ஸ்லோகங்கள்🔗

அத ஷோடசோ'ऽத்யாய: பதினாறாவது அத்தியாயம்

தைவாஸுரஸம்பத்விபாக யோக: தெய்வாஸுர ஸம்பத் விபாக யோகம்

ஸ்ரீபகவாந் உவாச

ஸ்ரீபகவாந் உவாச - ஸ்ரீபகவான் சொன்னார்; அபயம் - அச்சமின்மை; ஸத்த்வஸம்சு'த்தி: - அந்தக்கரணம் முற்றிலும் தூய்மை பெற்றிருத்தல்; ஜ்ஞாநயோகவ்யவஸ்திதி: - ஞான யோகத்தில் உறுதியாக நிலைபெற்றிருத்தல்; தாநம் - தானம்; தம: - புலனடக்கம்; ச - மேலும்; யஜ்ஞ: - யாகங்களைச் செய்தல்; ச - மேலும்; ஸ்வாத்யாய: - சாஸ்த்ரங்களைக் கற்றல்; தப: - தவம்; ஆர்ஜவம் - நேர்மை; அஹிம்ஸா

ஸ்ரீபகவான் சொன்னது 16.1-3 ஓ பரதக்குலத் தோன்றலே, அஞ்சாமை, உணர்வுத்தூய்மை, ஆன்மிக ஞானத்தை வளப்படுத்திக்கொள்ளுதல், ஈகை, இருத்தலில் மையங்கொள்ளுதல், யாகம், அறிவைச் சேகரித்தல், தவம், எளிமை, அஹிம்ஸை, ஸத்யம், சினத்திலிருந்து விடுபடுதல், துறவுநிலை, அமைதி, குறை காண்பதிலிருந்து விடுபடுதல், அனைத்து உயிரினங்களின் மீது கருணை, பிறர்பொருள் விரும்பாமை, கனிவு, நாணம், உறுதியாக இருத்தல், தைரியம், மன்னிக்கும் மனப்பாங்கு, மன வலிமை, தூய்மை, வஞ்சகமின்மை, செருக்கின்மை போன்ற குணங்கள் தெய்விக சம்பத்துடன் பிறந்தவனின் இயல்புகளாகும்.

பார்த - ப்ரிதாவின் மகனே; தம்ப: - டாம்பீகம்; தர்ப: - இறுமாப்பு; அபிமாந: ச - தற்பெருமை; க்ரோத: ச - கோபம்; பாருஷ்யம் ச - கடுமையும்; அஜ்ஞாநம் ச ஏவ - அஞ்ஞ்ஞானமே; அபிஜாதஸ்ய - பிறந்தவர்களுடைய; ஸம்பதம் - இயல்பாக; ஆஸுரீம்-அஸுர.

16.4 ஓ ப்ரிதாவின் மகனே, பகட்டு, இறுமாப்பு, தற்பெருமை, கோபம், இரக்கமற்ற தன்மை மற்றும் அறியாமை - இவை அசுரத் தன்மையோடு பிறந்திருப்பவர்களின் குணங்களாக இருக்கின்றன.

தைவீ ஸம்பத் - தெய்விகப்பண்பு; விமோக்ஷாய - மோஷத்திற்கும்; ஆஸுரீ - அசுரப்பண்பு; நிபந்தாய - பந்தத்திற்கும்; மதா - கருதப்படுகிறது; மா சு'ச: - வருந்தாதே; ஸம்பதம் - பண்புடன்; தைவீம்

16.5 தெய்விக இயல்புகளே ஜீவன்முக்திக்கு சாதகமாக அமையும்; அசுர இயல்புகள் பந்தத்திற்குத்தான் வழிவகுக்கும். பாண்டவா, கவலைப்படாதே, நீ தெய்விக குணங்களுடன்தான் பிறந்திருக்கிறாய்.

