ಉಪನಿಷತ್ತು🔗

ಕಾರ್ಯ-ಕಾರಣ ಸಿದ್ಧಾಂತವೆಂಬ ಮಾತನ್ನು ನಾವೆಲ್ಲರೂ ಕೇಳಿಯೇ ಇದ್ದೇವೆ. ಒಂದು ಚೆಂಡನ್ನು ಕೈಬಿಟ್ಟರೆ ಅದು ಕೆಳಗೆ ಬೀಳುತ್ತದೆ. ನೀರನ್ನು 100° ಡಿಗ್ರಿ ಸೆಂಟ್‌ಗ್ರೇಡ್‌ನಲ್ಲಿ ಕುದಿಸಿದರೆ ಅದು ಆವಿಯಾಗುತ್ತದೆ. ನೀರಿಗೆ ಉಪ್ಪನ್ನು ಹಾಕಿದರೆ ಅದು ಕರಗಿಹೋಗುತ್ತದೆ. ಇದು ಕಾರಣ ಸಿದ್ಧಾಂತ. ಯಾವುದೇ ಕ್ರಿಯೆಯು ಒಂದು ನಿರ್ದಿಷ್ಟವಾದ ಪರಿಣಾಮವನ್ನು ಉಂಟುಮಾಡುತ್ತದೆ. ವಿಜ್ಞಾನದ ತಳಹದಿಯು ಈ ಕಾರಣ ಸಿದ್ಧಾಂತವನ್ನವಲಂಬಿಸಿದೆ.

ಪರಿಣಾಮಕ್ಕೂ ಇರುವ ಸಂಬಂಧವನ್ನು ನೋಡುತ್ತೇವೆ. ಆದರೆ ಜೀವನದಲ್ಲಿ ಮೂಲ ಕಾರಣಕ್ಕೂ ಮತ್ತು ಅದರ ಪರಿಣಾಮವಾಗಿ ಸಂಭವಿಸುವ ಘಟನೆಗಳಿಗೂ ಸಮಯದ ಅಂತರ ಬಹಳ ಇರುವುದರಿಂದ ಅವುಗಳನ್ನು ಸಂಬಂಧಿಸಲಾಗುವುದಿಲ್ಲ. ಒಂದು ಕಲ್ಲನ್ನು ನೀರಿಗೆಸೆದಾಗ, ಆ ಕಲ್ಲಿನಿಂದಾಗಿ ತಕ್ಷಣದ ತರಂಗಗಳೇಳುವುದನ್ನು ನೋಡಬಹುದು. ಆದರೆ ಕೆಲವು ನಿಮಿಷಗಳ ನಂತರ ನೋಡಿದರೆ, ಎರಡನೇ ಹಂತದ ತರಂಗಗಳನ್ನು ನೋಡುತ್ತೀರಿ, ಆದರೆ ಅವು ಏತಕ್ಕಾಗಿ ಆದುವೆಂದು ಖಚಿತವಾಗಿ ತಿಳಿಯುವುದಿಲ್ಲ.

ನಿಮ್ಮ ಜೀವನದಲ್ಲಿ ಇಂತಹ ಸನ್ನಿವೇಶಗಳು ಎದುರಾಗಿರಬಹುದು. ನಿಮ್ಮ ಗೆಳತಿಗೆ ನಿಮಗಿಷ್ಟವಾದ ತಿಂಡಿಯನ್ನು ಮಾಡೆಂದು ಹೇಳೋಣವೆಂದುಕೊಂಡು, ಆಕೆಯ ಮನೆಗೆ ಹೋದರೆ, ಆಕೆಯು ಅದೇ ತಿಂಡಿಯನ್ನೇ ಮಾಡಿರುತ್ತಾಳೆ! ಆಕೆಗೆ ಅಂದು ಅದನ್ನೇ ಮಾಡಬೇಕೆಂದು ತೋಚಿರುತ್ತದೆ, ಇದು ಏಕಕಾಲಿಕತೆಯ ಪ್ರಭಾವ.

