ಮುಂದಾಳುತನವು ಒಂದು ಅಂತಸ್ತಲ್ಲ, ಸ್ಥಿತಿ🔗

ಯಾವುದೇ ಸಂಸ್ಥೆಯನ್ನು ನೀವು ಗಮನಿಸಿದರೆ, ಶೇಕಡ ಒಂದು ಭಾಗಕ್ಕಿಂತ ಕಡಿಮೆ ಜನರು ಮಾತ್ರ ಮುಂದಾಳು ಎನಿಸಿಕೊಳ್ಳಬಲ್ಲವರಿರುತ್ತಾರೆ. ನೀವು ವ್ಯಾಪಾರೀ ಸಂಸ್ಥೆಗಳನ್ನು ಗಮನಿಸಿದರೆ, ಕೇವಲ ಶೇಕಡ ಒಂದು ಭಾಗ ಮಾತ್ರ ಲಾಭಗಳಿಸುವುದರಲ್ಲಿ, ಒಳ್ಳೆಯ ಉತ್ಪಾದನೆ ಮತ್ತು ಸೇವೆ ನೀಡುವುದರಲ್ಲಿ, ಸಾಮಾಜಿಕ ಸೇವೆ ಸಲ್ಲಿಸುವುದರಲ್ಲಿ, ತಮ್ಮ ಕಾರ್ಮಿಕರಿಗೆ ತೃಪ್ತಿ ನೀಡುವುದರಲ್ಲಿ, ಹೀಗೆ ಎಲ್ಲಾ ವಿಭಾಗಗಳಲ್ಲಿಯೂ ಶ್ರೇಷ್ಠ ಮಟ್ಟವನ್ನು ಗಳಿಸಿ, ತಮ್ಮ ಕ್ಷೇತ್ರದಲ್ಲಿ ನಿಜವಾದ ಮುಖಂಡ ಸಂಸ್ಥೆಗಳು ಎಂದು ಕರೆಯಲು ಯೋಗ್ಯವಾಗಿರುತ್ತವೆ.

ಆದುದರಿಂದ ನಿಜವಾದ ಮುಖಂಡರೆಂದರೆ ಶೇಕಡ ಒಂದರಷ್ಟು ಸಂಸ್ಥೆಗಳಲ್ಲಿನ ಶೇಕಡ ಒಂದರಷ್ಟು ಜನರು ಮಾತ್ರ. ಅಂದರೆ, ಒಟ್ಟಾರೆ ಕೆಲಸದಲ್ಲಿರುವ ಜನಸಂಖ್ಯೆಯ ಶೇಕಡ 0.01 ಮಾತ್ರ, ನಿಜವಾದ ಮುಂದಾಳುತನದ ಗುಣಗಳುಳ್ಳವರಾಗಿರುತ್ತಾರೆ! ಇತರ ಕ್ಷೇತ್ರಗಳಲ್ಲಿಯೂ ಇದೇ ರೀತಿ ಇರುತ್ತದೆ ಎಂದು ನಾವು ಹೇಳಬಹುದು.

ನಿಜವಾದ ಮುಂದಾಳುತನವು ವಿರಳ ಎಂದು ನಾನು ಹೇಳುವುದು ಇದರಿಂದಲೇ.

1. ಮುಖಂಡತ್ವ ಎಂದರೇನು?

2. ಮುಖಂಡರನ್ನು ಸೃಷ್ಟಿಸಬಹುದೇ? ಅಥವಾ ನೀವು ಮುಖಂಡರಾಗಿಯೇ ಹುಟ್ಟಬೇಕೆ?

3. ಯಶಸ್ವಿಯಾದ ಮುಖಂಡನನ್ನು ರೂಪಿಸುವ ಪ್ರಧಾನ ಅಂಶಗಳಾವುವು?

5. ಮುಂದಾಳಾಗಲು ನಮ್ಮ ವೈಯಕ್ತಿಕ ಪಯಣವನ್ನು ಯಾವ ರೀತಿ ಪ್ರಾರಂಭಿಸಬೇಕು?

ಈಗ ಈ ಎಲ್ಲಾ ಅಂಶಗಳನ್ನು ಹಂತ ಹಂತವಾಗಿ ಅರ್ಥಮಾಡಿಕೊಳ್ಳೋಣ.