த்³வௌ - இருவகையாகவே உள்ள; பூ⁴தஸர்கௌ³ - உயிரினங்களின் படைப்பு; லோகே - உலகில்; அஸ்மின் - இந்த; தை³வ: - தெய்வப் பண்புடையது என்றும்; ஆஸுர: ஏவ ச - அசுரப்பண்புடையது என்றும்; தை³வ: - தெய்வப் பண்பு; விஸ்தரஶ' - விரிவாக; ப்ரோக்த:

16.6 பார்த்தா, இந்த உலகில் இரண்டு வகையான ஜீவன்கள் படைக்கப்பட்டுள்ளனர். ஒன்று தேவர்கள், மற்றொன்று அசுரர்கள். முன்பே உன்னிடம் தெய்விக குணங்களைப் பற்றி மிக விரிவாக விளக்கி இருக்கிறேன். இப்போது அசுர குணங்களைப் பற்றியும் சொல்லி விட்டேன். அதனால் இவற்றை நீ ஆழ்ந்து புரிந்துகொண்டு, உன் வாழ்க்கையை ஆனந்தமாகவும் மகிழ்ச்சியாகவும் வாழ்வாயாக.

ப்ரவ்ருத்திம் ச - செய்யத்தக்கதில் ஈடுபடுவது பற்றியும்; நிவ்ரு'த்திம் ச

16.7 அசுர குணத்தோடு வாழ்பவர்களுக்கு அடிமைத்தனத்திற்கும், சு தந்திரத்தன்மைக்கும் வித்தியாசம் தெரியாது. மேலும் அவர்களுக்கு தூய்மையைப் பற்றியும் தெரியாது; நல்லொழுக்கமும் உண்மையும் அவர்களிடம் இருக்காது.

அஸத்யம் - பொய்யான; அப்ரதிஷ்ட²ம் - ஆதாரமற்றது; தே - அவர்கள்; ஜகத் - உலகம்; ஆஹு: - கூறுகிறார்கள்; அநீச்வரம் - ஈசுவரன் அற்றது; அபரஸ்பரஸம்பூ³தம் - தானாகவே, வெறும் ஆண் பெண் உறவினாலேயே உண்டானது; கிம் - என்ன; அந்யத் - இது தவிர வேறு; காமஹைதுகம் - காமத்தையே அடிப்படையாகக் கொண்டது.

16.8 அசுர குணம் உடைய மனிதர்கள், இந்த உலகம் பொய்யானது, இந்தப் பிரபஞ்சத்தை இயக்கிக்கொண்டிருக்கிற சக்தி என்றோ அல்லது அறிவாற்றல் என்றோ ஒன்று இல்லை என்றும் இந்த முழுப் படைப்பும் சிற்றின்பத்தாலும் ஆசைகளினாலும் உருவாக்கப்பட்டிருக்கின்றன என்றும் நினைக்கிறார்கள்.

ஏதாம் - இந்த; த்ரு'ஷ்டிம் - கருத்துகளை; அவஷ்டப்⁴ய - பற்றிக்கொண்டு; நஷ்டாத்மாந: - எவர்களுடைய இயல்பு சீரழிந்துவிட்டதோ; அல்பபு³த்³தய: - எவர்களுடைய புத்தி மந்தமாகி விட்டதோ; ப்ரப⁴வந்தி

16.9 படைப்பைப் பற்றிய இவ்வுலகாயதக் கருத்தைக்கொண்ட, தங்களையே தொலைத்த, கொடூரமான செயல்களில் ஈடுபடும் குறைந்த பட்டறிவுடன் கூடிய தாழ்ந்த ஆன்மாக்கள், உலகத்தை அழிக்கும் செயல்களில் ஈடுபட்டிருக்கிறார்கள்.

காமம் - ஆசையே; ஆச்'ரித்ய - பற்றிக்கொண்டு; து³ஷ்பூரம் - பூர்த்திசெய்யமுடியாத; த³ம்ப⁴மாநமதா³ந்விதா - ஆடம்பரம், தற்பெருமை, திமிர் இவற்றுடன் கூடியவர்களாக; மோஹாத் - அஞ்ஞானத்தினால்; க்³ரு'ஹீத்வா - ஏற்றுக்கொண்டு; அஸத்க்³ராஹாந் - பொய்யான கருத்துகளை; ப்ரவர்தந்தே - நடந்துகொள்கிறார்கள்; அசு'சிவ்ரதா: - தூய்மையற்ற செயல்களையே மேற்கொண்டு.