ಮನದ ಪ್ರಜ್ಞಾರಹಿತ ವಲಯವು ಧ್ಯಾನದಿಂದ ಶುದ್ಧೀಕರಿಸಬಹುದಾದ ಸಾಫ್ಟ್‌ವೇರ್‌ನಂತೆ. 'ಗುರುಗಳ ದರ್ಶನ' ಅಥವಾ ಕೃಪೆಯಿಂದ ಈ ಹೊಸ ಸಾಫ್ಟ್‌ವೇರ್‌ನ್ನು ಇಟ್ಟುಕೊಳ್ಳಲು ಹಾರ್ಡ್‌ವೇರ್ ಆದ ಮೆದುಳನ್ನೇ ಅನುಗೊಳಿಸಲಾಗುವುದು.

ಪ್ರಜ್ಞಾಸಹಿತತೆ ಮತ್ತು ಪ್ರಜ್ಞಾರಹಿತತೆಯನ್ನು ಧ್ಯಾನದಿಂದ ಶುದ್ಧೀಕರಿಸಿ, ನಿಮ್ಮಲ್ಲೇ ಒಂದು

ಪರಿವರ್ತನೆ ಉಂಟಾದಾಗ, ಮೊದಲನೇ ದಿನದಿಂದಲೇ ಆ ಪರಿಣಾಮವನ್ನು ಹಿಡಿದಿಟ್ಟುಕೊಂಡು ಅದನ್ನು ಪೋಷಿಸಲು ಹಾರ್ಡ್‌ವೇರ್‌ಗೆ ಸಾಧ್ಯವಾಗದೇ ಹೋಗಬಹುದು. ಗುರುಗಳ ದರ್ಶನ ಅಥವಾ ಕೃಪೆಯಾದರೆ, ಹಾರ್ಡ್‌ವೇರ್ ಸಹ ಆ ಪರಿಣಾಮವನ್ನು ಹಿಡಿದಿಟ್ಟುಕೊಳ್ಳುವಂತೆ ಪರಿವರ್ತನೆ ಹೊಂದುತ್ತದೆ. ಆ ಕೃಪೆಯು ದೊರಕದಿದ್ದರೆ, ನಿಷ್ಠೆಯಿಂದ ಮಾಡಿದ ಧ್ಯಾನ ಮತ್ತು ಕಲಿತ ಉಪದೇಶಗಳು ಹೇಗೋ ಹಾರ್ಡ್‌ವೇರ್‌ನ್ನು ಪರಿವರ್ತಿಸಲು ಸಹಾಯಕವಾಗುತ್ತವೆ.

