ఓ, ఇప్పుడు నేను చూస్తున్నాను!🔗

మీ జాగృతిని పెంచటం

కొన్ని నెలల కిందట ఒక మనిషి 14 సంవత్సరాల కొడుకును నా దగ్గరకు తీసుకువచ్చాడు. ఆ అబ్బాయి ఇంకో పసివాణ్ణి గాజుతో బాగా గాయపరిచినందుకు గాను అతడికి బడి నుండి ఉద్వాసన చెప్పారు.

నేను ఆ అబ్బాయిని 'ఎందుకు కొట్టావు?' అని అడగ్గా అతడు నేను ఊహించని సమాధానం చెప్పాడు.

"నాకు బోరు కొట్టింది" అని అతడు చెప్పాడు.

దీన్ని మీరు ఊహించగలరా!

14 ఏళ్ళ వయసులో ఆ పసిబాలుడికి ఎంతబోరు కొట్టింది అంటే సామాన్య జీవితం అందించే ప్రతి వస్తువు అందుబాటులో ఉండగా అతని అన్వేషణలో హింసే అతనికి నచ్చింది!

తీవ్ర విసుగుదల మన కాలంలోని ప్రత్యేక రోగం. 5 సంవత్సరాల పసిప్రాయంలోనే పసిబిడ్డకు విసుగుదల అర్థం ఒంటబట్టింది.

వారి గురించి మనకు ఏమి తెలుస్తుంది? 5 సంవత్సరాల ప్రాయానికే అభిరుచి ఉన్న ప్రతి వస్తువును చూడటాన్ని అప్పటికే పూర్తి చేశారన్న మాట!

కంగారుబాటు, త్వర, ఒత్తిడులతోపాటు విసుగుదల ఆధునిక జీవన శైలిలో ఒక బహుమతి! నగర ధనికులలోను మేధావులలోను కన్పించే ప్రత్యేక లక్షణం.

నీవెలా నడుచుకుంటున్నావు? నీకు విసుగు వచ్చేటట్లుగా ఎలా ప్రవర్తిస్తున్నావు?

విసుగు చెందటానికి జీవితాన్ని ఉపేక్షించే మహత్తర శక్తికావాలి. విసుగుదల జీవితాన్ని మొద్దు పరిచేది మత్తెక్కించేది!

జీవితం జీవితంతో స్పందిస్తుంది - మీరు మీ కళ్ళను తెరచి చూడగలిగితే.

వ్యక్తిగత అపాయమున్న క్షణాల్లో గడియారం మందగమనంతో కదులుతున్నట్లు మీరు గమనించారా? మీరు పడినప్పుడు లేదా ఏదయినా మోటారు కారు మోటారు సైకిల్ దుర్ఘటనకు లోనవటాన్ని ఊహించండి! మీరు వెనక్కితిరిగి చూచినప్పుడు, ఆ సంఘటన జరిగినప్పటికి ప్రతిక్షణం మందగమనంతో జరిగినట్లనిపిస్తుంది! ఎందుకంటే ఆ సమయంలో మాత్రమే మీ జాగృతిని గూఢ శక్తులన్నిటినీ పిలుస్తారు! ఆ క్షణంలో మాత్రమే 100% మీరు జాగరూకులవుతారు-ఆ క్షణాన్ని సంపూర్ణంగా ఎరిగి ఉంటారు. ఆ క్షణంలో మాత్రమే మీరు నిజంగా జీవించినట్లు. మీరు సంపూర్ణంగా తెరచి ఉన్నప్పుడు, ప్రతి క్షణాన ఏదో కొత్త, తాజా, ఆసక్తిదాయక విషయం జరుగుతున్నట్లు మీరు కనుగొంటారు.

మన సామాన్య దినసరి వ్యవహారంలో మనం ఏ మాత్రమూ గమనించకుండానే రోజులు వారాలుగా వారాలు నెలలుగా గడుస్తుంటాయి. కాని మీరు వారాంతపు సెలవులో వెళ్ళినప్పుడు రెండు రోజులు శాశ్వతమనిపిస్తాయి. ప్రతిక్షణాన్నీ పూర్తిగా అనుభవిస్తూ జీవిత రసాన్ని ఆస్వాదిస్తారు. మనం ప్రతి క్షణాన్ని, ప్రతి బిందువును ఏవిధంగా ఆస్వాదించి ఆనందించాలో మనకు తెలియదు.