16.10 திருப்தியடையாத பேராசை, கபடத்தன்மை, தற்பெருமை, அகந்தை ஆகிய குணங்களால் பீடிக்கப்பட்டு, மதிமயக்கத்தால் தவறான அபிப்ராயங்களைப் பிடிவாதமாய்ப் பிடித்துக்கொண்டு, நிலையற்ற பொருட்களுக்காக, தூய்மையற்ற நோக்கத்துடன் செயல்படுகிறார்கள்.

சிந்தாம் - கவலைகளை; அபரிமேயாம் - எண்ணற்ற; ச - மேலும்; ப்ரலயான்தாம் - மரணகாலம்வரை தொடர்கின்ற; உபாச்'ரிதா:

16.11,12 நிறைவேறாத எதிர்பார்ப்புகளுடன் சாகும்வரை வருந்திக்கொண்டும், புலனின்பங்களையே உயர்ந்த இலக்காகக் கருதி, அவற்றைப் பூர்த்திசெய்வதைத்தவிர வேறொரு குறிக்கோளே இல்லையென்று தீர்மானித்துக்கொண்டும், நூற்றுக்கணக்கான ஆசைக் கயிறுகளால் பிணைக்கப்பட்டும், ஆசை மற்றும் சினத்திற்கு ஆட்பட்டும் இருப்பவர்கள், புலன் இன்பங்களை நிறைவேற்றிக் கொள்வதற்காக நீதிக்குப் புறம்பாகச் செல்வத்தையடைய முயலுகின்றனர்.

இதம் - இது; அத்ய - இன்று; மயா - என்னால்; லப்தம் - அடையப்பட்டது; இமம் - இந்த; ப்ராப்ஸ்யே - பூர்த்திசெய்துகொள்வேன்; மநோரதம்

16.13 இன்று இது என்னால் பெறப்பட்டது. நான் இந்த ஆசையைப் பூர்த்திசெய்வேன். எனக்கு இவ்வளவு செல்வம் இருக்கிறது. எதிர்காலத்தில் இன்னும் அதிக செல்வம் அடைவேன் என்று அவர்கள் நினைக்கிறார்கள்.

அஸௌ - இந்த; மயா - என்னால்; ஹத: - கொல்லப்பட்டான்; ச'த்ரு: - பகைவன்; ஹநிஷ்யே - கொல்வேன்; ச - மேலும்; அபராந் அபி - மற்றவர்களையும்; ஈச்வர: - ஈசுவரன்; அஹம் - நான்; போகீ

16.14 அந்த எதிரி என்னால் கொல்லப்பட்டான், நான் மற்றவர்களையும் கொல்வேன். நானே கடவுள். நான்தான் அனுபவிப்பவன். நான் வெற்றியாளன், சக்திமிக்கவன், சந்தோஷமாயிருக்கிறேன் என்று நினைக்கிறார்கள்.

ஆட்ய - செல்வந்தன்; அபிஜநவாந் - பெரியகுடும்பத்தை உடையவன்; அஸ்மி - இருக்கிறேன்; க: - எவன்; அந்ய: - எவன்; அஸ்தி - இருக்கிறான்; ஸத்ரு'ச': - நிகரானவன்; மயா - எனக்கு; யக்ஷ்யேயாகம் செய்யப் போகிறேன்; தாஸ்யாமி - தானம் அளிக்கப்போகிறேன்; மோதிஷ்யே - இன்பத்தில் திளைக்கப் போகிறேன்; இதி - இவ்விதம்; அஜ்ஞானவிமோஹிதா: - அஞ்ஞானத்தினால் மயக்கமுற்று.

அநேகசித்தவிப்ராந்தா - பலவிதமாகத் திரிகின்ற மனமுடையவர்களாக; மோஹ ஜால ஸமாவ்ரு'தா:- மோஹ வலையில் சிக்கியவர்களாக; ப்ரஸக்தா: - ஈடுபட்டவர்களாக; காமபோகேஷு - விஷய சுகங்களில்; பதந்தி - வீழ்கிறார்கள்; நரகே - நரகத்தில்; அசு'சௌ - தூய்மையற்ற.