ಕೆಲವುಬಾರಿ ಹೊಸ ಸಾಫ್ಟ್‌ವೇರ್‌ನ್ನು ಅಳವಡಿಸದೇ ಇದ್ದರೂ ಹಾರ್ಡ್‌ವೇರ್‌ನ್ನು ಪರಿವರ್ತಿಸಬಹುದು ಹಾಗೂ ಹೊಸ ಸಾಫ್ಟ್‌ವೇರ್‌ನ ಗುಣವನ್ನು ನೇರವಾಗಿ ಹೊರಹೊಮ್ಮಿಸಲಾರಂಭಿಸಬಹುದು. ಅದು ಶಿಷ್ಯನು ಗುರುವಿಗೆ ಸಂಪೂರ್ಣವಾಗಿ ತೆರೆದುಕೊಂಡಾಗ ಮಾತ್ರ ಆಗಲು ಸಾಧ್ಯ. ಕೆಲವು ವೇಳೆ ಶಿಷ್ಯನು ಯಾವ ಕಾರಣವೂ ಇಲ್ಲದೆಯೋ ಗುರುವನ್ನು ಪ್ರೀತಿಸಲಾರಂಭಿಸುತ್ತಾನೆ. ಆತನು ಬೋಧನೆಗಳಿಂದ ಆಕರ್ಷಿತವಾಗದೇ ಇರಬಹುದು ಅಥವಾ ಅವುಗಳನ್ನು ತಿಳಿದುಕೊಂಡಿಲ್ಲದಿರಬಹುದು. ಧ್ಯಾನತಂತ್ರಗಳಿಗೆ ಆಕರ್ಷಿತವಾಗದಿರಬಹುದು ಅಥವಾ ಅವುಗಳನ್ನು ಅರಿಯದೇ ಹೋಗಿರಬಹುದು. ಆದರೆ, ಕೇವಲ ಪ್ರೀತಿಸುತ್ತಾನೆ. ಕಾರಣವೇ ಇಲ್ಲದೆ ಗುರುಗಳನ್ನು ಪ್ರೀತಿಸಿದರೆ, ಗುರುಗಳು ಸಾಫ್ಟ್‌ವೇರ್‌ನೊಡನೆ ಹಾರ್ಡ್‌ವೇರ್‌ನ್ನೂ ನೇರವಾಗಿ ಪರಿವರ್ತಿಸಲು ಸಾಧ್ಯ. ಇಂತಹ ಶಿಷ್ಯರು ಬೋಧನೆಗಳ ಮತ್ತು ಧ್ಯಾನದ ಸಾರವನ್ನು, ಅವುಗಳನ್ನು ಕಲಿಯದೆಯೇ ನಿಸ್ಸಂಶಯವಾಗಿ ಪ್ರಸರಿಸುತ್ತಿರುತ್ತಾರೆ.

ಸದ್ಯದಲ್ಲಿ ಹಾರ್ಡ್‌ವೇರ್ ಮತ್ತು ಸಾಫ್ಟ್‌ವೇರ್‌ಗಳೆರಡೂ ಹೊರಪ್ರಪಂಚಕ್ಕೆ, ಭೌತಿಕ ಜಗತ್ತಿಗೆ ತೆರೆದುಕೊಂಡಿವೆ. ಬೋಧನೆಗಳನ್ನು ಆಲಿಸುವ ಮೂಲಕ ಸಾಫ್ಟ್‌ವೇರಿನ ಪ್ರಜ್ಞಾಸಹಿತಭಾಗವು ಒಳಪ್ರಪಂಚಕ್ಕೆ ತಿರುಗಿಕೊಳ್ಳಲಾರಂಭಿಸುತ್ತದೆ ಹಾಗೂ ಸಾಫ್ಟ್‌ವೇರಿನ ಪ್ರಜ್ಞಾರಹಿತ ಭಾಗವು ಧ್ಯಾನದ ಮೂಲಕ ಅಂತರ್ಮುಖಿಯಾಗಲು ಆರಂಭಿಸುತ್ತದೆ. ಆದರೆ ಸಾಫ್ಟ್‌ವೇರ್ ಅಂತರ್ಮುಖಿಯಾದರೂ ಹಾರ್ಡ್‌ವೇರಿಗೆ ಅದನ್ನು ನಿಭಾಯಿಸಲಾಗುವುದಿಲ್ಲ. ಆಗ, ಸಹಜವಾಗಿಯೇ ಹಾರ್ಡ್‌ವೇರ್ ತನ್ನ ಮೂಲ ಸ್ವಭಾವವನ್ನು ಉಳಿಸಿಕೊಂಡಿರಲು ಶಕ್ತಿಮೀರಿ ಪ್ರಯತ್ನಿಸುತ್ತದೆ. ಒಂದು ವೇಳೆ ಸಾಫ್ಟ್‌ವೇರ್ ವಿಪರೀತ ಶಕ್ತಿಯುತವಾಗಿದ್ದು, ಶೃತಿಗೂಡಿಕೊಂಡಿದ್ದರೆ, ಆಗ ಹಾರ್ಡ್‌ವೇರ್ ಪರಿವರ್ತಿಸುತ್ತದೆ. ಆದರೆ, ಬೋಧನೆಯನ್ನೂ ಧ್ಯಾನವನ್ನೂ ಅನುಗ್ರಹಿಸಿ, ಜೊತೆಗೆ ದರ್ಶನವನ್ನೂ ಕೃಪೆಯನ್ನೂ ದಯಪಾಲಿಸಿದರೆ, ಹಾರ್ಡ್‌ವೇರ್‌ಅನ್ನು ಸಹ ಪರಿವರ್ತಿಸಿ, ಪರಿವರ್ತನೆಯನ್ನು ನಿಗ್ರಹಿಸಿಕೊಳ್ಳಲಾರಂಭಿಸುತ್ತದೆ. ಅದೇ ಅನುಭವಕ್ಕೆ ಹೊಂದಿಕೊಂಡಿರಲು ಅದು ತಯಾರಾಗಿರುತ್ತದೆ.

