தியானத்தின் மகத்துவம்🔗

⁑PÒ HØöPÚ÷Á v¯õÚzvÀuõß C¸UQÕ°PÒ You are already in meditation

❖¯õÚ® öŒ#Áx G¨£i? How to meditate?

❖¯õÚzvß £»ßPÒ Benefits of meditation

Eh¾® ©Ú•® Sn©õS® & v¯õÚzuõÀ Role of meditation in physical health

❖¯õÚzvß £[S & EÓÂß CÛø©°À Role of meditation in sweet relationships

❖¯õÚzvß £[S & ÷£õv¯ öŒÀÁzvÀ Role of meditation in wealth

✙uk® BÚçu® v¯õÚzuõÀ Œõzv¯÷© Power of meditation in achieving bliss

]¾õPõ v¯õÚ® Chitakasa Dhyanam

짰zv £õÚõ Spoorthi bana

❖áõv ìu®£ v¯õÚ® Jothi stambha dhyan

℞© ì¦μnõ Atma Spurana

❈vμz v¯õÚ® Yantra dhyan

❖µz̄ õPõµµ v̄õÚ® Times New Roman

❖©ÍÚ ¤¢x Mouna bindu

❖Œ̄ø» {Özx! Stop the action!

EsquÀ v̄õÚ® Eating Meditation

Rõ©íµn® Kamaharana

{z̄ ÷̄õPõ Nithya Yoga

❖Jv uõµøn Sakthi dharana

❖õÚ ]QaøŒ J¸ ÂgbõÚ¨ §ºÁ©õÚ ÷ŒøÁ Spritual Healing is a Scientific Service

❖õÚ ]QaøŒø̄ µP]®õß# øÁzv¸UP |õß Â¸®¥À»» I don`t want to keep spiritual healing as a secret

v̄õÚ® J¸ ©¸¢uõP Meditation an a Medicine

Already, you are in meditation

எல்லோரும் தியானத்தைக் கற்றுக் கொள்ள முடியுமா?

தியானத்தை நீங்கள் கற்றுக் கொள்ள வேண்டியதே இல்லை.

நீங்கள் ஏற்கெனவே தியானத்தில்தான் இருக்கிறீர்கள்!

அளவுகடந்த அழகை நீங்கள் வாழ்வில் அனுபவித்த நேரத்தை நினைவுபடுத்திப் பாருங்கள்.

மலைக்குப் பின்னாலிருந்து கதிரவன் சட்டென மேலே எழுகிறான். அல்லது முதன் முறையாக ஓர் இனிய இசையைக் கேட்கிறீர்கள்... அந்தக் கணத்தில், சட்டென, நீங்கள் நின்று விடுகிறீர்கள். பேச்சற்றுப்போய் விடுகிறீர்கள்.

நாம் அனைவருமே அப்படிப்பட்ட தருணங்களை அனுபவித்திருக்கிறோம், அல்லவா?

அந்தக் கணங்களில், அந்த அழகின் முன், உங்களால் மேற்கொண்டு எதையுமே சிந்திக்க முடியாது.

அந்தக் கணப்பொழுதே தியானம். இப்படிப் பலமுறை ஏற்கெனவே நீங்கள் தியானத்தில் இருந்து கொண்டே இருக்கிறீர்கள். அதன்பின் சில வினாடிகளுக்குப் பிறகு, உங்களது உள் அரட்டை மறுபடியும் ஆரம்பமாகி விடுகிறது. அந்த உதயம் அழகாக இருக்கிறது என்று மனம் சொல்கிறது.

உங்களின் மனம், நீங்கள் கேட்ட இசையை, முன்பு நீங்கள் கேட்டிருக்கும் மற்றொரு இசையோடு ஒப்பிட்டுப் பார்க்க ஆரம்பித்து விடுகிறது.

அதன் அர்த்தம், நீங்கள் தியானத்திற்கு வெளியே விழுந்து விட்டீர்கள் என்பதுதான்!

மௌனமாக ஆனந்த நிலையிலேயே இருந்து கொண்டிருப்பதுதான் தியானம்.

அந்த நிலையை நீங்கள் கற்றுக் கொள்ள முடியாது. அனுபவத்தால் மட்டுமே உணரக்கூடியது அது.

இந்தத் தலைப்புக்குப் பதில் தெரிந்து கொள்ள இன்று பலர் ஆர்வமாக இருக்கிறார்கள். காரணம் இவர்கள் தியானத்தில் அமர்ந்தால் சாதாரண நேரங்களில் வரும் எண்ணங்களை விட அதிகமான எண்ணங்கள் வருவதுபோலவே தோன்றுவதுதான்.

அப்படித் தோன்றக் காரணம், அப்போதுதான் தங்கள் வாழ்வில் முதன் முறையாக தன்னுள் தொடர்ந்து ஓடிக் கொண்டிருக்கும் மனக்குதிரையை நேருக்கு நேர் சந்திக்கிறார்கள்.

தியானத்திற்குள் மூழ்க மூழ்க, ஒரு நாள் எண்ணங்களைக் கடந்த நிலைக்கு எடுத்துச் செல்லப்படுவீர்கள்.

தியானத்தில் ஈடுபடுவது சுலபம்.

சில சூட்சுமங்களைச் சரியாகப் புரிந்து கொண்டால், தியானத்தில் வேகமாக முன்னேறலாம்.

‘உங்களுக்குள்ளே இருக்கும் சலனமற்ற, அமைதியான உணர்வு நோக்கி ஊடுருவுங்கள்.’ இதைப் புரிந்துகொள்ள கடினமாக இருந்தால்....

ஒரு பார்வையாளனாக மாத்திரம் உங்களின் எண்ணங்களை, மனதைப் பார்க்க முதலில் கற்றுக்கொள்ளுங்கள்.

இதை இன்னும் எல்லோரும் நன்றாகத் தெரிந்து கொள்ள ஒரு உதாரணம். சினிமாவைத் தியேட்டரில் பார்த்துக்கொண்டு இருக்கிறீர்கள். சினிமாவில் உங்களுக்குப் பிடித்த காட்சி ஓடிக்கொண்டு இருக்கிறது. உங்களுக்குப் பிடிக்கிறது என்பதற்காக அதே காட்சிகள் தொடர்ந்து வராது.

அதே போல் உங்களுக்குப் பிடிக்காத காட்சி ஒன்று ஓடிக்கொண்டிருக்கிறது. உங்களுக்குப் பிடிக்கவில்லை என்பதற்காக சினிமாவின் காட்சிகளை அந்த நேரம் தடுக்க முடியாது.

இந்தப் படம் சரியில்லை. போரடிக்கிறது என்பதற்காக அந்த நிமிடமே புது சினிமாவை அங்கே திரையிட முடியுமா? முடியாது.

சினிமாவில் என்ன வந்தாலும் வரட்டும் என்று மூன்று மணிநேரம் உட்கார்ந்து வெறுமனே பார்த்துவிட்டுத்தானே வருவீர்கள்.

அதே காரியத்தை தியானத்திலும் செய்யுங்கள்.

சும்மா பாருங்கள்

சாட்சியாகப் பாருங்கள்

முப்பது நிமிடம் உள்ளேயே ஒரு சினிமாவைப் பாருங்கள்.

1. ஒருவேளை, வந்த எண்ணங்கள் உங்களுக்குப் பிடிக்கவில்லை என்பதற்காக அந்த எண்ணங்களை, காட்சிகளை நிறுத்த வேண்டாம்.

2. வந்த எண்ணங்கள் உங்களுக்குப் பிடித்த எண்ணங்கள் என்பதற்காக அந்த எண்ணங்களை, காட்சிகளைத் தொடர வேண்டாம் .

3. புதிதாக எந்த ஒரு எண்ணத்தையோ காட்சியையோ உருவாக்க முயற்சிக்க வேண்டாம். அவ்வளவுதான்.

இந்த மூன்று விதிகளைக் கடைபிடித்தால் போதும். சாட்சியாகப் பார்ப்பது சுலபமாகிவிடும்.

தியானத்தில் ஆழ்ந்து நன்றாக ஈடுபடமுடியும், தியானித்துப்பருங்கள்! பலன் தெரியும்.

Benefits of Meditation

தியானத்தின் பலன்களைப் பற்றி ஆராயும் முன்...

மனிதனின் மிக முக்கியமான எதிர்பார்ப்புகள் என்னென்னவென்று பார்ப்போம். எல்லா மனிதர்களின் தேவைகள், ஆசைகளை கீழ்க்கண்ட ஐந்து வகைகளுக்குள் அடக்கிவிடலாம்.

