ದುಡಿಯುವುದು, ಗಳಿಸುವುದು ಮತ್ತು ಇರುವುದು🔗

ಜ್ಞಾನ ಸದ್ಗುರುಗಳಾದ ರಮಣ
ಮಹರ್ಷಿಯವರು ಸುಂದರವಾಗಿ ಹೇಳುತ್ತಾರೆ,
'ಮನಸ್ಸು ಎಂಬುದು ಹೇಗಿರುತ್ತದೆ ಎಂದರೆ
ಪಡೆಯುವ ತನಕ ಒಂದು ಸಣ್ಣ ಸಾಸುವೆ ಕಾಳನ್ನು
ಒಂದು ದೊಡ್ಡ ಪರ್ವತದಷ್ಟು ಇರುವಂತೆ
ತೋರಿಸುತ್ತದೆ. ಅದನ್ನು ಪಡೆದ ತಕ್ಷಣವೇ ಒಂದು
ಪರ್ವತವೂ ಸಹ ಒಂದು ಸಣ್ಣ ಸಾಸುವೆ ಕಾಳಿನಷ್ಟು
ಕ್ಷುಲ್ಲಕವಾಗಿ ತೋರುವುದು'.

ಒಂದು ಆಸೆ ಈಡೇರಿದಾಗ ಇನ್ನೊಂದು ನಿಮ್ಮನ್ನು
ಸೆಳೆಯಲು ಪ್ರಾರಂಭಿಸುತ್ತದೆ. ನಿಮಗೆ ಅದನ್ನು
ಅನುಭವಿಸಿ ತೃಪ್ತಿಪಡೆಯಲೂ ಸಹ
ಸಮಯವಿರುವುದಿಲ್ಲ. ನೀವು ಯೋಚಿಸಬಹುದು,
'ನಾನು ಈ ಇನ್ನೊಂದು ವಸ್ತುವನ್ನು ಪಡೆಯುತ್ತೇನೆ.
ಆಮೇಲೆ ಎಂದೋ ಅದನ್ನು ವಿರಾಮವಾಗಿ
ಅನುಭವಿಸಿ ತೃಪ್ತಿಯಿಂದಿರುತ್ತೇನೆ' ಎಂದು.
ಸ್ಪಷ್ಟವಾಗಿರಿ, ನಿಮ್ಮ ಮನಸ್ಸು ಅದನ್ನು ಎಂದಿಗೂ
ಸಂಭವಿಸಲು ಬಿಡಲಾರದು.

ನಿಜವಾಗಿಯೂ ಜೀವನವನ್ನು ಜೀವಿಸಿ
ಆನಂದಿಸಬೇಕಾದರೆ ಇರುವ ಒಂದೇ ದಾರಿಯೆಂದರೆ
ದುಡಿತದಲ್ಲೇ ಆನಂದಪಡುವುದು. ಆಗ ದುಡಿತ,
ಗಳಿಕೆ ಮತ್ತು ಇರುವಿಕೆ ಎಲ್ಲವೂ ತಾನೇತಾನಾಗಿ
ಸಮಗ್ರಗೊಂಡು ನಡೆಯುತ್ತವೆ.

ಹೆಚ್ಚಿನ ಬೆಳವಣಿಗೆಯನ್ನು ತೋರುವುದಿಲ್ಲ. ನಂತರ
ಐದನೇ ವರ್ಷ, ಬರೀ ಆರು ವಾರಗಳಲ್ಲಿ ತೊಂಬತ್ತು
ಅಡಿ ಎತ್ತರವಾಗಿ ಬೆಳೆಯುತ್ತದೆ! ಮೊದಲ ನಾಲ್ಕು
ವರ್ಷಗಳಲ್ಲಿ ಬೆಳೆಯುತ್ತಿರಲೇ ಇಲ್ಲವೆಂದಲ್ಲ,
ಬೆಳವಣಿಗೆಯು ಕಾಣದೇ ಇದ್ದರೂ ಗಿಡವು
ಕ್ಷೇಮವಾಗಿ ಬೇಗ ದೊಡ್ಡಮರವಾಗಿ ಬೆಳೆಯಲು
ಅಗತ್ಯವಾದ ಬೇರುಗಳು ಬಲಿಷ್ಠಗೊಳ್ಳುತ್ತಿದ್ದವು
ಎಂದರ್ಥ.