ಅಮೆರಿಕಾದ ಹಾರ್ಟ್‌ಮಾತ್‌ ಸಂಸ್ಥೆಯಲ್ಲಿ ಒಂದು ರೋಮಾಂಚಕಾರಿ ಸಂಶೋಧನೆ ನಡೆಯಿತು:

ನಂತರ, ಆ ಸ್ಕ್ಯಾಟರಿಂಗ್ ಛೇಂಬರ್‌ನಲ್ಲಿ ಒಂದು ಡಿ.ಎನ್‌.ಎ. ನಮೂನೆಯನ್ನು ಇಡಲಾಯಿತು. ಈಗ ನಕ್ಷೆಯು ಪರಿವರ್ತಿಸಿ ಡಿ.ಎನ್‌.ಎ. ಮತ್ತು ಬೆಳಕಿನ ಫೋಟಾನ್‌ಗಳ ಮಧ್ಯೆ ಒಂದು ಪರಸ್ಪರ ಕ್ರಿಯೆಯನ್ನು ತೋರಿತು.

ನಂತರ ಡಿ.ಎನ್‌.ಎ. ನಮೂನೆಯನ್ನು ಛೇಂಬರ್‌ನಿಂದ ತೆಗೆಯಲಾಯಿತು. ಡಿ.ಎನ್‌.ಎ. ಯನ್ನು ತೆಗೆದಾಗ, ನಕ್ಷೆಯು ಡಿ.ಎನ್‌.ಎ.ಯನ್ನು ಛೇಂಬರಿನಲ್ಲಿ ಇರಿಸುವುದಕ್ಕೂ ಮೊದಲು ಹೇಗಿತ್ತೋ ಹಾಗೆಯೇ ಇರುತ್ತದೆಂದು ನಿರೀಕ್ಷಿಸುವಿರಿ. ಆಶ್ಚರ್ಯಕರವಾಗಿ, ಡಿ.ಎನ್‌.ಎ.ಯನ್ನು ತೆಗೆದ ನಂತರ ನಕ್ಷೆಯು ಸ್ಪಷ್ಟವಾಗಿ ಡಿ.ಎನ್‌.ಎ.ಯನ್ನಿಡುವ ಮೊದಲು ಹೇಗಿತ್ತೋ ಅದಕ್ಕಿಂತಲೂ ಬಹಳ ಬೇರೆ ರೀತಿಯದಾಗಿತ್ತು.

