ನೀತಿವಂತಿಕೆ🔗

ನಾನು ಸಮಗ್ರತೆ ಎಂದಾಗ ಅರ್ಥೈಸುವುದು ಏನನ್ನು? ಸಮಗ್ರತೆ ಎಂದರೆ ವರ್ತಮಾನ ಕ್ಷಣದಲ್ಲಿರುವುದು ಮತ್ತು ಅನೇಕ ದ್ವಂದ ವ್ಯಕ್ತಿತ್ವಗಳಲ್ಲದೆ, ಒಂದು ಘನವಾದ ವ್ಯಕ್ತಿತ್ವವನ್ನು ಹೊಂದುವುದು, ಎಂದು. ಅದು ಮನಸ್ಸಿನ ಆಟವಿಲ್ಲದೆ ನಿಜತ್ವವನ್ನು ನೋಡುವುದಾಗಿದೆ. ಒಮ್ಮೆ ಮನಸ್ಸು ಒಳ ಬಂದರೆ ದ್ವಂದ್ವವೂ ಒಳ ಬಂದಂತೆ. ವರ್ತಮಾನ ಕ್ಷಣದಲ್ಲಿ ತೀವ್ರವಾಗಿ ಅರಿವನ್ನು ಹೊಂದುವುದರಿಂದ ನಿಮ್ಮೊಳಗೆ ಹೋರಾಡುತ್ತಿರುವ ಎರಡೋ, ಮೂರೋ ಅಥವಾ ಅನೇಕ ವ್ಯಕ್ತಿತ್ವಗಳಿಲ್ಲದ, ಒಂದೇ ವ್ಯಕ್ತಿತ್ವದ ಸಮಗ್ರತೆಯನ್ನು ಸಾಧಿಸಲು ಸಾಧ್ಯ. ಮನಸ್ಸು ಭೂತಕಾಲ ಹಾಗೂ ಭವಿಷ್ಯತ್ ಕಾಲದ ನಡುವೆ ಚಲಿಸುತ್ತಿದ್ದಾಗ ಮಾತ್ರ ನಿಮ್ಮಲ್ಲಿ ಒಡಕು ವ್ಯಕ್ತಿತ್ವಗಳುಂಟಾಗಿ, ಸಮಗ್ರತೆಯು ನೆಲೆಸುವುದಿಲ್ಲ. ಮನಸ್ಸು ವರ್ತಮಾನದ ಮೇಲಿದ್ದಾಗ ತನ್ನಿಂದ ತಾನಾಗಿ ನೀವು ಒಂದಾಗುತ್ತೀರಿ ಹಾಗೂ ಸಮಗ್ರತೆಯು ನಿಮ್ಮಲ್ಲಿ ನೆಲೆಸುತ್ತದೆ.

ಒಂದು ಸಣ್ಣ ಕಥೆ:

ದಯವಿಟ್ಟು ತಿಳಿಯಿರಿ, ತಪ್ಪನ್ನು ಮಾಡುವಾಗ, ಆಳವಾದ ಅರಿವಿನಿಂದ ಕೂಡಿದ್ದರೆ, ನೀವು ಆ ತಪ್ಪನ್ನು ಮಾಡುವುದೇ ಇಲ್ಲ. ಅರಿವಿನಿಂದ ಕೂಡಿದ್ದರೆ, ನೀವು ಘನವಾದ ಒಂದು ವ್ಯಕ್ತಿತ್ವವನ್ನು ಹೊಂದಿರುತ್ತೀರಿ ಹಾಗೂ ನೀತಿವಂತರೂ ಆಗಿರುತ್ತೀರಿ. ಅರಿವಿನಿಂದ ದೂರವಾದಾಗ, ಅನೇಕ ವ್ಯಕ್ತಿತ್ವಗಳನ್ನು ಹೊಂದಿ, ಅನೀತಿವಂತರೂ ಆಗುತ್ತೀರಿ. ನೀತಿವಂತಿಕೆಯು ಅರಿವಿಗೆ ಸಂಬಂಧಿಸಿದುದು. ಬೇರೆ ಯಾವುದೇ ಸಾಮಾಜಿಕ ನಿಯಮಗಳಿಗಲ್ಲ. ಸಹಜವಾಗಿ ನೀತಿವಂತರಾಗಿರಲು ಅರಿವು ಒಂದೇ ದಾರಿ.