వాస్తవమేమిటంటే, జీవితాన్ని యథాతథంగా ఎలా చూడాలో మరిచిపోయాము. మన చుట్టూ ఉన్న ప్రతి వస్తువును మన కోరికలు, అలవాట్లు, భయాలు అనే కళ్ళద్దాల ద్వారా చూస్తుంటాం. నేడు, క్వాంటమ్ భౌతికశాస్త్రం చిత్తనిర్మాణమే యథార్థమని చెప్పేటంతవరకు వెళ్ళింది. దీనినే మన జ్ఞానులయిన పూర్వీకులు 'మాయ' అని వ్యవహరించారు. మన ఆశా భయాల యథార్థ్యనాశనం మాత్రమే మాయ.

మన కాలంలో, మనకు ఇంకో సరదా హంతకుడు, మస్తిష్క జ్ఞానం, మన జీవితాలు మొత్తం మీద ఎక్కువగా మస్తిష్కానికి సంబంధించినవి. మనం మేధతో ఎక్కువగా జీవిస్తున్నాము, అనుభవంతో తక్కువగా జీవిస్తున్నాము. మీరు గమనిస్తే, అధిక మేధా సంపన్నులే చాలా సులువుగా బోరు కొట్టి ఉంటున్నారు! వారు జ్ఞానంతో గుడ్డి వారైపోయారని మీరు చెప్పవచ్చు! ఎందుకంటే ప్రతి విషయం నుంచి జ్ఞానం సిద్ధాంతాన్ని రూపొందించ గల్గుతుంది. జ్ఞానం జీవితాన్ని తెలిసిన, ఆశించిన పెట్టెలో పెట్టగలదు. ఇంకో మాటలో చెప్పాలంటే, మనం ఆశించిన దానినే, మనం చూస్తాం, మనం జీవితాన్ని విసుగు పుట్టించేదిగా చూడటంలో ఆశ్చర్యం లేదు.

నేను జ్ఞానాన్ని ఖండించటం లేదు. మన దినసరి జీవన గమనానికి జ్ఞానం అత్యవసరం. విసుగు చెందటం కూడా తప్పుకాదు. కొన్నిసార్లు విసుగు చెందటం సాధారణం! నేను చెప్పినట్లుగా విసుగుదల ఉత్కృష్ట మనశ్చిహ్నం. మీరు విసుగు చెందిన

ఉద్వేగపడుతు ఎప్పుడయినా చూశారా? విసుగు చెందటాన్ని తప్పుగా భావించకండి! అతిగాపనకసం నేను మీకు చెప్పేదేమిటంటే ప్రయోగాత్మక జ్ఞానాన్ని జాగృతికి ప్రత్యామ్నాయం చేయకండి. మీ మేధా సంబంధి ఉపగమనాన్ని జీవిత దినసరి చిత్రాలతో గుడ్డిగా అయి పోయేటట్లు చేసుకోకండి. ప్రతి క్షణం జాగృతితో సహసించటానికి చాలా కష్టమయిన దానిని దేనినీ చేయవలసిన అవసరం లేదు. జీవితాన్ని వాస్తవంగా ప్రశంసించేటట్లు ఉండటానికి మీరు దుర్ఘటనకు గురి కావనవసరం లేదు, లేదా విదేశీయ సెలవలను గడపనవసరం లేదు!

కాని చాలా స్పష్టం: వేరే ప్రదేశానికి ఏ మాత్రమూ వెళ్ళనక్కరలేదు, వేరే మహాద్భుత కార్యాలను సాధించనవసరం లేదు. మీరు దాన్ని ఎలా చూడాలని ఎంచుకుంటారో అంతా దానిపై ఆధారపడి ఉంటుంది.

కాబట్టి నన్ను అడగకండి, నా జీవితం సామాన్యంగా ఉంది. ఎంతో విసుగుదలతో ఉంది. అద్భుతంగా గమనించటానికి ఏముంది? అని.

మీరు ఆశ్చర్యపడతారు. మీ దినసరి జీవనంలో కూడా సంపూర్ణ జాగృతి సాధ్యం.

చిన్న కథ :

పల్లెటూరి బాటపై ఒక మేధావి ఒక వృద్ధురాలిని కలిశాడు. ఆ ముదుసలిది తన మేకలను మేపి ఇంటికి తిరిగి వస్తుంది. ఏటి నీటితో నిండిన నిండుకుండను తలపై ఉంచుకుని ఆమె నడుస్తూ వస్తోంది. మేధావి ఆమెకు ఓ సలహా ఇవ్వాలని అనుకున్నాడు. "ప్రాపంచిక విధులలో ఇంకా నీవు విశ్రాంతి లేకుండా ఉన్నావు?" అని అతడు ఆమెను అడిగాడు. “నీ వయసులో మిగిలిన విషయాలను పక్కన పెట్టాలి, దేవుడి మీద ఏకాగ్ర దృష్టి పెట్టాలి! అని ఆ మేధావి ఆమెకు సలహా” ఇచ్చాడు.