16.15,16 நான் செல்வந்தன், நல்ல உயர் குடும்பத்தில் பிறந்தவன். எனக்குச் சமமானவர் யார்? நான் யாகங்கள் செய்வேன், தர்மம் செய்வேன், மகிழ்ச்சியாக இருப்பேன் என்ற இவ்வாறான அறியாமையினால் தடுமாற்றமடைந்தவர்களாய், பல எதிர்பார்ப்புகளால் குழப்பமடைந்து, மாயை எனும் வலையில் பிடிபட்டு, புலனின்பங்களில் ஆழமாக சிக்கி, நரகத்தில் வீழ்கின்றனர்.

ஆத்மஸம்பாவிதா: - தன்னைத்தானே உயர்ந்தவனாக நினைத்துக் கொள்வர்கள்; ஸ்தப்தா: - கர்வமுடையவர்கள்; தந மாந மத அந்விதா:

16.17 தற்பெருமையுடையார், பணிவிலார், செல்வத்தினால் மதி மயங்கியோர், தவறான அஹங்காரம் கொண்டோர்- இவர்கள் மேலோட்டமாக பெயருக்காக யாகங்களைச் செய்கிறார்கள். அவர்கள் வேத விதிமுறைகளைப் பின்பற்றுவதில்லை.

அஹங்காரம் - அஹங்காரம்; பலம் - உடல் வலிமை; தர்பம் - கர்வம்; காமம் - ஆசை; க்ரோதம் ச - கோபம் முதலியவற்றை; ஸம்ச'ரிதா - கைக்கொண்டு; மாம் - என்னை; ஆத்மபரதேஹேஷு - தன் உடலிலும் பிற உடல்களிலும் உள்ள; ப்ரத்விஷந்த: - வெறுப்பவர்களாக; அப்யஸுயெகா: - பிறரை இகழ்கின்றவர்களாக.

16.18 அசுரத் தன்மையுள்ள மனிதர், அஹங்காரம், அதிகாரம், தற்பெருமை, காமம், மற்றும் கோபத்தினால் ஆட்கொள்ளப்பட்டு, தன் தேகத்திலும், பிறர் தேகத்திலுமுள்ள மேலான தெய்வத்தின் மேல் பொறாமை கொண்டு, தெய்வத்தை நிந்தனை செய்கிறார்.

தாந் - அவர்களை; அஹம் - நான்; த்விஷத: - வெறுப்பவர்கள்; க்ரூராந்

16.19 கடவுளிடம் பொறாமை கொண்டவர்களையும், கருணையில்லாதவர்களையும், கீழான குணத்தவர்களையும் நான் இந்தப் பொருள்சார் உலகில் மீண்டும் மீண்டும் அசுரத் தன்மையுள்ள பிறவிகளாகப் பிறப்பெடுக்க வைக்கிறேன்.

ஆஸுரீம் - அசுர இயல்புள்ள; யோநிம் - பிறவியை; ஆபந்நா:

16.20. குந்தி மைந்தா! இந்த மூடர்கள், மீண்டும் மீண்டும் அசுரர்களுக்கு இடையில் பிறப்பெடுப்பார்கள். என்னை அடையாமல், அவர்கள் மிகவும் வெறுக்கத்தக்க வாழ்க்கையில் மூழ்குகிறார்கள்.

த்ரிவிதம் - மூன்று வகையான; நரகஸ்ய - நரகத்தின்; இதம் - இந்த; த்வாரம் - நுழைவாயில்; நாச'நம்- இழிந்த நிலையில் தள்ளக்கூடியது; ஆத்மந: - ஆத்மாவை; காம: - காமம்; க்ரோத: - கோபம்; ததா - அவ்வாறே; லோப⁴: - பேராசை; தஸ்மாத் - ஆகவே; ஏதத் த்ரயம் - இம்மூன்றையும்; த்யேஜத் - விட்டு விட வேண்டும்.

