ನಿತ್ಯಯೋಗ - ತನುಮನಗಳಿಗಾಗಿ ಮತ್ತು ಅದರಿಂದಾಚೆಗೂ🔗

ಯೋಗವು ಕೇವಲ ದೈಹಿಕ ಸ್ವಾಸ್ಥ್ಯಕ್ಕಾಗಿ ಮಾತ್ರವಲ್ಲ. ಅದು ದೇಹ, ಮನಸ್ಸು ಹಾಗೂ ಆತ್ಮದ ಸಂಯೋಗಕ್ಕೆ ನಮ್ಮನ್ನು ಸಿದ್ಧಪಡಿಸಲು ಸಹಾಯ ಮಾಡುತ್ತದೆ. ಈ ಸಂಯೋಗಕ್ಕಾಗಿಯೇ ನಿತ್ಯಧ್ಯಾನ ವಿಧಾನವನ್ನು ಪತಂಜಲಿಯವರ ಸೂತ್ರದ ಭಾವಾನುಗುಣವಾಗಿ ವಿನ್ಯಾಸ ಮಾಡಲಾಗಿದೆ. ಧ್ಯಾನಗಳಲ್ಲಿ ನಿತ್ಯಧ್ಯಾನವನ್ನು ಕುರಿತು ನಾವು ಮಾತನಾಡಿದ ರೀತಿಯಲ್ಲಿಯೇ ನಿತ್ಯಯೋಗವು ಇಂದಿನ ಜೆಟ್‌ ಯುಗಕ್ಕೆ ಸೂಕ್ತವಾದ ಯೋಗ.

ಯೋಗದ ಮೂಲ ಗ್ರಂಥವಾದ ಪತಂಜಲಿ ಯೋಗ ಸೂತ್ರದ ಪ್ರಾರಂಭದಲ್ಲಿ ಯೋಗ ಪಿತಾಮಹ ಪತಂಜಲಿಯವರು,

ಯೋಗಃ ಚಿತ್ತವೃತ್ತಿ ನಿರೋಧಃ

ಎಂದರೆ, 'ಯೋಗವು ಮನಸ್ಸನ್ನು ನಿಲ್ಲಿಸುವುದು' ಎಂದು ಹೇಳುತ್ತಾರೆ. ಅರ್ಥಮಾಡಿಕೊಳ್ಳಿರಿ, ಮನಸ್ಸು ನಿಲ್ಲಿಸುವುದರೊಂದಿಗೆ ಯೋಗವು ಕೊನೆಯಾಗುವುದೆಂದು ಇದರರ್ಥವಲ್ಲ. ಸರಿಯಾಗಿ ಹೇಳಬೇಕೆಂದರೆ, ಮನಸ್ಸು ಕೊನೆಗೊಂಡಲ್ಲಿ ಯೋಗವು ಪ್ರಾರಂಭವಾಗುತ್ತದೆ. ವಾಸ್ತವವಾಗಿ ಯೋಗವು ಎಂದೂ ಕೊನೆಗೊಳ್ಳುವುದೇ ಇಲ್ಲ; ಅದು ಪ್ರಾರಂಭ ಮಾತ್ರ ಆಗಬಲ್ಲುದಷ್ಟೆ. ಅದು ಒಂದು ನಿರಂತರವಾದ ಸಂಘಟನೆ.