ಅರಿವಿನಿಂದ ಮಾತ್ರ ಸರಿಯಾದ ಸಂದರ್ಭದಲ್ಲಿ ಸಮಯ ಸ್ಫೂರ್ತಿಯಿಂದ ಸರಿಯಾದ ಕೆಲಸ ಮಾಡಲು ಸಾಧ್ಯವಾಗುವುದು. ನೀತಿವಂತಿಕೆಗೆ ಸರಿಯಾದ ಆಧಾರವಿಲ್ಲದಿರುವ ಕಾರಣ, ನಿಮಗೆ ಸರಿಯಾದ ಸಂದರ್ಭದಲ್ಲಿ ಸರಿಯಲ್ಲದ ಕೆಲಸವನ್ನು ಅದು ಮಾಡಿಸಬಹುದು, ಏಕೆಂದರೆ ಅದಕ್ಕೆ ಸರಿಯಾದ ಆಧಾರವಿಲ್ಲ. ಅದಕ್ಕೆ ಅದರದೇ ಆದ ತಳಹದಿಯಿಲ್ಲ, ಅದರ ತಳಹದಿ ಸಮಾಜದಿಂದ ನಿರ್ಮಿಸಲ್ಪಟ್ಟಿದೆ. ಆದ್ದರಿಂದ ನೀವು ಅದಕ್ಕೆ ಸಂಬಂಧಿಸಿಲ್ಲವೆಂದು ಭಾವಿಸುತ್ತೀರಿ. ನಿಮಗದು ಸರಿಹೊಂದದಿದ್ದಾಗ, ದೃಢ ವಿಶ್ವಾಸದಿಂದ ಕಾರ್ಯ ನಿರ್ವಹಿಸಲಾಗುವುದಿಲ್ಲ. ಒಮ್ಮೆ ನಿಮ್ಮಲ್ಲೇ ನೀವು ಸಮಗ್ರಗೊಂಡರೆ ಅರಿವಿನಲ್ಲಿ ಕೇಂದ್ರೀಕೃತರಾಗುತ್ತೀರಿ. ನೀವು ಛಿದ್ರವಾಗಿದ್ದರೆ, ಅರಿವು ಇರುವುದಿಲ್ಲ ಹಾಗೂ ನಿಮ್ಮ ಮಾರ್ಗದರ್ಶನಕ್ಕೆ ನೀತಿವಂತಿಕೆಯನ್ನು ಅವಲಂಬಿಸುತ್ತೀರಿ.

ಜನರು ನನ್ನನ್ನು ಕೇಳುತ್ತಾರೆ, 'ಗುರುಗಳೇ ಇದೇನು? ನೀವು ಇಡೀ ಸಮಾಜದ ವಿನ್ಯಾಸವನ್ನೇ ಕೆಳಗಿಳಿಯುತ್ತಿದ್ದೀರಿ. ಹಾಗಾದರೆ ನಾವೆಲ್ಲಾ ನೀತಿವಂತರಾಗಿ ಹೇಗೆ ಬದುಕುವುದು?' ಎಂದು. ನಾನು ಹೇಳುತ್ತೇನೆ, 'ಸ್ಪಷ್ಟವಾಗಿ ತಿಳಿಯಿರಿ, ಒಂದು ಬಲವಂತವಾದ ನೀತಿವಂತಿಕೆಯ ಅಗತ್ಯವಿರುವುದು ಮಕ್ಕಳಿಗೆ ಮಾತ್ರ' ಅವರಿಗೆ ನೀವು ಹೇಳಬೇಕಾಗುತ್ತದೆ, 'ಸುಮ್ಮನಿರು. ನಾನು ನಿನಗೆ ಮಿಠಾಯಿಕೊಡಿಸುತ್ತೇನೆ' ಎಂದು. ಆದರೆ ಈಗಿನ ಕಾಲದ ಮಕ್ಕಳು ಉತ್ತರಿಸುತ್ತಾರೆ, 'ನಾ ನು ಸಂತೋಷವಾಗಿದ್ದೇನೆ. ನನಗೆ ನಿನ್ನ ಮಿಠಾಯಿ ಬೇಕಾಗಿಲ್ಲ. ನಿನ್ನ ಮಿಠಾಯಿ ಯಾರಿಗೆ ಬೇಕಾಗಿದೆ?' ಎಂದು. ಒಂದು ಮಗುವಿಗೆ ಮಿಠಾಯಿ ಕೊಡುತ್ತೇನೆಂದು ಹೇಳಿ, ಅವನನ್ನು ನಿರ್ಬಂಧಿಸಬಹುದು. ದುರಾಸೆ ಹಾಗೂ ಭಯದ ಆಧಾರಿತವಾದ ನೀತಿವಂತಿಕೆಯನ್ನು ಅವನ ಮೇಲೆ ಹೇರಬಹುದು. ಆದರೆ ನಿಮಗೆ ಹೇಳುವುದಾದರೆ, ನೀವು ಬೆಳೆಯುವ ಕಾಲ ಬಂದಿದೆ. ನೀವೀಗ ಮಕ್ಕಳಲ್ಲ. ಪ್ರಜ್ಞೆಯಿಂದ ಸುಮ್ಮನೆ ಎದ್ದು ನಿಲ್ಲಿರಿ. ನಾನು ಪ್ರಜ್ಞೆ ಎಂದಾಗ ಅರ್ಥೈಸುವುದು ನಿಮ್ಮ ಆತ್ಮದ ಬುದ್ಧಿಶಕ್ತಿಯನ್ನು.