ಸಂಸ್ಥೆಗಳಿಂದ ಬಂದ ನನ್ನ ಕೆಲವು ಶಿಷ್ಯರು ಈ ಕಾರ್ಯಕ್ರಮಗಳ ಬಗ್ಗೆ ನನಗೆ ತಿಳಿಸಿದ್ದಾರೆ. ಅವುಗಳನ್ನು ಹೇಗೆ ನಡೆಸುತ್ತಾರೆ, ಮತ್ತು ಈ ಕಾರ್ಯಕ್ರಮಗಳಿಂದ ಏನನ್ನು ಸಾಧಿಸಲು ಪ್ರಯತ್ನಿಸುತ್ತಾರೆ ಎಂಬುದರ ಬಗ್ಗೆ ವಿವರಿಸಿದ್ದಾರೆ. ಈ ಕಾರ್ಯಕ್ರಮಗಳು ಅವರಿಗೆ ಸಹಾಯಕವಾಗಿದ್ದರೂ ಸಹ, ಅವುಗಳ ಪ್ರಭಾವ ಕಾರ್ಯಕ್ರಮ ಮುಗಿದ ಕೆಲವೇ ದಿನಗಳಲ್ಲಿ ಕ್ಷೀಣಿಸಿಹೋಗುತ್ತದೆ ಎಂಬುದನ್ನೂ ಹೇಳಿದ್ದಾರೆ.

ವಾರಾಂತ್ಯದ ಮನರಂಜನಾ ಶಿಬಿರಗಳಲ್ಲಿ, ಹಗ್ಗ ಹಿಡಿದು ಮೇಲೇರುವುದು, ಆಟಗಳನ್ನಾಡುವುದು, ಸ್ನೇಹ ಭಾವವನ್ನು ಮೂಡಿಸುವುದು ಮುಂತಾದುವುಗಳ ಮೂಲಕ ಸಾಂಘಿಕ ಮನೋಭಾವನೆಯನ್ನು ಮೂಡಿಸುತ್ತಾರೆ ಎಂದು ನನಗೆ ತಿಳಿಸಿದ್ದಾರೆ. ನನ್ನ ಶಿಷ್ಯರು ಹೇಳಿದುದರಲ್ಲಿ ನಾನು ಗ್ರಹಿಸಿದ ಸಾರಾಂಶವೆಂದರೆ, ಈ ಕಾರ್ಯಕ್ರಮಗಳಲ್ಲಿ ಹೊರಗಿನ ಗುಣಲಕ್ಷಣಗಳ ಮೇಲೆ ಕೆಲಸ ಮಾಡುತ್ತಾರೆ, ಆದರೆ ಅವು 'ಒಳಗಿನ ಸಾಫ್ಟ್‌ವೇರ್' (ಒಳಗಿನ ತಂತ್ರಾಂಶವನ್ನು) ಮಾರ್ಪಾಡಾಗಿಸಿ ಅದರಿಂದ ಮುಂದಾಳುತನವನ್ನು ಹೊಮ್ಮಿಸುವ ಕಾರ್ಯಕ್ರಮಗಳಾಗುವುದಿಲ್ಲ ಎಂದು. ನನ್ನ ಪ್ರಕಾರ, ಮುಂದಾಳುತನ ಒಂದು ಗುಣವಲ್ಲ, ಅದು ವೈಯಕ್ತಿಕ ಅಭಿವೃದ್ಧಿ ಹಾಗೂ ಪರಿವರ್ತನೆಯನ್ನು ಅನುಭವಿಸಿರುವ ವ್ಯಕ್ತಿಯಿಂದ ಹೊರಹೊಮ್ಮುವ ಒಂದು ಅನುಭವ.

ಆದುದರಿಂದ ಈ ವಿಷಯದ ಬಗ್ಗೆ ಏನೇನು ಹೇಳಬಹುದೋ, ಏನೇನು ಬರೆಯಬಹುದೋ ಅವೆಲ್ಲವನ್ನೂ ಹೇಳಿದ್ದಾಗಿದೆ! ಆದುದರಿಂದ ನಿಮಗೆ ಮಾರ್ಗದರ್ಶನಕೊಡುವ ನಿರ್ವಹಣಾ ತಂತ್ರದ ಗುರುಗಳು ಒಬ್ಬ ಮುಖಂಡನ ಬಗ್ಗೆ ನೀಡಿರುವ ಕಲ್ಪನೆ ಮತ್ತು ಅದಕ್ಕಿಂತ ಹೆಚ್ಚಾಗಿ, ವೈಯಕ್ತಿಕ ಪರಿವರ್ತನೆಯಾಗಿ ಮುಂದಾಳುತನವನ್ನು ಯಾರು ಬೇಕಾದರೂ ಹೊಂದಲು ಬೇಕಾದ ನಿಜವಾದ ಸಲಕರಣೆಗಳನ್ನು ಮತ್ತು ಉಪಾಯಗಳನ್ನು ನೀಡಲು, ಕೆಲವು ಉದಾಹರಣೆಗಳನ್ನು ನೀಡಲು ನಾನಿಲ್ಲಿದ್ದೇನೆ!

