మీ జీవితాన్ని బాగా చూడండి.🔗

రోజుకు ఎన్ని గంటలు మీరు మాట్లాడుతూ గడుపుతున్నారు?

రోజుకు ఎన్ని గంటలు మీరు వింటూ గడుపుతున్నారు?

రోజంతా మనం మాట్లాడుతుంటాము - లేదా మాట్లాడటానికి ప్రయత్నిస్తుంటాము!

మీరు గమనించారా, గ్రూపుగా ప్రజలున్నప్పుడు, ప్రతి వ్యక్తి సంభాషణపై గుత్తాధిపత్యాన్ని చలాయించాలని చూస్తుంటాడు.

మాట్లాడటం పరిసరాన్ని నియంత్రించే ఒక మార్గం.

చాలామంది మాట్లాడటాన్ని తమ శక్తిని ప్రదర్శించటానికి మార్గంగా ఉపయోగిస్తుంటారు. వారు చెప్పేదేకాదు, దాన్ని వారు ఎలా చెప్పేది, వారు ఎంత సేపు మాట్లాడేది - ఇతరుల సంభాషణను ఎంత నియంత్రించేది! అద్భుతంకాదు, నోరు ముయ్యి అనే మాట నిందార్థక పదాలలో మిక్కిలి అవమానకరపదం! మాట్లాడటానికి మిమ్మల్ని అనుమతించకపోతే, ఏదో ముఖ్యమయిన దానిని కోల్పోయినట్లుగా మీరు భావిస్తారు.

ప్రతి వ్యక్తి తన అభిప్రాయాలను ఉద్దేశాలను ఇతరులపై రుద్దటంలో పోటీ పడుతుంటాడు!

మనమంతా గ్రంధాల నుండి వార్తా ప్రసార సాధనాల నుండి ఎరవు అభిప్రాయాల సామాను గదిని నిర్మించుకుంటున్నాము, కాని మనం వినే వ్యక్తిని అరుదుగా పొందుతున్నాము!

మీరు తిని అరిగించుకోలేకపోయినప్పుడు - ఏమవుతుంది? మీరు దానిని కక్కవలసిందే! అదేవిధంగా, మీరు ఇతరుల తత్వాలను ఆలోచనలను చదివి, సొంత అనుభవానికి తెచ్చుకోకపోతే వాటిని మీరు జీర్ణం చేసుకోలేరు, వాటిని బయటికి కక్కివేస్తారు.

మాట్లాడటం ఇతరులతోనే కాదు. ఇతరులతో మీరు మాట్లాడనప్పుడు, మీలో మీరు మాట్లాడుకుంటారు - అది ఇంకా ఎక్కువ ప్రమాదకరం. మనలో మనం మాట్లాడుకోవటం విశేషంగా మనం మేల్కొన్న సమయంలో ప్రతి నిమిషం - దినమంతా చేస్తుంటాము. మన ప్రణాళికలు, విచారాలు మనలో మనం మాట్లాడుకోవటం మాత్రమే! మీలో మీరు మాట్లాడుకోవటం మీ మనస్సులో ఆడుకునే తేలికపాటితనం, ఆలోచనా ప్రవాహం మాత్రమే, ఇది మీ మనస్సును కలవర పరుస్తుంది.

ఈ బయటి సంభాషణలలో కనీసం కొన్నిసార్లు విరామం ఉంటుంది. లోని వాగుడు నిరంతరాయంగా కొనసాగుతుంది. అది మిమ్మల్ని పిచ్చెక్కిస్తుంది! వాస్తవంగా చాలాసార్లు, ఇతరులతో మాట్లాడటం మీ అస్తిత్వం నుండి మీలోని వాగుడు నుండి మీరు తప్పించుకునే మార్గం. ఆ కారణంగానే ప్రపంచంలో ఎక్కువగా మాట్లాడటం జరుగుతోంది! నేడు, ప్రపంచంలో మిక్కిలి వినికిడి కొరత ఉంది! శతాబ్దానికి పూర్వమే