ಯೋಗವು ನಿರಂತರ ಸಂಘಟನೆಯೆಂದು ತಿಳಿಯಲು, ಏನು ನಡೆಯುತ್ತಿದೆಯೋ ಅದೆಲ್ಲವೂ ಮಂಗಳಕರವಾದುದು ಎಂಬ ಮುಖ್ಯವಾದ ಸತ್ಯವನ್ನು ಅರ್ಥಮಾಡಿಕೊಳ್ಳುವುದು ಅವಶ್ಯಕ. ಸ್ಪಷ್ಟವಾಗಿ ತಿಳಿಯಿರಿ, ಪ್ರತಿಯೊಂದು ಅನುಭವವೂ ನಿಮ್ಮ ಪ್ರಜ್ಞೆಯನ್ನು ಉನ್ನತಿಗೊಯ್ದು ನಿಮ್ಮನ್ನು ಹೆಚ್ಚು ಪ್ರಬುದ್ಧರನ್ನಾಗಿಸುತ್ತದೆ. ಐಶ್ವರ್ಯವನ್ನು ಕಳೆದುಕೊಳ್ಳುವುದೂ ಸಹ ನಿಮಗೆ ಪ್ರಬುದ್ಧತೆಯನ್ನು ನೀಡುತ್ತದೆ. ಆರೋಗ್ಯವನ್ನು ಕಳೆದುಕೊಳ್ಳುವುದು, ನಿಮಗೆ ಜೀವನದಲ್ಲಿ ಒಂದು ತಿಳಿವಳಿಕೆಯನ್ನು ನೀಡುತ್ತದೆ. ಈ ಸತ್ಯವು ನಿಮ್ಮ ಅಂತರಂಗದಲ್ಲಿ ಮನವರಿಕೆಯಾದಾಗ, ಇದ್ದಕ್ಕಿದ್ದಹಾಗೆ ಜೀವನದ ಪ್ರತಿಕ್ಷಣವೂ ಒಂದು ಸುಂದರ ಸಂಘಟನೆ ಎಂಬುದನ್ನು ಕಾಣುವಿರಿ.

ಒಂದು ಸಣ್ಣ ಕಥೆ:

ಒಂದು ಬಾರಿ ಮಹಾಸಾಗರದಲ್ಲಿ ಹಾಯಿಹಡಗೊಂದು ಪ್ರಯಾಣಮಾಡುತ್ತಿತ್ತು. ಇದ್ದಕ್ಕಿದ್ದ ಹಾಗೆ ಹಡಗಿನ ಮುಖಂಡರು ಹಡಗಿನ ಮುಂದೆ ಪ್ರಜ್ವಲವಾದ ದೀಪಗಳನ್ನು ಕಂಡು, ಆ ಮುಂದಿರುವ ಹಡಗನ್ನು ದಾರಿಬಿಟ್ಟು ಸರಿಯಲು ಮುನ್ನೆಚ್ಚರಿಕೆ ನೀಡಲು ಒಳಕ್ಕೆ ಓಡಿಬಂದರು. ಅವರು ಆತುರದಿಂದ, 'ಡಿಕ್ಕಿಹೊಡೆಯುವುದನ್ನು ತಪ್ಪಿಸಲು ದಯವಿಟ್ಟು ನಿಮ್ಮ ದಿಸೆಯನ್ನು 15 ಡಿಗ್ರಿ ಉತ್ತರಾಭಿಮುಖವಾಗಿಸಿರಿ' ಎಂದು ಸಾರಿ ಹೇಳಿದರು. ಒಂದು ವಾಣಿಯು, 'ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ನೀವು 15 ಡಿಗ್ರಿ ದಕ್ಷಿಣಾಭಿಮುಖವಾಗಿ ತಿರುಗಿಸಿರಿ' ಎಂದು ಉತ್ತರಿಸಿತು.

ಇದು ಹಡಗಿನ ಮುಖಂಡರಿಗೆ ಕೋಪ ತಂದಿತು ಮತ್ತು ಆತನು ಗರ್ವದಿಂದ ಮತ್ತು ಬೆದರಿಕೆ ಹಾಕುವ ಧ್ವನಿಯಲ್ಲಿ, 'ದೇಶದಲ್ಲೇ ಈ ಹಡಗು ಅತಿದೊಡ್ಡದು. ನಮ್ಮ ಜೊತೆ ಮೂರು 'ಡೆಸ್ಟ್ರಾಯರ್'ಗಳು, ರಕ್ಷಣಾ ಉಪಕರಣಗಳು ಹಾಗೂ ಅನೇಕ ಸಹಾಯಕ ಹಡಗುಗಳಿವೆ. ನೀವು ನಿಮ್ಮ ದಿಸೆಯನ್ನು 15 ಡಿಗ್ರಿ ಉತ್ತರಾಭಿಮುಖವಾಗಿ ಬದಲಾಯಿಸಿರೆಂದು ಆಗ್ರಹಿಸುತ್ತಿದ್ದೇನೆ. ಇಲ್ಲವಾದರೆ ಈ ಹಡಗಿನ ರಕ್ಷಣೆಗಾಗಿ ಪ್ರತಿರೋಧಕ ಕ್ರಿಯೆಗಳನ್ನು ಕೈಗೊಳ್ಳಲಾಗುವುದು' ಎಂದು ಉತ್ತರಿಸಿದರು.