ಒಂದು ವಿಸ್ಮಯಕಾರಕ ಪರಿಶೀಲನೆಯೆಂದರೆ, ಕೆಳಮಟ್ಟದ ಜೀವಿಗಳ ಪ್ರಜ್ಞೆಯ ಡಿ.ಎನ್‌.ಎ.ಗಳಲ್ಲಿ ಈ ಪರಿಣಾಮವು ಕಂಡುಬರುವುದಿಲ್ಲ. ಇದರಿಂದ ಒಂದು ನಿರ್ದಿಷ್ಟವಾದ ವಸ್ತುವಿನ ಅಥವಾ ವ್ಯಕ್ತಿಯ ಪ್ರಜ್ಞೆಯು ಸದಾಕಾಲವೂ ಹೊರಸೂಸುತ್ತಿರುತ್ತದೆಯೆಂದೂ, ಅದು ತನ್ನ ಪ್ರಭಾವವನ್ನು ಬೀರುತ್ತಲೇ ಇರುತ್ತದೆಂದೂ ತೀರ್ಮಾನಿಸಬಹುದು. ಅಲ್ಲದೆ, ಪ್ರಕೃತಿಯಲ್ಲಿ ಉನ್ನತಸ್ತರದ ಪ್ರಜ್ಞಾರೂಪಗಳು, ಕೇವಲ ಅವುಗಳ ಇರುವಿಕೆಯಿಂದಲೇ ಕಡಿಮೆ ಸ್ತರದ ಪ್ರಜ್ಞೆಯ ಬೇರೆ ಬೇರೆ ರೂಪಗಳ ಮೇಲೆ ಪ್ರಭಾವ ಬೀರುತ್ತವೆ ಎಂಬುದನ್ನು ಗಮನಿಸಬಹುದು. (ಇದರ ಸಂಪೂರ್ಣ ಮಾಹಿತಿಗಾಗಿ http://twm.co.nz/ DNAPhantom.htm ಗೆ ಭೇಟಿ ನೀಡಿರಿ)

ಸ್ಪರ್ಶದ ಸಮಯದಲ್ಲಿ ನೀವು ಸಂಪೂರ್ಣವಾಗಿ ತೆರೆದ ಮನಸ್ಕರಾಗಿದ್ದರೆ, ಜ್ಞಾನೋದಯದ ದೈಹಿಕ ಜ್ಞಾನವು ನಿಮ್ಮಲ್ಲಿ ಡೌನ್‌ಲೋಡ್ ಆಗುತ್ತದೆ. ನಿಮ್ಮ ಶರೀರವು ಈಗಿರುವುದಕ್ಕಿಂತಲೂ ಉತ್ತಮವಾಗಿರಬಹುದೆಂಬುದೂ ತಿಳಿಯುತ್ತದೆ! ನಿಮ್ಮ ಸ್ನಾಯುನೆನಪು (Biomemory) ಇನ್ನೂ ಉತ್ತಮವಾದ ಜೀವನದ ಸಾಧ್ಯತೆಯಿದೆ ಎಂಬುದನ್ನು ತಿಳಿಯುತ್ತದೆ.

ಸಮಗ್ರವಾದ ಚೈತನ್ಯದೊಂದಿಗೆ ಬೆಳೆಯುತ್ತೀರಿ, ಆದರೂ ಗುರುವಿನೊಂದಿಗಿನ ಬಾಂಧವ್ಯವು ಪ್ರತಿಯೊಬ್ಬರಿಗೂ ವಿಶೇಷವಾಗಿರುತ್ತದೆ. ಈ ಕ್ರಿಯೆಯು ವಿಚಾರ ಮಾಡುವ ಶಕ್ತಿಯಿಂದಲೋ ಇಲ್ಲವೆ ಹೃದಯದಿಂದಲೋ ಪ್ರಾರಂಭವಾಗುವುದು. ಸ್ವಲ್ಪ ಸಮಯದಲ್ಲೇ ಆ ಕ್ರಿಯೆಯು ಅಸ್ತಿತ್ವದೊಂದಿಗೆ ವೃದ್ಧಿಸುತ್ತದೆ. ಒಂದು ಜೀವವು ಮತ್ತೊಂದರಲ್ಲಿ ಲೀನವಾಗುವ ಹಾಗೆ, ಶಿಷ್ಯನು ಗುರುವಿನಲ್ಲಿ ಲೀನವಾದಾಗ ಅದೇ ಮುಕ್ತಿ, ಅದೇ ನಿರಂತರ ಆನಂದವಾಗುತ್ತದೆ. ಜೀವನ್ಮುಕ್ತಿ ಎಂದರೆ ಗುರುಗಳೊಂದಿಗೆ ಜೀವಿಸುವುದು....ಅದು ಅಷ್ಟೊಂದು ಸುಲಭ!

