ಗುರುಗಳೊಂದಿಗೆ ನಿಜವಾದ ಸಂಬಂಧ🔗

ಅನೇಕ ಸಲ, ಗುರುಗಳೊಂದಿಗೆ ಗಾಢವಾದ ಸಂಬಂಧ ಹೊಂದಿದ್ದರೆ ಸಾಕೆಂದು ನಾನು ಜನರಿಗೆ ಹೇಳುತ್ತೇನೆ. ನಿಮಗೆ ಮತ್ತಾವುದರ ಅಗತ್ಯವೂ ಇಲ್ಲ. ಅದು ಕೇವಲ ನಿಮ್ಮ ಒಂದು ಸಾಮಾನ್ಯ ಸಂಬಂಧವಲ್ಲ. ಒಂದು ಸಾಮಾನ್ಯ ಸಂಬಂಧದಲ್ಲಿ, ನೀವು ಗುರುಗಳನ್ನು ತಿಳಿದುಕೊಳ್ಳಲಾಗಲೀ, ಅವರ ಮಾತುಗಳನ್ನು ಅಳವಡಿಸಿಕೊಳ್ಳಲಾಗಲೀ ಪ್ರಯತ್ನಿಸುವುದಿಲ್ಲ. ಬರಿಯ ಸ್ವಲ್ಪ ಭಾವನೆ ಇರುತ್ತದೆ. ಅದನ್ನು ಸಂಬಂಧವೆಂದೂ ನಾನು ಕರೆಯುವುದಿಲ್ಲ. ಅದು ಸಾಮಾನ್ಯವಾದ ಕ್ರಮಬದ್ಧ ಒಡನಾಟ.

ಗುರುಗಳೊಂದಿಗೆ ಸಂಪರ್ಕ ಹೊಂದುವುದೆಂದರೆ ಕೇವಲ ಅವರೇ ಆಗಿ ಬಾಳುವುದು. ಗುರುಗಳಂತೆ ಬಾಳಿದಾಗ, ಅವರೊಂದಿಗೆ ಗಾಢವಾಗಿ ಸಂಬಂಧಿತರಾಗಿರುವುದಾಗಿ ಭಾವಿಸುತ್ತೀರಿ. ಆಗಲೇ ನೀವು ವಿಕಾಸವಾಗುವುದು. ಆಗಲೇ ನಿಮಗೆ ಏನಾದರೂ ಪರಿವರ್ತನೆ ಆಗುವುದು. ಇತರ ಅನೇಕ ಸಂಬಂಧಗಳಿಂದ ಇದು ನಿಮಗೆ ಆಗಿಲ್ಲ. ನಿಮ್ಮ ಅಂತರಂಗದಲ್ಲಿ ಅನೇಕರು ನೆಲೆಸಿರುತ್ತಾರೆ ಹಾಗೂ ಅನೇಕರು ಪ್ರಭಾವ ಬೀರಿರುತ್ತಾರೆ ಅಥವಾ ಪ್ರೇರೇಪಿಸಿರುತ್ತಾರೆ ಅಥವಾ ಅವರು ನಾಯಕರೆಂಬ ಕಲ್ಪನೆಯನ್ನು ನೀಡಿರುತ್ತಾರೆ. ನಿಮ್ಮ ಅಂತರಂಗದಲ್ಲಿ ಗುರುಗಳನ್ನು ಸುಮ್ಮನೆ ತುಂಬಿಕೊಳ್ಳಿರಿ ಹಾಗೂ ನಿಮ್ಮ ಸಮಸ್ಯೆಗಳು ಕರಗುವುದನ್ನು ಗಮನಿಸಿರಿ.

ತೀವ್ರತೆಯೇ ಜ್ಞಾನೋದಯ. ಈಗಲಾದರೂ ನಿಮ್ಮ ಸ್ವಲ್ಪ ಭಾಗವು ತೀವ್ರತೆಯಿಂದಿದ್ದರೆ ಹಾಗೂ ಸ್ವಲ್ಪ ಭಾಗವು ಸೋಮಾರಿಯಾಗಿದೆ. ಶೇಕಡಾ 100ರಷ್ಟು ತೀವ್ರತೆಯಿಂದಿರುವುದೇ ಜ್ಞಾನೋದಯ.