ಬಿದಿರಿನ ಬೆಳವಣಿಗೆಯಂತೆ ನಿಮ್ಮನ್ನು ಅಳತೆ
ಮಾಡಿಕೊಳ್ಳಲು ನಿಮ್ಮನ್ನು ಹೊರತು ಬೇರೆ ಯಾವ
ಮಾಪನವೂ ಇಲ್ಲ. ನಿಮ್ಮ ಚೈತನ್ಯವೆಲ್ಲವನ್ನೂ
ಒಳಹೊಕ್ಕು ನೋಡಲು ಹಾಗೂ ನಿಮ್ಮೊಂದಿಗೆ
ತುಲನೆಮಾಡಿಕೊಳ್ಳಲು ಉಪಯೋಗಿಸಿದರೆ, ನಿಮ್ಮ
ಪ್ರಗತಿಯೂ ಅತ್ಯಂತ ವೇಗವಾಗಿ
ಮುಂದುವರೆಯುತ್ತದೆ.

ನೀವು ಒಂದು ಗುಲಾಬಿ ಹೂವೋ, ಕುಮುದ
ಹೂವೋ ಅಥವಾ ಒಂದು ಕಾಡುಹೂವೋ
ಏನಾಗಿದ್ದರೂ ಪರವಾಗಿಲ್ಲ. ಮುಖ್ಯವಾದ
ವಿಷಯವೇನೆಂದರೆ, ಕಾಡುಹೂವು ತನ್ನ ಪರಮೋನ್ನತ
ಸಾಮರ್ಥ್ಯವನ್ನು ಕಾಡು
ಹೂವಾಗಿ ವ್ಯಕ್ತಪಡಿಸ-
ಬೇಕು, ಅದೇ ರೀತಿ
ಗುಲಾಬಿ ಹೂವೂ
ತನ್ನಲ್ಲಿ ಅಡಗಿರುವ
ಸಾಮರ್ಥ್ಯವನ್ನು ವ್ಯಕ್ತಪಡಿಸಬೇಕು. ನೀವು ನಿಮ್ಮ
ಅನನ್ಯ ಸಾಮರ್ಥ್ಯವನ್ನು ಕಂಡುಕೊಂಡ ಸುಗಂಧವೇ
ಪಸರಿಸುವುದು ಮತ್ತು ಯಾವುದೇ ಶ್ರಮವಿಲ್ಲದೆ
ನಿಮ್ಮ ಸುತ್ತಲಿರುವ ಎಲ್ಲರನ್ನೂ ಮುಟ್ಟುವುದು.

ಸೌಂದರ್ಯದಲ್ಲಾಗಲೀ ಅಥವಾ
ಬುದ್ಧಿಶಕ್ತಿಯಲ್ಲಾಗಲೀ ನೀವಂತೂ ಅನನ್ಯರು. ನೀವು
ನಿಮ್ಮ ಅನನ್ಯತೆಯನ್ನು ಗೌರವಿಸದಿದ್ದಾಗ ಮಾತ್ರವೇ
ನಿಮ್ಮನ್ನು ಬೇರೆಯವರೊಂದಿಗೆ ಹೋಲಿಸಿಕೊಳ್ಳಲು
ಪ್ರಾರಂಭಿಸುವುದು. ಸ್ಪಷ್ಟವಾಗಿ ತಿಳಿಯಿರಿ,
ಚಿತ್ರರಂಗದ ನಿಮ್ಮ ಅಚ್ಚುಮೆಚ್ಚಿನ ತಾರೆ ಅಥವಾ
ಮಾದರಿಯಾದ ವ್ಯಕ್ತಿಯು ಎಷ್ಟೇ
ಸುಂದರವಾಗಿದ್ದರೂ ನೀವು ಒಂದು ಲೋಟ
ನೀರನ್ನಾದರೂ ಆ ದೇಹದಿಂದ ಕುಡಿದು
ಆನಂದಿಸಲಾದೀತೆ? ಇಲ್ಲ! ನಿಮ್ಮ ದೇಹದ ಮೂಲಕ
ಮಾತ್ರವೇ ನಿಮಗೆ ಆನಂದಿಸಲಾಗುವುದು- ಅದೇ
ನಿಮ್ಮ ಅತ್ಯುತ್ತಮ ಮಿತ್ರ. ಅದನ್ನು ಸ್ವೀಕರಿಸಿ
ಆದರಿಸಿರಿ.