இந்த ஐந்து வகைகளுக்கு அப்பாற்பட்டு தேவைகள் இருப்பதற்கான சாத்தியம் மிகவும் குறைவு.

1. உடல் நலம் (Physical health) 2.. மன நலம் (Mental health)

•உடல்பலம், மனோபலம், ஆன்மபலம் ஆகிய மூன்றையும் ஒரே நேரத்தில் அதிகரிக்க வழியிருக்கிறதா? இருக்கிறது. •என்ன? தியானம். •யார் தியானம் செய்யக் கூடாது? சிரிக்கும் குழந்தை, ஆனந்தமாயிருக்கும் ஞானி. •யார் தியானம் செய்ய வேண்டும்? மற்ற எல்லோரும். •எப்போது தியானம் செய்யக் கூடாது? ஆனந்தத்தையும் ஆரோக்கியத்தையும் அருளும் அருமருந்து தியானம். ஒருவேளை நீங்கள் ஏற்கெனவே முழு ஆரோக்கியமானவராகவும், ஆனந்தம் நிறைந்தவராகவும் இருந்தால்... மருந்து தேவையில்லை. •சரியான தியானம் எது? வாழ்வின் ஒவ்வொரு சம்பவமும் வேதம். வாழ்வில் சந்திக்கும் ஒவ்வொரு உயிரும் குரு. வாழ்வின் ஒவ்வொரு நிமிடமும் தியானம்.

Body and mind will heal - through Meditation

ஆரோக்கியம் என்றால் என்ன?

இந்தக் கேள்விக்கு பெரும்பாலானவர்கள் சொல்லும் பதில், நோய்களே இல்லாத நிலைதான் ஆரோக்கியம் என்பதாகும்.

இந்தக் கருத்து முழுக்க முழுக்க ஆரோக்கியத்திற்கு எதிரானது, தவறானது.

ஒரு சிறிய உதாரணம் சொன்னால் எளிதாக இதைப் புரிந்துகொள்ள முடியும்.

"பணக்காரர் யார்?" என்று கேட்டால் "கடன்களே இல்லாதவர்," என்று பதில் சொன்னால், எவ்வளவு அபத்தமாயிருக்கும்?

ஒரு கூலித் தொழிலாளி கடன்களே இல்லாமல் இருக்கலாம். உடனே அவரைப் பணக்காரர் என்று சொல்ல முடியுமா?

ஒரு தொழிலதிபர் நிறைய வங்கிக் கடன்களை வைத்திருப்பார். கடன்கள் இருப்பதால் இவரை ஏழை என்று சொல்ல முடியுமா?

பணக்காரர் என்பதற்கு எது அளவுகோல்....?

ஆரோக்கியம் என்பதற்கு எது அளவுகோல்...?

ஆரோக்கியத்தின் அளவீடாக நோய்கள் இருக்கிறதா? இல்லையா? என்பதை மட்டும் வைத்து முடிவு செய்யவே முடியாது.

ஆரோக்கியம் என்பது ரம்மியமான அகஉணர்வு சம்பந்தப்பட்டது. மனிதனை சதா உற்சாகமாக வைத்திருக்கும் உள்ளத்தின் உற்சாக உணர்வு சம்பந்தப்பட்டது.

குழந்தைகளைப் பாருங்கள்! எவ்வளவு உற்சாகமாக இருக்கிறார்கள்!

குழந்தை, ஞானி இருவரின் முகத்திலிருக்கும் மலர்ச்சியே அவர்கள் ஆரோக்கியமாக இருக்கிறார்களென்று சாட்சி சொல்லும்.

நம்மிடமிருந்த ரம்மியமான இந்த சுகஉணர்வு என்று குறைய ஆரம்பிக்கிறதோ அன்றே ஆரோக்கியம் மறைந்து விடுகிறது.

உங்கள் முகத்தை கண்ணாடியில் பாருங்கள். மலர்ச்சி எவ்வளவு குறைந்து போயிருக்கிறதோ, அந்த அளவுக்கு ஆரோக்கியம் குறைந்து போய் இருக்கிறது என்று தெரிந்து கொள்ளுங்கள்.

நோய் என்பது திடீரென வரக்கூடிய ஒன்றல்ல. பல நாள் ஆரோக்கியக் கேட்டின் விளைவே ஒருநாள் நோயாக வெளிப்படும்.

சுகஉணர்வு என்றோ குன்றிப் போனதின் இன்றைய வெளிப்பாடுதான், நோய்.

தியானத்தின் மிக முக்கியமான செயல், நாம் இழந்து விட்ட சுகஉணர்வை மீட்டுத் தருவதே..

தொடர்ந்து தியானத்தைச் செய்து வர உடலில் உள்ளத்தில் உற்சாக உணர்வு அதிகமாக ஆரம்பிக்கும்.

உடலில் இருக்கும் நச்சுக்களெல்லாம் சிரத்தையோடு செய்யப்படும் தியானத்தால் உடலை விட்டு வெளியேறிவிடும். நச்சுக்கள் அகன்றால், உள்ளுக்குள் இருக்கும் உற்சாகம் முழுமையாக வெளிப்படும். ஆரோக்கியம் கிடைத்துவிடும்.

தியானங்கள் நமது உடல் ஆரோக்கியத்திற்கு என்ன செய்கின்றன என்ற மிகப் பெரிய ஆராய்ச்சி ஒன்று சென்ற வருடம் நடத்தப்பட்டது.

அந்த ஆராய்ச்சியின் முடிவுகள் நம் அன்றாட வாழ்க்கைக்கு நேரடியாக உதவுபவை.

ஆராய்ச்சியின் முடிவுகள் - 1

சும்மா பாருங்கள் சாட்சியாக பாருங்கள்

1. தியானம் செய்வதால் உயர் இரத்த அழுத்தத்தைக் குறைத்தும், குறை இரத்த அழுத்தத்தை உயர்த்தியும் சராசரியான ஆரோக்கிய இரத்த அழுத்த நிலையை நோக்கி (Average B.P.Level) இரத்த ஓட்ட மண்டலமானது தன்னைத் தானே சரிசெய்து கொள்கிறது.

2. நோய் எதிர்ப்பு சக்தி (Immunity) தியானம் செய்யும் அளவுக்கேற்ப அதிகரிக்கிறது. மருத்துவ உலகம், தியானத்தையும் ஒரு மருந்தாக அங்கீகரித்திருப்பதற்கு மிக முக்கியமான ஒரு காரணம், தியானத்தினால் நோய் எதிர்ப்புச் சக்தி அதிகமாவதுதான்!

3. உடலின் சூட்டைத் தணித்து ஆரோக்கியமான சுத்த உஷ்ணத்தைத் தியானம் ஏற்படுத்தித் தருகிறது.

4. சர்க்கரை நோயால் வரும் உடல் சோர்வு, அதிகப் பசி, அதிக தாகம் ஆகியவை தியானத்தைத் தொடர்ந்து செய்யும்போது குறைந்துவிடுகிறது, உற்சாகம் பிறக்கிறது.

5. பலரின் இரத்தத்தின் சர்க்கரை அளவை சராசரி நிலைக்கு (Average blood sugar level) கொண்டு வந்து விடுகிறது.

6. நமது உடலில் செல்கள் உதிரும் காலத்தைக் கூட்டுகிறது. அதாவது செல்களின் வாழ்நாளை, மனிதனின் ஆயுட்காலத்தை தியானம் அதிகரிக்கிறது.

7.செல்களின் வாழ்நாள் அதிகமாவதால், முகத்தில் இளமையும் பொலிவும் கூடுகிறது. முதுமையடைதல், கிழடு தட்டுதல் தள்ளிப் போய் விடுகிறது.

8. உடலில் உள்ள எல்லாச் சுரப்பிகளும் உயிர்ச் சக்தியால் நிரப்பப்படுகின்றன. Hormonal balance என்று அழைக்கப்படும் சுரப்புநீர் சமநிலையை நம் உடல் அடைகிறது.

9. உடலின் நச்சுப்பொருட்கள் Toxins நீக்கப்படும் வேகம் அதிகரிக்கிறது.

10. தசைகளில் இருக்கும் பிடிப்புகள் (Muscle Cramps) தளர்வடைகிறது. எலும்புகள் வலுவடைகின்றன. (Bone Strength)

11. மனச்சோர்விலிருந்து (Depression) மனிதனைக் குணப்படுத்தும் antidepressive chemicals தியானத்தினால் உடலுக்குள் அதிகம் சுரக்கிறது.