ಯಾವುದಾದರೊಂದು ನಿಯಮವು ಬಲವಂತದ್ದಾದರೆ ನೀವು ಅದನ್ನು ಮುರಿಯಲು ಸದಾ ಯತ್ನಿಸುತ್ತೀರಿ. ಉದಾಹರಣೆಗೆ, ಪೊಲೀಸರು ಕಾಣದಿದ್ದಾಗ ವಾಹನವನ್ನು ಅತಿ ವೇಗವಾಗಿ ಚಾಲನೆ ಮಾಡುತ್ತೀರಿ.

ಒಂದು ಸಣ್ಣ ಕಥೆ:

ಪ್ರಾಮಾಣಿಕವಾಗಿ ನಿಮಗೆ ನೀವೇ ಉತ್ತರಿಸಿಕೊಳ್ಳಿರಿ: ಒಂದು ವೇಳೆ ನೀವು ಮಾಡುವುದನ್ನು ನಿಯಂತ್ರಿಸಲು ನಿಯಮಗಳಾಗಲಿ, ಅಧಿಕೃತ ಮಂಡಳಿಗಳಾಗಲೀ ಇರದಿದ್ದರೆ, ನೀವು ಈಗಿರುವ ಅದೇ ವ್ಯಕ್ತಿ ಆಗಿರುತ್ತಿದ್ದೀರಾ? ಈಗ ಮಾಡುತ್ತಿರುವ ರೀತಿಯಲ್ಲಿಯೇ ಕೆಲಸಗಳನ್ನು ಮಾಡುತ್ತಿದ್ದೀರಾ? ನಿಮ್ಮ ಉತ್ತರವು ಇಲ್ಲ ಎಂದಾದರೆ, ಆ ನಿಯಮವು ನಿಮ್ಮ ಮನಸ್ಸಾಕ್ಷಿಯಿಂದ ಬರುತ್ತಿದೆ, ಪ್ರಜ್ಞೆಯಿಂದಲ್ಲವೆಂದು ತಿಳಿಯಿರಿ. ನೀವು ನಿಯಮದ ಅಂತರಾರ್ಥವನ್ನು

‘ಇಲ್ಲ’ ಎನ್ನುವುದರ ಖುಷಿ

ಒಂದು ಸಣ್ಣ ಕಥೆ:

ಒಬ್ಬ ವ್ಯಕ್ತಿಯು ಹೇಳುತ್ತಾನೆ, 'ನಾನು ಕೆಲಸಗಳನ್ನು ಮಾಡಿಸಲು ಮೂರು ದಾರಿಗಳನ್ನು ಕಂಡುಕೊಂಡಿದ್ದೇನೆ' ಎಂದು. ಆತನ ಸ್ನೇಹಿತನು ಕೇಳುತ್ತಾನೆ, 'ಆ ಮೂರು ದಾರಿಗಳು ಯಾವುದು?' ಎಂದು.

ಒಂದು ಸಣ್ಣ ಕಥೆ:

ಒಮ್ಮೆ ಅಂಗಡಿಯವನೊಬ್ಬನು ತನ್ನ ವ್ಯಾಪಾರವನ್ನು ಹೆಚ್ಚಿಸಿಕೊಳ್ಳಲು ಕಷ್ಟಪಟ್ಟು ಪ್ರಯತ್ನಿಸುತ್ತಿದ್ದನು. ಆತನು ಅನೇಕ ಬಗೆಯ ಪ್ರಯತ್ನಗಳನ್ನು ಮಾಡಿದನು

ನೋಡತೊಡಗಿದರು! ಆತನ ಅಂಗಡಿಯ ವ್ಯಾಪಾರವು ತನ್ನಷ್ಟಕ್ಕೆ ತಾನೇ ವೃದ್ಧಿಸಿತು. ಏಕೆಂದರೆ ವಾಸ್ತವವಾಗಿ ಜನರು ಆತನ ಅಂಗಡಿಯಲ್ಲಿರುವ ಅನೇಕ ಬಗೆಯ ದಿನಸಿ ಸಾಮಾನುಗಳನ್ನು ನೋಡ ತೊಡಗಿದರು.