ಈ ರೀತಿ ಹೇಳುತ್ತದೆ – ಅದು ಅಸೂಯೆಯೆಂಬ
ಸಾಧನವನ್ನು ಉಪಯೋಗಿಸಿಕೊಂಡು ತನ್ನಿಚ್ಛೆಯಂತೆ,
ಅದಕ್ಕೆ ನೀವು ಏನೆಲ್ಲಾ ಮಾಡಬೇಕೆಂದು ಇದೆಯೋ
ಅದನ್ನು ನಿಮ್ಮಿಂದ ಮಾಡಿಸುತ್ತದೆ ಎಂದು.

ಸರ್ಕಸ್‌ಗಳಲ್ಲಿ ರಿಂಗ್ ಮಾಸ್ಟರ್‌ನಂತೆ
ಮನುಷ್ಯನು ಈ ಕೋಲನ್ನು ಉಪಯೋಗಿಸುತ್ತಾನೆ.
ಅದರಂತೆಯೇ ಮಾಯೆಯ ಶಕ್ತಿಯು
ಸಮಾನವರ್ಗದವರ ಒತ್ತಡ ಮತ್ತು ಅಸೂಯೆಯನ್ನು
ಉಪಯೋಗಿಸಿ ತನಗೇನುಬೇಕೋ ಅದನ್ನು ನಿಮ್ಮಿಂದ
ಮಾಡಿಸುತ್ತದೆ. ತಿಳಿಯಿರಿ, ಸಮಾನ ವರ್ಗದವರ
ಒತ್ತಡವು ಕೇವಲ ಒಂದು ದೊಡ್ಡ ಅಹಂಕಾರದ
ಆಟ. ವಾಸ್ತವವಾಗಿ ಅದು ನಿಮ್ಮ ಬೆಳವಣಿಗೆಗೆ
ಅವಶ್ಯಕವೇ ಅಲ್ಲ. ನಮ್ಮ ಮೂಲಭೂತವಾದ
ಅವಶ್ಯಕತೆಗಳನ್ನು ಪೂರೈಸುವಷ್ಟು ಆಹಾರ, ಆಶ್ರಯ,
ವೈದ್ಯಕೀಯ ನೆರವು ಹಾಗೂ ಉಡುಪುಗಳು
ಪ್ರಪಂಚದಲ್ಲಿ ಇವೆ. ಇಲ್ಲಿ ಪೈಪೋಟಿಯ
ಅವಶ್ಯಕತೆಯೇ ಇಲ್ಲ.

ಅಸೂಯೆಯು ನಮ್ಮ ನಕಾರಾತ್ಮಕ
ಭಾವನೆಗಳಾದ ಕೋಪ, ದುರಾಸೆ, ಒಡೆತನ ಹಾಗೂ
ಖಿನ್ನತೆಗಳೊಂದಿಗೆ ನಿಕಟವಾಗಿ ಸಂಬಂಧಿಸಿದೆ. ಈ
ಅಸೂಯೆಯ ಚಕ್ರವನ್ನು ಮುರಿದಾಗ, ಈ ಎಲ್ಲ
ಭಾವನೆಗಳೂ ಕರಗಿಹೋಗುತ್ತವೆ.

