ஏழாவது நாள்🔗

சகஸ்ரார தியானம் மிக எளியதொரு தியான முறை. நமது வாழ்வில் நமக்கு அமைந்துள்ள, நாம் ஏற்றுக் கொண்டுள்ள அனைத்திற்காகவும், இயற்கைக்கு நன்றி தெரிவிக்கும் சிரமமற்ற காரியம் இது.

இது எளியதுதான் என்றாலும், நம் உணர்வு மனம், உணர்வற் ற மனம் ஆகிய இரண்டின் மீது மிகுந்த பாதிப்புகளை ஏற்படுத்தக் கூடியது இது.

சகஸ்ரார தியானத்திற்கான குறிப்புகள் :

சகஸ்ரார தியானத்திற்கு அமைதியான இசையை, உங்களுக்குப் பிடித்த மெல்லிசையைக் கேளுங்கள். அந்த இசை உங்களுக்குள் பாய்ந்து உங்களைச் செழுமைப் படுத்தும்படி கேளுங்கள்.

நின்று கொண்டு, இசைக்கு ஏற்றபடி அசைந்தாடவோ, நடனமாடவோ விரும்பினால், அப்படியே செய்யுங்கள். அமைதியாக அமர்ந்து கொண்டு கேட்க விரும்பினாலும் சரி.

இசை உங்களுடைய ஒரு பகுதியாக ஆகிவிட வேண்டும்.

அந்த இசை உங்களுக்குள்ளிருந்தே எழுவதாக உணர வேண்டும்.

நீங்கள் விரும்புகிறவரை நினைத்துக் கொள்ளலாம்

வடிவம் முக்கியமில்லை. உங்களுக்கு இந்த வாழ்வை அளித்துள்ள இயற்கைக்கு நன்றி செலுத்துங்கள்.

வாழ்வே இயற்கையின் பரிசுதான்.

இந்த வாழ்வைப் பெற்றதற்காக, இதன் தகுதிக்காக நாம் கடுமையாக உழைத்திருக்கிறோமா? இல்லை!

நாம் வாழ்ந்து கொண்டிருப்பதே ஒரு வரம்தான்.

இயற்கைக்கு நன்றி செலுத்தும்போது, இன்றுள்ள உங்களது வாழ்விற்குக் காரணமான அனைவரையும் நினைத்துக் கொள்ளுங்கள்.

பெற்றோரிலிருந்து ஆரம்பிக்கவும் - உங்களுக்கு உயிர் கொடுத்தவர்கள் அவர்கள். ஆழ்ந்த நன்றியுணர்வை முதலில் அவர்களுக்குத் தெரிவியுங்கள்.

அவர்களுக்கு ஏதாவது தீங்கு செய்திருந்தால், அதற்காக மன்னிப்புக் கேட்டுக்கொள்ளுங்கள். அவர்கள் உங்களுக்குக் கெடுதல் செய்திருந்தால் அவர்களை முழுமையாக மன்னித்து விடுங்கள்.

பூரண மன்னிப்பை வழங்க வேண்டும். நன்றியுணர்வை மட்டுமே உணரவேண்டும்!

உங்களுக்கு உதவி செய்த ஒவ்வொருவரையும் நினைவுகூர வேண்டும்.

நீங்கள் பிறக்க உதவிய மருத்துவமனை டாக்டர்கள், பள்ளி கல்லூரி ஆசிரியர்கள், நண்பர்கள், உறவினர்கள் என, உங்கள் வாழ்வில் சந்தித்த எல்லா மனிதர்களுக்கும் நன்றி சொல்லுங்கள்.

நீங்கள் அறியாமல் உங்களுக்கு உதவிய - பயிர் வளர்க்கும் உழவர்கள், ஆடை நெய்யும் நெசவாளர்கள், எல்லாருக்கும் நன்றி சொல்லுங்கள்.

உங்கள் எதிரிகள் கூட ஏதோ ஒரு வகையில் உங்களது வாழ்வில் ஒரு பங்கு பெற்றிருப்பார்கள். அவர்கள்கூட உங்களுக்கு எதையாவது கற்றுத் தந்திருப்பார்கள்.