16.21 காமம், கோபம் மற்றும் பேராசை இம்மூன்றும் நரகத்திற்கு அழைத்துச்செல்லும் வாயில்கள். அவை ஜீவனைத் தாழ்ந்த நிலையில் ஆழ்த்திவிடும் தன்மையுடையனவாதலால், இந்த மூன்றையும் கைவிட வேண்டும்.

ஏதை: - இந்த; விமுக்த: - விடுபட்ட; கௌந்தேய - குந்தி மைந்தா; தமோத்வாரை: - நரக வாயில்களிலிருந்தும்; த்ரிபி⁴: - மூன்று; நர: - மனிதன்; ஆசரதி - புரிகின்றான்; ஆத்மந: - தன்னுடைய; ச்'ரேய: - மேன்மைக்குரிய; தத: - அதன் மூலமாக; யாதி - அடைகிறான்; பராம் கதிம் - பெரும் பேற்றை.

16.22 குந்தியின் மைந்தனே, இந்த மூன்று நரக வாசல்களிலிருந்து தப்பியவன், தன் ஜீவனுக்கு பலன் தரும் விதத்தில் நடந்து, மிக உயர்ந்த நிலையையடைகிறான்.

ய: - எவன்; சா'ஸ்த்ரவிதி⁴ம் - சாஸ்திரமுறையை; உத்ஸ்ரு'ஜ்ய - துறந்து; வர்ததே - நடந்துகொள்கிறானோ; காமகாரத: - தன் மனம் போனபடி; ந - இல்லை; ஸ: - அவன்; ஸித்திம் - வெற்றியை; ந அவாப்நோதி

16.23 ஆனால், யாரொருவன் வேதசாரங்களை உள்வாங்க மறுத்து, தன்னுடைய இயல்பான உணர்ச்சிகளுக்கேற்றவாறு செயல்படுகிறானோ, அவன் பூர்ணத்துவத்தையும் ஆனந்தத்தையும் உயர்ந்த நிலையையும் அடைவதில்லை.

தஸ்மாத் - ஆகவே; சா'ஸ்த்ரம் - சாஸ்திரம்தான்; ப்ரமாணம் - சான்றாகும்; தே - உன்னுடைய; கார்ய அகார்ய வ்யவஸ்திதௌ - செய்யத்தக்கது, செய்யத்தகாதது என்று நிர்ணயிப்பதில்; ஜ்ஞாத்வா

16.24 ஒருவர், வேதங்களின் விதிமுறைப்படி எது கடமை, கடமையில்லை என்பதைப் புரிந்துகொள்ள வேண்டும். வேதங்களின் கட்டளைகளை நன்றாக உள்வாங்கிய பிறகு, அதன்படி செயல்புரிய வேண்டும்.

ஓம் தத் ஸத், ஸ்ரீமத் பகவத்கீதை என்னும் உபநிஷத்தில் அமைத்துள்ள கிருஷ்ணருக்கும் அர்ஜுனனுக்கும் நடந்த உரையாடல் வடிவிலான மேலான பிரஹ்மத்தைப் பற்றிய அறிவைப் புகட்டுவதும் யோக விஞ்ஞானமுமாகிய 'தெய்வாஸுர ஸம்பத் விபாக யோகம்' எனப் பெயர் படைத்த பதினாறாவது அத்தியாயம்.

பாண்டவர் சேனை: -

ஸஹதேவன் : ஜோதிடக் கலையில் வல்லவர்.

கௌரவர் சேனை: -

ஸஞ்ஜயன் : அமைச்சர், திருதராஷ்டிரருக்கு குருக்ஷேத்ர போர் நிகழ்வுகளைச் சொன்னவர்

பீஷ்மர் : கௌரவர் மற்றும் பாண்டவர்களுக்குப் பாட்டனார், சிறந்த போர்வீரர்

த்ரோணர் : கௌரவர் மற்றும் பாண்டவர்களுக்கு ஆச்சாரியார், சிறந்த வில்வீரர். இவரின் சிறந்த சீடர் அர்ஜுனன்.