ಅಸೂಯೆಯಿಂದ ತಪ್ಪಿಸಿಕೊಳ್ಳು-
ವುದರಿಂದಾಗಲೀ, ಅಸೂಯೆಗೆ ಕಾರಣವಾದ
ವಸ್ತುವನ್ನು ದ್ವೇಷಿಸುವುದರಿಂದಾಗಲೀ
ಅಸೂಯೆಯನ್ನು ಜಯಿಸಲಾಗುವುದಿಲ್ಲ.
ಅಸೂಯೆಯು ತಲೆದೋರಿದಾಗ, ಕೇವಲ ಅದರ
ಸಂಪೂರ್ಣ ಅರಿವಿನಿಂದ ಇರಬೇಕಾದುದೇ ನೀವು
ಮಾಡಬೇಕಾದುದು. ಅದು ಸುಮ್ಮನೆ
ಅದೃಶ್ಯವಾಗುವುದನ್ನು ನೋಡಿ ನಿಮಗೆ
ಆಶ್ಚರ್ಯವಾಗಬಹುದು.

ತಿಳಿಯಿರಿ, ಅಸೂಯೆಯಿಂದ ಪಾರಾಗಲು
ಅದನ್ನು ವಿರೋಧಿಸುವುದರಿಂದಾಗಲೀ, ಅದರ
ಅಸ್ತಿತ್ವವನ್ನು ನಿರಾಕರಿಸುವುದರಿಂದಾಗಲೀ
ಸಾಧ್ಯವಿಲ್ಲ. ಅದನ್ನು ವ್ಯಕ್ತಪಡಿಸುವುದು ಮತ್ತು
ಪ್ರೋತ್ಸಾಹಿಸುವುದೂ ಸಹ ಸರಿಯಲ್ಲ, ಏಕೆಂದರೆ
ಆಗ ನೀವು ಅಸೂಯೆಯನ್ನು ಅರಿವಿನೊಂದಿಗೆ
ಎದುರಿಸಲು ಸಿದ್ಧರಾಗಿಲ್ಲವೆಂದರ್ಥ.

ಅಸೂಯೆಯು ನಿಮ್ಮಲ್ಲಿ ಹೇಗೆ ಮೂಡುತ್ತದೆ
ಎಂದೂ, ಅಸೂಯೆಗೆ ಕಾರಣವಾದ ವಸ್ತುವಿನಲ್ಲಿ
ಯಾವ ರೀತಿ ಅದು ದ್ವೇಷವಾಗಿ ಬೆಳೆಯುತ್ತದೆ
ಎಂದೂ, ಹೇಗೆ ನಿಮ್ಮಲ್ಲಿ ಚಡಪಡಿಕೆ ಹಾಗೂ
ಅಸಮಾಧಾನವನ್ನು ಉಂಟುಮಾಡುತ್ತದೆಯೆಂದೂ,
ಕೊನೆಗೆ ನಿಮ್ಮ ಶಾಂತಿ ಸಮಾಧಾನಗಳೆಲ್ಲವನ್ನೂ
ಕಳೆದುಕೊಳ್ಳುವಂತೆ ಮಾಡುತ್ತದೆ ಎಂಬುದನ್ನೂ
ಗಮನಿಸಿರಿ.

ಅಸೂಯೆಯನ್ನು ಅಥವಾ ಅಸೂಯೆಗೆ
ಕಾರಣವಾದ ವಸ್ತುವನ್ನು ದ್ವೇಷಿಸುವ ಬದಲು
ಅಸೂಯೆಯ ವಿಷಯದಲ್ಲಿ ಅರಿವಿನಿಂದಿರಿ. ನಿಮಗೆ
ಅದರಿಂದ ಆಗಬೇಕಾದುದೇನೂ ಇಲ್ಲವೆಂಬಂತೆ
ಅದನ್ನು ಕೇವಲ ಗಮನಿಸಿರಿ. ಅದನ್ನು ಒಂದು
ವೈಜ್ಞಾನಿಕ ದೃಷ್ಟಿಯಲ್ಲಿ ನೋಡಿರಿ. ವೈಜ್ಞಾನಿಕ
ದೃಷ್ಟಿ ಎಂದು ನಾನು ಹೇಳುವುದರ ಅರ್ಥವೇನು?