ಗುರುಗಳು ಶಿಷ್ಯನನ್ನು ಆರಿಸಿಕೊಳ್ಳುವರೋ ಅಥವಾ ಶಿಷ್ಯನು ಗುರುಗಳನ್ನು ಆರಿಸಿಕೊಳ್ಳುವನೆ?

ಮೊದಲನೆಯದಾಗಿ, ವಾಸ್ತವವಾಗಿಯೂ, ಶಿಷ್ಯನೇ ಗುರುವನ್ನು ಆಯ್ಕೆಮಾಡಿಕೊಳ್ಳುವುದು.

ಆದುದರಿಂದ ಈ ಸಂಬಂಧವು ಶಿಷ್ಯನಿಂದಲೇ ಉಂಟಾಗುವುದು ಎನ್ನುತ್ತೇನೆ. ಶಿಷ್ಯನಿಗೆ ಕಟ್ಟಕಡೆಯ ಸ್ವಾತಂತ್ರ್ಯವಿದೆ, ಗುರು-ಶಿಷ್ಯರ ಬಾಂಧವ್ಯವನ್ನೇರ್ಪಡಿಸಿಕೊಳ್ಳುವ ಸ್ವಾತಂತ್ರ್ಯ ಅವನದು. ಏರ್ಪಡಿಸಿಕೊಂಡ ನಂತರ, ಆತನ ಸ್ವಾತಂತ್ರ್ಯವೆಲ್ಲವೂ ನಶಿಸಿಬಿಡುತ್ತದೆ. ಏಕೆಂದರೆ ಆತನಿಗೆ ಸಾಕ್ಷಾತ್ಕಾರವಾಗುತ್ತದೆ! ನಿಮ್ಮ ಜೀವನದಲ್ಲಿ ನೀವು ಮಾಡಬಹುದಾದ ಕಟ್ಟಕಡೆಯ ಆಯ್ಕೆ ಎಂದರೆ ನಿಮ್ಮ ಗುರುಗಳನ್ನು ಕಂಡುಕೊಳ್ಳುವುದು, ಅಷ್ಟೇ. ಗುರುಗಳನ್ನು ಆಯ್ಕೆ ಮಾಡಿಕೊಂಡ ಕ್ಷಣವೇ ನಿಮ್ಮತನ ಹೋಗಿಬಿಡುತ್ತದೆ. ಆಗ, ನೀವು ಒಬ್ಬ ಬೇರೆಯಾದ ವ್ಯಕ್ತಿಯೇ ಅಲ್ಲ; ನೀವೇ ಗುರುವಾಗುತ್ತೀರಿ.

ನೀವೇನಾದರೂ ‘ಅನ್‌ಕ್ಲಚ್’ ಆಗಿದ್ದರೆ, ನನ್ನ ವಲಯಕ್ಕೆ ಸೇರಬಹುದು. ‘ಅನ್‌ಕ್ಲಚ್’ ಆಗಿರುವುದೇ ನಿಮ್ಮನ್ನು ನೇರವಾಗಿ ನನ್ನೊಂದಿಗೆ ಸೇರಿಸುತ್ತದೆ. ನಿಮ್ಮಿಂದ ಒಂದು ಪ್ರಚಂಡ ಚೈತನ್ಯವು ಉಕ್ಕಿ ಹರಿಯಲಾರಂಭಿಸುತ್ತದೆ. ‘ಅನ್‌ಕ್ಲಚ್’ ಎನ್ನುವುದರ ನನ್ನ ಅರ್ಥವೇನು? ಯಾವ ವ್ಯಕ್ತಿಗೂ, ಆಲೋಚನೆಗೂ ಅಥವಾ ವಸ್ತುವಿಗೂ ಜೋತುಬೀಳದೆ, ಆರಾಮವಾಗಿರುವುದು.

