ஆறாவது நாள்🔗

குணப்படுத்தும் சக்கரம் : ஆக்ஞா

சக்கரம் உள்ள இடம் : புருவ நடுப் பகுதி

சக்கரத்தைப் பூட்டுவன : கடுகடுப்பு, இறுக்கம்

பூட்டைத் திறப்பது : களங்கமின்மையும், எளிமையும்

தியானம் பெறப்பட்டது : கிறிஸ்துவத்திலிருந்து

காலம் : 30 நிமிடங்கள்

ஆக்ஞா சக்கரம், சக்கரங்களின் அரசன் - தலை சிறந்த சக்கரம். மிக முக்கியமான இந்தச் சக்கரத்தை எழுப்பிச் செயல்பட வைக்க முயற்சி செய்யாத மதமே இல்லை.

ஆக்ஞா சக்கரம் விழித்துக் கொண்டால், நமது இருப்பு முழுவதுமே வித்தியாசமான ஒரு பிரதேசத்திற்கு மாறிவிடும். செயல்திறன் நிறைந்த அடுக்கு ஒன்று திறந்து கொண்டுவிடும்.

திவ்ய நேத்ர தியானம் மிகமிகச் சக்தி வாய்ந்த தியானம். நீங்கள் குருவின் சக்தியோடு தொடர்பு கொள்வது இதன் மூலமே நிகழும். குருவின் முன்னால் இதைச் செய்ய நேர்ந்தால் பலன் கூடும்.

சுவாமியின் கண்களின் படம் கிடைப்பதால் அதை வைத்துச் செய்யலாம். (சுவாமியின் படத்தைப் பயன்படுத்த வேண்டாம்).

இதில் இரண்டு வெவ்வேறு தியானங்கள் உள்ளன.

ஒன்று - ஆக்ஞாவைச் சுத்தப்படுத்துவது.

இரண்டாவது - அதற்குச் சக்தி ஏற்றுவது.

கீழ்நிலைச் சக்கரங்களைத் தூய்மைப்படுத்தி, நெறிமுறைப்படுத்தினால் போதும்.

ஆனால் மேல்நிலைச் சக்கரங்களைத் தூய்மைப் படுத்துவதோடு, அதற்கு சக்தி ஏற்றவும் வேண்டாம் - அந்தச் சக்கரத்தை நோக்கி சக்தியை உந்தி ஏற்றி விடுதல்.

இந்த இரண்டு கட்டங்களிலும், நீங்கள் கண்களை மூடியும், திறந்தும் மாறி மாறி இருக்க வேண்டும். கண்கள் மூடியிருக்கும் போது, மூன்றாம் கண்ணாகிய ஆக்ஞா சக்கரத்தின் மீது கவனம் செலுத்துங்கள்.

இரண்டாவது கட்டத்தில் கண்கள் திறந்தபடி இருக்க வேண்டும். ஆனால் எதையும் பார்க்கக் கூடாது. மாறாக, மூன்றாம் விழிமூலம் அதாவது ஆக்ஞா சக்கரம் மூலமாகப் பார்க்க முயற்சி செய்யுங்கள். மூன்றாம் விழி மூலம் சுவாமிஜியின் மூன்றாம் கண்ணை உற்றுப் பார்க்கவும்.

கண்ணிமைக்கக் கூடாது.

முதலில் கொஞ்சம் சிரமமாக இருக்கலாம்.

கண்கள் எரியலாம்; கண்ணீர் வரலாம். வரட்டும். அதுதான் தூய்மைப் படுத்துதல்.

இந்தத் தியானத்தின்போது, அபூர்வ அனுபவங்கள் ஏற்படலாம். உங்களது ஆக்ஞா சக்கரம் இதற்கு முன் செயல்படுத்தப்பட்டதே இல்லை. அதைத் திறப்பதன் மூலம், ஒரு புதிய அனுபவ உலகம் அனுபவப்படும்.

அந்த வேளையில் உங்களுக்குப் பிடித்தமான கடவுளின் உருவங்கள் தோன்றலாம். அல்லது சுவாமியின் உருவம் மறைந்து அந்த இடத்தில் ஓர் ஒளிப்புள்ளியோ ஒளிக்கற்றையோ தோன்றலாம்.

சில சமயம் அவர் படம் இருக்கும் இடத்தில் ஒன்றுமில்லாத வெற்றிடம் தோன்றலாம்.

அந்த வேளைகளில் தோன்றும் தெளிவின்மை கண்டு அச்சப்பட வேண்டாம். நீங்கள் மனோ வசியத்திற்கு உள்ளாக்கப்படவில்லை!

சொல்லப்போனால், இப்போதுதான் நீங்கள் கடைசியாக, மனோ வசியத்திலிருந்து விடுபட்டிருக்கிறீர்கள்! இப்போதுதான் உங்களது அதிவிழிப்புணர்வு விழித்துக் கொண்டிருக்கிறது.

ஒளியோ, வெறுமையோ தோன்றினால், நீங்கள் உண்மையான ஈடுபாட்டுடன் தியானம் செய்திருப்பதாக அர்த்தம்.

ஏனென்றால், நமது இயல்புநிலை அதுதான்.

நாம் சக்தி தவிர வேறொன்றும் இல்லை.

நமது என்று நாம் நினைத்திருக்கும் இந்த நமது உடலும், நம்மைச் சுற்றியுள்ள எல்லாப் பருப்பொருள்களும், வெறும் பொய்த்தோற்றம்; மாயையே.

அதனால்தான் இந்த ஆக்ஞா சக்கரத்தை மாயஹரணா