ಈಗ, ಒಳಪ್ರಪಂಚ ವಿಜ್ಞಾನದ
ಪ್ರಯೋಗಶಾಲೆಯಲ್ಲಿ ನೀವು ವಿಜ್ಞಾನಿಯಾಗಿದ್ದೀರಿ.
ನೀವು ನಿಮ್ಮ ಒಳ ಪ್ರಪಂಚದಲ್ಲಿ ವಿಜ್ಞಾನಿಯಾಗಿ
ಹಾಗೂ ನಿಮ್ಮ ಮನಸ್ಸು ನಿಮ್ಮ
ಪ್ರಯೋಗಶಾಲೆಯಾಗಲಿ. ಪೂರ್ವನಿಯೋಜಿತ
ಅಭಿಪ್ರಾಯವಿಲ್ಲದೆ ಕೇವಲ ಅರಿವಿನಿಂದಿದ್ದು
ಸಾಕ್ಷೀಭಾವದಲ್ಲಿರಿ.

ಆ ಭಾವನೆಯೂ ಕೆಟ್ಟದೆಂದು ನಿಮಗೆ
ಕಲಿಸಿರುವುದರಿಂದ ಅದನ್ನು ಹೀನಾಯಿಸಬೇಡಿ. ಅದು
ನಿಮ್ಮ ಅನುಭವವಾಗಿಲ್ಲ. ತಿಳಿಯಿರಿ, ಅಸೂಯೆಯು

ಅಸೂಯೆಗೆ ಕಾರಣವಾದ ವಸ್ತುವನ್ನು
ಖಂಡಿಸಬೇಡಿ. ಆ ವಸ್ತುವು ಹೊರಗಿನಿಂದ
ಭಾವನೆಯನ್ನು ಉತ್ಪತ್ತಿ ಮಾಡುವುದಿಲ್ಲ.
ಅಸೂಯೆಯು ನಿಮ್ಮೊಳಗೇ ಉತ್ಪತ್ತಿಯಾಗುವುದು.

ಆಕೆಯು ಅದನ್ನು ನೋಡಿ, 'ಹೌದು, ಬಹಳ
ಚೆನ್ನಾಗಿದೆ, ಆದರೆ ಇದಕ್ಕೆ ಇನ್ನೂ ಕೆಲವು
ವಿಷಯಗಳನ್ನು ಸೇರಿಸಲು ಸಾಧ್ಯವೇ? ನೀವು ಅದಕ್ಕೆ
ಹೊಳೆಯುವ ಒಂದು ವಜ್ರದ ಕಂಠಹಾರ, ಒಂದು
ಚಿನ್ನದ ಕೈಗಡಿಯಾರ ಹಾಗೂ ಕಡಗ, ಪಚ್ಚೆಯ
ಓಲೆಗಳು, ಬೆರಳುಗಳಿಗೆ ಸುಂದರವಾದ ಮುತ್ತಿನ
ಉಂಗುರಗಳು, ಇವನ್ನೆಲ್ಲಾ ಸೇರಿಸಬೇಕೆಂದು ನಾನು
ಇಚ್ಛಿಸುತ್ತೇನೆ' ಎಂದಳು. ಕಲಾಕಾರನಿಗೆ
ಆಶ್ಚರ್ಯವಾಗಿ, 'ಆದರೆ, ಈ ಭಾವಚಿತ್ರವು
ಇರುವಂತೆಯೇ ಸರಳವಾಗಿಯೂ,
ಸುಂದರವಾಗಿಯೂ ಕಾಣುತ್ತಿದೆ. ಒಡವೆಗಳನ್ನೆಲ್ಲಾ
ಸೇರಿಸಿಕೊಂಡು ಅದನ್ನೇಕೆ ಗಲಿಬಿಲಿ ಮಾಡುವಿರಿ?'
ಎಂದು ಕೇಳಿದನು.

ಆಕೆಯು, 'ನನ್ನ ನೆರೆಹೊರೆಯ ಶ್ರೀಮಂತರು ಈ
ಭಾವಚಿತ್ರವನ್ನು ನೋಡಿ, ಆ ಆಭರಣಗಳೆಲ್ಲವೂ
ನನ್ನ ಬಳಿ ಇವೆ ಎಂದುಕೊಂಡು, ಅವರಿಗೆ
ಚಿತ್ತಭ್ರಮೆಯುಂಟಾಗಬೇಕೆಂಬುದೇ ನನಗೆ
ಬೇಕಾದುದು'ಎಂದು ಹೇಳಿದಳು.