எந்திரத் தியானம்🔗

ஏதாவது ஒன்றைப் பற்றித் தியானம் செய்யும்போது, அந்தப் பொருளுக்கும் உங்களுக்கும் இடையில், ஒரு சக்தி வட்டம் மெல்ல உருவாகி விடுகிறது.

எந்திரங்கள் அல்லது சக்தி வரைபடங்கள், இவை காகிதத்தில் எழுதப்படும் அல்லது மரம், தகடு ஆகியவற்றின் மீது செதுக்கப்படும் கணித வரைவியல் வடிவங்கள் ஆகும். .

பிரபஞ்சத்தின் கட்டமைப்பைப் பற்றிய வரைபடங்கள்தான் எந்திரங்கள் என்று புராதன தியான நூல்கள் குறிப்பிடுகின்றன.

பிரமிடுகளின் அமைப்பு, சக்தியை உள்வாங்கிச் சேமித்து வைத்திருப்பதுபோல, குறிப்பிட்ட கணித வடிவியல் அமைப்பில் அமைக்கப்படும் எந்திரங்களும் நீண்ட காலத்திற்கு, சக்தியைச் சேமித்து வைத்துக்கொள்கின்றன.

ஆன்மிகப் பக்குவமடைந்தவர் எந்திரத்தை வைத்துத் தியானம் செய்யும்போது, அவருடைய குணப்படுத்தும் ஆற்றல் அந்த எந்திரத்திற்குள் பாய்கிறது.

குணமாக்கும் ஆற்றலை, அந்த எந்திரம், ஒரு பேட்டரியைப்போல சேமித்து வைத்துக்கொள்கிறது.

உடல் நலமில்லாத ஒருவர், அதை வைத்துத் தியானம் செய்ய, அதன் சக்தி அவருக்குள் பாய்கிறது.

அந்தக் கணித வடிவம் பிறந்த போது எந்த ஆன்மிக ஆனந்த சக்தி பாய்ந்ததோ. அதன் ஒரு சின்ன பொறியை, தியானிப்பவர் கண்டு அனுபவிக்க முடியும்.

காலம் : 21 நிமிடங்கள்.

நமது உடலிலுள்ள சக்கரங்கள், சக்தி பெறுவதற்கான நுழைவாயில்களாக இருப்பதால், இவற்றின் மூலம் நம் விரைவாகவும், ஆழமாகவும் சக்தி பெற்றுவிட முடியும்.

நலம் தரும் யந்திரங்களைக் கொண்டு தியானம் செய்வதால், சக்கரங்களின் மூலம் குணப்படுவது எளிதாகிவிடும்.

ஒரு பிரச்சனை வரும்போது, சக்கரத்தின் மீது கவனம் ஒருமுகப்படட்டும். உங்கள் கண்கள், நலம் தரும் அந்த யந்திரத்தின் மீது நிலைத்திருக்கட்டும்.

அடைபட்ட அந்த சக்கரத்திலிருந்து யந்திரத்தைப் பார்ப்பதாகக் கற்பனை செய்துகொள்ளுங்கள். சக்கரத்திலிருந்து யந்திரத்தின் மேல் கவனம் குவியட்டும். அந்த யந்திரத்திலிருந்து உங்களை நோக்கி சக்தி பாய்வதாகக் கற்பனை செய்து கொள்ளுங்கள். உங்களுக்கும் அந்த யந்திரத்திற்கும் இடையில் ஒரு சக்தி வட்டதை உருவாக்கிக் கொள்ளுங்கள்.

சக்தி ஓட்டத்தை உணருங்கள்.

இதை 11 நிமிடங்கள் செய்யவம்.

அடுத்து, கண்களை மூடிக்கொண்டு, அந்த யந்திரம், அதற்குரிய சக்கரத்தின் மையத்தை நோக்கிப் பிரவேசிப்பதாகக் கற்பனை செய்துகொள்ளுங்கள்.

அந்த மையத்திற்கு நேராக அந்த யந்திரத்தைப் பிடித்து கொள்ளுங்கள். அந்த சக்தி உங்கள் உடல் முழுவதிலும் கலந்து கரைந்துவிட அனுமதியுங்கள்.

குணப்படுத்தும் சக்தி, நலம் இழந்த உறுப்பிற்குள் பாய்வதை உணருங்கள்.

இதை 10 நிமிடங்கள் செய்யுங்கள்.

நீங்கள் விரும்பினால் மறுபடியும் ஒருமுறை செய்து பார்க்கலாம்.

இந்தத் தியானத்தை 21 நாட்கள் தொடர்ந்து செய்யுங்கள்.

வேலை செய்வது - என அன்றாட வாழ்வின் ஒவ்வொரு கணத்தையும், ஆன்மிகப் பயிற்சியாக மாற்றிக் கொள்வதற்கான வாய்ப்பு உங்களுக்கு இருக்கிறது,

நீங்கள் விழிப்புணர்வுடன் பயிற்சி செய்தீர்களானால் கார் ஓட்டுவது, இசையை இரசிப்பது, விளையாவது, தோட்ட வேலை செய்வது என எல்லாவற்றையும் சக்தியுள்ள தியான முறைகளாக மாற்றிக் கொள்ள முடியும்.

நாம் ஒவ்வொருவரும் செய்யும் சாதாரண காரியங்கள் இங்கே சொல்லப்பட்டுள்ளன.

அவற்றை எளிய, நிறைவான தினசரித் தியானங்களாக மாற்றுவதற்கான குறிப்புகளும் இங்கே கொடுக்கப்பட்டுள்ளன.

இனி வரும் தியானங்கள் எங்கும் - எப்போதும் செய்வதற்கான தியானங்கள்.

‘வாழ்வில்’ தியானம் என்பதிலிருந்து...‘வாழ்வே’ தியானமாக மாற இந்தத் தியானங்கள் உதவும்.