பிரதிபிம்பத் தியானம்🔗

நீங்கள் எப்போதும் வெளிப்புறம் நோக்கியே மையம் கொண்டிருக்கிறீர்கள். உங்கள் ஆற்றல்கள் எல்லாம் வெளி உலகத்தை நோக்கியே பாய்ந்து கொண்டிருக்கின்றன.

நீங்கள் ஒன்றைப் பார்க்கும்போது, உங்களது விழிப்புணர்வு அதை நோக்கியே பாய்கிறது. உங்களை நீ ங்கள் கவனம் கொள்வதே இல்லை.

உங்கள் கவனத்தைக் கவர்வதன் மீதுதான் உங்கள் பார்வை. எல்லாச் சந்தர்ப்பங்களிலும் நமக்கு வெளியே இருப்பவை மீதே நமது கவனம்.

ஏதாவது ஒன்றின் மீது நமது ஆழ்ந்த கவனம் நிலைப்படும்போது - ஓர் அழகான அஸ்தமனமோ, இனிய சங்கீதமோ - நாம் நம்மை அதில் முற்றிலும் இழந்து விடுகிறோம்.

அது ஓர் அற்புத அனுபவம் - ஆனால் அது விழிப்புணர்வு இல்லாத நிலை.

விழிப்புணர்வின்போது, ஒருவர் கவனம், பார்க்கப்படும் பொருளின் மீது மட்டுமல்லாமல், பார்க்கிறவரின் மீதும் நிலை கொள்கிறது. எதைப் பார்க்கிறீர்களோ அதன்மீது மட்டுமல்லாமல், பார்க்கிற உங்கள் மீதும் கவனம் இருக்கும். தாவோவின் கொள்கைப்படி,ாதாரணமாக உங்கள் ஆற்றல், எப்போதும் புற நிகழ்வுகள் நோக்கியே பாய்கிறது. வெளி உலகை நோக்கி அலைபாயும் அந்த ஆற்றலை, உங்களை நோக்கித் திருப்ப வேண்டும்.

அதுதான் மன ஒருமைப்பாடு.

முழு உயரக் கண்ணாடி ஒன்றின் முன் நின்று உங்களைப் பாருங்கள். வெளியிலிருந்து உங்களை இப்போது நன்றாகப் பார்க்கிறீர்கள்.

நீங்கள் அகம், கண்ணாடியில் தெரிவது உங்களது புறம். உங்கள் உணர்வு அப்போது புறம் நோக்கிப் பாய்கிறது. உங்கள் கண்களை வெளியிலிருந்து பாருங்கள்.

பார்ப்பது நீங்கள். பார்க்கப்படுவது உங்கள் நிழல்; எதிரொளிப்பு.

அதை எதிராக மாற்றிக் கற்பனை செய்யுங்கள், அந்தப் பிரதிபலிப்பு உங்களைப் பார்ப்பதாக!

முதலில் இது பயமாக இருக்கும். உங்களது பிரதிபலிப்பு உங்களைப் பார்ப்பதாக உங்களுக்கு யோசித்துப் பழக்கமில்லாததால், அந்த உணர்வு வினோதமாக, அச்சம் தருவதாக இருக்கும். இருந்தாலும் முயற்சியைத் தொடருங்கள். சில கணங்களில், நீங்கள் பெரிய மாற்றத்தை உணர்வீர்கள். உங்களது பிரபலிப்புப் பிம்பத்திலிருந்து உங்களை நோக்கி சக்தி பாய்வதை உணரலாம்! அது உண்மையில் அச்சம் தருவதாகவும் குழப்பம் தருவதாகவும் இருக்கும்.

உங்கள் வாழ்க்கை முழுவதிலும், மனத்தைப் புறமுகமாகத் திருப்பியும், ஆற்றலை புறம் நோக்கியே பாயவிட்டும் பழக்கப்பட்ட உங்களுக்கு, சட்டெனப் புதிய அனுபவம் தோன்றுவது அதிர்ச்சியாகத்தான் இருக்கும்.

ஆனால் நிச்சயமாகச் சக்தியின் பாய்ச்சலை உணர்வீர்கள். காரணம், நீங்கள் இப்போது, வட்டத்தைப் பூர்த்தி செய்து விட்டீர்கள். சக்தி வட்டத்தை முழுமையாக்கி விட்டதன் காரணமாக, சக்தி வந்துவிடுகிறது.

உங்கள் சக்தியை நீங்களே சேமித்துக் கொள்கிறீர்கள்.

இந்தத் தியான முறையைச் சில நாள்கள் பயிற்சி செய்து பாருங்கள். நிச்சயமாக மாற்றத்தைக் காண்பீர்கள்.

ஒரு நாள் முழுவதும் இதைப் பயிற்சி செய்து பார்க்கலாம். உங்களைப் பற்றியதாகவே இருக்க வேண்டு மென்பதில்லை.

நீங்கள் கவனம் செலுத்தும் ஏதாவது ஒரு பொருளுடன் இருக்கலாம்.

ஏதாவது ஒரு பொருளுக்கு உங்கள் சக்தியை நீங்கள் கடத்தும்போது, அது மறுபடியும், அந்தச் சக்தியைத் திருப்பித் தருவதாகக் கற்பனை செய்யுங்கள்.

அது உயிரற்ற பொருளாக இருந்தாலும் கவலை இல்லை.

உங்கள் சக்தி உங்களை நோக்கிப் பாயும்;

உங்களைப் புத்துயிர் பெறச் செய்யும்;

அதிக வீரியம் பெறச் செய்யும்!