ಆ ವಾಣಿಯು ಗಂಭೀರವಾದ ಧ್ವನಿಯಲ್ಲಿ 'ನಾವು ಸಮುದ್ರ ದೀಪಗೃಹದವರು!' ಎಂದಿತು.

ವಿಶ್ವಶಕ್ತಿಯು ನಿರಂತರವಾಗಿ ಸಂಘಟಿಸುತ್ತಿರುವಂತಹುದು ಹಾಗೂ ಏನೇ ಸಂಭವಿಸಿದರೂ ಅದು ನಿಮಗೆ ಅತ್ಯಂತ ಅನುಕೂಲ ಆಗುವಂತೆ ನಿಮಗೆ ಮಾರ್ಗದರ್ಶನವನ್ನು ನೀಡುವಂತಹುದು. ಸುಮ್ಮನೆ ಅದರೊಂದಿಗೆ ಶ್ರುತಿಗೂಡಿಸಿಕೊಳ್ಳಿರಿ. ಅದೇ ಅತ್ಯುತ್ತಮ ಮಾರ್ಗ! ವಿಶ್ವಶಕ್ತಿಯೊಂದಿಗೆ ಶ್ರುತಿಗೂಡಿಸಿಕೊಳ್ಳಲು ಯೋಗವು ಒಂದು ಮಾರ್ಗ. ರೇಡಿಯೋವನ್ನು ಉನ್ನತ ಆವರ್ತನಕ್ಕೆ ಶ್ರುತಿಗೂಡಿಸುವ ಹಾಗೆ! ಯೋಗ ಎಂಬ ಪದಕ್ಕೆ ಅಕ್ಷರಶಃ 'ಒಂದುಗೂಡಿಸುವುದು' ಎಂದರ್ಥ.

ಪತಂಜಲಿ ಮಹರ್ಷಿಯು ಯೋಗ ಪದ್ಧತಿಯ ಸ್ಥಾಪಕರು. ಜ್ಞಾನೋದಯದ ಅನುಭವವನ್ನು ಪಡೆಯಲು ಒಂದು ಸ್ಪಷ್ಟ, ವೈಜ್ಞಾನಿಕ, ತರ್ಕಬದ್ಧ ಪದ್ಧತಿಯನ್ನು ರೂಪಿಸಿದ ಪ್ರಥಮ ಗುರುವೇ ಪತಂಜಲಿ.

ಜ್ಞಾನೋದಯವನ್ನು ಪಡೆಯುವುದಕ್ಕಾಗಿ ನಕ್ಷೆಯನ್ನು ರಚಿಸಿ, ಸಮಗ್ರ ಮಾರ್ಗದರ್ಶನವನ್ನು ನೀಡಿದ ಪ್ರಥಮ ಗುರುವೇ ಪತಂಜಲಿ. ನಾನು ಅವರನ್ನು 'ಅಧ್ಯಾತ್ಮದ ನಾವಿಗ' ಎಂದು ಕರೆಯುತ್ತೇನೆ. ಅವರು ಜ್ಞಾನೋದಯದ ಅನುಭವವನ್ನು ಪಡೆಯುವುದಕ್ಕಾಗಿ ಸೂತ್ರಗಳನ್ನು ನೀಡಿದರು ಹಾಗೂ ಆ ದಿಕ್ಕಿನಲ್ಲಿ ಹಂತ ಹಂತವಾಗಿ ಮೇಲೇರಲು ಸ್ಪಷ್ಟ ನಿರ್ದೇಶನವನ್ನು ನೀಡಿದರು. ವಿಜ್ಞಾನಿಗಳು ಪ್ರಕೃತಿಯ ಹೊರ ಪ್ರಪಂಚದ ವಿಷಯಗಳ ಹಿಂದಿರುವ ತಿಳಿವಳಿಕೆಯನ್ನು ಜನರಲ್ಲಿ