12. தியானம் தரும் உற்சாகச் சக்தியால் முகம் மலர்ந்து பொலிவடைகிறது. மனிதனின் செயலாற்றல் திறன் (Working efficiency) அதிகரிக்கிறது.

13. அதிகமாகப் படபடக்கும் இதயத் துடிப்பைத் தியானம் கட்டுக்குள் கொண்டு வருகிறது.

14.தியானத்தினால் ஏற்படும் மாற்றங்கள் மனிதனுக்குள் சந்தோஷ உணர்வைத் தரும் வேதிப் பொருட்களை (Happy chemicals) உடலுக்குள் சுரக்க வைக்கிறது.

15. உடல், மன சமச்சீர்நிலையை (Mind body balance) தியானம் ஏற்படுத்துகிறது.

16. தூக்கமின்மை (Insomnia) என்ற வியாதியைத் தியானம் சரி செய்கிறது. தூக்கத்தின் தரத்தைத் தியானம் அதிகப்படுத்துகிறது.

இவ்வளவு மருத்துவ குணங்களையும் தியானம் பெற்றிருப்பதால்தான், தியானத்தை ஒரு மருத்துவ முறையாகவே இன்று மருத்துவ உலகம் அங்கீகரித்திருக்கிறது.

பல இலட்ச ரூபாய்கள் செலவு செய்து தொடர்ந்து மருத்துவ ரீதியான ஆராய்ச்சிகள் பலவும் இந்தத் தியானங்களின் மீது செய்யப்படுவதற்கு தியானத்தின் இந்த மருத்துவ குணங்களே முக்கிய காரணம்.

Role of meditation in mental health

உடல் நலத்திற்கு ஒரு தியானம், மனநலத்திற்கு ஒரு தியானம் என்றெல்லாம் தனித்தனிப் பாகுபாடுகள் தியானத்தில் கிடையாது.

உடல் நலத்தையும் மனநலத்தையும் தியானம் ஒரே நேரத்தில் சீராகச் சரிசெய்து கொண்டே வரும். உடல் நலமாக நலமாக, மனமும் வளமடைந்து கொண்டேயிருக்கும்.

எந்த ஒரு சூழ்நிலையிலும் வெறும் தியானம் மாத்திரமே முழுப்பலனைத் தந்துவிடாது.

தியான முறையோடு ஞானக் கருத்துக்களும் சேரும்போது மட்டுமே தியானம் முழுமையான பலனைத் தரும். மனத்தின் நுட்பமான கள்ளத்தனங்களையும் கபடத்தனங்களையும் ஞானக் கருத்துக்கள் மூலமாகத்தான் சட்டென்று புரிந்து கொள்ள முடியும். நம்முடைய எல்லாப் பிரச்சினைகளுக்கும் காரணமான அகங்காரத்தின் ஆணிவேர் வரை சென்று அதை அழிக்க, ஞானக் கருத்துக்களின் அணுகுமுறையும் தியானத்தின் சக்தியும் ஒருசேரத் தேவை.

ஏற்கெனவே தரப்பட்டுள்ள தியானம் பற்றிய ஆராய்ச்சி முடிவுகளில் 11-ல் இருந்து 16-ஆவது வரையுள்ள முடிவுகள், தியானம் மனநலத்திற்குச் செய்யும் நன்மைகள் தரப்பட்டுள்ளன.

Role of Role of meditation in sweet relationships

பூவிடம் துர்நாற்றம் வெளிப்பட வாய்ப்பே இல்லை.

அருமையான மனிதரிடம் துர்க் குணங்கள் வெளிப்பட வாய்ப்பே இல்லை. ஒரு மனிதரின் உடலும் மனமும் நிம்மதியாக இருக்கும்போது, அவர் மற்றவரின் நிம்மதியைக் குலைக்க வாய்ப்பேயில்லை. உடலும் மனமும் நலமாக இல்லாமல், நிம்மதி இழந்து தவிக்கும் மனிதர் இயல்பாகவே மற்றவரின் நிம்மதியை குலைக்கவே முயற்சிசெய்வார்.

நம்முடைய உறவுகள் சுமுகமாக இல்லாதிருப்பதற்குக் காரணம் உடலும் மனமும் சுமுகமான நிலையில் இல்லாது இருப்பதுதான், முக்கியமான ஒரு காரணமாக இருக்கிறது. உள்ளேயிருக்கும் உடல், மன வேதனைகள்தான் வெளியே சச்சரவாக வெடிக்கிறது; இன்னொருவரிடம் சண்டையிடத் தூண்டுகிறது.

உடலையும் மனத்தையும் ஸ்திரப் படுத்துவதினாலேயே இவற்றிற்கு முற்றுப் புள்ளி வைத்துவிடலாம்.

ஆரோக்கியமான மனிதர் எப்போதும் சந்தோஷமாகச் சிரித்து, அவர் இருக்கும் இடத்தையே கொண்டாடிக் கொண்டே இருப்பார்.

சிரித்துப் பேசுபவரிடம் மற்றவர்களும் இயல்பாக சிரித்துப் பேசவே முயற்சி செய்வார்கள்.

அப்படியே சச்சரவுகள் ஏதேனும் ஆரோக்கியமான மனிதரைச் சுற்றி உருவானாலும், மனத்தெளிவு மூலமாக அவரே அதை சுலபமாகத் தீர்த்து விடுவார்.

தியானம் தொடர்ந்து செய்யும் ஒருவர், உடல் மனநலம் பெற்றிருப்பதோடு, ஆரோக்கியமான மனித உறவுகளை ஏற்படுத்திக்கொள்ளும் கலையையும் எளிதாகக் கற்றுவிடுவார்.

சுருக்கமாகச் சொல்ல வேண்டுமானால், நீங்கள் இனிமையான மன உணர்வில் வாழ்வதனாலேயே, இனிமையான மனிதர்களை உங்களை நோக்கி ஈர்ப்பீர்கள்.

ஆராய்ச்சியின் முடிவுகள் - 4

Role of meditation in wealth

செல்வத்தைச் சேர்ப்பதற்கான முதல் அடிப்படை தேவை உடல் ஆரோக்கியம்.

அதற்கடுத்த முக்கியமான தேவைகள் மனத் தெளிவும்; புத்திசாலித்தனமும்.

தியானத்தினால் ஒருவரின் முடிவெடுக்கும் திறன் (decission making capacity) மற்றும் புத்திசாலித்தனம் (Intelligence) நேரடியாக அதிகமாகிறது.

அதுமட்டுமல்லாமல், ஆனந்தத்திற்கே செல்வத்தை ஈர்க்கும் குணம் உண்டு.

தியானம், மேற்சொன்ன எல்லாத் தன்மைகளையும் ஒன்றாய் அதிகரிக்கும்.

நாம் எல்லோரும் தெரிந்து கொள்ள வேண்டிய இன்னொரு உண்மை, எந்த ஒரு புத்திசாலியும் தேவைக்கதிகமாகச் சொத்துகளைக் குவிப்பதில் நேரத்தை வீணடிக்க மாட்டார்.

தியானத்தைத் தொடர்ந்து செய்யும் தியானியால், தமக்குத் தேவையான அளவு சொத்துகளைச் சர்வசாதாரணமாக ஒரு விளையாட்டைப் போல் சேர்த்துவிட முடியும்.

தேவைக்கதிகமாகச் சொத்துக் குவிப்பில் வாழ்வையே வீணடிக்கும் அவலத்திலிருந்து தியானம் ஒருவரை மீட்டும்.

சுருங்கச் சொன்னால், வெளியுலக வாழ்வை, வளமாய் வாழத் தேவையான வளங்களை நேரடியாய் அதிகரிக்கும் குணங்களை தியானம் அதிகரிக்கும்.

ஆராய்ச்சியின் முடிவுகள் - 5

திருப்தி, நிம்மதி, சுகம் போன்ற பல தலைப்புகளில் தமக்குக் கிடைத்த வழிகளிலெல்லாம் மனிதர்கள் முட்டி மோதி ஆனந்தத்தைத் தேடிக் கொண்டிருக்கிறார்கள்.

தியான மார்க்கத்தின் ஒரே நோக்கம் ஆனந்தத்தை மனிதருக்குள் அளவின்றி பொங்க வைப்பதே

ஆகிய அனைத்தும் தியான மார்க்கத்தைத் தொடர்ந்து கடைப்பிடிப்பதனாலேயே ஒருவருக்குக் கிடைக்கும் அருமையான பலன்கள்.

