ಧ್ಯಾನದ ಮೇಲಿನ ವೈಜ್ಞಾನಿಕ ಸಂಶೋಧನೆಯ ಇಣುಕು ನೋಟ🔗

ಇತ್ತೀಚೆಗೆ ಒಂದು ದಿನ, ವಿಸ್ಕಾನ್‌ಸಿನ್ ವಿಶ್ವವಿದ್ಯಾಲಯದಲ್ಲಿ ಮೆದುಳಿನ ಮೇಲಾಗುವ ಧ್ಯಾನದ ಪ್ರಭಾವದ ಕುರಿತಾಗಿ ನಡೆದ ಸಂಶೋಧನೆಯ ಬಗ್ಗೆ ಪತ್ರಿಕೆಯೊಂದರಲ್ಲಿ (ವಾಷಿಂಗ್ಟನ್ ಪೋಸ್ಟ್, ಜನವರಿ 3, 2005) ಓದುತ್ತಿದ್ದೆ. ವರ್ಷಾನುಗಟ್ಟಲೆ ಧ್ಯಾನಮಾಡುತ್ತಿದ್ದ ಟಿಬೆಟ್ಟಿನ ಸಾಧುಗಳ ಒಂದು ಗುಂಪಿನ ಮೇಲೂ, ಧ್ಯಾನಕ್ಕೆ ಹೊಸಬರಾದ, ಆದರೆ ಧ್ಯಾನವನ್ನು ಹೇಗೆ ಮಾಡಬೇಕೆಂದು ಹೊಸದಾಗಿ ಕಲಿತಿದ್ದ ವಿದ್ಯಾರ್ಥಿಗಳ ಒಂದು ಗುಂಪಿನ ಮೇಲೂ ಅಧ್ಯಯನವನ್ನು ಮಾಡಲಾಗಿತ್ತು.

ಧ್ಯಾನಕ್ಕೆ ಹೊಸಬರಾಗಿದ್ದ ವಿದ್ಯಾರ್ಥಿಗಳಿಗಿಂತಲೂ, ಧ್ಯಾನವನ್ನು ಮಾಡುತ್ತಿದ್ದ ಸಾಧುಗಳ ಅರಿವು ಹೆಚ್ಚಾಗಿದ್ದು, ಮೆದುಳಿನ ಚಟುವಟಿಕೆ ಶೀಘ್ರವಾಗಿಯೂ ಒಳ್ಳೆಯ ಕ್ರಮಬದ್ಧವಾಗಿಯೂ, ಸಹಯೋಜಕವಾಗಿಯೂ ಇದ್ದಿತೆಂದೂ, ಅವರು ಕಂಡುಹಿಡಿದರು. ಅಷ್ಟೇ ಅಲ್ಲದೆ, ಸಂತೋಷ, ಸಕಾರಾತ್ಮಕ ಆಲೋಚನೆಗಳು ಹಾಗೂ ಭಾವನೆಗಳಿಗೆ ಸೇರಿದ ಮೆದುಳಿನ ಭಾಗವು ಸಹ, ವಿದ್ಯಾರ್ಥಿಗಳಿಗಿಂತಲೂ ಸಾಧುಗಳಲ್ಲಿ ಹೆಚ್ಚು ಕ್ರಿಯಾತ್ಮಕವಾಗಿತ್ತು.

ಅಮೆರಿಕಾದ ಯೆಲ್, ಹಾರ್ವರ್ಡ್ ಮತ್ತು ಎಮ್.ಐ.ಟಿ (ಮೆಸಾಚುಸೆಟ್ಸ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ) ಯಂತಹ ಅನೇಕ ಉನ್ನತ ವಿಶ್ವವಿದ್ಯಾಲಯಗಳೂ ಧ್ಯಾನದ ಪರಿಣಾಮಗಳನ್ನು ಅಧ್ಯಯನ ಮಾಡಿವೆ.

ಎಮ್.ಆರ್.ಐ (ಮ್ಯಾಗ್ನೆಟಿಕ್ ರೆಸೊನೆನ್ಸ್ ಇಮೇಜಿಂಗ್)ನ್ನು ಉಪಯೋಗಿಸಿಕೊಂಡು ಮಾಡಿದ ಅಧ್ಯಯನಗಳಲ್ಲಿ ಅರಿವು ಮತ್ತು ಗಮನಕ್ಕೆ ಸಂಬಂಧಿಸಿದ ಮೆದುಳಿನ ದಪ್ಪವನ್ನು ಧ್ಯಾನವು ಹೆಚ್ಚಿಸಿದುದೇ ಅಲ್ಲದೆ, ಅರಿವಿನ ಕಾರ್ಯಗತಿಯನ್ನೂ ಭಾವನಾತ್ಮಕ ಒಳಿತನ್ನೂ ಹೆಚ್ಚಿಸಿತು ಎಂದು ಕಂಡುಬಂದಿತು.

