உயர் ரத்த அழுத்தத்தில் இருந்து பாதுகாப்பதற்கான கிரியா🔗

உயர் ரத்த அழுத்தம் என்பது நாட்பட்ட நோயின் நிலை. உயர் ரத்த அழுத்தம் ஏற்படும் சமயங்களில் தமனியில் ரத்தம் அழுத்தம் உயர்ந்து காணப்படும். அப்போது இதயம் தனது இயல்புக்கு அதிகமாக வேலை செய்து ரத்தத்தை ரத்த நாளங்களின் மூலம் சுற்றியனுப்ப வேண்டியுள்ளது. உயர் ரத்த அழுத்தம் என்பது 140/90 mmHg என்ற அளவில் இருப்பதே நல்லது.

இரத்தக் குழாய்களில், உயர் இரத்த அழுத்த நோய் இதற்கு மேல் தொடர்ந்து காணப்பட்டால் பக்கவாதம், மாரடைப்பு (Heart attacks, Stroke) இருதய செயலிழப்பு (Heart Failure) வழக்கத்திற்கு மாறாக இரத்தக்குழாய்கள் விரிவடைதல் (Aneurysms of The arteries) மற்ற இரத்தக் குழாய் சம்பந்தப்பட்ட நோய்கள் வருவதற்கான வாய்ப்புகள் அதிகமாக இருக்கின்றன. இது சிறுநீரக நோய்களுக்கு வழிவகுக்கக்கூடியவையாகவும் இருக்கின்றன.

இதற்கென்று எந்த அறிகுறிகளும் குறிப்பாகக் காணப்படுவதில்லை. வேறு ஏதாவது நோய்க்கு மருத்துவ சிகிச்சை எடுக்கச் செல்லும்போதுதோ அல்லது நம் உடலைப் பொதுவாக மருத்துவ பரிசோதனை (General Check-Up) செய்யச் சொல்லும்பொழுதுதான் இந்நோயைக் கண்டறிய முடிகின்றது. உயர் இரத்த அழுத்த நோய் உள்ளவர்களுக்குப் பெரும்பாலும், காலை நேரங்களில், பின் மண்டைப் பகுதியில் 'தலைவலி', தலை லேசானது போன்ற உணர்வு, தலைசுற்றல், காதிரைச்சல், மயங்கிவிழுதல் போன்ற அறிகுறிகள் காணப்படுகின்றன.

கிரியா கொடுக்கப்பட்ட நாள்: நவம்பர் 1, 2011.

அத ம்ரு'தாஸனம்

தரையில் ஒரு சவத்தைப் போல படுத்திருப்பதுதான் ம்ருதாஸனம் (சவ நிலை) ஆகும். இந்த நிலையானது களைப்பைப் போக்கி, மன அமைதிக்கு வழிவகுக்கிறது.

அத உட்டியான பந்த:

தொப்புள் பகுதிக்கு மேலுள்ள வயிற்றுப்பகுதியை உள்ளிழுங்கள். இதன்மூலம், மேலான பறவை (சுவாசம்), தானாகவே மேல் நோக்கிச் (ஸுஷும்னா நாடியை) செலுத்தப்பட்டு, தொடர்ந்து அங்கேயே சுகமாக நிலைக்கிறது. ஒரு சிங்கம் யானையைக் கொல்வதுபோல் இந்த உட்டியான பந்தம் மரணத்தை வெல்கிறது.

ஜாலந்தரபந்த:, கேரண்ட ஸம்ஹிதா, உபதேஸம் 3, ஸ்லோகம் 12

அथ ஜாலந்தரபந்த:

தொண்டையை இறுக்கமாக வைத்துச் சுருக்கி, முகவாய்க்கட்டையை மார்பின் மேல் வைக்கவும். இது ஜாலந்தர பந்தம் என்றழைக்கப்படுகிறது. இந்த முத்ராவின் மூலம் 16 ஆதாரங்களையும் முடிவிட முடியும்.

_கேரண்ட ஸம்ஹிதா, உபதேஸம் 2, ஸ்லோகம் 11_

அத முக்தாஸனம்

இடது குதிகாலை பிறப்புறுப்பின் மேல் வைத்து, இடது குதிகாலின்மேல் வலது குதிகாலை வைத்து, தலையையும் கழுத்தையும் உடலையும் நேராக வைத்து அமரும் இந்த ஆஸனம் முக்தாஸனம் என்றழைக்கப்படுகிறது.

