Lines of Wisdom Which Makes You Beautiful - Part 1

This text was machine-transcribed from the printed book and may contain errors. Select the words and choose “Report a mistake”.

21 நிமிட மகாமந்திர உச்சாடனத்திற்கு பிறகு 10 நிமிடங்கள் சாட்சியாக மாத்திரம் அமர்ந்திருக்கவும்.

வெறுமனே எண்ணங்களையும், சுற்றியிருப்பவைகளையும் கவனியுங்கள். எதையும் தீர்மானிக்காதீர்கள்.

இந்த தியானம் ஒரு சக்தி கற்பதரு. தொடர்ந்து இந்த தியானத்தைச் செய்ய, உடலில் சக்திப் பற்றாக்குறை என்பதே இருக்காது.

நமது உடலில் உள்ள ஏழு சக்கரங்களையும் தூண்டிப் புத்துணர்வூட்டும் தனித்தன்மை பெற்றது இந்த மகாமந்திர தியானம்.

இன்றைய மனிதனின் தினசரி அதிக சக்தி தேவைக்கான ஒரு 'சக்தி மருந்து' என்று இந்த தியானத்தை அழைக்கலாம்.

தியானத்தின் முழுப்பலன் பெற தொடர்ந்து ஒரு மண்டலம் செய்யுங்கள். (இடைவெளியில்லாமல் தொடர்ந்து 48 நாட்கள் செய்வதே ஒரு மண்டலம் என்று அழைக்கப்படுகிறது).

தியானத்தின் பலனை அறிந்து, என்றும் ஆனந்தமாக இருங்கள்!

பிரார்த்தனையில்
கடவுளிடம்
யாசிக்கிறீர்கள்
தியானத்தில்
நீங்களே
கடவுளாகிறீர்கள்.

தியானி கடைப்பிடிக்க வேண்டியவை

★ ஒரு நாளின் எல்லா நேரங்களும் தியானத்திற்கு உகந்தவையே. காலை 7 மணியிலிருந்து 7.30 மணி வரை; மாலை 7 மணியிலிருந்து 7.30 மணி வரை - தியானத்தில் ஈடுபட்டால் தியானத்தின் மூலம் 'குருசக்தியோடு' தொடர்பு கொண்டு அதிக பலனைப் பெறலாம்.

★ தியானம் செய்யும்போது வயிறு காலியாக இருக்க வேண்டும்.

★ தியானம் முடிந்தபின் அடுத்த அரை மணி நேரம்வரை எதுவும் சாப்பிட வேண்டாம். தியானம் செய்வதற்கு முன் குறைந்தது மூன்று மணி நேரத்திற்கு முன் சாப்பிட்ட இடைவெளி இருக்க வேண்டும்.

★ எந்தத் தியானமாக இருந்தாலும் அதில் முழுமையாக ஈடுபடுங்கள். உங்களின் முழு சக்தியையும், முழு உணர்வையும் பிரயோகித்து தியானத்தில் ஈடுபடுங்கள்.

★ எல்லாத் தியானங்களிலும் கடைசி 10 நிமிடங்கள் சாட்சியாகப் பார்ப்பதைச் சிரத்தையோடு செய்யுங்கள். 30 நிமிட தியானத்தில் முதல் 20 நிமிடங்கள் நீங்கள் செய்வது, இந்த கடைசி 10 நிமிடங்களுக்காகதான்.

★ ஒரு மண்டலம் அதாவது 48 நாட்கள் தொடர்ந்து செய்து பார்த்தால் ஒரு தியான முறையின் முழுப் பலனை உணர்ந்து கொள்ளலாம்.

★ அதிக காரம், அதிக புளிப்பு, அதிக மசாலா,
அதிக எண்ணெய் ஆகியவற்றைத் தவிர்ப்பது
நல்லது.

★ தியானத்தின்போது தளர்ந்த ஆடைகளை உடுத்திக்கொள்ளுங்கள்.

★ தொந்தரவு இல்லாத தனி அறையில் தியானம் செய்வது நல்லது.

★ புகை, புலால் தவிர்த்தல் நல்லது. முடியாவிட்டால் தப்பில்லை. தொடர்ந்து ஆழ்ந்த தியானத்தில் ஈடுபடுங்கள் உடல் தானாகவே தன்னை இதுபோன்ற அடிமைத் தனங்களிலிருந்து காப்பாற்றிக் கொள்ளும்.

★ மது கட்டாயம் தவிர்க்கப்பட வேண்டும்.

முக்கிய எச்சரிக்கை

★ கடந்த சில மாதங்களுக்குள் அறுவை சிகிச்சை பெற்றவர்கள்;

★ அவசர சிகிச்சை பெற்ற நோயாளிகள்;

★ தீவிர இதய நோயாளிகள்;

★ - உங்களுக்கு அருகேயுள்ள தியானபீட கிளையை கலந்து ஆலோசித்தபின் தியானத்தில் ஈடுபடலாம்.

Ebook ISBN 979-8-88572-337-4