బెర్ట్రాండ్ రస్సెల్ మన కాలంలో వినటం మిక్కిలి ఎక్కువ చెల్లించాల్సిన వృత్తిగా అవుతుందని జోస్యం చెప్పాడు. అలాగే జరిగింది! నేడు, అనుభవసిద్ధంగా ప్రతివ్యక్తికి ప్రత్యేకంగా పాశ్చాత్య దేశాలలో - వ్యక్తిగత శ్రోత ఉన్నాడు. ప్రజలు తమ సలహాదారులకు - తమ సమస్యలను పరిష్కరించినందుకుకాదు - కేవలం తమను విన్నందుకు గాను పెద్ద మొత్తాలలో ధనాన్ని చెల్లిస్తున్నారు. వినటానికి మరింకెవ్వరు ఉన్నారు? నేడు, వినటానికి ఇతరులపై దృష్టి పెట్టటానికి ఎవ్వరికీ సమయం లేదు.

మీ సావధానత మీ శక్తి!

మీ గురించి మీరు తగినంతగా సావధానత చూపని తక్కువ శక్తి మీకు ఉన్నప్పుడు ఇతరులకు ఇచ్చేటంతటి శక్తి మీ దగ్గర ఎలా ఉంటుంది.

సమయంలో చాలాభాగం, ఇతరులు మీతో మాట్లాడేటప్పుడు మీరు విననుకూడా వినరు!

సమయమంతా, చాలా మాటలు మీ చుట్టు మాట్లాడబడతాయి - మీరు వినగలిగితే!

మాట్లాడటం ఎప్పుడూ పదాల ద్వారానే కాదు.

వాస్తవంగా మనం ఇతరులతో జరిపే వార్తా ప్రసారంలో అత్యధిక భాగం మౌఖికం కాదు.

ఉదయం మీ భార్య కాఫీ తెచ్చినప్పుడు, ఆమెను వింటారు.

సరిగా ఆమె మాటలనే కాదు, ఆమె క్రియలను కూడా, ఆమె కాఫీ కప్పును టేబుల్ మీద దడాలున పెద్ద చప్పుడుతో పెట్టిందా? ఆమె మీతో ఏమి చెప్పాలని ప్రయత్నిస్తోంది?

మీ ఇంటికి అతిథులు వచ్చిన ప్రతిసారి మీ బిడ్డ ఎక్కువ చికాకు పడుతుందా?

ఆ బిడ్డ చిరాకు గురించి వినకండి, ఆ బిడ్డ చెప్పేదాన్ని వినండి. ఆ బిడ్డ తనకు మీ సమయం మీ సావధానత ఎక్కువ కావాలని మీతో చెప్పటానికి ప్రయత్నిస్తుంది. తత్ క్షణం మీరా సావధానతను ఆకర్షించటానికి చిరాకు పనులు మాత్రమే ఏకైక మార్గం. దాని గురించి మీరు చేయగలిగేది ఏమైనా ఉందా?

ప్రసిద్ధమయిన జెన్ ప్రహేళిక ఉంది:

అడవిలో చెట్టు పడిపోతే, ఎవ్వరూ ఆ చప్పుడు వినకపోతే, అది చప్పుడు చేస్తుందా?

ఇటీవల, నా కార్యక్రమాలకు హాజరయిన, వేధింపులకు గురి అయిన యువతి అయిన తల్లి తర్వాత వచ్చి నన్ను అడిగింది. స్వామీజీ! ఒక పసిబిడ్డ అడవిలో పడిపోయాడు. అతణ్ణి వినే వారెవ్వరూలేరు, అతడు ధ్వని చేస్తాడా?

ఔను! మనం పిల్లలకంటే భిన్నం కాదు! మన ధ్వని అంతా, మన సంభాషణ అంతా సావధానత కోసం అడిగే మార్గం మాత్రమే. ప్రతి ఒక్కడు వినటాన్ని నేర్చుకుంటే మాట్లాడవలసిన అవసరం ఉండదు!

