మానస పూజా :🔗

ఓం హృత్ పద్మం ఆసనం దద్యాత్ । సహస్రారచ్యుతాంమృతైః ।
పాద్యం చరణయోర్ దద్యాత్ । మనస్తు అర్ఘ్యం నివేదయేత్ ॥

తేన అమృతేన ఆచమనీయం । స్నానీయం తేన చ స్మృతం ।
ఆకాశతత్త్వం వస్త్రంస్యాత్ । గంధఃస్యాత్ గంధతత్త్వకం ॥

చిత్తం ప్రకల్పయేత్ పుష్పం । ధూపం ప్రాణాన్ ప్రకల్పయేత్ ।
తేజస్తత్త్వం చ దీపార్థం । నైవేద్యం స్యాత్ సుధాంబుధిః ॥

అనాహత ధ్వనిర్ ఘంటా । వాయుతత్త్వం చ చామరం ।
సహస్రారం భవే చ్ఛత్రం । శబ్దతత్త్వం చ గీతకం ॥

నృత్య మింద్రియ కర్మాణి । చాంచల్యం మనసస్తథా ।
సుమేఖలాం పద్మమాలాం । పుష్పం నానావిధం తతః ॥

అమాయాద్యైర్ భావపుష్పైః । అర్చయేత్ భావగోచరం ।
అమాయం అనహంకారం । అరాగం అమదం తథా ॥

అమోహకం అదంపం చ । అద్వేష అక్షోభకౌ తథా ।
అమాత్సర్యం అలోభం చ । దశపుష్పం విదుర్బుధాః ॥

అహింసా పరమం పుష్పం । పుష్పం ఇంద్రియ నిగ్రహః ।
దయాంపుష్పం క్షమాపుష్పం । జ్ఞానపుష్పం చ పంచమమ్ ॥
ఇతి పంచదశైర్ భావ పుష్పైః । సంపూజయేత్ సద్గురుమ్ ॥