'ನಾನು ಜೀವನವೆಂದು ಕರೆಯುವ ಈ ಜೀವನದಿಂದ ಎಚ್ಚರಗೊಳ್ಳುತ್ತೇನೆ', ಎಂದು ತೀವ್ರವಾಗಿ ನಿರ್ಧರಿಸಿರಿ. ಒಂದು ತೀವ್ರ ಸಂಕಲ್ಪ ಅಥವಾ ಪ್ರಾರ್ಥನೆಯನ್ನು ಮಾಡಿಕೊಳ್ಳಿರಿ. ಒಂದು ಸಂಕಲ್ಪವನ್ನು ಮಾಡಿಕೊಂಡು, ಅದನ್ನು ನಿಮ್ಮೆಡೆಗೆ ನಿರ್ದೇಶಿಸಿದಾಗ, ಅದನ್ನು ನಿರ್ಧಾರವೆನ್ನುತ್ತಾರೆ. ಒಂದು ಸಂಕಲ್ಪವನ್ನು ಮಾಡಿಕೊಂಡು, ದೈವದೆಡೆಗೆ ಅದನ್ನು ನಿರ್ದೇಶಿಸಿದಾಗ ಅದನ್ನು ಒಂದು ಪ್ರಾರ್ಥನೆ ಎನ್ನುತ್ತಾರೆ.

ನಿಮಗೆ ಸಂತೋಷಕೊಡುವ ವಸ್ತುಗಳ ಹಿಂದೆ ತೀವ್ರವಾಗಿ ಹಾಗೂ ಕಾತರತೆಯಿಂದ ಹೇಗೆ ಓಡುತ್ತೀರೆಂದು ನೆನಪಿಸಿಕೊಳ್ಳಿರಿ. ಒಂದು ವೇಳೆ ತೀವ್ರವಾಗಿ ಯಾರು ಬೇಡುತ್ತಾರೆಯೋ ಅವರಿಗೆ 10 ಲಕ್ಷ ರೂಪಾಯಿಗಳ ಬಹುಮಾನ ನೀಡುವುದಾಗಿ ಘೋಷಿಸಿದಾಗ, ನೀವು ನಿಮ್ಮ ಜೀವನದಲ್ಲೆಂದೂ ತೋರದಿದ್ದ ತೀವ್ರತೆಯನ್ನು ತೋರುತ್ತೀರಿ, ಅಲ್ಲವೆ? ನಿಮ್ಮನ್ನು ಸಂತೃಪ್ತಿಗೊಳಿಸುವ ಯಾವುದೇ ವಸ್ತುವಿದೆ ಎಂದು ನಿಮಗನಿಸುವ ಮಾತ್ರಕ್ಕೆ ನೀವು ತೀವ್ರರಾಗುತ್ತೀರಿ. ಹಣವು ನಿಮ್ಮ ಜೀವನಕ್ಕೆ ಉಪಯುಕ್ತವಾಗುವುದೆಂದು ನಿಮಗೆ ತಿಳಿದಿದೆ. ಅದೇ ರೀತಿ, ಜೀವನ್ಮುಕ್ತಿಯೂ ಕೂಡ ನಿಮ್ಮ ಜೀವನಕ್ಕೆ ಅಮೂಲ್ಯವಾದುದನ್ನು ಸೇರಿಸುವುದು.

ಜೀವನ್ಮುಕ್ತಿಯೆಡೆಗೆ ತೀವ್ರತೆಯನ್ನು ಹೊಂದಲು, ನೀವು ಬಯಸಿರುವ ವಸ್ತುಗಳನ್ನು ಪಡೆಯುವುದರ ಬಗ್ಗೆ ಇರುವ ತೀವ್ರತೆಯನ್ನು ಸೃಷ್ಟಿಸಿಕೊಳ್ಳುವುದರಿಂದ ಆರಂಭಿಸಬಹುದು. ಉದಾಹರಣೆಗೆ, ನೀವು ಆರೋಗ್ಯವನ್ನೋ, ಸಂಪತ್ತನ್ನೋ ಬಯಸಿದರೆ, ಅದರ ಬಗ್ಗೆ ತೀವ್ರತೆಯನ್ನು ಹೊಂದಿರಿ. ಆ ಹಂಬಲವು ಸಮಗ್ರವಾಗಿ, ನಿಮಗೆ ತಿಳಿಯದ ವಿಷಯವಾದ ಜೀವನ್ಮುಕ್ತಿಯೆಡೆಗೆ ತಿರುಗುತ್ತದೆ. ಅಷ್ಟೇ ಅಲ್ಲದೆ, ತೀವ್ರತೆಯಿಂದ ನಿಮ್ಮ ಈಡೇರದ ಆಸೆಗಳು ದಹಿಸಿ ಹೋಗಬಲ್ಲವು.

ಯಾವುದನ್ನು ನೀವು ಸಂತೃಪ್ತತೆ ಎಂದು ಅನುಭವಿಸುತ್ತೀರೋ ಅದಕ್ಕಾಗಿ ಹಂಬಲಿಸಿರಿ.

ಇದು ಶಿವಸೂತ್ರದ, ಬಹಳ ಶಕ್ತಿಶಾಲಿಯಾದ ಒಂದು ಧ್ಯಾನತಂತ್ರ.

