ಸ್ವೀಕಾರ - ಹೊರ ಬರಲು ಸುಂದರವಾದ ದಾರಿ🔗

ಎಲ್ಲಾ ತಪ್ಪಿತಸ್ಥ ಭಾವನೆಯನ್ನೂ, ಎಲ್ಲಾ ತಪ್ಪುಗಳನ್ನೂ, ಎಲ್ಲಾ ಸೋಲುಗಳನ್ನೂ ಸ್ವೀಕರಿಸಿರಿ. ನಿಮ್ಮಿಂದ ಸಮ್ಮತಿಸಲಾಗದಿದ್ದರೆ, ನಿಮ್ಮಿಂದ ಸ್ವೀಕರಿಸಲಾಗುತ್ತಿಲ್ಲವೆಂಬುದನ್ನು ಸ್ವೀಕರಿಸಿರಿ. ಆಗ ನೀವು ಆರಾಮವಾಗುವಿರಿ. ತಪ್ಪಿತಸ್ಥ ಭಾವನೆಯು ನಿಮ್ಮ ಮನಸ್ಸಿನಿಂದ ಬಿದ್ದು ಹೋಗುತ್ತದೆ.

ಈ ಸಣ್ಣ ಪ್ರಯೋಗವನ್ನು ಮಾಡಲು ಯತ್ನಿಸಿರಿ. ಕೇವಲ ಮೂರು ದಿನಗಳ ಕಾಲ ಸಂಪೂರ್ಣವಾದ ಸ್ವೀಕಾರದೊಂದಿಗೆ ವಿರಮಿಸಿರಿ. ಬರಿಯ ಮೂರು ದಿನಗಳ ಕಾಲ ಬಾಹ್ಯ ಹಾಗೂ ಅಂತರಂಗ ಪ್ರಪಂಚಗಳ ನೂಕಾಟಗಳಿಂದ ತಪ್ಪಿಸಿಕೊಂಡರೆ, ನಿಮ್ಮ ಸಂಪತ್ತನ್ನೆಲ್ಲಾ ಕಳೆದುಕೊಳ್ಳುವಿರೇನು? ಖಂಡಿತ ಇಲ್ಲ! ಅದರಿಂದ ಯಾವ ಸಮಸ್ಯೆಯೂ ಆಗುವುದಿಲ್ಲ. ಮೂರು ದಿನಗಳಲ್ಲಿ ನೀವು ಏನನ್ನೂ ಕಳೆದುಕೊಳ್ಳುವುದಿಲ್ಲ. ಹಾಗಿದ್ದಲ್ಲಿ ನೀವೇಕೆ ಅದನ್ನು ಪ್ರಯತ್ನಿಸಬಾರದು? ಕೇವಲ ಮೂರು ದಿನಗಳ ಕಾಲ, ಶ್ರದ್ಧೆಯಿಂದ ಸಂಪೂರ್ಣವಾಗಿ ಶೇಕಡಾ100ರಷ್ಟು ನಿಮ್ಮ ಜೀವನದಲ್ಲಿರುವ ಎಲ್ಲವನ್ನೂ ಸ್ವೀಕರಿಸಿರಿ.