மனிதனின் ஒட்டு மொத்த தேவைகளுக்கும் ஒரேயொரு தீர்வு தியானம்.

தொடர்ந்து தியானம் செய்யும் தியானியாக மாறினால் மேற்கண்ட அனைத்தும் உண்மையென நிச்சயம் புரிந்து கொள்வீர்கள்.

வாழ்வில் அவ்வப்போது தியானம் வந்து போகாமல், வாழ்வே தியானமாக மாறும்போது, ஜீவன் முக்தராக வாழ ஆரம்பித்து இருப்பீர்கள்.

பலன்கள்:

1: ஆகாச தத்துவ சக்தியை நமக்குள் உருவாக்கும் சக்திவாய்ந்த தியானம் சிதாகாஷ தியானம்.

2: இந்தப் பயிற்சியை மேற்கொள்ள, தெளிந்த ஆகாச சக்தி உங்களுக்குள்ளேயே இருப்பதை பார்ப்பீர்கள். நீங்கள் மனமற்ற நிலையை எளிதாய் உணர உதவும் தியானம் இது.

இந்தத் தியான முறையைப் பற்றி :

வானத்தை முன்னிலைப்படுத்தி தியானம் செய்வதுதான், வெறுமையைத் தியானம் செய்வது.

தெளிந்த நீலவானமே பூரண வெறுமை.

அதன் மீது தியானம் செய்வது என்பது தெளிவுக்குள் பிரவேசிப்பது.

செயல்முறைக்கான விளக்கம் :

மேகமில்லாத தெளிந்த நீலவானம் புலப்படும் ஒரு நாளைத் தேர்ந்தெடுத்துக் கொள்ளுங்கள்.

அமைதியான இடமொன்றில், மல்லாக்கப் படுத்துக்கொண்டு வானத்தைப் பார்க்கத் தொடங்குங்கள்.

கண்களை இமைக்கக் கூடாது. கண்களில் நீர் வழிந்தால் கூட, இனிமையான உணர்வோடு நீலவானத்தை பார்த்துக் கொண்டே இருங்கள்.

ஒருவேளை கண்கள் வலிக்கலாம். வலியைப் புறக்கணித்து விடுங்கள்.

கண்ணீர் கண்களை கழுவிய பிறகு, உற்றுப் பார்ப்பது எளிதாகி விடும்.

பற்றி நினைக்க ஆரம்பிக்கிறீர்களோ, அந்தக் கணமே நீங்கள் வானத்தை விட்டு விலகி விடுவீர்கள்.

உங்கள் பணி, வானத்தைப் பற்றி நினைப்பதல்ல.

அப்படியே அதற்குள் புகுந்துவிடுவது.

சும்மா பார்த்துக் கொண்டிருப்பதன் மூலம், வானத்தின் துல்லியத்தை உணருங்கள். நீலவானத்தின் தூய்மையை உணருங்கள். அதற்குள் பிரவேசித்து விடுங்கள். வானத்திற்குள் ஆழமாகச் சென்று விடுங்கள்.

மேலும், மேலும் ஆழமாகப் பார்க்கப் பார்க்க இன்னும் இன்னும் ஆழத்தினுள்ளே செல்ல முடியும்.

அதனோடு ஒன்றிவிடும்வரை பார்த்துக்கொண்டிருங்கள்.

அதனோடு ஒன்றிவிட்டதாக நீங்கள் நினைப்பது வேறு. ஒன்றிவிடுவது வேறு. அதனோடு ஒன்றி விட்டால், அது உங்களுக்குத் தெரிந்து விடும். ஒரு மணி நேர மோ, அதற்கு மேலுமோ ஆகலாம். நிறுத்தாதீர்கள்.

உங்களது சிந்தனையை அலைபாய விட வேண்டாம்.

உங்களது பார்வையை வானத்தை விட்டு அகற்ற வேண்டாம்.

இனி, கண்களை மூடுங்கள்.

அந்தச் சங்கமம் உண்மையில் ஏற்பட்டிருந்தால், வானம் உங்களுக்குள் இருப்பதை உணர்வீர்கள்!

உங்களது மனம் கழன்று காணாமல் போகும். உங்களின் எண்ணங்களும் மறைந்து போகும். அந்த வானத்திற்குள் இருங்கள்.

ஆரம்ப கட்டத்தில், அது, ஒரு சில கணமாகவே அமையும்.

பயிற்சி மேற்கொள்ள மேற்கொள்ள, அந்த நிலையை மேலும் அதிக நேரம் அனுபவிக்க நேரும். தெளிந்த வானம் உங்களுக்குள் இருக்க, நீங்கள் மனமற்ற நிலையை உணர்வீர்கள்.

Spoorthi bana

பலன்கள்:

1: வாயு தத்துவ சக்தியை நமக்குள் உருவாக்கும் ஸ்பூர்த்தி பானா தியானம்.

2: நீங்கள் ஓடும்போது, மனம் அசைவது இல்லை. மன அசைவு நின்றால், ஜீவன் முக்தத் தன்மையில் மலர்வீர்கள்.

அதுதான், 'டைனமிக் தியானம்', 'ஓடும் தியானம்'.

ஏன் ஓட வேண்டும்?

நீங்கள் ஓடும்போது, தயார்நிலையிலும், விழிப்புணர்வு கொண்டும் இருப்பீர்கள்.

நீங்கள் ஓடும்போது,

மனம் அசைவது இல்லை.

செயல்முறைக்கான விளக்கம் :

ஓடுவதற்கான நேரத்தை முடிவு செய்து கொள்ளுங்கள்.

அதிகாலை நேரம் சிறந்தது.

அடுத்தபடியாக மாலை நேரம்.

ஓடும்போது...

உங்கள் கவனம் ஓட்டத்தில் மட்டுமே இருக்க வேண்டும்.

ஓடும்போது விசுத்தி சக்கரத்தில் கவனத்தை ஒன்றாக்கும்போது நமக்குள் வாயு தத்துவத்தின் பிராண சக்தி மிக அதிக அளவில் பொங்க

வைக்கும்.

ஓடிப் பழக்கமில்லை என்றால், கொஞ்ச தூரம் ஒரு அரை மைல் ஓடினால் போதும். காலணி அணிந்து கொண்டும் செல்லலாம்.

கொஞ்சம் கொஞ்சமாகத் தூரத்தைக் கூட்டிக் கொள்ளலாம்.

அதற்குப் பிறகு, ஓடுங்கள்!

வயிற்றிலிருந்து மூச்சை விட்டு நன்றாக இழுங்கள். கைகள் எல்லாம் செயல்படும்படி ஓடுங்கள்.

களைப்புத் தோன்றினால், உடலுக்குச் சிரமம் கொடுக்காமல், சற்று ஓய்வெடுத்துக் கொள்ளுங்கள்.

காலணிகளைக் கழற்றி விட்டு, கால் பூமி மண்ணைத் தொட்டு உணரும்படி நில்லுங்கள்.

பூமியைத் தொடுவதால் கிடைக்கும், ஒரு சக்தி ஆதாரத்தை நாம் இழந்து விட்டோம். காரணம், எங்கும் செயற்கையான தளங்கள் இருப்பதால், நாம் வெறுங்காலில் நடந்து மகிழ்வதையே விட்டு விட்டோம்.

இந்தியாவில், வெறுங்காலில் நடப்பது புனிதமான உடற்பயிற்சியாகக் கருதப்படுகிறது.

அதனால்தான் பல வழிபாட்டுத் தலங்களிலும் மிதியடிகளை வெளியே விட்டு வரும்படிச் செய்கிறார்கள். அந்த இடங்களில் சக்தி மட்டம் உயர்ந்திருக்கும். அந்தச் ச க்தியைப் பெற உங்கள் புலன்கள் அனைத்தும் தயாராகத் திறந்து இருக்கும்படி செய்ய வேண்டும்.

பாதை நன்றாக இருந்தால், வெறுங்காலில் ஓடுவது மாபெரும் அனுபவமாக அமையும்.

புல்வெளியிலோ,

ஆற்றோரத்திலோ,

கடற்கரையிலோ முயற்சி செய்து பாருங்கள்.

பூமியோடு தொடர்பு கொள்வது, வாழ்வின் ஆதாரமூலத்தோடு தொடர்பு கொள்வதாகும்.

அதிகப்படியாக ஓடும் உற்சாகத்தில் சிக்கிக் கொள்ள வேண்டாம். காலத்தை வரையறுக்க வேண்டாம்.