ఇతరులతో మాట్లాడటం ఫరవాలేదు - మిమ్మల్ని మీరు వింటున్నారా? ఉదాహరణకు, ఏ మాత్రమయినా మీరు మీ శరీరం చెప్పినట్లు వింటున్నారా? పార్టీకి మీరు వెళ్ళి ఎక్కువ తిన్నప్పుడు లేదా ఎక్కువ తాగినప్పుడు, మిమ్మల్ని అరుస్తూ ఆపమని మీ శరీరం చెప్పటం మీరు వింటారు. టివిని చూస్తూ రాత్రి మేల్కొని కూర్చున్నప్పుడు, మీ శరీరం చాలు అని కేక వేస్తుంది. నాకు విశ్రాంతి కావాలి! వాస్తవానికి అన్ని రోగాలు మీ సావధానతకోసం, మీ సంబంధం కోసం మీ శరీరం యొక్క అడిగే కూకలు మాత్రమే. కాని మీరు వింటున్నారా?

మీరు పని నుండి ఇంటికి వచ్చినప్పుడు, తలుపుల్ని గట్టిగా నెట్టటం మీరే వింటారు. మీరు మూవీ నుంచి వచ్చినప్పుడు అలా చేస్తారా? తలుపుల్ని గట్టిగా నెట్టే ధ్వని మీ ఉద్యోగం గురించి మీరు ఎలా తలుస్తున్నదీ ఎంతో చెపుతుంది. దాన్ని ఎలా మార్చగల్గుతారు? మీరు వినకపోతే ఏదో తప్పయినట్లు మీకు ఎలా తెలుస్తుంది? మనం వినే సున్నిత కళను మర్చిపోయాము. వినటం ఇతరులను వినటం - లేదా మిమ్మల్ని మీరు వినటం గురించి కాదు - సంభాషణ.

వినటం మనలో ఉన్న, చుట్టూ ఉన్న నిశ్శబ్దాన్ని వినటం గురించి కూడా.

మనం మాట్లాడటమంతా సుందర నిశ్శబ్ద సముద్రం పై ఉన్న తరంగాలు. ఆ నిశ్శబ్దాన్ని మీరెప్పుడయినా విన్నారా?

మీ జీవితంలో నిశ్శబ్దాన్ని వినటానికి చోటును, కాలాన్ని సృష్టించుకోండి.

ప్రతి రోజు కొంత సమయం ఈ విధంగా గడిపేటట్లు అభ్యసించండి.

మీ నిశ్శబ్దంలోకి సహజ ధ్వనులను ఆహ్వానించండి.

ఏ విషయాన్నీ వినటం కోసం వినకండి, కొంత సమాచారాన్ని సంపాదించటానికి వినకండి.

సరిగా జాగృతితో ఉండండి, నిశ్శబ్దానికి తలుపులు తెరవండి. నిశ్శబ్దంలో మీరు చాలా విషయాలను తెలుసుకుంటారు. నిశ్శబ్దంలో మాత్రమే మీరు నిజంగా జీవితాన్ని, కవిత్వాన్ని, ప్రకృతిని అర్థం చేసుకోగల్గుతారు.

జెన్ మాస్టర్ బాషో ఒక ప్రహేళికతో చెబుతారు.

నిశ్శబ్దంగా ఉండటం, ఏమీ చేయకపోవటం, గడ్డి తనంతట తానే మొలుస్తుంది.

నిశ్శబ్దం నిష్క్రియానిశ్శబ్దం కాదు. అది అనుకూలమయిన, వినే నిశ్శబ్దం, అది గాఢ సమ్మేళన నిశ్శబ్దం. వార్తా ప్రసారానికి సమ్మేళనానికి చాలా పెద్ద తేడా ఉంది. వార్తా ప్రసారం ఈ రోజుల్లో మనం బాగాబాగా పొందేది!

వార్తా ప్రసారం సమాచారాన్ని మాటలలోను క్రియలలోను ప్రసారం చేసేది. వార్తా ప్రసారం శక్తి శుద్ధ బదిలీ-అది మాటలకు అతీతం.

ఈ రోజుల్లో మనం సంక్లిష్ట వార్తా ప్రసారంలో నైపుణ్యాన్ని సాధించాము. టెలిఫోన్లు మొబైల్ నెట్వర్కులు ఇంటర్నెట్ల ద్వారా - కాని మనకు పరస్పరం వార్తా ప్రసారం చేసుకునే సామాన్య మార్గాలు తెలియవు!

సమ్మేళనం మాస్టర్ ఇచ్చిన బహుమతి.

దానికి పదాలు అక్కర్లేదు.