ಮೊದಲನೆಯದಾಗಿ, ಪ್ರತಿ ನಾಗರೀಕತೆಯೂ ತನ್ನ ಶಕ್ತಿಗಳನ್ನು ನಿರ್ದಿಷ್ಟ ಕ್ಷೇತ್ರಗಳಿಗೆ ಕೇಂದ್ರೀಕರಿಸುತ್ತದೆ ಎಂಬುದನ್ನು ತಿಳಿದುಕೊಳ್ಳಿರಿ. ಪಾಶ್ಚಿಮಾತ್ಯ ಜಗತ್ತಿನಲ್ಲಿ ಸುಖ ಮತ್ತು ಜೀವನ ಶೈಲಿಯ ಉನ್ನತಿಗಾಗಿ ಉತ್ಪನ್ನಗಳು ಮತ್ತು ಸೇವೆಗಳನ್ನು ಸೃಷ್ಟಿಸಲು, ಮತ್ತು ಬಾಹ್ಯ ವಿಜ್ಞಾನ, ಆವಿಷ್ಕರಣ ಮತ್ತು ಅನ್ವೇಷಣೆಗಳಲ್ಲಿ ತಮ್ಮ ಪರಿಶ್ರಮಗಳನ್ನು ಕೇಂದ್ರೀಕರಿಸಿದರು. ಈ ಹೊರ ಪ್ರಪಂಚದ ವಿಜ್ಞಾನಿಗಳು ಕಂಡುಹಿಡಿದ ಅನೇಕ ಉತ್ಪಾದನೆಗಳಿಂದ ಮತ್ತು ಸೇವಾ ವ್ಯವಸ್ಥೆಗಳಿಂದ ಪ್ರಪಂಚದಲ್ಲೆಲ್ಲಾ ಜನರ ಜೀವನ ಶೈಲಿ ಸುಧಾರಿಸಿದೆ ಹಾಗೂ ಮಹತ್ತರವಾದ ಲಾಭವಾಗಿದೆ.

ಬಾಹ್ಯ ಪ್ರಪಂಚದ ವಿಜ್ಞಾನದಂತೆಯೇ, ನಮ್ಮೊಳಗೇ ಇರುವ ಒಂದು ಅಗಾಧವಾದ ಒಳ ಪ್ರಪಂಚದ ವಿಜ್ಞಾನವೂ ಇದೆ. ಈ ಒಳಪ್ರಪಂಚದ ವಿಜ್ಞಾನಿಗಳು ಅಥವಾ ಋಷಿಗಳು ನಮ್ಮ ಭಾವನೆಗಳನ್ನು ಮತ್ತು ಮನಸ್ಸನ್ನು ನಿಭಾಯಿಸುವ ಅನೇಕ ಉಪಕರಣಗಳ ಮತ್ತು ತಂತ್ರಗಳ ಮೇಲೆ ಕೆಲಸ ಮಾಡಿದ್ದಾರೆ. ಹತ್ತು ಸಾವಿರ ವರ್ಷಗಳಿಂದ ಈ ಒಳಪ್ರಪಂಚದ ವಿಜ್ಞಾನಿಗಳು ನಾವು ಅನುಭವಿಸುವ ಅನೇಕ ರೀತಿಯ ಭಾವನೆಗಳನ್ನು ಹಾಗೂ ಭಾವನೆಗಳಿಂದ ಉಂಟಾಗುವ ಖಿನ್ನತೆ ಮತ್ತು ಒತ್ತಡಗಳನ್ನು ನಿಭಾಯಿಸಲು ಉಪಕರಣಗಳನ್ನು ಮತ್ತು ತಂತ್ರಗಳನ್ನು ಸೃಷ್ಟಿಸಿದ್ದಾರೆ. ನಾವು ನಮ್ಮೊಡನೆ ಆನಂದದಿಂದ ಬಾಳಲು ತಂತ್ರಗಳನ್ನು ಸೃಷ್ಟಿಸಿದ್ದಾರೆ. ಈ ಉಪಕರಣಗಳನ್ನು ಮತ್ತು ತಂತ್ರಗಳನ್ನೇ ನಾನು ಧ್ಯಾನದ ತಂತ್ರಗಳು ಎನ್ನುತ್ತೇನೆ.

