காமம், காதல், நட்பு, அன்பு🔗

❖ மனதில் ஏற்படும் ஈர்ப்போடு, பாச உணர்வு
கலக்கும்போது அது காதல் உணர்வாக
மாறுகிறது.

❖ மனதில் ஏற்படும் ஈர்ப்போடு, மதிப்பும்,
மரியாதையும் கலக்கும் போது அது நட்பு
உணர்வாக மாறுகிறது.

❖ நட்பு மலரும்போது உறவு பூரண
நிலையை அடைகிறது.
அன்பு மலரும்போது மனிதனே பூரண
நிலையை அடைகிறான்.

❖ ஹார்மோன்களின் திடீர், திடீர் மாற்றம்
நிறைந்த வாலிப வயதால் எதைக் காமம்?
எதைக் காதல்? என்று பிரித்தறிவது கடினம்.
காதல் வயப்பட்டது தானாக இருக்கும்
பட்சத்தில் ஈகோ காரணமாக அது புனிதமான
காதல்தான் என்று மனம் அடித்து கூறும்.
வாலிப வயதும் அப்படித்தான் கூறும்.

❖ ஏன் பேசிக் கொண்டிருக்கிறோம்?
என்ன பேச நினைத்திருந்தோம்?
எப்படிப் பேசிக் கொண்டிருக்கிறோம்?

❖ வெட்டிப் பேச்சின் இயல்பே ஒரு
சூழ்நிலையில் அது உறவை வெட்டும்
பேச்சாக மாறும் தன்மை பெற்று
இருப்பதே! - இது கவலைகளுக்கான
காரணங்களில் ஒன்று.

❖ 'வெட்டிப் பேச்சில்' அழியும் நேரம்
ஆக்கப்பூர்வமாகப் பயன்படுத்தப்பட்டால்
இந்தியா தானாகவே வல்லரசாக மாறிவிடும்.

❖ அகத்தின் (உணர்வின்)
அழகு முகத்தில் தெரியும்;
மனதின் (எண்ணத்தின்)
அழகு பேச்சில் தெரியும்.

❖ பொழுதுபோக்கு அம்சங்கள்
பொழுதேயே போக்கும்
அம்சங்களாக மாறக்கூடாது.
இது விதியையும் மீறிய சதி.