உங்கள் பயிற்சியைச் செழுமைப் படுத்தவும் வேண்டாம். எடை குறைப்பதற் காகவும் ஓட வேண்டாம்!

ஒருவேளை உங்கள் எடை குறைந்தால், அதுவும் நல்லதுதான் ஆனால், அதற்காக என்று ஓடக் கூடாது. சும்மா ஓடுங்கள்!

பல நாள் ஓடிய பிறகு, அந்தக் காரியம் மலைபோல் தோன்றினால், அதை அப்படியே விட்டுவிட்டு, வேறு தியான முறைக்குப் போய் விடுங்கள்! நீந்தலாம், நடனமாடலாம்.

மறுபடியும் செய்யலாம் என்று தோன்றினால் ஓடுவதற்குத் திரும்ப வந்து விடுங்கள்.

நீங்கள் கடைப்பிடித்தாக வேண்டிய, இந்தச் சில குறிப்புகள் தவிர, வேறு எந்த விதிகளையும் வகுத்துக் கொள்ளாதீர்கள்.

பலன்கள்

1: அக்னி தத்துவ சக்தியை நமக்குள் உருவாக்கும் ஜோதி ஸ்தம்ப தியானம்

2: உங்களது மூலாதார சக்தியை, ஆனந்தமாக்குவதற்கு இந்தத் தியான முறை மிகவும் அழகான முறையாகும்.

செயல் முறைக்கான விளக்கம் ;

முதுகுத் தண்டுவடம் நேராக நிற்க, கண்களை மூடியபடி நேராக, சௌகரியமாக அமர்ந்து கொள்ளுங்கள்.

நீங்கள் ஒளியாக இருப்பதுபோல் கற்பனை செய்தபடி இருங்கள்.

நீங்கள் ஒளி.

எல்லாமே ஒளிமயம்.

உங்களை நீங்கள் ஒரு சக்தியாக என்றும் உணர்வதே இல்லை. உங்களை ஒரு பொருளாகத்தான் நீங்கள் உணர்வது வழக்கம். உங்களை ஓர் ஒளித் தூணாகக் கற்பனை செய்து கொள்ளுங்கள்.

இனி, முதுகெலும்பின் நுனியிலிருக்கும் மூலாதார மையத்தின் மீது கவனத்தைத் திருப்புங்கள். அது ஒளிப் பந்துபோல ஒளிமயமாகவும் உயிர்த்துடிப்பாகவும் இருப்பதாக உணருங்கள்.

ஒருவிதமான வெதுவெதுப்பு உள்ளே மேலெழுவதை உணரலாம். அது உண்மையான வெதுவெதுப்பு! தொப்புளும் இடைப் பகுதியும் ஒளிப் பந்தாக மாறும். ஒளியின் ஒரு பகுதி மேல் நோக்கி உயரத் தொடங்கும்.

அடுத்து, அந்த ஒளி, மேல்நோக்கி இதய மையத்தை நோக்கி நகர்வதாக உணருங்கள்.

இதயத்தில், ஒளியையும் வெது வெதுப்பையும் உணருங்கள்.

மூச்சு ஆழப்படுவதை உணருங்கள்; இதயத் துடிப்பு மிகவும் அமைதியாக அடிப்பதை உணருங்கள்.

அந்தச் சக்தி, அதன் பிறகு புருவ நடுச் சக்கரம் நோக்கி நகர்வதைக் காணுங்கள். அந்தப் பகுதி முழுவதும் ஒளியால் சூழப்பட்டிருப்பதை உணருங்கள்.

மெதுவாக ஒளிச் சக்தியைத் தலைப்பகுதிக்கு உயர்த்தவும்.

சக்தி தலைப்பகுதியை அடையும்போது, பல புதுமையான தோற்றங்களை அனுபவிப்பீர்கள். தலைச்சுற்றலும் மயக்கமும் கூட ஏற்படலாம். அதிக சக்தி தலைக்கு ஏறும்போது, பெரிய வெடிப்புப் போன்ற உணர்வும் ஏற்படலாம். அதற்கு அஞ்சாதீர்கள்.

தலை சுற்றுவதுபோலத் தோன்றினால், விழுவதுபோல உணர்ந்தால், விழுந்து விடுங்கள். மயக்கம் வந்தாலும் சரி, கவலை வேண்டாம். அது, “யோக நித்திரை என்னும் மிகுந்த ஆழ்நிலை உறக்கம்.

தியானிப்பவர் பலர் இந்த நிலை அனுபவம் பெறக்கூடும். அதற்காக அஞ்ச வேண்டியதில்லை. அரைமணி நேரத்தில் நீங்கள் பழைய நிலைக்குத் திரும்பிவிடுவீர்கள்.

சக்தி, தலைப்பகுதியை அடையும்போது, தலை முழுவதும் மெதுவாகச் சூடேறும். தலையே ஓர் ஒளிப்பந்தாக மாறிவிடும்.

செல்லும்படி விடவும்.

ஓர் எச்சரிக்கை

எந்தக் காரணம் கொண்டும், இந்தத் தியான பயிற்சியைப் பாதியில் நிறுத்தக் கூடாது.

ஆரம்பிப்பதற்கு முன்பே, இரண்டு மணி நேரம் எந்த இடையூறும் ஏற்படாதவாறு செய்து கொள்ள வேண்டும்.

எந்தத் தடங்கலையும் நடுவில் அனுமதிக்க வேண்டாம். பாதி வழியில் நிறுத்திவிட்டு எழுந்தால், சக்தி, ஒரு குறிப்பிட்ட மையத்தில் கட்டியாகத் தேங்கிவிடும். அது, உடல் மனச் சீர்கேடுகளுக்குக் காரணமாகி விடும்.

உங்களது மூலாதார சக்தியை, ஆனந்த சக்தியாக மாற்றுவதற்கு இந்தத் தியானமுறை மிகவும் அழகான முறை.

தொடர்ந்து இந்த முறையில் பயிற்சி செய்து வர, உங்களின் அமைதியையும், மனதையும் பாதிக்கும் அளவுக்கதிகமான காம உணர்வுகள், மெல்ல அப்படியே நின்று விடும்.

நாள் முழுவதும் அதிகமான வழிபாட்டுணர்வை நீங்கள் உணர்வீர்கள். சக்தி உங்கள் தலையை நோக்கி அதிக அளவில் பாய்வதால், நீங்கள் மிகுந்த உயிர்த் துடிப்பு உள்ளவராக உணர்வதோடு, உங்களது செயல்பாடுகளும் மிகுந்த திறமையுடன் அமையும். மிக முக்கியமான அம்சம், நீங்கள் தொடர்ச்சியான ஆனந்த நிலையைப் பெற்றுவிடுவதுதான்.

Atma Spurana

பலன்கள்

1: நீர் தத்துவ சக்தியை நமக்குள் உருவாக்கும் ஆத்ம ஸ்புராணா தியானம். நீ ரைப்போல் உங்களுக்குள் ஓடிக் கொண்டிருக்கும் உணர்வோட்டத்தை அதிகரிக்கும் தியானம் இது.

2: ஆழ்ந்த மௌனத்தையும் எதார்த்த நிலையையும் க்ஷண நேரத்தில் பற்றிக் கொள்வீர்கள்.

இந்தத் தியான முறையைப் பற்றி :

ஒவ்வொரு கணமும், நம்முடைய ஒவ்வொரு அசைவையும் கவனத்தில் கொள்ளச் செய்யும் தியானம் இது.

செயல்முறைக்கான விளக்கம் :

உங்களை நீங்கள் நினைவு கொண்டு இருந்தால் போதும்.

உண்ணும் போதும், பருகும்போதும், நடக்கும் போதும், பேசும்போதும் ‘நான்’ என்ற தன்னுணர்வு, ‘நான் இருக்கிறேன்’ என்ற உணர்வு உங்களுக்குள் என்றும் இருப்பதான ஒரு மின்னோட்டத்தை நினைவு கூறுங்கள்.

இது எளிதானது என்று நினைத்து விட வேண்டாம்.

நாம் நம்மைப் பற்றியதான உணர்வை, சில வினாடிகளுக்கு மேல் நீடித்து வைத்திருக்க முடியாது. உடனே மறந்து விடுவோம்.

சுய நினைவு என்பது, நினைப்பது அல்ல.

அதாவது, சிந்திப்பதும் அல்ல.