ಇವೆಲ್ಲವೂ ಸಾಧ್ಯವಾಗುತ್ತದೆ ಎಂದು ಒಪ್ಪಿಕೊಳ್ಳಲು ಅಥವಾ ಅರ್ಥಮಾಡಿಕೊಳ್ಳಲು ಸಾಮಾನ್ಯವಾದ ತರ್ಕಬದ್ಧ ಮನಸ್ಸಿಗೆ ಅಸಾಧ್ಯ. ಆದರೆ ಈ ಮಹಾಯೋಗಿಗಳು ಎಲ್ಲವನ್ನೂ ಸಾಧ್ಯವಾಗಿಸುತ್ತಿದ್ದರು. ಇವರ ಸಂಗಡ ಇರುವ ಅದೃಷ್ಟ ನನಗಿತ್ತು. ಅವರು ಗಾಳಿಯಲ್ಲಿ ತೇಲಾಡುತ್ತಿದ್ದದ್ದನ್ನು ನಾನು ಒಂದು ಬಾರಿಯಲ್ಲ, ಕನಿಷ್ಟ ಪಕ್ಷ ಇಪ್ಪತ್ತು ಬಾರಿಯಾದರೂ ನೋಡಿದ್ದೇನೆ. ಅವರು ಒಂದು ರೀತಿಯಲ್ಲಿ ಉಸಿರನ್ನು ಆಳವಾಗಿ ಒಳಗೆ ಎಳೆದುಕೊಂಡು, ಉಸಿರನ್ನು ಬಿಗಿಹಿಡಿದುಕೊಳ್ಳುತ್ತಿದ್ದರು. ಹಾಗೆ ಮಾಡಿದಾಕ್ಷಣ ಗಾಳಿ ತುಂಬಿದ ಬಲೂನಿನ ಹಾಗೆ ಅವರ ದೇಹವು ನೆಲದಿಂದ ಮೇಲಕ್ಕೇರುತ್ತಿತ್ತು!

ಕೆಲವು ದಿನಗಳಲ್ಲಿ, ರಘುಪತಿಯೋಗಿಗಳು ನನ್ನನ್ನು ನಿಶ್ಚಲವಾಗಿ ಕುಳಿತು, ಶಾಂತಿ ಹಾಗೂ ನೆಮ್ಮದಿಯ ಮೇಲೆ ಧ್ಯಾನಮಾಡು ಎನ್ನುತ್ತಿದ್ದರು. ಹತ್ತು ನಿಮಿಷಗಳಾದ ಮೇಲೆ ಒಮ್ಮೆಗೇ ಎದ್ದು ನಿಲ್ಲು ಎನ್ನುತ್ತಿದ್ದರು. ನಂತರ, ನಿನಗೆ ಸಾಧ್ಯವಾದಷ್ಟು ವೇಗವಾಗಿ ದೇವಸ್ಥಾನದ ಸುತ್ತಲೂ ಓಡು ಎನ್ನುತ್ತಿದ್ದರು.

ಅವರು ನನ್ನನ್ನು ಹೇಗೆ ಹೇಗೋ ಬಗ್ಗಿಸುತ್ತಿದ್ದರು. ಅವರು ಯೋಗ ಶಿಕ್ಷಣ ನೀಡುತ್ತಿದ್ದ ದೇವಸ್ಥಾನದಲ್ಲಿ ಇಪ್ಪತ್ತರಿಂದ ಮೂವತ್ತು ಕಂಬಗಳಿದ್ದವು. ನನ್ನನ್ನು ಆ ಪ್ರತಿಯೊಂದು ಕಂಬವನ್ನೂ ಹತ್ತಿಳಿಯುವಂತೆ ಮಾಡುತ್ತಿದ್ದರು! ಅಲ್ಲದೆ ಕಂಬವನ್ನು ಹತ್ತಿಳಿಯುವಾಗ ನಾನು ಒಂದೇ ಕೈಯನ್ನು ಮಾತ್ರ ಉಪಯೋಗಿಸಬೇಕಾಗಿತ್ತು!