ఆమె సమాధానమిచ్చింది : “నా ఏకాగ్రదృష్టి భగవంతుడి మీద లేదని ఎవరు చెప్పారు? ఈ క్షణంలో కూడా, మీతో మాట్లాడుతున్నప్పుడు, మేకల్ని కాపలా కాస్తున్నప్పుడు నా దృష్టి నా తలపై ఉన్న నీళ్ళకుండ పైనే ఉంది. ఇదేవిధంగా నా ఇంటి పనులను నిర్వర్తించేటప్పుడు నా జాగృతి ఎల్లప్పుడూ భగవంతుడిపైనే ఉంటుంది”.

నిత్యజీవనంలోకి జాగృతిని తీసుకురండి - ప్రతి రోజు నిజంగా అద్భుతమనిపిస్తుంది.

విసుగుదల తక్కువ శక్తికి చిహ్నాంకాదు, అది నీకున్న శక్తి సామర్థ్యాల తక్కువ ఉపయోగ సూచన. ఐన్ స్టీన్ మనకు అనంత శక్తిని ప్రసాదించాడు - కాని మనకు దానిని ఎలా ఉపయోగించుకోవాలో తెలియదు.

మనం దానిని జాగృతిలోకి, సృజనలోకి, ఉత్పత్తిలోకి, ప్రేమలోకి పంపలేకపోతున్నాము.

మీ శక్తిని సరయిన దిశలోకి పంపకపోవటం పాపం.

నీలో ఎంతో శక్తి ప్రసరిస్తోంది. దానికి ఏమవుతుంది. నీవు దానిని సరిగా ఉపయోగించు కోకపోతే నీవు నేరుగా తమస్సులో పడిపోతావు. దాని తర్వాత కుంగి పోవటం, విసుగుదల కల్గుతాయి - ఇవి పిల్లలు తమలోతాము కేవలం వేడుకకోసం పరస్పరం గాయపరచుకోవటానికి పురికొల్పుతాయి.

ఆట వస్తువులతో ఆడుకోవటంలో విసుగు చెందటం పిల్లలు మాత్రమేకాదు. మనం కూడా విసుగు చెందుతాము, మన అభిరుచికి అనుగుణంగా ఉండి ఆకర్షించే దాని కోసం చూస్తుంటాము. ఈ కారణం చేతనే బజారులో ప్రవేశపెట్టబడ్డ ఏ వస్తువునైనా కొనటానికి ప్రజలు సిద్ధపడుతున్నారు. ఉత్పత్తి విజయం లక్ష్య విపణిలోని విసుగు చెందిన ప్రజల సంఖ్యపై నేరుగా దామాషా పద్ధతిలో ఉంటుంది.

మనం వస్తువులతో మాత్రమే ఆడుకోవటంలేదు - ప్రజలతో కూడా ఆడుకొంటున్నాము. దాదాపు ప్రతి వ్యక్తి ప్రామాణికి ఫిర్యాదు చేస్తుంటాడు. వారి కుటుంబం, స్నేహితులు ప్రపంచంలో ఎంతో విసుగు కలిగించే, వ్యక్తులు! మనం కాలమంతా కొత్త కొత్త వ్యక్తులను అన్వేషించి పొందటంలోనే గడిపేస్తుంటాము - కొత్త స్నేహితులు, కొత్త పొరుగింటివారు, కొత్త క్లబ్బు, నూతన మిత్రుడు, ప్రత్యేకంగా పాశ్చాత్య దేశాలలో, కనీసం మూడు నెలలకోసారి జనం తమ కారును, స్నేహితురాలిని మార్చుకుంటారు. మనం మన పరిసర ప్రాంతాల పట్ల విసుగు చెందుతాము, ఇంకొకరంటే విసుగు చెందుతాం, చిట్టచివరకు మనం మనమంటేనే విసుగు చెందుతాం. వాస్తవమేమిటంటే, మనం ఒంటరిగా ఐదు నిమిషాలు గడపలేము. మనం పూర్తిగా నిరాసక్తులుగా ఉండి మనల్ని మనం గమనించటానికి భయపడతాము. మన అందరి సామాజికీకరణ మనల నుండి మనం తప్పించుకోవటానికే. స్పష్టంగా ఉండండి : జీవితం విసుగు పుట్టించేదికాదు, మనస్సు మాత్రమే విసుగు పుట్టించేది!