ಸೂತ್ರವು ಹೇಳುತ್ತದೆ,

ನೀವು ಇನ್ನಿಲ್ಲದಿರುವ ಅನಂತ ಶೂನ್ಯದೊಳಗೆ ಮರಣಿಸಿರಿ.

ಇಂದ್ರಿಯಗಳನ್ನು ಮೀರಿ ಶಿವಪ್ರಜ್ಞೆಯತ್ತ ಸಾಗುವುದು.

ಈ ತಂತ್ರವು ನಿಮ್ಮ ಇಂದ್ರಿಯಗಳ ದ್ವಾರಗಳನ್ನು ಮುಚ್ಚುತ್ತದೆ. ಈ ತಂತ್ರವನ್ನು ಧ್ಯಾನದಲ್ಲಿ ಸ್ವಲ್ಪ ಅನುಭವವಿರುವವರು ಮಾತ್ರ ಅಭ್ಯಾಸ ಮಾಡಬೇಕು. ಎಲ್ಲಾ ಧ್ಯಾನಗಳಲ್ಲಿ ಕುಳಿತುಕೊಳ್ಳುವಂತೆ, ಸುಖಾಸನದಲ್ಲೋ ಅಥವಾ ಕುರ್ಚಿಯ ಮೇಲೋ ಬೆನ್ನು, ಕತ್ತು ಮತ್ತು ತಲೆಯನ್ನು ನೇರವಾಗಿಟ್ಟು ಕುಳಿತುಕೊಳ್ಳಿರಿ.

ಷಣ್ಮುಖಿ ಮುದ್ರೆಯಲ್ಲಿ ಇರುವಾಗ ನಿಮ್ಮ ಶಕ್ತಿಯ ಹರಿವು ಮುಖದಲ್ಲಿರುವ ಏಳು ರಂಧ್ರಗಳ ಮೂಲಕ (ಎರಡು ಕಿವಿಗಳು, ಎರಡು ಕಣ್ಣುಗಳು, ಎರಡು ಮೂಗಿನ ಹೊಳ್ಳೆಗಳು ಹಾಗೂ ಒಂದು ಬಾಯಿ) ಹೊರಗಿನ ಪ್ರಪಂಚಕ್ಕೆ ಹೋಗುವುದು ನಿರ್ಬಂಧಿಸಲ್ಪಟ್ಟು ಅಂತರ್ಮುಖವಾಗುತ್ತದೆ. ನಿಮ್ಮ ಕೈಗಳು ಬಹಳ ಶಕ್ತಿಯುತವಾದವು. ಕೈಗಳಲ್ಲಿರುವ ಶಕ್ತಿಕೇಂದ್ರಗಳು ಎಷ್ಟು ಶಕ್ತಿಶಾಲಿಯಾದವು ಎಂದರೆ, ಅವು ಶಕ್ತಿ ಸಂಚಾರವನ್ನು ತಡೆದು ಒಂದು ಕೇಂದ್ರೀಕೃತ ಚೈತನ್ಯದ ಕಿರಣದಂಡವಾಗಿ ತಿರುಗಿಸಿ ಅದನ್ನು ಆಜ್ಞಾಚಕ್ರ ಅಥವಾ ಮೂರನೆಯ ಕಣ್ಣಿನೆಡೆಗೆ ನಿರ್ದೇಶಿಸುತ್ತದೆ.

ಷಣ್ಮುಖಿ ಮುದ್ರೆಯು ಮೊದಲು ಹೊರಕ್ಕೆ ಹರಿಯುವ ಚೈತನ್ಯದ ಹರಿವನ್ನು ನಿಲ್ಲಿಸುತ್ತದೆ.

ಎರಡನೆಯದಾಗಿ, ನಾವು ಇಂದ್ರಿಯಗಳನ್ನು ಅಂತರ್ಮುಖವಾಗಿಸುತ್ತೇವೆ.

ಮೂರನೆಯದಾಗಿ, ಅವನ್ನು ಮೂರನೆಯ ಕಣ್ಣಿನತ್ತ ಕೇಂದ್ರೀಕರಿಸುತ್ತೇವೆ.

ನೀವು ಕನ್ನಡಕ ಹಾಕುತ್ತಿದ್ದರೆ, ಅದನ್ನು ತೆಗೆಯಿರಿ. ನಿಮ್ಮ ಬೆರಳುಗಳನ್ನು ಈ ರೀತಿ ಇಟ್ಟುಕೊಳ್ಳಿರಿ:

ತೋರು ಬೆರಳುಗಳನ್ನು ಮೃದುವಾಗಿ ಎರಡು ಕಣ್ಣುಗಳ ಮೇಲೆ ಇಡಿರಿ.