ಯಾವ ಗ್ರಂಥಗಳಲ್ಲಾಗಲೀ ಅಥವಾ ಸೂತ್ರಗಳಲ್ಲಾಗಲೀ, ಕಂಬಗಳನ್ನು ಹತ್ತಿಳಿಯುವುದನ್ನು ಯೋಗಾಭ್ಯಾಸದ ಅಂಶವೆಂದು ಕಾಣದಿದ್ದ ನಾನು, ಅವರೇಕೆ ನನ್ನನ್ನು ಕಂಬಗಳನ್ನು ಹತ್ತಿಳಿಯುವಂತೆ ಮಾಡುತ್ತಾರೆಂದು ಅವರನ್ನು ಕೇಳುತ್ತಿದ್ದೆ.

ಇದಕ್ಕೆ ಅವರು ಬಹುಸುಂದರವಾದ ವಿವರಣೆ ನೀಡುತ್ತಿದ್ದರು. ‘ಯಾವ ಉದ್ದೇಶಕ್ಕಾಗಿ ದೇಹವನ್ನು ಅಲುಗಾಡಿಸುವಿರೋ ಅಥವಾ ಬಗ್ಗಿಸುವಿರೋ ಆ ಉದ್ದೇಶದ ನೆನಪು ಮತ್ತು ಕಲ್ಪನೆಯು ದೇಹ ಮತ್ತು ಮನಸ್ಸಿನಲ್ಲಿ ಸಂಪೂರ್ಣವಾಗಿ ಒಳಹೊಕ್ಕು ದಾಖಲಾಗಿಬಿಡುವುದು’ ಎಂದು.

ಪ್ರತಿಯೊಂದು ನೆನಪೂ ಸಹ ನಿಮ್ಮ ಸ್ನಾಯುಗಳಲ್ಲಿ ದಾಖಲಾಗುತ್ತದೆ. ಹಾಗಾಗಿ, ನೀವು ನೆನಪುಗಳನ್ನು ಬದಲಾಯಿಸುವ ಮೂಲಕ ನಿಮ್ಮ ದೇಹ-ಮನಸ್ಸುಗಳ ವ್ಯವಸ್ಥೆಯನ್ನೂ ಬದಲಾಯಿಸಿ ಬಿಡಬಹುದು. ನಿಮ್ಮ ವ್ಯವಸ್ಥೆಯು ನೀವು ಸೃಷ್ಟಿಸುವ ನೆನಪುಗಳಿಗೆ ಸ್ಪಂದಿಸಬಲ್ಲದು ಮತ್ತು ಸ್ಪಂದಿಸುತ್ತದೆ.

ಸಂಶೋಧನೆಯನ್ನು ಮಾಡಿದ ನಂತರ ಡಾ|| ಲಿಪ್ಟನ್‌ರವರು ಇದಕ್ಕೆ ತದ್ವಿರುದ್ಧವಾಗಿ, ‘ನಮ್ಮ ನಡವಳಿಕೆಗೆ ಅನುಗುಣವಾಗಿ ನಮ್ಮ ಜೀನ್ಸ್ ರೂಪುಗೊಳ್ಳುತ್ತವೆ!’ ಎನ್ನುತ್ತಾರೆ. ಉದ್ದೇಶ ಮತ್ತು ಮನೋಕಲ್ಪನೆಗಳು ದೈಹಿಕವಾಗಿಂಗೋ ಕಾಣಿಸಿಕೊಳ್ಳುವ ಸಾಮರ್ಥ್ಯದ ಬಗ್ಗೆ ದಾಖಲಾಗಿರುವ ಅನೇಕ ದೃಷ್ಟಾಂತಗಳಿವೆ! ಉದಾಹರಣೆಗೆ, ಜನರು ತಮ್ಮ ಶಕ್ತಿಯನ್ನು ಮೀರಿ ಪರಿಮಿತಿಗಳನ್ನೆಲ್ಲವನ್ನೂ ದಾಟಿ, ಮಾರಕವಾದ ಕ್ಯಾನ್ಸರ್‌ನಂತಹ ಅಥವಾ ಭಯಂಕರವಾದ ಖಾಯಿಲೆಗಳನ್ನು ಗುಣಪಡಿಸಿದ್ದಾರೆ, ಅಥವಾ ದೈಹಿಕ ಅಂಗವಿಕಲತೆಯನ್ನು ನಿವಾರಿಸಿಕೊಂಡಿದ್ದಾರೆ. ಮುಖ್ಯವಾಗಿ ಜೀವಕೋಶದ ನೆನಪನ್ನು ಮಾರ್ಪಾಡಾಗಿಸಬಲ್ಲ ಉದ್ದೇಶಗಳ ಸಾಮರ್ಥ್ಯದಿಂದಾಗಿ ಇವುಗಳು ಘಟಿಸಿವೆ.