விகர்ணன் : கௌரவ சகோதரர்களில் மூன்றாமவர்

கர்ணன் : பாண்டவர்களின் மூத்த சகோதரர், குந்திக்கு திருமணத்திற்கு முன்பே பிறந்தவர். துரியோதனின் நண்பர், கொடை வள்ளல்

அச்’வத்தாமன் : துரோணரின் மகன், வலுaccessகுறைந்த குதிகாலை உடையவர், எப்போதும் உண்மையையே பேச வேண்டும் என்று விரும்புவர்

ச’ல்லியன் : அண்டை நாட்டு அரசர், நகுல சகாதேவர்களின் தாய் மாமா. (நகுல சகாதேவர்களின் தாய் மாத்ரியின் சகோதரர்.)

ஸௌமாதத்தி : பகிகர்களின் அரசர்

துச்’சா’தனன் : கௌரவ சகோதரர்களில் இரண்டாமவர், திரௌபதியைத் துகிலுரித்தவர்

துரியோதனன் : கௌரவ சகோதரர்களில் மூத்தவர், கதாயுத சண்டையில் வல்லவர்.

கிருஷ்ணருடைய பெயர்களும் அதற்குரிய பொருளும்:

அச்யுதன் : தம்முடைய நிலையில் உறுதியாக இருப்பவர்

அரிஸூதனன் : பகைவர்களை அழிப்பவர்

க்ரு'ஷ்ணன் : கருப்பு நிறமுடையவர், மன அழுக்குகளை நீக்குபவர், ப்ரஹ்மா, விஷ்ணு, சிவன் என்ற மூன்று கடவுள்களின் சொரூபமானவர், பிரஹ்ம சொரூபமானவர், பக்தர்களின் துக்கங்களைப் போக்குபவர்

கேசி' நிஷூதனன்: கேசின் என்ற அரக்கனைக் கொன்றவர்

கோவிந்தன் : எல்லா உயிர்களைப் பற்றியும் அறிந்திருப்பவர்

_ப_கவான் : ஆறுவித குணங்களை உடையவர். அவை

புருஷோத்தமன் : மேலான புருஷன்

ம_து_ஸூதனன் : மது என்ற அரக்கனை அழித்தவர்

மாதவன் : லக்ஷ்மிக்குத் தலைவர்

யாதவன் : ‘யது’ குலத்தில், யாதவ குலத்தில் பிறந்தவர்

யோகேச'வரன் : யோகத்திற்குத் தலைவர்

வாஸுதேவன் : வசுதேவருடைய மகன், எல்லா உயிர்களிடத்திலும் வாசம் செய்பவர்

வார்ஷ்ணேயன் : விருஷ்ணி குலத்தில் பிறந்தவர் விஷ்ணு : எங்கும் வியாபகமாய் நிறைந்து இருப்பவர்

ஜகந்நிவாஸன் : ஜகத்திற்கு இருப்பிடமாகயிருப்பவர்

ஜநார்தன் : ஜனங்களால் (மக்களால்) போற்றப்படுபவர்

ஹ்ரு'ஷீகேச'ன் : இந்திரியங்களுக்குத் தலைவர்

அனகன் : பாபம் அற்றவர்

அர்ஜுனன் : நல்ல, தூய்மையான தன்மை உடையவர்

கபித்வஜன் : கொடியில் குரங்குச் சின்னத்தை உடையவர்

கிரீடி : கிரீடம் தரித்தவர்

குடாகேஸன் : தூக்கத்தை வென்றவர்

குருநந்தனன் : 'குரு' வம்சத்தில் பிறந்தவர்

கௌந்தேயன் : குந்தியின் மகன்

பரந்தபன் : எதிரிகளை வாட்டுபவர்

பாண்டவன் : பாண்டுவுக்கு மகன்

பார்தன் : பிருதையின் (ப்ரீத்தாவின்) மகன்

பாரதன் : பரத குலத்தில் பிறந்தவர்

ஸவ்யஸாசின் : இடது கையால் அம்பு எய்பவர்