ಒಂದು ಸಣ್ಣ ಕಥೆ:

ಒಂದು ಬಿಸಿಲಿನ ಮಧ್ಯಾಹ್ನ ಒಂದು ದೊಡ್ಡ ಹಳ್ಳವನ್ನು ಅಗಿಯುತ್ತಿದ್ದ ಸೈನಿಕರ ಗುಂಪೊಂದನ್ನು ದಾಟಿಕೊಂಡು ನಾಗರೀಕ ಉಡುಪನ್ನು ಧರಿಸಿದ್ದ ವ್ಯಕ್ತಿಯೊಬ್ಬನು ಕುದುರೆ ಸವಾರಿಮಾಡಿಕೊಂಡು ಹೋದನು. ಆ ಗುಂಪಿನ ಮುಖಂಡನು ಕೂಗಾಡುತ್ತಾ ಒಂದು ಗಂಟೆಯಲ್ಲಿ ಕೆಲಸ ಮುಗಿಸದಿದ್ದರೆ ದಂಡ ವಿಧಿಸುವೆನೆಂದು ಆಜ್ಞಾಪಿಸುತ್ತಿದ್ದನು.

ಹೊರಡುವ ಮುನ್ನ ಆ ವ್ಯಕ್ತಿಯು ಸೈನಿಕರನ್ನು ಕೆಲಸ ಮಾಡಿದುದ್ದಕ್ಕಾಗಿ ಅಭಿನಂದಿಸಿ ಗುಂಪಿನ ಮುಖಂಡನ ಹತ್ತಿರ ಬಂದನು. 'ಮುಂದೇನಾದರೂ ನಿನ್ನ ಜನರಿಗೆ ಸಹಾಯ ಮಾಡಲು ನಿನ್ನ ಅಂತಸ್ತು ಅಡ್ಡ ಬಂದರೆ, ನೀನು ನಿನ್ನ ಹಿರಿಯ ಅಧಿಕಾರಿಗಳಿಗೆ ತಿಳಿಸಬೇಕು, ಹಾಗೂ ನಾನು ಅದಕ್ಕೆ ಇನ್ನೂ ಶಾಶ್ವತವಾದ ಪರಿಹಾರವನ್ನು ನೀಡುತ್ತೇನೆ' ಎಂದನು.

ಈಗ ಆ ಗುಂಪಿನ ಮುಖಂಡನಿಗೆ ಬಹಳ ಆಶ್ಚರ್ಯವಾಯಿತು. ಹತ್ತಿರ ಹೋಗಿ ಆ ವ್ಯಕ್ತಿಯನ್ನು ನೋಡಿದನು ಮತ್ತು ಆತನು ಸೈನ್ಯದ ಪ್ರಧಾನ ದಂಡನಾಯಕ ಎಂಬುದನ್ನು ಮನಗಂಡನು.

ಆ ಗುಂಪಿನ ಮುಖಂಡನ ಗುಣಗಳನ್ನು ವ್ಯಕ್ತಪಡಿಸುವ ಎಷ್ಟು ಮಂದಿ ಸಂಸ್ಥೆಗಳಲ್ಲಿ ಮುಖಂಡರೆನಿಸಿಕೊಂಡಿರುವವರಿದ್ದಾರೆ ಮತ್ತು ಎಷ್ಟು ಮಂದಿ ಸೈನ್ಯದ ಪ್ರಧಾನ ದಂಡನಾಯಕನ ಗುಣಗಳನ್ನು ವ್ಯಕ್ತಪಡಿಸುತ್ತಾರೆ ಎಂದು ನಮ್ಮಲ್ಲೇ ವಿಚಾರಮಾಡಬೇಕು.

ಕಾರ್ಯಸಾಧನೆಗೆ ಸಹಾಯ ನೀಡಲು ಸಿದ್ಧವಾಗಿರುವವರು ವಿರಳ.

1. ಪ್ರಾಮಾಣಿಕತೆ ಮತ್ತು ಜವಾಬ್ದಾರಿ

2. ಜನರ ಬಗ್ಗೆ ನಿಜವಾದ ಕಳಕಳಿ

3. ಆತ್ಮ ವಿಶ್ವಾಸ

4. ದಕ್ಷತೆ ಮತ್ತು ಅಂತರ್ಗತವಾಗಿ ಯೋಚಿಸುವ ಕೌಶಲ್ಯ

5. ವಿವರಗಳಿಗೆ ಗಮನ ನೀಡುವುದು

6. ದಕ್ಷತೆ ಮತ್ತು ಪರಿಣಾಮಕಾರಿತ್ವ

7. ವಿಶಾಲ ತಳಹದಿಯ ಆಲೋಚನೆ ಮತ್ತು ಕಾರ್ಯ ಸಾಧನೆ

ಈ ಲಕ್ಷಣಗಳನ್ನು ಮುಂದಿನ ವಿಭಾಗಗಳಲ್ಲಿ ಇನ್ನೂ ವಿಶದವಾಗಿ ವಿಚಾರ ಮಾಡುತ್ತೇನೆ.