ಈಗ ನಿಮ್ಮ ದೇಹ-ಮನಸ್ಸುಗಳ ವ್ಯವಸ್ಥೆಯು ಜ್ಞಾನೋದಯದ ವಲಯದಲ್ಲೇ ಸ್ಥಿರವಾಗಿ ನಿಲ್ಲಲು ಹಾಗೂ ಆ ಅನುಭವವನ್ನು ನಿರಂತರವಾಗಿ ಹೊರಸೂಸಲು ಸಿದ್ಧವಾಗಿರದೇ ಇರಬಹುದು. ನಿತ್ಯಯೋಗವು ಆಂತರಿಕ ಆನಂದವನ್ನು – ಶಾಶ್ವತಾನಂದವನ್ನು ಅನುಭವಿಸಿ, ಅದರಲ್ಲಿ ನೆಲೆಸಿ, ಅದನ್ನು ಹೊರಸೂಸಲು ನಿಮ್ಮ ದೇಹವನ್ನು ಸಿದ್ಧಪಡಿಸುತ್ತದೆ.

ನಿತ್ಯಯೋಗದ ಮೂಲಕ ಸಾಧಕರಿಗೆ ಆನಂದವನ್ನು ಅನುಭವಿಸಲು ಮಾತ್ರವಲ್ಲದೆ, ಆ ಅನುಭವದಲ್ಲಿ ಸ್ಥಿರವಾಗಿ ನಿಂತು ಆ ಅನುಭವವನ್ನು ನಿರಂತರವಾಗಿ ಬದುಕಿನಲ್ಲಿ ಪಸರಿಸಲು ತರಬೇತಿ ನೀಡುತ್ತಿದ್ದೇನೆ. ನಿತ್ಯಯೋಗದ ಉದ್ದೇಶವು ಜನರು ನಿತ್ಯಾನಂದವನ್ನು ಅನುಭವಿಸಲು ಸಹಾಯ ಮಾಡುವುದೇ ಆಗಿದೆ. ಇದರ ಉಪಪರಿಣಾಮವಾಗಿ ಅಥವಾ ಉಪಫಲವಾಗಿ ದೈಹಿಕ ಆರೋಗ್ಯದ ಉಪಶಮನವಾಗುತ್ತದೆ. ಆದರೆ ಸ್ಪಷ್ಟವಾಗಿ ತಿಳಿಯಿರಿ, ಯೋಗವನ್ನು ದೈಹಿಕ ಆರೋಗ್ಯಕ್ಕಿಂತಲೂ ಹೆಚ್ಚಿನದನ್ನು ನೀಡುವುದಕ್ಕಾಗಿ ಉದ್ದೇಶಿಸಿದ್ದೇನೆ. ದೈಹಿಕವಾಗಿ ಪಡೆಯುವ ಆರೋಗ್ಯವು ಯೋಗದಿಂದಾಗುವ ಲಾಭಗಳಲ್ಲಿ ಒಂದಷ್ಟೆ. ಭಾವನಾತ್ಮಕವಾಗಿ ಲಾಭವsecretಂಟಾದರೂ ಅವೆಲ್ಲ ಉಪಉತ್ಪನ್ನಗಳಷ್ಟೆ!