆ.

ದೇಹವು ಯಂತ್ರಾಂಶ (ಹಾರ್ಡ್‌ವೇರ್) ದಂತೆಯೂ ಮಾನಸ್ಸು ತಂತ್ರಾಂಶ (ಸಾಫ್ಟ್‌ವೇರ್)ದಂತೆಯೂ ಇವೆ. ತಂತ್ರಾಂಶವು ಸಮಸ್ಯೆಗೆ ಕಾರಣವಾಗಿದ್ದಾಗ, ಯಂತ್ರಾಂಶವನ್ನು ಸರಿಪಡಿಸಲು ಹೋಗುತ್ತೇವೆ. ತಂತ್ರಾಂಶವು ದೂಷಿತವಾಗಿದ್ದು, ಯಂತ್ರಾಂಶಕ್ಕೆ ಎಂದರೆ ದೇಹಕ್ಕೆ ಸತತವಾಗಿ ತಪ್ಪು ಸೂಚನೆಗಳನ್ನು ಕಳುಹಿಸುತ್ತಲೇ ಇರುತ್ತದೆ. ನಮ್ಮ ದೇಹದ ಅನಾರೋಗ್ಯಕ್ಕೆ ಮತ್ತು ಮನೋದೇಹದ ಅಸಮತೋಲನಕ್ಕೆ ಮೂಲಕಾರಣ ಮನಸ್ಥಿತಿ ಎಂಬುದನ್ನು ತಿಳಿಯಿರಿ.

ಧ್ಯಾನಚಿಕಿತ್ಸೆ ಅಥವಾ ನಿತ್ಯ ಸ್ಪಿರಿಚುಯಲ್ ಹೀಲಿಂಗ್ ಎಂಬುದು ವಿಶ್ವಶಕ್ತಿಯ ಮೂಲಕ ಗುಣಪಡಿಸುವುದು. ವಿಶ್ವಶಕ್ತಿಯು ನಮಗೆ ಗೊತ್ತಿರುವ ವಿದ್ಯುಚ್ಛಕ್ತಿಯಂತಹ ವಿವಿಧ ರೂಪಗಳ ಶಕ್ತಿಗಿಂತಲೂ ಭಿನ್ನವಾದುದು. ವಿದ್ಯುಚ್ಛಕ್ತಿಗೆ ತನ್ನದೇ ಆದ ಬುದ್ಧಿಶಕ್ತಿಯಿಲ್ಲ. ಒಂದು ಬಲ್ಬನ್ನು ಸಾಕೆಟ್(ಬಲ್ಬಿನ ಆಧಾರ)ನೊಳಕ್ಕೆ ಹಾಕಿದರೆ, ವಿದ್ಯುತ್ ಹರಿದು ದೀಪವು ಬೆಳಗುತ್ತದೆ. ಸಾಕೆಟ್‌ನೊಳಕ್ಕೆ ನಿಮ್ಮ ಬೆರಳನ್ನಿಟ್ಟರೆ, ನಿಮ್ಮಲ್ಲೂ ಅದೇ ವಿದ್ಯುತ್ ಹರಿಯುತ್ತದೆ, ಆದರೆ ನಿಮಗೆ ವಿದ್ಯುದಾಘಾತವಾಗುತ್ತದೆ. ಹರಿಯುತ್ತಿರುವಾಗ ಏನು ಮಾಡಬೇಕೆಂಬುದು ವಿದ್ಯುಚ್ಛಕ್ತಿಗೆ ಗೊತ್ತಾಗುವುದಿಲ್ಲ. ಆದರೆ ವಿಶ್ವಶಕ್ತಿಯು ಶುದ್ಧ ಬುದ್ಧಿಶಕ್ತಿ. ವಿಶ್ವಶಕ್ತಿಯನ್ನು ಒಮ್ಮೊಮ್ಮೆ ವಿದ್ಯುತ್‌ಛಕ್ತಿಗೆ ಹೋಲಿಸಲಾಗುತ್ತದೆ, ಆದರೂ ಅದು ಬಹಳ ಭಿನ್ನವಾದುದು. ಅದು ತಪ್ಪುಮಾಡುವುದೇ ಇಲ್ಲ, ಏಕೆಂದರೆ ಅದಕ್ಕೆ ತನ್ನದೇ ಆದ ಬುದ್ಧಿಶಕ್ತಿ ಇದೆ.

ಈ ತತ್ತ್ವವನ್ನು ಅರ್ಥಮಾಡಿಕೊಂಡು ಪ್ರಾಮಾಣಿಕವಾಗಿ ಅದರೊಳಗೆ ಸಂಪೂರ್ಣವಾಗಿ ತೊಡಗಿಕೊಳ್ಳಿರಿ, ಅಷ್ಟೇ ಸಾಕು. ಪ್ರಯೋಗ ಮಾಡಿನೋಡುವುದಕ್ಕೆ ಮುಂಚೆಯೇ ಪ್ರಯೋಗದ ಲಾಭವನ್ನು ಅಪೇಕ್ಷಿಸದೆ ಪ್ರಯೋಗ ಮಾಡಲು ಧೈರ್ಯವನ್ನೂ ತೆರೆದ ಮನಸ್ಸನ್ನೂ ಹೊಂದಿರಿ. ನಿಮ್ಮ ಆಲೋಚನೆಗಳನ್ನೂ, ಬುದ್ಧಿಶಕ್ತಿಯನ್ನೂ, ಭಾವನೆಗಳನ್ನೂ ಮತ್ತು ಉತ್ಸಾಹವನ್ನೂ ಒಟ್ಟುಗೂಡಿಸಿ ತತ್ತ್ವದೊಂದಿಗೆ ಸಮನ್ವಯಗೊಳಿಸಿರಿ.