ರಕ್ತನಾಳಗಳೂ ಇನ್ನೂ ಹಿರಿದಾದುದನ್ನೂ, ಆಧಾರವಾಗಿರುವ ರಚನೆಗಳು ಸಂಖ್ಯೆಯಲ್ಲಿ ಹೆಚ್ಚಾದುದನ್ನೂ ಮತ್ತು ಅವು ಹೆಚ್ಚು ಶಾಖೆಗಳನ್ನೂ, ಕೂಡಿಕೆಗಳನ್ನೂ, ಹೊಂದಿದುದನ್ನೂ ಸಂಶೋಧಕರು ಕಂಡುಹಿಡಿದರು.

ಗುಂಪು ಜನರಿಗೆ ಒಂದು ಪರದೆಯನ್ನು ನೋಡುತ್ತಿರಬೇಕೆಂದು ಹೇಳಲಾಯಿತು ಹಾಗೂ ಆ ಪರದೆಯ ಮೇಲೆ ಒಂದು ಚಿತ್ರವನ್ನು ಕಂಡಕೂಡಲೇ ಒಂದು ಗುಂಡಿಯನ್ನು ಒತ್ತಬೇಕೆಂದು ನಿರ್ದೇಶಿಸಲಾಗಿತ್ತು. ಚಿತ್ರಕ್ಕೆ ಪ್ರತಿಕ್ರಿಯೆ ನೀಡಲು, ಕಡಿಮೆ ನಿದ್ರೆಮಾಡಿದವರು ಸಾಧಾರಣವಾಗಿ ನಿದ್ರೆ ಮಾಡಿದವರಿಗಿಂತಲೂ ಹೆಚ್ಚು ಕಾಲ ತೆಗೆದು ಕೊಳ್ಳುತ್ತಾರೆ; ಕೆಲವು ವೇಳೆ ಅವರು ಚಿತ್ರ ಬಂದಾಗ ನೋಡುವುದನ್ನೇ ಸಂಪೂರ್ಣವಾಗಿ ಕಳೆದುಕೊಳ್ಳುತ್ತಾರೆ.

ಅಭ್ಯರ್ಥಿಗಳಿಗೆ ಧ್ಯಾನ ಮಾಡಿ ಅಭ್ಯಾಸ ವಿಲ್ಲದಿದ್ದರೂ ಸಹ, ಧ್ಯಾನದಲ್ಲಿ ಭಾಗವಹಿಸಿದ್ದ ಪ್ರತಿಯೊಬ್ಬರ ಪ್ರತಿಕ್ರಿಯೆಯೂ ಅತ್ಯಂತ ವೇಗವಾಗಿತ್ತೆಂಬುದನ್ನು ಕಂಡುಹಿಡಿದರು. ಇಡೀ ರಾತ್ರಿ ಎಚ್ಚರವಾಗಿದ್ದರೂ ಅವರ ಪ್ರತಿಕ್ರಿಯೆ ಇನ್ನೂ ಉತ್ತಮವಾಗಿತ್ತು.

ಇಂಗ್ಲೆಂಡಿನ ಲಿವರ್ ಪೂಲ್ ಜಾನ್ ಮೂರ್ಸ್ ವಿಶ್ವವಿದ್ಯಾಲಯದಲ್ಲಿ ಕೆಲವು ಅಧ್ಯಯನಗಳು ನಡೆದುವು. ಒಂದು ಅಧ್ಯಯನದಲ್ಲಿ ಭಾಗವಹಿಸಿದವರಿಗೆ ಅಕ್ಷರಗಳ ಮೇಲೆ ಬೇರೆ ಬೇರೆ ಸಂಖ್ಯೆಗಳಷ್ಟು ಗೆರೆಗಳುಳ್ಳ ಅಕ್ಷರಗಳ ಸಾಲುಗಳನ್ನು ಕೊಡಲಾಗಿತ್ತು. ಅವರು ಅನೇಕ ಗೆರೆಗಳುಳ್ಳ ಅಕ್ಷರಗಳನ್ನು ಸಾಧ್ಯವಾದಷ್ಟು ಬೇಗ ಹೊಡೆದುಹಾಕಬೇಕಾಗಿತ್ತು.

ಮತ್ತೊಂದು ಅಧ್ಯಯನದಲ್ಲಿ ಭಾಗವಹಿಸಿದವರಿಗೆ 'ಕೆಂಪು', 'ನೀಲಿ' ಅಥವಾ 'ಹಸಿರು' ಎಂಬ ಪದಗಳನ್ನು ಬೇರೆ ಬಣ್ಣದ ಶಾಯಿಯಿಂದ ಮುದ್ರಿಸಿದ್ದನ್ನು ತೋರಿಸಿದರು. ಪದವನ್ನು ಬರೆದ ಶಾಯಿಯ ಬಣ್ಣವನ್ನು ಅವರು ತ್ವರಿತವಾಗಿ ಹೇಳಬೇಕಾಗಿತ್ತು. ಸಾಮಾನ್ಯವಾಗಿ ಇದು ಕಷ್ಟ. ಏಕೆಂದರೆ ಪದವು ಯಾವ ಬಣ್ಣದಲ್ಲಿ ಬರೆದಿದೆ ಎಂಬುದಕ್ಕಿಂತಲೂ ಪದವನ್ನು ಓದುವುದರ ಕಡೆಗೆ ಮೆದುಳು ವಾಲುತ್ತದೆ!