ಮಧ್ಯದ ಬೆರಳುಗಳನ್ನು ಮೂಗಿನ ಸೇತುವೆಯ ಮೇಲೆ ಇಟ್ಟುಕೊಳ್ಳಿರಿ.

ಉಂಗುರ ಬೆರಳುಗಳನ್ನು ಮೃದುವಾಗಿ ಮೂಗಿನ ಹೊಳ್ಳೆಗಳ ಮೇಲೆ ಇಟ್ಟುಕೊಳ್ಳಿರಿ.

ಕಿರು ಬೆರಳುಗಳು ತುಟಿಗಳ ಮೇಲಿರಲಿ.

ಮುಂದಿನ 21 ನಿಮಿಷಗಳು ಈ ಕೆಳಗೆ ಕೊಟ್ಟಿರುವ ಸೂಚನೆಗಳನ್ನು ಅನುಸರಿಸಿರಿ.

ಮೂಗನ್ನು ಭಾಗಶಃ ಮುಚ್ಚಿರಿ. ಪ್ರಾಣದ ಹರಿವನ್ನು ಕಡಿಮೆಗೊಳಿಸಿರಿ. ನಿಮ್ಮ ಮನಸ್ಸು ತಾನಾಗಿಯೇ ನೆಲೆಗೊಂಡಾಗ, ಪ್ರಾಣದ ಹರಿವು ಕಡಿಮೆಯಾಗುತ್ತದೆ. ಷಣ್ಮುಖಿ ಮುದ್ರೆಯಲ್ಲಿರಿ ಹಾಗೂ ಉಚ್ಛ್ವಾಸ ನಿಶ್ವಾಸವು ಸಾಧ್ಯವಾದಷ್ಟೂ ನಿಧಾನವಾಗಿಯೂ ಆಳವಾಗಿಯೂ ಆಗಲಿ. ಬಾಯಿಯನ್ನು ಗಟ್ಟಿಯಾಗಿ ಮುಚ್ಚಿಕೊಂಡಿರಿ. ನಿಮ್ಮ ಕಣ್ಣಿನ ಗುಡ್ಡೆಗಳೆರಡೂ ಕಲ್ಲುಗಳಾಗಿರುವಂತೆ ದೃಶ್ಯೀಕರಿಸಿಕೊಳ್ಳಿರಿ ಹಾಗೂ ಅವು ಅಲುಗಾಡದಿರಲಿ.

ನಿಮ್ಮ ಅರಿವನ್ನು ತೀವ್ರಗೊಳಿಸಿರಿ. ಒತ್ತಡವನ್ನು ಸೃಷ್ಟಿಸದಿರಿ - ಗಾಢವಾದ ಅರಿವಿನಿಂದ ಭೇದಿಸಲು ಯತ್ನಿಸಿರಿ. ಒತ್ತಡವನ್ನು ಸೃಷ್ಟಿಸದಿರಿ, ಕೇವಲ ಅರಿವನ್ನು ಸೃಷ್ಟಿಸಿರಿ. ನಿಮ್ಮ ಮೂರನೆಯ ಕಣ್ಣನ್ನು ಒಂದು ಬೈರಿಗೆ(ಡ್ರಿಲ್‌ಬಿಟ್)ಯಿಂದ ಭೇದಿಸುತ್ತಿರುವಂತೆ ಕಲ್ಪಿಸಿಕೊಳ್ಳಿರಿ.

ವಿರಮಿಸಿರಿ. ಕಣ್ಣುಗಳನ್ನು ನಿಧಾನವಾಗಿ ತೆರೆಯಿರಿ.

ಷಣ್ಮುಖಿ ಮುದ್ರೆಯನ್ನು ಮಾಡುವಾಗ, ಆ ಮುದ್ರೆಯಲ್ಲಿ ಆರಾಮವಾಗಿ ಇರುವಂತೆ ನೋಡಿಕೊಳ್ಳುವುದು ಮುಖ್ಯ. ನಿಮ್ಮ ಅಂತಃಪ್ರಜ್ಞಾವು ಜಾಗೃತವಾಗಲು ಮೂರನೆಯ ಕಣ್ಣಲ್ಲಿ ಅಸಾಧಾರಣವಾದ ಚೈತನ್ಯವು ಸೃಷ್ಟಿಯಾಗುವುದನ್ನು ಕಾಣುವಿರಿ. ನೀವು ಆರಾಮವಾಗಿದ್ದಾಗ, ಆಳವಾದ ಚೈತನ್ಯ ಅಥವಾ ಉನ್ನತ ಪ್ರಜ್ಞೆಯೊಳಗೆ ಪ್ರವೇಶಿಸುತ್ತಿರುವುದನ್ನು ಕಾಣುವಿರಿ.