ನಾನು ಯಾವಾಗಲೂ ಎಲ್ಲರಿಗೂ ಹೇಳುವುದೇನೆಂದರೆ, ಯಾರು ತನ್ನ ನೋವನ್ನು ಭಾವಿಸುತ್ತಿದ್ದು, ಉಪಶಮನಕ್ಕಾಗಿ ನನ್ನ ಬಳಿ ಬರುತ್ತಾನೆಯೋ ಆತನು ಒಬ್ಬ ಭಕ್ತನೆಂದು. ತನ್ನ ಸಮಸ್ಯೆಗಳ ಬಗ್ಗೆ ಮಾತ್ರ ಹೇಳಿಕೊಳ್ಳುವವನು ಭಕ್ತ.

ಹಾಗಾದರೆ, ಈಗ ನಿಮಗೆ ಶಿಷ್ಯನಾಗುವುದು ಹೀಗೆಂದು ತಿಳಿದಿರಬೇಕು. ಬ್ರಹ್ಮಾಂಡದ ಜವಾಬ್ದಾರಿಯಾದ ನನ್ನ ಜವಾಬ್ದಾರಿಯನ್ನು ಅರಿತುಕೊಳ್ಳಿರಿ, ಆಗ ನೀವು ನನ್ನ ಶಿಷ್ಯರಾಗುತ್ತೀರಿ.

ಗುರುಗಳನ್ನು ತಲುಪಿದಾಗ, 'ಇವರು ನನ್ನ ಗುರುಗಳೋ ಅಲ್ಲವೋ?' ಎಂಬ ಪ್ರಶ್ನೆಯು ಅದೃಶ್ಯವಾಗುತ್ತದೆ. ಸ್ಪಷ್ಟವಾಗಿ ತಿಳಿದುಕೊಳ್ಳಿರಿ, ಜನರು ನನ್ನನ್ನು ಕೇಳುತ್ತಾರೆ, 'ನಿಮ್ಮನ್ನು ನಮ್ಮ ಗುರುಗಳೆಂದು ಭಾವಿಸೋಣವೆ?' ಎಂದು. 'ಆ ತಪ್ಪನ್ನೆಂದಿಗೂ ಮಾಡಬೇಡಿರಿ. ಇಲ್ಲ, ನಾನೆಂದಿಗೂ ನನ್ನನ್ನೇ ಉಚ್ಛಸ್ಥಾನಕ್ಕೇರಿಸಿ ಕೊಳ್ಳುವುದಿಲ್ಲ. ನಾನೆಂದಿಗೂ ನನ್ನನ್ನೇ ನಿಮ್ಮ ಗುರುವೆಂದು ಒಪ್ಪಿಕೊಳ್ಳಿರೆಂದು ಹೇಳುವುದಿಲ್ಲ'.

