உணவு ஒவ்வாமை நோய் வராமல் பாதுகாக்க🔗

உணவு ஒவ்வாமை என்பது புரத உணவிற்கு எதிராக நம்முடைய நோய்த் தடுப்பாற்றலே புரியும் ஒரு பதில்செயலே. இன்னும் சொல்லப்போனால் நம் உடலுக்கு எதிராக நம்முடைய நோய்த் தடுப்பாற்றலே புரிகின்ற ஒரு பிரதிகூலமான செயல். பிற முரண்பாடான உணவின் மூலம் ஏற்படுகின்ற பின்விளைவுகள், மருந்துகளினால் ஏற்படுகின்ற பின்விளைவுகள், நச்சுகளினால் ஏற்படுகின்ற விளைவுகள் போன்றவற்றைக் காட்டிலும் ‘உணவு ஒவ்வாமை’ தனித்தன்மை வாய்ந்தது.

பொதுவாக, உணவில் உள்ள புரதம் ஒரு ஒவ்வாமை கூறாகவே இருக்கிறது. நம் உடலில் உள்ள தற்காப்பு வலிமை அமைப்பு (Immune system), புரதத்தை, ‘தீங்கு விளைவிக்கக் கூடியது’ என தவறுதலாக அடையாளம் கொள்வதால் இந்த ஒவ்வாமை ஏற்படுகிறது. புரதத்தின் சில கூறுகள் ஜீரணிப்பை எதிர்க்கின்றன. அப்படி ஜீரணிக்கப்படாத புரதத்தின் கூறுகள் Immunoglobulin (IgE) உடன் இணைக்கப்பட்டு விடுகின்றன. இந்த இணைப்புகள்தான், புரதம் மிகவும் தீங்கு விளைவிக்கக் கூடியது என்று தற்காப்பு மண்டலத்திற்குத் தவறான தகவலைக் கொடுத்து, தற்காப்பு மண்டலத்தை முட்டாளாக்கிவிடுகிறது. உடனே நோய்த் தடுப்பு மண்டலமும் உடலின் ஒரு உறுப்பு தாக்கப்படுகிறது என்று எண்ணி, ஒவ்வாமை என்னும் எதிர்விளைவை தூண்டிவிட்டு விடுகிறது.

இந்த விளைவுகள் சுமாரானது முதல் மிகவும் கடுமையானதுவரை இருக்கலாம். வாழ்வையே அச்சுறுத்தும் கடுமையான ஒவ்வாமை எதிர்விளைவுகளான மூச்சுவிடுதலில் இடையூறு (Respiratory distress), நாளவிரிவு (Vasodilation) தோல்வியாதி, வயிறு சரியாக இருப்பது போல் இருக்கும், ஆனால் சரியான முறையில் இயங்கா தன்மை (Gastrointestinal) போன்றவையும் இதில் அடங்கும். இவற்றிற்கு அவசரகால கவனிப்பு உடனடியாகத் தேவைப்படுகிறது.

சில மருத்துவ சிகிச்சை இந்தப் புரத ஒவ்வாமையினால் ஏற்படும் விளைவுகளைத் தடுக்கிறது, குறைக்கிறது அல்லது குணப்படுத்துகிறது.

இதற்கான சிகிச்சை என்பது, ஒன்று, தற்காப்பு ஆற்றலை அதிகரிப்பதாக இருக்கிறது அல்லது புரத உணவையே தவிர்க்கும் முறையை உள்ளடக்கியதாக இருக்கிறது. உணவைத் தவிர்க்கும் முறையில், ஒவ்வாமையினால் பாதிக்கப்பட்டவர்கள் அவ்வகையான உணவை முழுமையாகத் தவிர்க்க வேண்டியதாக உள்ளது. இந்தப் பிரச்சினை, முக்கியமாக இளைஞர்களுக்கு ஒரு சவாலான பிரச்சினையாக இருக்கிறது.

கிரியா கொடுக்கப்பட்ட நாள்: பிப்ரவரி 15, 2012

கேரண்ட ஸம்ஹிதா, உபதேஸம் 2, ஸ்லோகம் 12

அத வஜ்ராஸனம்

தொடைகளை இரும்பைப்போல இறுக்கமாக்கி, கால்களை ஆசனவாய்க்கு இருபக்கங்களிலும் ஒட்டி வைக்கும் இந்த நிலை வஜ்ராஸனம் எனப்படுகிறது. இது, யோகிகளுக்கு மனோரீதியான ஆற்றலை அளிக்கிறது.

வஜ்ராஸனம்

கேரண்ட ஸம்ஹிதா, உபதேஸம் 5, ஸ்லோகங்கள்-73, 74

அத சீ’தலீகும்பக:

வாயின் வழியாக சுவாசத்தை மெதுவாக உள்ளிழுத்து, வயிற்றை நிரப்பி, சுவாசத்தை சிறிது நேரம் உள்ளடக்கி, பிறகு இரு நாசித்துவாரங்களின் வழியாக வெளியேற்றுங்கள்.

தொடர்ந்து சீதலீகும்பகத்தைப் பயிற்சி செய்யும் யோகிக்கு நல்லதே நடக்கும். இது, அஜீர்ணம், கபம், பித்தம் சம்பந்தப்பட்ட பிரச்சினைகளிலிலிருந்து விடுபடுத்துகிறது.

ஹடப்ரதீபிகா, உபதேஸம் 4, ஸ்லோகம் 43

அத ஸீத்காரீ ப்ராணாயாமம்

மூச்சுக்காற்று, வாயின் வழியாக ‘ஸ்ஸ்’ என்ற சப்தத்துடன் உள்ளிழுக்கப்பட வேண்டும். பின்னர் இரு நாசிகளின் வழியாக வெளியிடப்பட வேண்டும். இந்தப் பிராணாயாமத்தைப் பயிற்சி செய்ய செய்ய ஒருவர் இரண்டாவது காமதே தவனாகலாம்.

ஸமானகும்பக:, கும்பக-பத்ததி:, ஸ்லோகம் 62

அத ஸமானகும்பக:

தொப்புள் பகுதியைச் சுவாசத்தால் நிரப்பி, அதை உடல் முழுக்க பரப்பியபின், நெருப்பில் கவனத்தைச் செலுத்தும் இந்தக் கும்பகம் ஸமானகும்பகம் எனப்படுகிறது.

கும்பக-பத்ததி:, ஸ்லோகங்கள் 164,165

ஒருவர், தாம் களைப்படையும்வரை, கொல்லனின் உலைத் துருத்தி போன்று வேக வேகமாக சுவாசத்தை உள்ளிழுத்து வெளிவிட வேண்டும். இதைத் தொடர்ந்து வலது நாசி வழியாக மூச்சை உள்ளிழுத்து, சுவாசத்தை உள்ளேயே நிறுத்தி, ஜாலந்தர பந்தத்தைச் செய்ய வேண்டும். பிறகு இடது நாசி வழியாக சுவாசத்தை வெளிவிடுங்கள். இந்த பஸ்த்ரிகாகும்யகம் உடல் வெப்பத்தை அதிகரிக்கச் செய்கிறது.