ಹದಿವಯಸ್ಸಿನ ಹುಡುಗನಾದ ನೀವು ನಿಮ್ಮ ತಂದೆತಾಯಿಯರಿಗೆ ‘ಇಲ್ಲ’ ಎಂದಾಗ, ನೀವು ಸ್ವತಂತ್ರರಾಗಿದ್ದೀರೆಂದು ಸಾಬೀತುಪಡಿಸಿರುವುದಾಗಿ ಭಾವಿಸುತ್ತೀರಿ. ನೀವು ‘ಇಲ್ಲ’ ಎಂದಾಗ, ನೀವು ಒಬ್ಬ ವಿಶೇಷವಾದ ವ್ಯಕ್ತಿ, ಒಬ್ಬ ವಿಭಿನ್ನವಾದ ವ್ಯಕ್ತಿಯೆಂದು ಭಾವಿಸುತ್ತೀರಿ. ನೀವು ‘ಹೌದು’ ಎನ್ನುವವರೆಗೂ, ನೀವಿನ್ನೂ ಒಬ್ಬ ಮಗುವೆಂದು ಭಾವಿಸುತ್ತೀರಿ. ನೀವು ‘ಇಲ್ಲ’ ಎನ್ನಲು ಆರಂಭಿಸಿದಾಗ, ನೀವು ಒಬ್ಬ ವಯಸ್ಕನಾಗಿದ್ದೀರೆಂದು ಭಾವಿಸುತ್ತೀರಿ.

ನೀವು ನಿಮ್ಮ ತಂದೆಗೆ ‘ಇಲ್ಲ’ ಎಂದಾಗ ಮಾತ್ರವೇ ನೀವು ವಯಸ್ಕರಾಗಿದ್ದೀರೆಂದು ಭಾವಿಸುತ್ತೀರಿ. ಅಲ್ಲಿಯವರೆಗೂ ನೀವು ಒಂದು ಮಗುವೆಂದು ಭಾವಿಸುತ್ತೀರಿ. ನೀವು ವಯಸ್ಕನಾಗಿರುವುದನ್ನು ಸಾಬೀತು ಪಡಿಸಲು ನಿಮ್ಮ ತಂದೆಗೆ ‘ಇಲ್ಲ’ ಎನ್ನಲಾರಂಭಿಸುತ್ತೀರಿ. ಇದು ಮೂಲ ಭೂತ ಮನಃಶಾಸ್ತ್ರ, ನೀವು ‘ಇಲ್ಲ’ ಎಂದಾಗ ನೀವೂ ಒಬ್ಬ ವ್ಯಕ್ತಿ ಎಂದು ಯೋಚಿಸುತ್ತೀರಿ. ಅಲ್ಲಿಯವರೆಗೂ ನೀವು ಯಾರೂ ಅಲ್ಲವೆಂದು ಯೋಚಿಸುತ್ತೀರಿ. ಆದ್ದರಿಂದ ಸ್ಪಷ್ಟವಾಗಿ ತಿಳಿಯಿರಿ, ನೀವೇನೇ ಹೇಳಿದರೂ, ನಿಮ್ಮ ವಯಸ್ಕನಾದ ಮಗನು ‘ಇಲ್ಲ’ ಎನ್ನುತ್ತಾನೆ. ಏಕೆಂದರೆ ಅವನು ಒಬ್ಬ ಸ್ವತಂತ್ರ ವ್ಯಕ್ತಿಯಾಗಲು ಬಯಸುತ್ತಾನೆ.

ಆದರೆ ಭಾರತದಲ್ಲಿ ಈಗಲೂ ವಯಸ್ಸಾದವರು ಮನೆಗಳಲ್ಲಿ ‘ಸೂರ್ಯಸ್ತವಾದ ಮೇಲೆ ಬಟ್ಟೆ ಹೊಲಿಯುವುದು ಒಳ್ಳೆಯದಲ್ಲ’ ಎಂದು ಹೇಳುತ್ತಾರೆ. ರಾತ್ರಿ ಬಟ್ಟೆ ಹೊಲಿಯಬಾರದೆಂಬುದಕ್ಕೆ ಕಾರಣವೇ ಈಗಿಲ್ಲ! ಈಗ ವಿದ್ಯುತ್ ಶಕ್ತಿ ಹಾಗೂ ಪ್ರಕಾಶಮಾನವಾದ ದೀಪಗಳಿವೆ. ಆದರೆ ಅದರ ಮೂಲಕಾರಣಕ್ಕೆ ಸಂಬಂಧವಿಲ್ಲದೆ, ಇದೊಂದು ರೂಢಿಯಾಗಿದೆ.

