పుష్పాంజలిః :🔗

ఓం గురుర్ బ్రహ్మ గురుర్విష్ణుః గురుర్దేవో మహేశ్వరః ।
గురుస్సాక్షాత్ పరంబ్రహ్మ తస్మై శ్రీగురవే నమః ॥

అఖండ మండలాకారం వ్యాప్తం యేన చరాచరమ్ ।
తత్పదం దర్శితం యేన, తస్మై, శ్రీగురవే నమః ॥

అజ్ఞాన తిమిరాంధస్య జ్ఞానాంజన శలాకయా ।
చక్షురున్మీలితం యేన, తస్మై శ్రీగురవే నమః ॥

అనేక జన్మ సంప్రాప్త కర్మబంధ విదాహినే ।

ఆత్మజ్ఞాన ప్రదానేన తస్మై శ్రీ గురవేనమః ॥

మన్నాథః శ్రీ జగన్నాథః మద్గురుః శ్రీ జగద్గురుః ।
మమాత్మా సర్వ భూతాత్మా తస్మై శ్రీగురువేనమః ॥