அதைத்தான் நாம் செய்து கொண்டிருக்கிறோம். “நான் இருக்கிறேன், நான் இருக்கி றேன்,” என்ற சொற்களையே திரும்பத் திரும்ப நினைக்கிறோம்.

சொற்கள் அனுபவம் ஆகாது.

அதைச் சொல் வடிவமாக மாற்றாதீர்கள்.

இயல்பாக உணருங்கள்.

நாம் இருக்கிறோம் என்று அதைப் பற்றி நினைத்துக் கொண்டிருக்க வேண்டாம். நான் இருக்கிறேன் என்பதை உணருங்கள்.

வெயில் உங்கள் முகத்தின் மேல் விழுவதையும், காற்று உங்கள் கூந்தலைக் கோதுவதையும் உணருங்கள்.

இந்த அனுபவங்களை உங்களுக்குள் இருந்து கொண்டு, அனுபவிக்கும் அந்த உண்மையான உங்களை ‘நான்’ என்று வெறுமனே உணருங்கள்.

ஒரு கணத்தில் நீங்கள் உங்களுக்குள் தூக்கி எறியப்படுவீர்கள்! அப்போது, ஆழ்ந்த மௌனத்தையும் எதார்த்த நிலையையும்கூட, தெறிக்கும் நேரத்தில் பற்றிக் கொள்வீர்கள்.

அந்த விழிப்புணர்வை, எல்லா நேரங்களிலும் உணருங்கள்.

இது, ‘எங்கும் எப்போதும்’ செய்யக் கூடிய தியானம். எனவே, இதை எல்லா நேரத்திலும் செய்யலாம்.

நீரைப்போல உங்களுக்குள் ஓடிக் கொண்டிருக்கும் உணர்வோட்டத்தை அதிகரிக்கும் இந்தத் தியானத்தை யார் வேண்டுமானாலும் செய்யலாம்.

Yanthra dhyan

பலன்கள்

1: நிலத் தத்துவ சக்தியை நமக்குள் உருவாக்கும் எந்திரத் தியானம்.

2: நலம் தரும் எந்திரங்களைக் கொண்டு தியானம் செய்வதால், சக்கரங்களின் மூலம் குணப்படுத்துவது எளிதாகி விடும்.

செயல்முறைக்கான விளக்கம் :

காலம்: 21 நிமிடங்கள்.

நமது உடலிலுள்ள சக்கரங்கள் சக்தி பெறுவதற்கான நுழைவாயில்களாக இருப்பதால், இவற்றின் மூலமாக நாம் விரைவாகவும் ஆழமாகவும் சக்தி பெற்றுவிட முடியும்.

நலம் தரும் எந்திரங்களைக் கொண்டு தியானம் செய்வதால், சக்கரங்களின் மூலமாக குணமாவது எளிதாகிவிடும்.

ஒரு பிரச்சினை வரும்போது, சக்கரத்தின் மீது கவனம் ஒருமுகப்படட்டும். உங்கள் கண்கள் நலம் தரும் எந்திரத்தின் மீது நிலைத்திருக்கட்டும்.

சக்கரத்திலிருந்து அந்த எந்திரத்தைப் பார்ப்பதாகக் கற்பனை செய்து கொள்ளுங்கள். சக்கரத்திலிருந்து எந்திரத்தின் மேல் கவனம் குவியட்டும். அந்த எந்திரத்திலிருந்து உங்களை நோக்கி சக்தி பாய்வதாகக் கற்பனை செய்து கொள்ளுங்கள்.

உங்களுக்கும் அந்த எந்திரத்திற்கும் இடையில் ஒரு சக்தி வட்டத்தை உருவாக்கிக் கொள்ளுங்கள்.

இது பாய்வதை உணருங்கள்.

இதை 11 நிமிடங்கள் செய்யவும்.

அடுத்து, கண்களை மூடிக் கொண்டு, அந்த யந்திரம், அதற்குரிய சக்கரத்தின் மையத்தை நோக்கிப் பிரவேசிப்பதாகக் கற்பனை செய்து கொள்ளுங்கள்.

அந்த மையத்தில், அந்த யந்திரத்தைப் பிடித்து நிறுத்துங்கள். அந்தச் சக்தி உங்கள் உடல் முழுவதிலும் கலந்து கரைந்துவிட அனுமதியுங்கள்.

குணப்படுத்தும் சக்தி, நலம் இழந்த உறுப்பிற்குள் பாய்வதை உணருங்கள்.

இதை 10 நிமிடங்கள் செய்யுங்கள்.

நீங்கள் விரும்பினால் மறுபடியும் ஒரு முறை செய்து பார்க்கலாம்.

இந்தத் தியானத்தை 21 நாட்கள் தொடர்ந்து செய்யுங்கள்.

பலன்கள்

1: ‘உள்ளே பார்த்தல்’ எனும் புலனைப் புத்துணர்வூட்டும் பிரத்யாகார தியானம்.

2: புலன்களின் பேரிரைச்சலால் நீங்கள் பாதிக்கப்படவே மாட்டீர்கள் எனும் நிலையை அடைய உதவும் தியானம்.

செயல்முறைக்கான விளக்கம் :

இதை எங்கும், எப்போதும் செய்யலாம்.

நீங்கள் எங்கிருந்தாலும் சரி, புலன்கள் மூலமாக உங்களுக்குள் வரும் சமிக்ஞைகளைக் கவனியுங்கள். தோட்டத்தில் உள்ள ஒரு மலரை நீங்கள் பார்க்கலாம். பறவைகளின் பாட்டைக் கேட்கலாம். கால்மீது ஏறும் ஓர் எறும்பின் செயலையும் உணரலாம்.

என்ன செய்ய வேண்டும்?

கண்களை மூடிக் கொள்ளுங்கள்.

நீங்கள் கண் பார்வையற்றவராக மாறிவிட்டதாகக் கற்பனை செய்து கொள்ளுங்கள்.

பறவையின் பாடலை கேட்க முடியாதவராகவும், எறும்பு ஊர்வதை உணர

முடியாதவராகவும் ஆகிவிட்டதாகக் கற்பனை செய்து கொள்ளுங்கள்.

இந்த உணர்வில் ஆழ்ந்து செல்லுங்கள்.

உங்களால் அது முடியும்!

எப்படி?

ஒரு வினாடி நேரம் மூச்சை நிறுத்திப் பாருங்கள்.

மூச்சை நிறுத்திவிட்டுக் கவனித்துப் பாருங்கள். உங்கள் தோலில் நமைச்சல் உணர்வு தெரிகிறதா? தூரத்து ஓசை கேட்கிறதா? உங்கள் உடல் முற்றிலும் உறைந்து போய் விட்டது. உங்களால் கையைத் தூக்கக்கூட முடியாது!

நிம்மதியடைவதற்கு இது ஒரு அருமையான யுக்தி.

நீங்கள் வெளிநோக்கிப் பாய முடியாதபோது, புலன்கள் மூலம் உணர்வுகள் பெற முடியாதபோது நீங்கள் உங்களை நோக்கி உள்ளே வீசி எறியப்படுகிறீர்கள்.

நீங்கள் ஒரு நிசப்தத் தீவாக மாறிவிடுவீர்கள்.

அந்த நிசப்தத்தில், நீங்கள் உங்களுடைய சொந்த மையத்தைக் கண்டு கொள்வீர்கள்.

அந்த நிலையில், நீங்கள் வெளியே பார்த்தாலும், எதையாவது கேட்டாலும் கூட, அவற்றை நீங்கள் உங்களின் சொந்த நிசப்த மையத்திலிருந்தே பார்ப்பீர்கள்.

ஒரு முறை அந்த இடத்தைக் கண்டுபிடித்த பிறகு, எந்தக் காரணம் கொண்டும், புலன்களின் பேரிரைச்சலால் நீங்கள் பாதிக்கப்படவே மாட்டீர்கள்.

உங்களின் மன உறுதியால், நீங்கள் உங்கள் புலன்களை மூடி அடைத்துவிட முடியும். உங்கள் புலன்களின் பார்வையாளராக நீங்கள் ஆகிவிடவும் முடியும்.

Mouna bindu

பலன்கள்:

1: 'கேட்டல்' எனும் புலனைப் புத்துணர்வூட்டும் மௌன பிந்து தியானம்.

2: இந்தத் தியானத்தை செய்யும் ஒவ்வொரு முறையும் உங்கள் உள்வாங்கும் திறன் கூர்மைப்படும், அதிகரிக்கும்.

இந்தத் தியானமுறையைப் பற்றி;

இதுவொரு கேட்கும் தியானம்.