ಒಂದು ಸಣ್ಣ ಕಥೆ:

ಪ್ಯಾರಟ್ರೂಪರ್ ಉತ್ತರಿಸಿದನು, 'ನಾನು ಕೆಳಗಿಳಿದು ಒಬ್ಬರ ಮನೆಯ ಹುಲ್ಲುಗಾವಲಿನ ಮೇಲೆ ಬರುತ್ತಿದ್ದಾಗ ಈ ರೀತಿಯ ಸೂಚನಾಫಲಕವಿದ್ದಿತು. 'ಹುಲ್ಲನ್ನು ತುಳಿಯದಿರಿ!' ಎಂದು'.

ಒಂದು ಸಣ್ಣ ಕಥೆ:

ಒಬ್ಬ ರೈಲ್ವೆ ಅಧಿಕಾರಿಯು ರೈಲಿನಲ್ಲಿ ನಡೆದ ಒಂದು ಕೊಲೆ ಪ್ರಕರಣದ ಬಗ್ಗೆ ವರದಿಯನ್ನು ನೀಡುತ್ತಿದ್ದನು. 'ಕೊಲೆಗಾರನು ಕಂಪಾರ್ಟ್‌ಮೆಂಟನ್ನು ಪ್ರವೇಶಿಸಿ ಆ ವ್ಯಕ್ತಿಯನ್ನು ಅನೇಕ ಬಾರಿ ಇರಿದನು. ನಂತರ ಅವನು ರೈಲಿನ ಎದುರು ಬಾಗಿಲಿನಿಂದ ರೈಲ್ವೆ ಹಳಿಯ ಮೇಲೆ ಎಗರಿ ಹೊರಟು ಹೋದನು - ಹೀಗೆ ಅವನು ರೈಲ್ವೆ ನಿಬಂಧನೆಗಳನ್ನು ಉಲ್ಲಂಘಿಸಿದನು' ಎಂದು.

ಆದರೆ ಸತ್ವವು ತಪ್ಪಿದರೆ ಎಲ್ಲವೂ ತಪ್ಪಿಹೋದಂತೆ, ಜೀವನವು ನೀರಸವಾಗಿ ನಿರ್ಜೀವವಾದಂತಾಗುತ್ತದೆ.

ಎಲ್ಲಾ ನಿಯಮ, ನಿಬಂಧನೆಗಳೂ ಸೃಷ್ಟಿಯಾದದ್ದು 'ನೀನು ನನ್ನನ್ನು ಕೊಲ್ಲದಿರು ಹಾಗೂ ನಾನು ನಿನ್ನನ್ನು ಕೊಲ್ಲುವುದಿಲ್ಲ, ನಾವಿಬ್ಬರೂ ಆನಂದವಾಗಿ ಜೀವಿಸೋಣ' ಎಂಬ ತಿಳಿವಳಿಕೆಯಿಂದ ಒಂದು ಸಮರಸವಾದ ಜೀವನವನ್ನು ಈ ತಿಳಿವಳಿಕೆಯಿಂದ ನಡೆಸಲು. ಅವುಗಳ ಹಿಂದಿರುವ ಮೂಲ ತಿಳಿವಳಿಕೆಯೇ ಇದು. ಆದರೆ ಕಾಲ ಕ್ರಮೇಣ ಅವು ಕಾನೂನುಗಳಾದುವು.

ಎಲ್ಲಾ ನಿಯಮ, ನಿಬಂಧನೆಗಳೂ ಒಂದು ಸಮರಸವಾದ, ಆನಂದಮಯವಾದ, ಜೀವನ ನಡೆಸಲು ಸೃಷ್ಟಿಸಲ್ಪಟ್ಟಿವೆ. ಆದರೆ ಅದರ ಸರಿಯಾದ ತಿಳಿವಳಿಕೆಯಿಲ್ಲದೆ ನಿಯಮವನ್ನು ಅಂತರ್ಗತ ಮಾಡಿಕೊಂಡ ಕ್ಷಣವೇ ನಿಮ್ಮಲ್ಲಿ ತಪ್ಪಿತಸ್ಥ ಭಾವನೆಯನ್ನು ಸೃಷ್ಟಿಸಿಕೊಳ್ಳುತ್ತೀರಿ. ನಿಯಮಗಳನ್ನು ತಿಳಿವಳಿಕೆಯಿಂದ ಪಾಲಿಸುತ್ತಿರುವವರೆಗೂ ನೀವು ಸಂತೋಷದಿಂದಿರುತ್ತೀರಿ. ಆದರೆ ಅಂತರಾರ್ಥದ ಬದಲು, ಪದಗಳನ್ನು ಪಾಲಿಸಲಾರಂಭಿಸಿದಾಗ, ನೀವು ತಪ್ಪಿತಸ್ಥತ ಭಾವನೆಯನ್ನು ಸೃಷ್ಟಿಸಲಾರಂಭಿಸುತ್ತೀರಿ.