இது (பூரணத்துவத்தை) ஸித்திகளை அளிக்கிறது.

முக்தாஸனம்

கேரண்ட ஸம்ஹிதா, உபதேஸம் 5, ஸ்லோகங்கள் 75-77

கொல்லனின் உலைக்களத்தில் இருக்கும் துருத்தி தொடர்ந்து விரிந்து சுருங்குவது போல், மூக்கின் இரண்டு துவாரங்கள் வழியாகவும் சுவாசத்தை மெதுவாகவும், அதே சமயத்தில் அழுத்தமாகவும் உள்ளிழுத்து, நுரையீரலை விரிவடையச் செய்து, பிறகு சுவாசத்தை மெதுவாகவும் அழுத்தமாகவும் வெளியேற்றவும். (5.75)

இவ்வாறு 20 முறை செய்யுங்கள். செய்து முடித்தவுடன் சுவாசத்தை உள்ளிழுத்து முடிந்தளவு உள்ளேயே நிறுத்துங்கள். பிறகு மேலே சொன்ன முறையில் சுவாசத்தை வெளியேற்றவும். (இது 1 சுற்று). இந்தச் சுற்றை மூன்றுமுறை செய்யும் புத்திசாலி மனிதர் எந்த ஒரு நோயாலும் பாதிக்கப்பட மாட்டார். அவர் என்றென்றும் ஆரோக்கியமாகவே இருப்பார். (5.76-77)

7. இந்தச் சுற்றை மூன்றுமுறை செய்யுங்கள்.

கேரண்ட ஸம்ஹிதா, உபதேஸம் 5, ஸ்லோகங்கள் 78-82

அத ப்ராமரீகும்பக:

ஒரு யோகி, எந்தவொரு உயிரினத்தின் சப்தமும் இல்லாத நள்ளிரவு நேரத்தில், இந்தப் பூரகம் மற்றும் கும்பகத்தைக் கைகளால் காதினை மூடி செய்ய வேண்டும்.(5.78)

பிறகு அவர், தனது வலது காதில் பல உள் சப்தங்களைக் கேட்கிறார். முதலில் அது சில்வண்டின் ஓசை போன்றும், பிறகு யாழ் இசை போன்றும், பிறகு ஒரு இடியோசையைப் போன்றும், பிறகு மத்தளம் ஓசை போன்றும், பிறகு ஒரு பொன்வண்டின் ஓசை போன்றும், பிறகு மணி ஓசை போன்றும், பல உளிகள் சேர்ந்தொலிப்பது போன்றும், பிறகு மணி ஓசை போன்றும், ஊதுகொம்பின் ஓசை போன்றும், பறை ஓசை போன்றும், மிருதங்கம், இராணுவப் பறை ஓசை மற்றும் துந்துபி ஓசை போன்றும் கேட்கிறார். (5.79-80)

ப்ராமரீகும்பகத்தைத் தொடர்ந்து பயிற்சி செய்யும்போது, ஒவ்வொரு நாளும் ஒவ்வொரு ஓசையை உணர்ந்து கொள்கிறார். இறுதியில், இருதயத்திலிருந்து எழும் அனாஹத த்வனியைக் கேட்கிறார். இந்த ஓசையிலிருந்து ஒரு அதிர்வும், அந்த அதிர்வில் ஓர் ஒளியும் தோன்றுகிறது. அந்த ஒளியில் மனம் கரைந்துவிட வேண்டும். (5.81) மனம் கரைந்துவிடும்போது. அது விஷ்ணுவின் பரமபதத்தை அடைகிறது. இந்த ப்ராமரீ கும்பகத்தைப் பயிற்சி செய்வதில் வெற்றி பெறும் ஒருவர், ஸமாதி நிலையை அடைவதிலும் வெற்றி பெறுகிறார். (5.82)

செய்நுட்பம்

இந்தக் கும்பகத்தை செய்து முடித்த 10-15 நிமிடங்களுக்குள் ஏதாவது உணவை உட்கொண்டுவிட வேண்டும்.