ಜನರು ಕೇಳುತ್ತಾರೆ, 'ಸ್ವಾಮೀಜೀ, ನಾನು ನಿಮ್ಮನ್ನು ನೆನಪಿಸಿಕೊಳ್ಳಬೇಕೇ? ನಿಮ್ಮನ್ನು ಕುರಿತು ಧ್ಯಾನ ಮಾಡಬೇಕೇ?' ಎಂದು. 'ಬೇಡ, ನನ್ನನ್ನು ಮರೆಯುವುದೇ ಸಮಸ್ಯೆಯಾಗಿ, ನನ್ನನ್ನು ನೆನಪಿಸಿಕೊಳ್ಳುವುದು ಸಮಸ್ಯೆಯಲ್ಲದಾದಾಗ ಮಾತ್ರ ನಾನು ನಿಮ್ಮ ಗುರು. ನಿಮಗೆ ನನ್ನನ್ನು ಮರೆಯಲು ಸಾಧ್ಯವಾದರೆ ಮರೆತು, ಮುಂದುವರೆಯಿರಿ. ಅದು ನಿಮಗೆ ಒಳ್ಳೆಯದು' ಎನ್ನುತ್ತೇನೆ.

ನಿಮಗೆ ನನ್ನನ್ನು ಮರೆಯಲಾಗದಿದ್ದರೆ ನಾನು ನಿಮ್ಮ ಗುರು. ಯಾವುದೋ ಒಂದು ಮೂಲೆಯಲ್ಲಾದರೂ ಒಂದು ಅನುಮಾನವಿದ್ದಲ್ಲಿ, ನಾನು ನಿಮ್ಮ ಗುರುವಲ್ಲವೆನ್ನುವುದಕ್ಕೆ ಅದೇ ಭದ್ರವಾದ ಸಾಕ್ಷಿ. ವಿರಮಿಸಿ, ಪರದಾಡಬೇಡಿ, ವ್ಯಥೆಪಡಬೇಡಿ, ಹಿಂಸೆ ಪಡಬೇಡಿ, ಸೊಗಸಾಗಿ ವಿದಾಯಹೇಳಿ, ಮುಂದುವರೆಯಿರಿ. ನಿಮ್ಮ ಸರಿಯಾದ ಗುರು ದೊರಕಲು, ನಿಮಗಾಗಿರುವ ಗುರುವನ್ನು ಸಂಧಿಸಲು ನಿಮಗೆ ನನ್ನ ಪ್ರೀತಿ, ಗೌರವ ಹಾಗೂ ಹಾರೈಕೆಗಳಿವೆ. ಅನ್ವೇಷಣೆ ಪ್ರಾರಂಭವಾಗಲಿ, ಸರಿಯಾದ ಗುರುವನ್ನು ಕಾಣುವಿರಿ. ನಾನೇ ಅನೇಕ ಶಿಷ್ಯರನ್ನು ಅನೇಕ ಗುರುಗಳ ಬಳಿ ಕಳುಹಿಸಿದ್ದೇನೆ. ಬಹಳ ಜನರಿಗೆ ಅದೇ ರೀತಿ ನಿರ್ದೇಶಿಸಿದ್ದೇನೆ. ಇದು ಒಂದು ಅಂಗಡಿಯಂತಲ್ಲ.

ನನ್ನ ಅಂಗಡಿಗೆ ಬಂದವರು ಮತ್ತೊಂದಕ್ಕೆ ಹೋಗಬಾರದೆಂದೇನಿಲ್ಲ. ಇದು ವ್ಯವಹಾರವಲ್ಲ.

ಮೊದಲನೆಯದಾಗಿ : ನಾನು ನಿಮ್ಮ ಗುರುವಾಗಿದ್ದಲ್ಲಿ, ನೀವು ನನ್ನ ಶಿಷ್ಯರೋ ಅಲ್ಲವೋ ಎಂಬ ಪ್ರಶ್ನೆಯೇ ನಿಮ್ಮಲ್ಲಿ ಏಳುವುದಿಲ್ಲ. ನಿಮಗೆ ಈ ಅನುಮಾನವಿದ್ದರೆ, ನಾನು ನಿಮ್ಮ ಗುರುವಲ್ಲವೆಂದು ಸ್ಪಷ್ಟಮಾಡಿಕೊಳ್ಳಿರಿ, ನಿಮ್ಮ ಅನ್ವೇಷಣೆಯನ್ನು ಮುಂದುವರೆಸಿರಿ.