நிஜம் தெரியுமா🔗

⇨ ஞானக்கருத்துக்கள்
தியானம் செய்தவனிடம் சொன்னது...
நிம்மதிகளை
மனம் தேடுதென
உன்னிடம் சொல்லவந்தேன்.
எனவே, தியானம் செய்! கண்டுகொள்ள,

உன் உடலென்னும்
தொட்டிக்குள்
தத்தித் தத்தளிக்குது உயிர்!
அதைப் பார்!

விட்டுவிட்டு வாட்டும்
உணர்ச்சிப் பதிவுகள்
உள் மனமென்னும் ஏட்டில்
ஏகமாயிருக்கிறதே!

கோபக் கனலையும்
துக்க புகையையும்
கக்க தயாராயிருக்கும்
தூங்கும் எரிமலையான
உன் குணக்குன்றின் முகடு தெரிகிறதே
அதைப் பார்.

உள்ளே இவ்வளவும் நிகழ!
எதுவும் நிகழாதது போல்...
அதாவது
இப்போது நீங்கள்
எப்படி அமைதியாய் இருப்பதாய்
உங்களுக்குத்
தெரிகிறதோ...
அப்படி அமைதியாய்த் தெரிந்தான்
அந்தத் தியானி - பார்க்க!