సంతోషం ఒక ఎంపిక

(పశ్న): స్వామీజీ ! బాధ ఏమిటి? మన జీవితాలలో బాధ అత్యావశ్యకమా? మనోహర బౌద్ధ సూత్రం ఒకటి ఉంది : బాధలేదు, కారణంలేదు, అంతం లేదు. ఖచ్చితంగా బాధ ఏమిటి? మన జీవితంలో ఏదో ఒక సమయంలో దాదాపు మనమందరమూ బాధపడిన వాళ్ళమే. బాధ పడటాన్ని మీరెందుకు ఎంచుకున్నారు? మీరు బాధపడటం అవసరమా? ఇప్పడు మిమ్మల్ని అడుగుతున్నాననుకోండి.

మీరు నిశ్చయంగా అసందర్బ ప్రశ్న అనుకుంటారు!

స్వామీజీ! ఎవరైనా బాధపడటాన్ని ఎంచుకుంటారా? అని మీరు నన్ను అడుగుతారు. బాధ నాకు కలిగింది, అంతే. అది తప్పనిసరి.

వాస్తవమేమిటంటే, బాధ ఒక ఎంపిక!

బాధ జీవిత స్థితికాదు - అది మానసిక స్థితి. అది ఆంతరంగిక సంఘటన. బహిరంగ సంఘటన కాదు! ప్రత్యేక పరిస్థితిలో మీరు బాధపడుతున్నారా లేదా అనేది పూర్తిగా మీరు ఆ పరిస్థితిని ఎలా నిర్వహించటాన్ని ఎంచుకుంటారన్న దానిపై ఆధారపడి ఉంటుంది. నేను మీకు మీ బాధ అవాస్తవమని చెప్పితే అది అబద్దమవుతుంది. ఎందుకంటే మీకు మీ బాధ తప్పని సరిది! మీ అంతట మీరు బాధపడకుండా ఉండటానికి ఐచ్చికాన్ని ఇవ్వలేదు! మీకు ఎంపిక అవకశామున్న విషయం కూడా మీకు తెలియదు.

కాని ఇప్పడు, ఈ ప్రశ్నకు సచేతనంగా పరిశీలించండి. మీరు ఎప్పడు బాధకు లోనయ్యారు? మీకు ఎప్పుడు జబ్బు చేసింది? మీ పక్కింటివారు కారు కొన్నప్పడా?

మీ భాగస్వామి మిమ్మల్ని విడిచిపెట్టి వేరొకరికోసం వెళ్ళిపోయినప్పగడా?

మంచిది - కోపం లేదా రోషం లేకుండా ఈ పరిస్థితులను అంగీకరించటానికి మీరు నిర్ణయించుకున్నారని ఊహించుకోండి. మీరు ఇంకా అంత బాధ పడతారా? ఏది ఏమయినా, మీ పక్కింటి వారు కొత్త కారు కొనుక్కోవటాన్ని గురించి సహజంగా బాధపడవలసింది ఏమీ లేదు! ప్రేయసి లేదా ప్రియుడు విడిచి వెళ్ళినప్పుడు ఆ క్షణంలో బాధ ఉన్నప్పటికి మీరు ఆ విధంగా జరగకుండా ఆపలేరు. ఆ క్షణాన్ని అంగీకరించటం ద్వారా దాన్ని నిరోధించటానికి బదులుగా, మీరు యాంత్రికంగా మీ బాధ స్థాయిని తగ్గించుకోగలరు.