ಆನಂದಗಂಧ ಚಕ್ರವು ನಮ್ಮ ಏಳು ಚಕ್ರಗಳೂ, ಏಳು ಚೈತನ್ಯ ಶರೀರಗಳೂ, ಪಂಚಕೋಶಗಳೂ ಎಲ್ಲವೂ ಲೀನವಾಗುವ ಶಕ್ತಿಕೇಂದ್ರ. ಅದು ನಮ್ಮ ಎಲ್ಲಾ ಚೈತನ್ಯಕ್ಕೂ ಮೂಲ ಹಾಗೂ ಬ್ರಹ್ಮಾಂಡದ ವಿಶ್ವಶಕ್ತಿಗೆ ನೇರವಾಗಿ ಸಂಪರ್ಕವನ್ನು ಹೊಂದಿದೆ. ಆನಂದಗಂಧವು ಭೌತಿಕ ದೇಹದಲ್ಲಿಲ್ಲ; ಅದಕ್ಕೆ ಆಧಿಭೌತಿಕ ಮಹತ್ವವಿದೆ.

ಜ್ಞಾನಿಯೂ ಒಬ್ಬ ವ್ಯಕ್ತಿಯನ್ನು ಗುಣಪಡಿಸುವವನಾಗಲು (ಹೀಲರ್ ಆಗಲು) ದೀಕ್ಷೆ

ಈ ಧ್ಯಾನವು ನಿಮಗೆ ಇವುಗಳನ್ನು ನೀಡುತ್ತದೆ.

ಸತ್: ಎಲ್ಲದರಲ್ಲಿಯೂ ಸ್ಪಷ್ಟತೆ.

ಚಿತ್: ಪ್ರಜ್ಞೆ

ಆನಂದ: ಕಾರಣರಹಿತ ಆನಂದ

ಬಾಹ್ಯ ಪ್ರಪಂಚದಲ್ಲಿ ಏನೇ ನಡೆಯುತ್ತಿದ್ದರೂ ಅದರ ಪರಿವೆಯೇ ಇಲ್ಲದೆ ಸಂತೋಷವಾಗಿರುತ್ತೀರಿ.

1. ಕ್ಯಾನ್ಸರ್, ಆಸ್ತಮಾ, ಸೈನಸೈಟಿಸ್, ಹರ್ನಿಯಾ, ಮೂತ್ರ ಜನಕಾಂಗದ ವೈಫಲ್ಯ, ಮಧುಮೇಹ, ತೀವ್ರ ರಕ್ತದೊತ್ತಡ, ಬೆನ್ನಿನ ತೊಂದರೆಗಳು, ಅಲರ್ಜಿಗಳು, ಮೂರ್ಛೆ ರೋಗ, ಅರೆ ತಲೆನೋವು, ಧಮ್ಮು, ಚರ್ಮರೋಗಗಳು, ನಿದ್ರಾಹೀನತೆ ಮುಂತಾದ ಅನೇಕ ರೋಗಗಳು ಗುಣವಾಗುತ್ತವೆ.

2. ಉದ್ವಿಗ್ನತೆ, ಖಿನ್ನತೆ, ಅಕಾರಣ ಭಯ ಮುಂತಾದ ಮಾನಸಿಕ ಖಾಯಿಲೆಗಳು ಗುಣವಾಗುತ್ತವೆ.

3. ಸುಟ್ಟಗಾಯ, ನೋವುಗಳು, ಶೂಲೆಗಳು, ಮುಂತಾದ ದೈಹಿಕ ತೊಂದರೆಗಳ ಶೀಘ್ರ ಗುಣವಾಗುತ್ತದೆ.

4. ಸ್ತ್ರೀರೋಗ ಸಂಬಂಧವಾದ ಖಾಯಿಲೆಗಳು, ಬಂಜೆತನ ಮುಂತಾದುವುಗಳಿಗೆ ಪರಿಹಾರ ದೊರಕುತ್ತದೆ.

ನಿತ್ಯ ಸ್ಪಿರಿಚುಯಲ್ ಹೀಲಿಂಗ್ ಎಂಬುದು ಜಗತ್ತಿನಾದ್ಯಂತ ಸಾವಿರಾರು ಹೀಲಿಂಗ್ ಕೇಂದ್ರಗಳಲ್ಲಿಯೂ, ಕಾಲಕಾಲಕ್ಕೆ ನಡೆಸುವ ಚಿಕಿತ್ಸಾ ಶಿಬಿರಗಳಲ್ಲಿಯೂ ಉಚಿತವಾಗಿ ನೀಡಲಾಗುತ್ತಿರುವ

ಸೇವೆ. ಈ ವಿಶಿಷ್ಟ ಚಿಕಿತ್ಸಾ ಪದ್ಧತಿಯು ಹೀಲಿಂಗ್ ನೀಡುವವನಿಗೆ ಧ್ಯಾನವಾಗಿಯೂ, ಮಾಡಿಸಿಕೊಳ್ಳುವವನಿಗೆ ಚಿಕಿತ್ಸೆಯಾಗಿಯೂ ಇರುತ್ತದೆ. ಇದರಲ್ಲಿ ಯಾವ ಅನಿಷ್ಟ ಉಪಪರಿಣಾಮಗಳೂ ಇಲ್ಲದೆ ಸುರಕ್ಷಿತವಾಗಿರುವುದು.