மன்னிப்புக் கேட்டுக் கொள்ளுங்கள்.

முழு ஈடுபாட்டுடன், இதயபூர்வமாக இதைச் செய்யவும்!

இயற்கையின் அழகுக்காக! பிரபஞ்சத்திற்கு நீங்கள் நன்றி செலுத்தியதுண்டா?

தினசரி காலையில் உங்களுக்கு வெப்பம் தர வரும் கதிரவனுக்கு நன்றி செலுத்தியதுண்டா?

குடிக்கும் தண்ணீருக்கு நன்றி சொன்னதுண்டா?

எத்தனை எத்தனை பொருள்களுக்கு நன்றி தெரிவிக்க மறந்துவிடுகிறோம் நாம்! இப்போது அதைச் செய்யலாம்.

ஒவ்வொருவருக்கும், ஒவ்வொன்றிற்கும் உங்களது நன்றிகளைக் கூறுங்கள்.

இந்தப் பிரபஞ்சத்திற்கே நன்றி கூறும் போது, நன்றியின் ஆனந்தந்தை நமக்கு உணர்த்திய ஞானிகளை நினைவுபடுத்திக் கொள்ளுங்கள்.

காலம் காலமாக ஞான குருமார்களின் பணி ஒன்றாகவே இருந்து வந்திருக்கிறது. அது, உங்களை ஆனந்த பரவச நிலைக்கு உயர்த்துவதுதான்.

ஆகவே, அவர்களுக்குச் சிறந்த முறையில் நன்றி செலுத்துவது - நீங்கள் ஆனந்த பரவசத்தோடு இருப்பதுதான்!

உங்களது நன்றியறிதலை உங்களது சத்குருவுக்குத் தெரிவியுங்கள்.

இசை நின்றதும், சற்று நேரம் மௌனமாய் இருங்கள். அதே நன்றியறிதல் உணர்வுடனும், ஆனந்த பரவசத்துடனும் இருங்கள்.

முடிந்தவரை நீண்ட நேரம் அமைதியாக இருங்கள்.

உங்கள் விழிப்புணர்வை உள்முகமாகத் திருப்பி, அமைதியையும், நிறைவையும் உணர்ந்து மகிழுங்கள்.

சகஸ்ரார தியானம் 'எங்கும் எப்போதும்' தியானத்தில் அடங்கும். நன்றியுணர்வையும், நேர்மறையான வாழ்வை அணுகுதலையும் நிரந்தரமாக வளர்த்துக் கொண்டால் உங்கள் உடல், உணர்வு நலம் ஆகியவற்றில் அற்புதங்கள் நிகழும்.

உங்களுக்காக கொடுக்கப்பட்ட இந்தத் தியானங்களை வாழ்வில் தொடர்ந்து கடைபிடியுங்கள்.

ஆனந்தமாக இருங்கள்.

இந்தப் புத்தகத்தை ‘தியான பாடநூல்’ என்றழைக்கலாம். இன்றைய மனிதனுக்கு உதவும் வகையில் தொகுக்கப் பட்டிருக்கிறது. தியானத்தின் மிக மிக அடிப்படையான சூத்திரங்களையும், சூட்சுமங்களையும் இந்தப் புத்தகம் விளக்குகிறது. இந்தப் புத்தகத்தை படிக்கும் ஒவ்வொருவரும் “இன்னும் கொஞ்ச வருடங்களுக்கு முன்பு இந்தப் புத்தகம் கிடைத்திருக்க கூடாதா?” என்றே சொல்கிறார்கள். இந்த அரிய புத்தகத்தின் ஆழமான சத்தியங்கள், எளிமையாய் படிப்பவரினுள் இறங்கி புதுமையான பல மாற்றங்களை உருவாக்குகிறது. படியுங்கள். புதுமையானவராகுங்கள்.

Ebook ISBN: 979-8-88572-353-4

Nithyanandapuri, Ramanagara district, Off. Mysore Road, Bidadi - 562 109, Bangalore, Karanataka, INDIA Ashram tel: 080-27202084, URL: www.nithyananda.org