வசை பாராட்டு🔗

‘கேட்டுங் கிடைக்கவில்லை
பாராட்டு.
கேட்காமலேயே கிடைத்தது
திட்டு.

எதிர்பாரா சமயம் கிடைத்த
பாராட்டும்
எதையோ எதிர்பார்த்தே உதிர்ந்தது
திருட்டுத்தனமாய்!

என்னவொரு கேவலச் சமுதாயமிது?’ - என
அவலத்தை அரற்றியவனிடம் - குரு

‘உன்னை விடவா
கேவலமானது சமுதாயம்?’
வருடும் பதிலை எதிர்பார்த்தவன்
திடுக்கிட்டான்.

‘உன்னை விடப் பெரிய
திருடன் எங்கே இருக்கிறான்
காட்டேன்...’
மீண்டும் கேட்டார் குரு.

அம்பென வந்த
முதல் கேள்வியையே
கிரகிக்க முடியா நிலையில்

கதாயுதமாக வந்து தாக்கிய

இரண்டாவது கேள்வியில்
குரு முகம் பார்க்க தைரியமில்லாததால்
கிறங்கிப் போய் நிலம் பார்த்தான்

இடைவெளிவிடாது தொடர்ந்த குரு
‘தெரிந்து கொள்ளப்பா
எப்போதுமே
பாராட்டு
பாழாக்கும்.

திட்டு
திடப்படுத்தும்.