ಕಾನೂನಿನಿಂದ ತಪ್ಪಿಸಿಕೊಳ್ಳಬೇಕಾದರೆ ಏನು ಮಾಡುತ್ತೀರಿ? ಕಾನೂನಿನ ಪದಗಳನ್ನೇ ಹಿಡಿದುಕೊಂಡು ಅದರ ಹಿಂದಿರುವ ಅರ್ಥವನ್ನು ಬಿಟ್ಟುಬಿಡುತ್ತೀರಿ. ಜಾಣತನದಿಂದ ಪದಗಳಲ್ಲಿ ಆಟವಾಡಿ, ಕಾನೂನಿನಿಂದ ತಪ್ಪಿಸಿಕೊಳ್ಳುತ್ತೀರಿ. ಪದಗಳನ್ನೇ ಹಿಡಿದಾಗ ನೀವು ಒಬ್ಬ ಗುಮಾಸ್ತರಾಗುತ್ತೀರಿ ಮತ್ತು ಸ್ಫೂರ್ತಿಯನ್ನೇ ಕಳೆದುಕೊಳ್ಳುತ್ತೀರಿ. ಅರ್ಥವನ್ನು ಹಿಡಿದಾಗ ತಪ್ಪಿತಸ್ಥ ಭಾವನೆಯನ್ನು ಬಿಟ್ಟು ಬುದ್ಧಿವಂತರಾಗಲು ಸಾಧ್ಯ.

ನಿಮಗೆ ಉಪಯುಕ್ತವಾದ ಒಂದು ರೀತಿಯ ತಪ್ಪಿತಸ್ಥ ಭಾವನೆ ಇದೆ. ನೀವು ಅದನ್ನು ಬುದ್ಧಿವಂತಿಕೆಯಿಂದ ಅನುಸರಿಸಿದಾಗ ಅದು ನಿಮ್ಮನ್ನು ಜೀವನದಲ್ಲಿ ಮುನ್ನಡೆಸುತ್ತದೆ. ಅದು ಹೀಗಿದೆ: ನಿಮಗೆ ಏನಾದರೊಂದನ್ನು ಮಾಡುವ ಸಾಮರ್ಥ್ಯವಿರುವುದನ್ನು ನೀವು ಗಮನಿಸಿದಾಗ, ನೀವು

ಉಪಯೋಗಿಸದಿರುವ ಇನ್ನೂ ಬಹಳಷ್ಟು ಸಾಮರ್ಥ್ಯವು ನಿಮ್ಮಲ್ಲಿದೆಯೆಂದು ತಿಳಿದುಕೊಂಡಾಗ, ನೀವು ಜಾಣರಾದರೆ, ನಿಮ್ಮಲ್ಲಿ ತಪ್ಪಿತಸ್ಥ ಭಾವನೆ ಉಂಟಾಗುತ್ತದೆ. ಈ ತಪ್ಪಿತಸ್ಥ ಭಾವನೆಯು ನಿಮ್ಮ ಸಂಪೂರ್ಣ ಸಾಮರ್ಥ್ಯವನ್ನು ಕಾರ್ಯತಃ ಸಾಧಿಸುವಂತೆ ಪ್ರಚೋದಿಸುತ್ತದೆ.

