பிரச்சினைகள் எல்லாமே மாற்ற முடிந்தவையே...🔗

உங்களெதிரே இருக்கும் உயிர், இந்த வாழ்வைக் கொண்டாட கிடைத்த ஒரு வாய்ப்பு.

இவரோடிருப்பதே பெரும்பாக்கியம்; இவரோடு சிரிப்பதும், பேசுவதும் அதிர்ஷ்டம் என்ற உணர்விலேயே தொடர்ந்து வாழ முடிந்தால், நீங்கள் உண்மையானவர் என உறுதி செய்து கொள்ளலாம்.

உண்மையான பதிலைக் கேட்டதால், ஒரு ஜென் கூற்றை இங்குக் குறிப்பிடுகிறேன். அது...

“உங்களைத் தண்டிக்கும் அளவுக்குத் தாழ்ந்தவரல்ல கடவுள்.

கடவுளிடமிருந்து தண்டனை பெரும் அளவுக்கு நீங்கள் உயர்ந்தவருமில்லை,”

கடவுள் கருணை மயமானவர் என்பதால், அவர் உங்களைத் தண்டிக்க மாட்டார். எப்போது உங்களை நீங்களே செதுக்கத் தயாராகிறீர்களோ, அப்போது கருணையின் இன்னொரு வடிவமாகக் கடவுளின் கருணைச் செயல்கள் தொடரும்.

அந்த நிமிடங்களில் உங்களைச் செதுக்கும் சம்பவங்களை நீங்கள் தண்டனை என அழைக்கலாம்.

இப்படி உங்களை நீங்களே செதுக்க ஆரம்பிக்காததற்குமுன், சுய மனத்தடைகளால் சில கஷ்டங்கள் வரலாம். அவற்றைக்கூட நீங்கள் தண்டனை என அழைக்கலாம்.

எதிரிகளை விட ஆபத்தானவர்கள்.

நண்பர்களைவிட, நிறைய நல்லது செய்பவர்கள், உங்களின் குருமார்கள்.

'குரு' என்றால் என்னவென்று நீங்கள் நினைக்கிறீர்கள்? அதைச் சொல்லுங்கள் முதலில்!

வாழ்க்கைப்பாடம் கற்றுத் தருபவர். சரிதானா?

யார் வேண்டுமானாலும், எப்போது வேண்டுமானாலும், எப்படியும் மாறலாம் எனும் வாழ்க்கைப் புதிர்களை அனுபவப் பாடங்களாக உங்களுக்குத் கற்றுத்தந்தவர்கள் எதிரிகள் தானே!

தியானம் செய்யும்போது, விறுவிறுப்பு மட்டுமே கிடைத்தால், அது தியானமல்ல.

தியானம் தியான சக்தியைத் தருவதோடு நிற்காமல்...

உங்களுக்குள் அமைதியையும், குண பக்குவத்தையும் நிறையச்செய்தால், அதுவே அது!

ஒருமுறை குருவை நேரில் பார்த்தபின், நீங்கள் நினைக்காமலே உங்களின் நினைவலைகளில் மீண்டும் மீண்டும் வருகிறாரா... அவரே அவர்!

வாழ்க்கை ஒன்றே, அது இந்த உலக வாழ்க்கை.

ஆனந்தமாக வாழ, நீங்கள் முடிவெடுத்துவிட்டால், எங்கிருந்தாலும்

தவறில்லை. ஆன்மீகம் உங்களுக்கானதே!

சிறு வயதில் நிறைய திருடியிருக்கிறேன். இப்போதுகூட அந்தக் குணம் அடிக்கடி மேலெழும்புகிறது. என்ன செய்வது?

-ரமேஷ்,திருச்சி.

திருடுவது ஜீன் சம்பந்தப்பட்டது என சிலர் வாதிடுகிறார்கள்.

என்னைப் பொறுத்தளவு, அது விழிப்புணர்வு சம்பந்தப்பட்டது.

நோய்களையும் குணங்களையும் ஜீன்கள்தான் நிர்ணயிக்கின்றன என்றால், அந்த ஜீன்களை நிர்ணயிப்பது யார்?

இந்தக் காட்சியை கற்பனை செய்து பாருங்கள்.

உங்களுக்கு அவரைப்பற்றி முன் பின் எதுவும் தெரியாது. ஆனால் அவரால் உங்களுக்கு ஒரு நன்மை நடந்தாக வேண்டும்.

அவருடன் நீங்கள் கட்டாயம் அறிமுகமாக வேண்டும்.

காரியத்தை மட்டும் மனதில் வைத்துக் கொண்டு, வெறும் சம்பிரதாயத்திற்காக உதட்டளவில் மட்டும் வணக்கம் என்று சொல்லிப்பாருங்கள்.

அவரிடமிருந்து மலர்ந்த சிரிப்பு பதிலாய் வரும்.

அதன்பின் நடக்கும் உரையாடல், சுவாரஸ்யமாகத்தானே அமையும்.

இது உறவுகளுக்குள் இணக்கத்தை ஏற்படுத்தி, உங்களின் வலைக்குள் கட்டி இழுத்து வந்துவிடும்.

சாதாரணமாக, வெறுமனே இரு கரங்களைக் குவித்து, வணக்கம் என்று சொன்னதற்கே இப்படியென்றால், முழுமையான விழிப்புணர்வோடு உணர்ந்து, இரு கரங்களையும் முகத்திற்கு நேரே உயர்த்தி, வணக்கம் என்று சொல்லிப் பாருங்கள்.

அவர் மலர்ந்ததைப் போன்று, நீங்களும் மலர்வீர்கள்.

அவரை வளைத்தது போன்றே, உங்களையும் மொத்தமாக உங்கள் கட்டுக்குள் வளைத்து விடுவீர்கள்.

ஒவ்வொரு முறை நீங்கள் ஆழ்ந்து சொல்லும்போது, அந்த இனிமை, ஆழமாய் உங்கள் மனதில் பதிந்து, உங்களை அருமையானவராக மாற்றும் தியானமாய் அமையும்.