சக்தி ஸ்தம்பம்🔗

இது ஒரு புராதனமான, ஆற்றல் மிகுந்த தியானம்.

இஸ்லாமியத்தின் ஒரு பிரிவான சூஃபிபிசத்திலிருந்து பெறப்பட்ட தியானம்.

மிக மிக எளிமையான தியானம்.

நீங்கள் வட்டமாகச் சுழல்வதே இந்தத் தியானம்.

நீங்கள் குழந்தைப் பருவத்தில் செய்யவில்லையா, அதுபோலத்தான், சுழன்று வட்டமாக ஆடுவது.

வட்டம் சுற்றல் - ஆற்றல் மிகுந்த, மையப்படுத்தும் தியானமுறை.

இந்த உத்தியின் அழகு என்னவென்றால், நீங்கள் சுழன்றாட சுழன்றாட - சுழலும் ஒரு சக்கரத்தின் மையக்கால் அ ச யா ம ல் இருப்பதுபோல, உங்கள் உள் இருப்பு, சரியான இடத்தில் அசையாமல் மையம் கொண்டிருக்கும். -

இந்தத் தியானம் தொடங்ஙம்போது வயிறு காலியாக இருக்க வேண்டும். சாப்பிட்டுக் குறைந்தது மூன்று மணி நேரமாவது ஆகியிருக்க வேண்டும். இந்தத் தியானம் இரண்டு நிலைகளைக் கொண்டது. சுழன்றாடுதல் மற்றும் ஓய்வுநிலை.

கடிகாரச் சுழற்சிக்கு எதிர்வசமாகவே இதைச் செய்வது வழக்கம். வலக்கையை மேலுயர்த்தி, உள்ளங்கை மேல் பார்த்து இருக்கும்படியும், இடக்கையைத் தொங்கவிட்டு, உள்ளங் கை, தரையைப் பார்த்து இருக்கும் படியும் வைத்துக் கொள்ள வேண்டும்.

கடிகாரச் சுழற்சிக்கு எதிரிவசமாகச் (இடப்பக்கமாக) சுழல்வது சிரமமாக இருந்தால் வலப்பக்கமாக வைத்துக் கொள்ளலாம்.

எவ்வளவு மணி நேரம் சௌகரியமாக உணருகிறீர்களோ! அவ்வளவு மணி நேரம் சுழன்றாடப் பழகலாம்.

'சக்திச் சுழலை' அனுபவப்பூர்வமாக உணர, குறைந்தபட்சம் ஒரு மணி நேரமாவது சுழல வேண்டும்.

மெதுவாகச் சுழல ஆரம்பிக்கவும்.

உங்கள் உடல் மென்மையாக, எதிர்ப்புணர்வு இல்லாது போகும்வரை சுழலவும்.

சுழன்றாடும்போது. காணும் காட்சிகள் மங்கலாகத் தெளிவற்றுப் போய் விடும். அவை வேகமாய்க் கடந்து செல்லட்டும்.

எதன் மீதும் பார்வை குவியக் கூடாது. அவ்வாறு குவிந்தால், தலை சுற்றும், குமட்டல் வரும்.

ஆரம்பத்தில் 15 நிமிடங்கள் மிக மெதுவாகச் செய்யவும்.

பிறகு, அடுத்த 30 நிமிடங்களில் வேகத்தைக் கூட்டவும்.

சுமார் 45 நிமிடங்களுக்குப் பிறகு, அந்தச் சுழற்சி முற்றிலுமாக உங்களை ஆட்கொண்டு விட்டதாக உணர்வீர்கள்.

செயலும், இயக்கமும் வட்டத்தின் வெளி விளிம்பில் நிகழ, மையம் ஒருவகை அசையாத தன்மையைப் பெற்று விடும்.

பிறகு நீங்கள் அந்தச் சுழற்சியின் பங்கேற்பவராக அல்லாமல், அதன் பார்வையாளராக மாறி விடுவீர்கள்.

சுழன்றாடுதலில், விரைவாகச் செயல்படுவதால், ஓய்வு நேரத்தில் நிமிர்ந்து நிற்க இயலாது.

உங்கள் உடல் கீழே சரிந்து விழும். விழுதலைத் திட்டமிட வேண்டாம். உங்கள் உடல் மெத்தென்றும், நெகிழ்வாகவும் ஆகிவிடுவதால், உடல் சரிவதால் உங்களுக்குக் காயம் எதுவும் படாது. கீழே விழுந்தவுடன், குப்புறப் படுத்துக்கொள்ளுங்கள். அப்போதுதான் உங்கள் இடுப்பு பூமியைத் தொட முடியும்.

உங்கள் உடல் பூமியோடு ஒன்றிவிட்டதாக உணருங்கள்.

கண்களை மூடிக் கொள்ளவும், தளர்ந்தபடி, மௌனமாக அப்படியே, குறைந்தபட்சம் 15 நிமிடம் படுத்துக் கிடக்கவும்.

இந்தத் தியானம் முடிந்த பிறகு, மௌனமாக தியான நிலையில் சில மணி நேரம் இருக்கவும்.

இந்தத் தியானத்தின் போது, சிலருக்குக் குமட்டல் உணர்வு ஏற்படலாம்.

சில நாட்களில் அது மறைந்துபோகும்.

அந்த உணர்வு தொடர்ந்து வந்தால், இந்தத் தியானத்தைத் தொடராமல் விட்டுவிடவும்.