నిజానికి, మాస్టరు తన మాటల ద్వారా కంటే నిశ్శబ్దం ద్వారా - వినటం ఎలాగో మీకు తెలిస్తే - ఇస్తారు. మాస్టర్ను వింటున్నప్పుడు, పక్షులను లేదా గాలిని వింటున్నట్లు వినండి. పక్షులను మీరు వింటున్నప్పుడు, నమ్ముతారా లేదా నమ్మరా? మీరు అంగీకరిస్తారా లేదా అంగీకరించరా?

ఏదీ కాదు! మీరు కేవలం అనుమతిస్తారు. అది మేధా ప్రక్రియ కాదు. కేవలం గ్రహణతతో వికృతంగా వినండి, మాస్టర్లో మీరు యాంత్రికంగా గాఢ సమ్మేళనంలో ప్రవేశిస్తారు.

గురు శిష్య సమ్మేళనాన్ని గూర్చి దక్షిణామూర్తిస్తోత్రంలో ఒక శ్లోకముంది:

(మర్రి చెట్టు కింద వృద్ధులయిన శిష్యులు, యువకుడయిన గురువు కూర్చున్నారు! గురువు కేవలం మౌనంతో వ్యాఖ్యానిస్తున్నాడు. చిత్రం! శిష్యుల సందేహాలు తమంతతామే పటాపంచలమైపోయాయి!)

ఇది నిజమయిన సమ్మేళనం.

మీరు వినటం సంపూర్ణమయినప్పుడు, మాటల అవసరం ఏమాత్రమూ లేదు.

సమ్మేళనమున్నప్పుడు, సహజంగా మాటలు మాయమవుతాయి.

బౌద్ధ మత మహాగురువు బోధి ధర్ముడు మరణ శయ్యపై ఉన్నప్పుడు, తనను ఎవ్వరు బాగా విన్నారో తన నుండి ఎవ్వరు బాగా నేర్చుకున్నారో తెలుసుకోవటానికి తన శిష్యులలో నలుగురిని పిలిచాడు.

ఆయన తన నలుగురి శిష్యులను ఒకే ప్రశ్న అడిగాడు:

సత్యమంటే ఏమిటి?

మొదటి శిష్యుడు సమాధానమిచ్చాడు. సత్యం అన్వయ వ్యతిరేకాలకు అతీతం.

"నీవు నా చర్మాన్ని కలిగి ఉన్నావు" గురువు శిష్యుడితో చెప్పాడు.

రెండో శిష్యుడు సమాధానమిచ్చాడు.

సత్యం ఒకసారి చూస్తే! శాశ్వతంగా చూడబడేది.

"నీవు నా మాంసాన్ని కలిగి ఉన్నావు" గురువు చెప్పాడు.

మూడో శిష్యుడు సమాధానమిచ్చాడు.

సత్యం ఏమీ కాదు.

"నీవు నా ఎముకలను కలిగి ఉన్నావు" అతడితో గురువు చెప్పాడు.

నాలుగో శిష్యుడు ఏమీ మాట్లాడలేదు.

తాను గ్రహించిన అధ్యయనానికి కృతజ్ఞతగా గురువుకు నమస్కరించి [?] సమ్మేళనం పొంది నిల్చున్నాడు.

కొంత సేపటికి గురువు మాట్లాడాడు.

అతడు శిష్యుడితో పలికాడు. "నీవు నా మూలుగును కల్గి ఉన్నావు".

నిశ్శబ్దం ధ్యాన ప్రవేశానికి సుందర మార్గం. వాస్తవానికి, నిశ్శబ్దమే గొప్ప ధ్యాన పద్ధతి. అది నయం చేసే యౌవనస్థితికి తెచ్చే శక్తి. నిశ్శబ్దంలో జీసస్ చెప్పినట్లుగా మీరు అవగాహన చేసుకునే శాంతిని సాధిస్తారు. వారు చెప్పినట్లుగా, స్వాదుపదాలు రజతం, కాని నిశ్శబ్దం బంగారం. కాబట్టి మీరు మాట్లాడటానికి నోరు తెరచినప్పుడు మొదట మిమ్ముల్ని మీరు నిశ్శబ్దం కంటే మెరుగైందా అని అడగండి!