கேட்கும் தியானங்கள் அடக்கமான தியானங்கள். நீங்கள் எதையுமே செய்ய வேண்டியதில்லை. சும்மா கேட்டுக் கொண்டிருந்தால் போதும்.

ஆனால், கேட்பதால் நிறையப் பலன் விளையும்! நாம் வாழ்வது ஒலிகளின் புயல் நடுவே.

எப்போதும் ஒலிகள் வந்து நம்மைத் தாக்கிக் கொண்டே இருக்கின்றன. நம்மை நசுக்குகின்றன. நம்மை விழுங்கி விடுகின்றன.

செயல்முறைக்கான குறிப்புகள்:

எங்கு வேண்டுமானாலும் சரி, அமர்ந்து கொள்ளுங்கள்.

அந்த இடத்தில் எவ்வளவு இரைச்சல் அதிகமாக இருக்கிறதோ, அவ்வளவு நல்லது!

ஓசை தொடர்ந்து கேட்கும் இடமாகத் தேர்ந்தெடுத்துக் கொள்ளுங்கள். அது இயற்கை ஓசையாக இருத்தல் நல்லது.

பாய்ந்து செல்லும் ஆறாகவோ, அருவியாகவோ இருக்கலாம் அல்லது இரயில் நிலையம், சந்தை கடைவீதியாகக் கூட இருக்கலாம்!

அமைதியாக இருங்கள்.

உங்களை நோக்கி, பல திசைகளிலிருந்தும் அலை அலையாக வரும் ஓசைகளை உணருங்கள்.

எல்லாப் பக்கங்களிலிருந்தும் ஓசைகள் பாய, அந்த ஒலிப் பாயலின் நடுவே இருப்பதாக உணருங்கள்.

ஓசைகள் உங்களை நோக்கிப் பாய்கின்றன.

உங்களுக்குள்ளே ஆழ்ந்த அமைதியையும், ஓசையே இல்லையென்ற நிசப்தத்தையும் உணருங்கள்!

மையத்தில் ஓசைகள் இருந்தால், உங்களால் வெளி ஓசைகளைக் கேட்க முடியாது.

புற ஓசைகள் உங்களுக்குள் புகுந்து ஊடுருவிச் செல்கின்றன. ஆனால், அவை மையத்தை அடையும்போது நின்று விடுகின்றன.

உங்களுக்குள் ஓர் இடம் இருக்கிறது.

அங்கே எல்லா ஓசைகளும் நின்றுவிடும். அந்த இடத்திலிருந்துதான் நாம் ஒவ்வொரு ஓசையையும் கேட்கிறோம். அந்த இடத்தைக் கண்டுகொள்ள முயலுங்கள்.

அது சட்டென, உங்களின் விழிப்புணர்வை உள்முகமாகத் திருப்பி விடும்.

உங்கள் விழிப்புணர்வு வெளியுலகத்திலிருந்து இடம் மாறுகிறது.

எங்கு நிசப்தம் நிலவுகிறதோ. அதுதான் உங்கள் மையம். எந்த ஓசையும் புக முடியாத ஒரு புள்ளி இருக்கிறது. அந்தப் புள்ளி நீங்கள்தான்.

உலகின் புற ஓசைகள்,

மையத்தில் உள்ள ஓசையில்லா ஓசை.

இந்த இரண்டையும் கேட்கக் கற்றுக் கொள்ளுங்கள்.

ஒன்றிலிருந்து இன்னொன்றை நோக்கி நகருங்கள். வெளியிலிருந்து உள்ளே, பிறகு மறுபடியும் திரும்பி வரக் கற்றுக் கொள்ளுங்கள்.

ஒவ்வொரு முறையும் உங்கள் உள்வாங்கும் திறன் கூர்மைப்படும்; அதிகரிக்கும்.

அகத்திற்கும், புறத்திற்குமாக

எளிதாக நகர்ந்து செல்லக் கற்றுக் கொள்ளுங்கள். அப்போது தெரியும், அந்த விளையாட்டு எப்படிப்பட்டதென்று?!

Stop the action

பலன்கள்:

1: ‘நுகர்தல்’ எனும் புலனைப் புத்துணர்வூட்டும் செயல் நிறுத்து தியானம்.

2: இந்தத் தியானத்தால் உங்களின் மையத்தை நோக்கி கண நேரத்தில் தூக்கி எறியப்படுவீர்கள். தொடர்ந்து எதையாவது செய்து கொண்டே இருப்பது மனத்தின் சுவாசம். இந்தத் தியானம், சூட்சுமமான உங்களின் சுவாச புலனையும் புத்துணர்வூட்டும். உங்களின் மையத்தோடும் உங்களை இணைக்கும்.

இந்தத் தியானம் எளிமையானது; நீங்கள் எதைச் செய்து கொண்டிருந்தாலும், நடுவில் அதைச் சட்டென நிறுத்தி விட முடியும்!

சட்டென நிறுத்தப் போகிறோம் என்பது உங்களுக்குத் தெரிந்திருக்கக் கூடாது!

அதனால், நாள் முழுவதும் உங்களைக் கவனித்துக் கொண்டிருக்கிற யாராவது ஒருவர், உங்களது செயலின் நடுவே குறுக்கிட்டு, சட்டென, "நிறுத்து!" என்று உரக்கக்குரல் கொடுக்க வேண்டும், அவர்கள் விரும்பும் இடத்தில்!

இது ஒருவகைச் சிலைபோல நின்று விடுதல்.

நீங்கள் நன்றாக ஆழ்ந்திருக்கும் செயலைச் சட்டென நிறுத்துவதால், அதிர்ச்சியும் மௌனமும் பெறுவீர்கள். அந்தக் கணப்பொழுதில்...

நீங்கள், உங்களது இருப்புத் தன்மைக்குள் தூக்கி எறியப்படுவீர்கள்.

இந்தத் தியானத்தைத் தனியாகவோ, ஒரு குழுவாகச் சேர்ந்தோ செய்யலாம்.

உத்தரவிட மட்டும் ஒருவர் இருந்தால் போதும்.

ஆனால், அடிக்கடி உத்தரவிடுதல் கூடாது. அப்படிச் செய்தால் உத்தரவு வரும் என்ற எதிர்பார்ப்பு தியானம் செய்பவருக்குள் ஏற்பட்டுவிடும்!

நீங்கள் நடக்கும்போதும், பேசும் போதும், வேலை செய்யும்போதும், நடனமாடும் போதும், "உறைந்து விடு! நிறுத்து!" என்ற குரல் கேட்டதும், சட்டெனச் செயலை நிறுத்திச் சிலைபோல நின்றுவிட வேண்டும்.

ஒரு கை மேலே உயர்த்தியபடி இருந்தாலும், வாய்திறந்தபடி இருந்தாலும் அப்படியே இருந்துவிட வேண்டியதுதான்.

இதை நேர்மையாகச் செய்யுங்கள். சௌகரியமான நிலைக்கு நகர்ந்து கொள்ள

வேண்டாம். ஒரு கணத்தாமதமும், மிகத் தாமதம்தான்.

இதை உங்களுக்கு நீங்களே விளையாட்டுபோலச் செய்து கொள்ளலாம். ஓடிக் கொண்டிருக்கையில் அல்லது குளிக்கையில், தேனீர் அருந்துகையில் சட்டென உங்களுக்கு நீங்களே உத்தர விட்டுக் கொள்ளுங்கள், "நிறுத்து!"; உடனே நிறுத்திவிட வேண்டும்; நிறுத்த முயலக்கூடாது.

ஒரு காரியத்தில், நீங்கள் முற்றிலுமாக ஆழ்ந்திருக்கும்போது, சட்டென நிறுத்தினால், அந்த நிறுத்தமே உங்களை நிலை தடுமாறச் செய்துவிடும்.

உங்கள் மையத்தை நோக்கி, நீங்கள் தூக்கி எறியப்படுவீர்கள். ஒரு கணப் பொழுது தியான அமைதியை, மௌனத்தை நீங்கள் அனுபவிப்பீர்கள்.

Eating Meditation

பலன்கள்:

1: 'நாக்கு' எனும் புலனைப் புத்துணர்வூட்டும் உண்ணுதல் தியானம்.

2: உண்ணுதல் தியானத்தால் சாதாரண உணவும் விருந்தாகும். அதுவே நல்ல மருந்தாகும், சக்தியைப் பெருக்கும்.