మనస్సు ప్రపంచాన్ని ప్రతిబింబిస్తుంది. అద్దం మీద దుమ్ము ఉంటే ప్రపంచం తాజాగా ఎట్లా కనిపిస్తుంది? మనస్సు ప్రపంచానికి మిమ్మిల్ని స్పందించేటట్లే చేయటం లేదు.

దేనికయినా అలవాటు పడటం మనః ప్రవృత్తి, మీరు దేనికయినా అలవాటు పడినప్పుడు అది లభించినట్లుగానే భావిస్తారు. ఈ కారణంగానే మీ తోటలోని పూలను రెండోసారి కనువిప్పి చూడరు. బయట మీరు వీక్షించే స్త్రీ వలె మీ భార్య మీ కెప్పుడూ ఆసక్తికరంగా కన్పించదు. నేడు ఏదో కొత్త దానికోసం ప్రయత్నించండి: మీ పూలతోటలో నడవండి లేదా మీ వీధిలో తిరగండి. ఇప్పటి వరకు మీరు ఎన్ని విషయాలను గమనించకుండా ఉండిపోయారో తెలుస్తుంది. ఎన్ని మొక్కలు వికసించాయో! ఎన్ని రంగులు! ఎన్ని ఇళ్ళు తాజాగా రంగులు వేయబడి ఉన్నాయో! ఎన్ని ధ్వనులను మీరు వింటున్నారో !

మీరు నడుస్తున్నప్పుడు మీరు వేసే ప్రతి అడుగును జాగ్రత్తగా గమనిస్తూ వేయండి.

మీ ముఖం మీద పడే ఎండను గమనించండి, మీ చర్మానికి తగిలే చల్ల గాలిని గమనించండి.

మనస్సును సంపూర్ణంగా లగ్నం చేసి నడవండి.

ఈ రోజుల్లో మీరు ఎంత కోల్పోయారో తెలుసుకొని ఆశ్చర్యపోతారు! జీవితం విలువ కల కానుక, కాని దానిని మీరు అప్రయత్నంగా సునాయాసంగా లభించినట్లుగా భావిస్తున్నారు. జీవితం తాను నిత్య నూతనంగా ఉండి నిరంతర పరివర్తన చెందుతున్నప్పుడు, అది మీకు ఎలా బోరుకొడుతుంది.

ఏకాగ్రత గొప్ప ధ్యాన విద్యామర్మం.

మీరు జాగృతిలో ఉన్నప్పుడు మీ మనస్సుకు మాట్లాడే అవకాశాన్ని ఇవ్వరు! సంపూర్ణంగా వర్తమానంలో ప్రవేశించినప్పుడు మీ మనస్సు మీ మీద భూతాన్ని లేదా భవిష్యత్తును రుద్దలేదు.

జ్ఞాపకాలు లేవు, ప్రణాళికలు లేవు, ప్రస్తుత క్షణానికి సంబంధించిన సంపూర్ణ జాగృతి. జాగృతితో మాత్రమే చిత్తాభావను భూతిని పొందగలరు. చిత్తైకాగ్రతతో మీరు జ్ఞానోదయాన్ని పొందగల్గుతారు.

ఒక వ్యక్తి బుద్ధుణ్ణి అడిగాడు :

మీ శక్తుల గురించి మేము చాలా విన్నాము! మీరు దేవుడా?

కాదు, నేను కాదు.

అప్పుడు మాంత్రికులా? లేదా గారడీ వారా?

కాదు.

అప్పుడు మీరెవరు?

నేను జాగృతిని అని బుద్ధుడు సమాధానం చెప్పాడు.

మేల్కొని ఉండటం స్వేచ్ఛగా ఉండటం. అజ్ఞానం నుండి, దుఃఖం నుండి, విసుగునుండి సతంత్రంగా ఉండటం.

మీ అద్భుత భావం విలువయినది కాబట్టి దాన్ని పదిలం చేసుకోండి!

మీ జాగృతితో, ప్రతిదిన అద్భుతాన్ని మీ అద్భుతమయ జీవితంలో చూడగల్గుతారు.

కేవలం మీ జాగృతితో, మీరు మీ ప్రపంచాన్ని మార్చుకో గల్గుతారు.