ಒಂದು ವೇಳೆ ನಿಮ್ಮಿಂದ ಶೇಕಡಾ100ರಷ್ಟನ್ನು ಸ್ವೀಕರಿಸಲಾಗದಿದ್ದರೆ, ನಿಮ್ಮಿಂದ ಅದನ್ನು 100ರಷ್ಟು ಸ್ವೀಕರಿಸಲಾಗುತ್ತಿಲ್ಲವೆಂದುದನ್ನು ಸ್ವೀಕರಿಸಿರಿ. 'ಬಾಹ್ಯ ಹಾಗೂ ಅಂತರಂಗ ಪ್ರಪಂಚಗಳಲ್ಲಿ ನನ್ನನ್ನು ನಾನು ಸ್ವೀಕರಿಸಲಾಗುತ್ತಿಲ್ಲ'ವೆಂಬ ಸ್ವೀಕಾರವೇ ನಿಮ್ಮನ್ನು ಭೂತ ಹಾಗೂ ಭವಿಷ್ಯತ್ ಕಾಲಗಳ ನೂಕಾಟದಿಂದ ಪಾರು ಮಾಡಲು ಸಾಧ್ಯವಾಗುತ್ತದೆ. 'ನನ್ನಿಂದ ಆಸೆ ಹಾಗೂ ಭಯಗಳ ನೂಕಲಾಟದಿಂದ ತಪ್ಪಿಸಿಕೊಳ್ಳಲಾಗುತ್ತಿಲ್ಲ, ನನ್ನಿಂದ ನಿಜತ್ವವನ್ನು ಸ್ವೀಕರಿಸಲಾಗುತ್ತಿಲ್ಲ' ಎಂದು ತಿಳಿದ ಕ್ಷಣವೇ, ಆ ತಿಳಿವಳಿಕೆಯೇ ಅದರ ಕೆಲಸವನ್ನು ಮಾಡಲಾರಂಭಿಸುತ್ತದೆ.

ನೀವು ಸುಮಾರು 30 ವರ್ಷಗಳ ಕಾಲ ನಿಮ್ಮ ಸಿದ್ಧಾಂತದ ಪ್ರಕಾರ ಬದುಕಿದ್ದೀರೆಂದು ತಿಳಿಯೋಣ. ಬರಿಯ ಮೂರು ದಿನಗಳ ಕಾಲ ಮಾತ್ರ ಹೊರಗಿನ ಪ್ರಪಂಚದಲ್ಲಿ ಬೇರೆಯವರನ್ನು ಬದಲಾಯಿಸಲು ಪ್ರಯತ್ನಿಸದಿರಿ. ಇಂತಹ ಮಹಾತಂತ್ರಗಳೊಂದಿಗೆ ಪ್ರಯೋಗಿಸಿದಾಗ, ಅವು ನಿಮ್ಮ ಅಂತರಂಗದಲ್ಲಿ ಅದ್ಭುತವಾದ ಕೆಲಸ ಮಾಡುತ್ತವೆ ಎಂದು ತಿಳಿಯಿರಿ. ಅವು ನಿಮ್ಮ ಅಂತರಂಗದಲ್ಲಿ ಪರಿವರ್ತನೆಯ ಸಂಸ್ಕರಣೆಯನ್ನು ಆರಂಭಿಸುತ್ತವೆ. ನಿಮ್ಮಿಂದ ಶ್ರದ್ಧಾವಂತರಾಗಿರಲು ಸಾಧ್ಯವಾಗದಿದ್ದರೆ ನಿಮ್ಮಿಂದ ಶ್ರದ್ಧಾವಂತರಾಗಿರಲು ಆಗುತ್ತಿಲ್ಲವೆಂಬುದನ್ನು ಅಂಗೀಕರಿಸಿರಿ. ಅಷ್ಟು ಶ್ರದ್ಧೆಯೇ ಸಾಕು. ನಿಮ್ಮಲ್ಲಿ ಬೇರೆಯೇದಾದ ಒಂದು ಅಂತರಂಗವನ್ನು ಕಾಣಲಾರಂಭಿಸುತ್ತೀರಿ.

{ಕೆಲವು ನಿಮಿಷಗಳ ನಂತರ}

ನೀವು ಎಲ್ಲಿರುವಿರೋ ಅಲ್ಲೇಂಯೇ ಕುಳಿತುಕೊಳ್ಳಿರಿ. ಸಂಪೂರ್ಣವಾಗಿ ತಲೆಯಿಲ್ಲದೆ ಇರಿ. ನಿಮ್ಮ ಹೃದಯದೊಂದಿಗೆ ಮಾತ್ರ ಕುಳಿತುಕೊಳ್ಳಿರಿ. ವಿರಮಿಸಿರಿ.

{ಕೆಲವು ನಿಮಿಷಗಳ ನಂತರ}

ನಿಧಾನವಾಗಿ, ಬಲು ನಿಧಾನವಾಗಿ, ಕಣ್ಣುಗಳನ್ನು ತೆರೆಯಿರಿ.