சாப்பிடும்போது சாப்பிடு

சாப்பிடும்போது வேறு எந்த வேலையும் செய்யாமல், வேறு எதைப் பற்றியும் யோசிக்காமல் முழுமையாகச் 'சாப்பிடுதல்' என்ற செயலை மட்டும் செய்வதால் (தியானிப்பதால்) கிடைக்கும் நன்மைகள்.

1.ஒரே செயலை ஆழமாகச் செய்யும்போது... மனமானது எதிர்காலம் நோக்கிப் பறக்காமல், இறந்தகாலத்தைக் குறித்து நோக்காமல், நிகழ்காலத்திலேயே இருக்கும். நிகழ்காலத்திலேயே இருப்பது ஒரு அற்புதமான தியான நிலை.

2. அதிக நேரம் உணவு வாயிலிருப்பதால்... உணவை முழுமையாக ஜீரணித்து, அதைச் சக்தியாக மாற்றத் தேவையான எல்லா வேதிப்பொருட்களும் உமிழ்நீர் சுரப்பி மூலம் சுரக்கப்படும்.

3.முழுமையாகச் சுவைப்பதால், சுவைத்த திருப்தி கிடைக்கும்.

ஒரே ஒரு மைசூர்பாக்கை மெல்லத் தின்று, அதன் நெய் கலந்த இனிப்பு சுவை, உமிழ்நீரிலேயே கரைந்து மறையும் அளவுக்கு சுவைத்துச் சாப்பிட்டால், ஒரு மைசூர்பாக்கைத் தாண்டி இரண்டாவது, அதை தாண்டி இன்னொன்று, இன்னொன்று எனச் சாப்பிடுவது தானாய்த் தவிர்க்கப்படும். இதுவே முழுத் திருப்தியை ஏற்படுத்தும்.

மூன்று, நான்கு முறை மென்றவுடன் இனிப்பை விழுங்குவது என்ற பழக்கம் இருந்தால், பத்து மைசூர்பாக்கைச் சாப்பிட்டபிறகும், இன்னொன்று சாப்பிட்டால் பரவாயில்லை என்று தோன்றும்.

திருப்தி இருக்காது.

ஒரு மைசூர்பாக்கை மெல்ல ருசித்து, சுவை கரையும் வரை அனுபவித்துச் சாப்பிட்டால் ஒரே ஒரு மைசூர்பாக், பத்து மைசூர்பாக்களைச் சாப்பிட்ட பிறகும் கிடைக்காத திருப்தியைத் தரும்.

4. மெல்ல மெல்ல மென்று வாயிலேயே உணவை கூழாக்குவதால் என்ன நடக்கிறது என்பது பற்றிய ஒரு சமீபத்திய ஆராய்ச்சி இப்படிச் சொல்கிறது...

நன்றாய் மென்று சாப்பிடும்போது குணமாக்கும் வேதிப்பொருட்கள் (Healing Chemicals) உமிழ் நீரில் நிறைய சுரக்கிறது.

இரைப்பையின் கூழாக்கும் வேலை குறைவதால், அதற்காகச் செலவிடப்படும் இரத்த ஓட்டமும் சக்தியும் மிச்சமாவதால் எப்போதும் வரும் உண்டபின் மயக்கம் வராமல், உற்சாகம் பிறக்கிறது.

உணவைக் கூழாக்க பலமுறை மெல்லுவதால், முகத்தில் இருக்கும் பல முக்கியமான தசைகள் இயக்கம் பெறுவதால் முகத்தில் இறுக்கம் குறைந்து, மிருதுத் தன்மை பெருக ஆரம்பிக்கிறது.

சுவைத்துத் திருப்தியடைவதால் தேவைக்கு அதிகமான உணவை நாம் எளிதாகத் தவிர்த்து விடுவோம்.

உணவை அருந்துவது என்பது, 'சாப்பிடும்போது சாப்பிடுதல்' என்ற தியானத்தை நடைமுறைப்படுத்தும்போது மாத்திரமே சாத்தியம். உணவை இரைப்பையில் கொட்டாமல், உணவை அருந்த ஆரம்பித்தால் உணவே மருந்தாக மாறும்.

உணவை அருந்துவது எப்படி என்று தெரியாமல், விருந்தே சாப்பிட்டாலும் திருப்தி முழுமையாகக் கிடைக்காது. விருந்து செரிக்க பல நேரங்களில் மருந்து தேவைப்படும்.

உணவருந்தக் கற்றுக் கொண்டால் சாதாரண உணவும் விருந்தாகும். அதுவே நல்ல மருந்தாகும்.

Kamaharana

பலன்கள்:

1: தொடு உணர்வின் புலனைப் புத்துணர்வூட்டும் காமஹரண தியானம்.

2: உங்கள் அடிமைப் பழக்கங்களுடன் போராட வேண்டியதில்லை. மாறாக அவற்றிலுள்ள பிரமாணங்களே அற்றுப்போகும்.

இதுவும் ஒரு நிறுத்துதல் உத்திதான்.

ஓர் அழகான பொருளை, நபரை பார்க்கும்போது உங்களுக்குள் விதவிதமான உணர்வுகள் எழலாம். உங்கள் உணர்வை சோதித்துப் பாருங்கள்.

அந்தக் கணத்தில், உங்களுக்கு என்ன நேர்கிறதென்பதைக் கவனியுங்கள். உங்கள் உடல் காய்ச்சல் வந்ததுபோலவோ, நடுங்குவதுபோலவோ தோன்றுகிறதா என்பதைக் கவனியுங்கள். உங்கள் நாடித் துடிப்பு அதிகரிக்கிறதா, தெளிவாகச் சிந்திக்க முடியவில்லையா என்பதைப் பற்றித் தெரிந்து கொள்ளுங்கள்.

அந்த உணர்வு, எவ்வாறு உங்களை ஆட்கொண்டிருக்கிறது என்பதைக் கவனியுங்கள்.

உங்களையோ, அந்த விருப்பத்தையோ மதிப்பீடு செய்து பார்க்க வேண்டாம். இது ஒரு மோசமான உணர்வு என்று உங்களுக்குச் சொல்லிக் கொள்ள வேண்டாம்.

நீங்கள் உங்கள் ஆசையை ஒடுக்கவில்லை! ஆசையை ஒடுக்கக் கூடாது. அடக்குதல் மற்றும் ஒடுக்குதலே சகல மனநோய்களுக்கும் மூலகாரணம், எப்படி அதை உதறிவிடுவது என்று யோசிக்கவே வேண்டாம்.

ஓர் உணர்வோடு எதிர்த்து மோதும்போது, ஒரு உணர்வை அடக்கி வைக்கும்போது, அந்த உணர்வு சக்தி பெற்றுவிடும்!

இதை நன்றாக அறிந்து கொண்டால், அதை விட்டு விடுதல் எளிதாகிவிடும்.

“விட்டுவிடு என்று நீங்கள் சொல்லும் நேரத்தில், நீங்கள் தனியே பிரிந்து, விலகி நின்று, ஒரு பார்வையாளர் ஆகிவிடுவீர்கள்.

உங்கள் உடல் ஆசையால் நிறைந்திருப்பதை, உங்கள் மனம் ஆசையால் நிறைந்திருப்பதை நீங்கள் பார்க்கும்போது, அவை நீங்கள் அல்ல என்று ஆகிவிடும்.

அந்தக் கணத்தில், எந்த உணர்வும் நீங்கள் அல்ல என்று உணரும்போது, உங்கள் இருப்பிற்குள் தூக்கி எறியப்படுவீர்கள்.

உங்கள் போதைகளையெல்லாம் தொலைத்து விடுவதற்கு இந்தத் தியானம் மிகச் சிறந்ததாகும்.

சங்கிலித் தொடர்போல் புகை பிடிப்போர், விடா மதுப்பழக்கம், பெண் பித்து போன்றவற்றை ஒருமுறை ஒழித்து விட்டால், அப்புறம் அவை எப்பொழுதும் திரும்பிவராது. அவற்றை ஒழிக்க அவர்கள் முயற்சி எடுப்பதில்லை. முற்றிலும் ஒழிந்தே விடுகிறார்கள். அவ்வளவுதான்!

இந்தத் தியானத்தின் மூலமாக, செயல் மட்டுமல்ல, அதற்கான ஆசையே முற்றிலும் ஒழிந்து போகும்! நீ ங்கள் உங்கள் அடிமைப் பழக்கங்களுடன் போராட வேண்டியதே இல்லை. மாறாக அவற்றிற்கான ஆசைகளே அற்றுப் போகும்.