ಇಂತಹ ತಪ್ಪಿತಸ್ಥ ಭಾವನೆಗೆ ನಾವು ಅಗತ್ಯವಾಗಿ ಮಾಡಬೇಕಾದುದನ್ನು ಮಾಡುವಂತೆ ಪ್ರೇರೇಪಿಸುವ ಸಾಮರ್ಥ್ಯವಿದೆ. ಅದರ ಸ್ವಭಾವಕ್ಕನುಸಾರವಾಗಿಯೇ ಈ ತಪ್ಪಿತಸ್ಥ ಭಾವನೆಯನ್ನು ನಿಮ್ಮಲ್ಲಿ ಬಹಳ ಕಾಲ ತಪ್ಪಿತಸ್ಥ ಭಾವನೆಯನ್ನು ಬಚ್ಚಿಡಲಾಗುವುದಿಲ್ಲ. ನೀವು ಅದರಿಂದ ಹೊರಬರಲೇಬೇಕು ಹಾಗೂ ಮಾಡಬೇಕಾದುದನ್ನು ಮಾಡುವುದು ಇದರಿಂದ ಹೊರಬರುವ ದಾರಿ. ಅದನ್ನು ಮಾಡಿಯಾದ ಮೇಲೆ, ತಪ್ಪಿತಸ್ಥ ಭಾವನೆಯು ಮಾಯವಾಗುತ್ತದೆ. ಎಷ್ಟು ಕಾಲ ತಪ್ಪಿತಸ್ಥ ಭಾವನೆಯನ್ನು ಹೋಗಲಾಡಿಸುವ ಕ್ರಮಗಳನ್ನು ತೆಗೆದುಕೊಳ್ಳುವುದಿಲ್ಲವೋ, ಅಷ್ಟು ಕಾಲ ನೀವು ಅದರಿಂದ ತೊಂದರೆ ಪಡುತ್ತಲೇ ಇರುತ್ತೀರಿ. ಇದೇ ಈ ತಪ್ಪಿತಸ್ಥ ಭಾವನೆಯ ಸರಳವಾದ ತರ್ಕ.

ಒಮ್ಮೆ ನನ್ನ ಒಬ್ಬ ಭಕ್ತಳಿಗೆ ಬೆನ್ನುಹುರಿಯ ತಳಭಾಗದಲ್ಲಿ ಒಂದು ಗೆಡ್ಡೆಯಾಗಿದ್ದಿತು. ಇಪ್ಪತ್ತು ವರ್ಷಗಳ ಕಾಲ ಆಕೆಯು ಆ ಗೆಡ್ಡೆಯಿಂದ ನರಳುತ್ತಿದ್ದಳು. ಆಕೆಯು ನನ್ನ ಬಳಿ ಬಂದು, 'ದಯವಿಟ್ಟು ನನಗೆ ಸಹಾಯ ಮಾಡಿರಿ. ನನ್ನನ್ನು ಗುಣಪಡಿಸಿರಿ. ನಾನು ಅನೇಕ ವರ್ಷಗಳಿಂದ ಈ ಗೆಡ್ಡೆಯಿಂದ ನರಳುತ್ತಿದ್ದೇನೆ. ಶಸ್ತ್ರಚಿಕಿತ್ಸೆಯ ನಂತರವೂ, ಅದು ಮರುಕಳಿಸಿದೆ' ಎಂದು ತನ್ನ ಕಷ್ಟವನ್ನು ತೋಡಿಕೊಂಡಳು. ಆಕೆಯ ಸಮಸ್ಯೆಯ ಮೂಲವನ್ನು ತಿಳಿಯಲು ನಾನು ಆಕೆಯೊಡನೆ ಮಾತನಾಡತೊಡಗಿದೆ. ನಾನು ಆಕೆಯಲ್ಲಿ ಕೆಲವು ಪ್ರಶ್ನೆಗಳನ್ನು ಕೇಳಿಯಾದ ನಂತರ, ಆಕೆಯು ತನ್ನ ಮನಸ್ಸನ್ನು ತೆರೆದು ಅಳಲಾರಂಭಿಸಿದಳು. ನಾನು ಆಕೆಯನ್ನು ಕೇಳಿದೆ, 'ನಿನ್ನ ಲೈಂಗಿಕ ಶಕ್ತಿಯನ್ನು ಸಂಬಂಧಿಸಿದಂತೆ ನಿನಗೇನಾದರೂ ತಪ್ಪಿತಸ್ಥ ಭಾವನೆ ಇದೆಯೇ?' ಎಂದು. ಆಕೆಯು ನಿಧಾನವಾಗಿ ಮನಸ್ಸನ್ನು ತೆರೆದಳು.

