நெருக்கம்🔗

நித்யானந்த தியானபீடம்

Ebook ISBN: 979-8-88572-346-6

விலை ரூ.15/-

நித்யானந்த தியானபீடம்

இந்த புத்தகம் நித்யானந்த வேத அறிவியல் பல்கலைகழகத்தின் வெளியீடாகும் ( நித்யானந்த வேத அறிவியல் பல்கலைகழகம், ப்ளோரிடா, USA )

நித்யானந்த தியானபீடம்

நித்யானந்தபுரி, கல்லுகோபஹல்- , மைசூர் மெயின்ரோடு, பிடதி - 562 109. பெங்களூர், கர்நாடகா போன் : 080-27202085, 080-65591844

முன்னுரை

இவ்வுலகில் மது, மாது, லாஹிரி வஸ்துகள் இல்லாமல் வாழ்ந்தால்... சொர்க்கத்தில் சோமபானம், ரம்பை, மேனகையோடு, கற்பதரு மரத்தடியில் இருந்து நினைத்தபடியெல்லாம் ஆடிப்பாடி வாழலாம் என கற்பனை செய்யாதீர்கள். அது நடக்காது.

அறையில் ஆடமுடியாதவனால் எப்படி வீதியில் ஆட முடியும்?

இவ்வுலகைக் கொண்டாடுவதற்கே பக்குவமும், புத்திசாலித் தனமும் பற்றாக்குறையாக இருக்கும்போது; மறுவுலகைக் கொண்டாட மட்டும் எங்கிருந்து பக்குவம், புத்திசாலித்தனமும் வந்து சேரும்?

முதலில் சொர்க்கத்தை இவ்வுலகில் காண வழி செய்யப்பட வேண்டும்.

இவ்வுலகில் சொர்க்கத்தைக் காண உள்ளுலகம் ஒன்று தான் வழி. உள்ளுலகப் பயணிக்கத் தெரிந்து கொண்டு விட்டால் மறுஉலகின் கதவு தானாய் திறந்து கொள்ளும்.

படியுங்கள், இடைவெளிகள் குறையட்டும். நெருக்கம் அதிகரிக்கட்டும்.

ஏனென்றால், ஆழ்மனதில் நாமும் சந்தோஷமாயிருக்க விரும்புகிறோம்.

ஆனால், மற்றவர்களின் சுதந்திரத்தைப் பறிக்கிறோம்.

ஏனென்றால், ஆழ்மனதில் நாம் சுதந்திரமடைவதில் நமக்கே விருப்பம் இல்லை. இதுதான் பயமாக வெளிப்படுகிறது.

ஏதோ ஒரு வகையில் நெருங்கியவரை கட்டுப்படுத்தும், அல்லது கட்டுக்குள் வைத்திருக்கும் வகையில் ஒருவரைச் செயல்பட இது தூண்டுகிறது.

"ரொம்ப இடம் கொடுக்கக் கூடாது",

"எப்போதும் நம் கட்டுப்பாட்டுக்குள் தான் மற்றவரை வைத்திருக்க வேண்டும்".

"ஆடவிடாதே!..."

"என் சொல் பேச்சு மீறக்கூடாது..."

உள்சுதந்திரத்தில் நாட்டமில்லாதவருக்குள் மட்டுமே இதுபோன்ற எண்ணங்கள் முளைக்கும்.

உங்களின் உறவுதானே!

விட்டுக்கொடுத்தால் தவறில்லையே!? கொஞ்சம் ஆடினால் என்ன... உங்களுக்கு பதில் அவர் ஆடட்டுமே.

யாராவது ஒருவராவது சுதந்திரமாயிருக்கட்டுமே. இது தப்பு வழியல்ல. தப்புவிக்கும் வழி.

நெருங்கியவரிடம் நீங்கள் திருப்தியை உணர முதல் காரியமாக அவர்களின் சுதந்திரத்தை ஊக்குவியுங்கள்.