ಆಕೆಯು ಬಹಳ ಚಿಕ್ಕವಳಾಗಿದ್ದಾಗಲೇ, ಆಕೆಯನ್ನು ದೈಹಿಕವಾಗಿ ದುರುಪಯೋಗಪಡಿಸಲಾಗಿತ್ತು. ಆಕೆಯ ಹತ್ತಿರದ ಸಂಬಂಧಿಯೊಬ್ಬನು ಬಹಳ ವರ್ಷಗಳ ಕಾಲ ದುರುಪಯೋಗಪಡಿಸಿದ್ದನು. ಆ ತಪ್ಪಿತಸ್ಥ ಭಾವನೆ ಆಕೆಯಲ್ಲಿ ಉಳಿದಿತ್ತು. ಆಕೆಯು ಹೇಳಿದಳು, 'ನಾನು ನನ್ನ ದೇಹದ ಆ ಭಾಗವನ್ನು ದ್ವೇಷಿಸಲಾರಂಭಿಸಿದೆ. ನನ್ನಲ್ಲಿ ಆ ದೇಹದ ಭಾಗವು ಇರಬಾರದೆಂದು ಭಾವಿಸಿದೆ. ದೇಹದ ಆ ಭಾಗವು ನನ್ನ ಅಸ್ತಿತ್ವವೇ ಅಲ್ಲ ಎಂದುಕೊಂಡೆ. ಆ ವ್ಯಕ್ತಿಯ ಮೇಲಿನ ದ್ವೇಷವನ್ನು ನನ್ನ ದೇಹದ ಭಾಗದ ಮೇಲೆ ತೋರಿಸಿದೆ' ಎಂದು.

ಆಕೆಯ ದ್ವೇಷವು ಆಳವಾಗಿದ್ದಿತು. ನಾನು ಆಕೆಯೊಡನೆ ಮಾತಾಡುವುದನ್ನು ಮುಂದುವರೆಸಿದೆ. ನಿಧಾನವಾಗಿ ಆಕೆಯೂ ಇನ್ನೂ ಹೆಚ್ಚಾಗಿ ತನ್ನ ಮನಸ್ಸನ್ನು ತೆರೆದುಕೊಂಡಳು. ಆಕೆಯಲ್ಲಿದ್ದ ತಪ್ಪಿತಸ್ಥ ಭಾವನೆಯನ್ನು ಹೊರತಂದಾಗ, ಆಕೆಯು ಅದರಿಂದ ಹೊರಬಂದಳು. ಆಕೆಯು ಮಾನಸಿಕವಾಗಿ ಗುಣಹೊಂದಿದಳು. ನಾನು ಆಕೆಗೆ ದೇಹದ ಆ ಭಾಗದಲ್ಲಿ ಧ್ಯಾನಿಸಲು ಒಂದು ಸಣ್ಣ ಧ್ಯಾನತಂತ್ರವನ್ನು ನೀಡಿದೆ. ಆಕೆಗೆ ಹೇಳಿದೆ, 'ನಿನ್ನ ದ್ವೇಷವನ್ನು ಆ ವ್ಯಕ್ತಿಯ ಮೇಲೆ ತೋರು, ಅಳು, ಕಿರುಚು, ರೋಧಿಸು, ಹೊಡೆ. ಬಾಗಿಲನ್ನು ಹಾಕಿಕೊಂಡು, ಒಂದು ದಿಂಬನ್ನು ತೆಗೆದುಕೊಂಡು ಆ ದಿಂಬೇ ಅವನೆಂದು ಭಾವಿಸಿ, ನಿನ್ನ ಸಿಟ್ಟನ್ನು ಅದರ ಮೇಲೆ ತೋರಿಸು. ಅದಾದ ನಂತರ ಮೌನವಾಗಿ ಕುಳಿತುಕೊಂಡು, ಆ ದೇಹದ ಭಾಗವೂ ನಿನ್ನದೇ ಎಂದು ಭಾವಿಸು. ನಿನ್ನ ಪ್ರೀತಿಯನ್ನು ಆ ದೇಹದ ಭಾಗಕ್ಕೆ ನೀಡು' ಎಂದು.

ಹೆಚ್ಚಿನ ಬಾರಿ ನಮ್ಮ ಶಕ್ತಿ ಸಂಚಾರವು ತಪ್ಪಿತಸ್ಥ ಭಾವನೆಯಿಂದ ತಡೆಯಲ್ಪಟ್ಟಿರುತ್ತದೆ. ಆಳವಾಗಿ ನೋಡಿದಲ್ಲಿ, ನಿಮ್ಮಿಂದ ಮುನ್ನಡೆಯಲು ಆಗದಿದ್ದಾಗ, ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗದಿದ್ದಾಗ, ನಿಮ್ಮಲ್ಲಿ ಭಯವಿದ್ದಾಗ ಅಲ್ಲಿ ಸ್ವಲ್ಪವಾಗಿಯಾದರೂ ತಪ್ಪಿತಸ್ಥ ಭಾವನೆಯು ಅಡಗಿಕೊಂಡಿರುತ್ತದೆ.